تجمع الحوامل اللواتي يلدن بشهر آب ( اغسطس8) 2009

نسيت أقول لكم
الشهر عليكم مبارك
وكل عام وأنتم بخييير
رمضان كريم

اهلين ام مؤمن كيفك وكيف الوقت ضيق مع وجود البيبي الله يكون بعونك
كيف ما رجع الحليب ولا بوادر لوجوده ولا قليل
لانو الجرجير طيب للمرضع و مفيد جدا انا فاد معي وكنت ما اكله عشان كمية الحليب تتضاعف عندي و بنتي ماترضع تمام وترتفع حرارتي

فعلا احس انه لازم نتواصل في التجمع هذا او نفتح تجمع جديد لامهات اغسطس على قول وحدة من الكروشات

ام منايرررررررر
انتي هنيا ياخيه و الله من يومين ماشفت لك رد ويوم دخلت ولقيت اسمك توقعتك تبشرين بولادتك ادري متحطمة وما ابي ازيدك لاني انا كمان زهقت ربي يهون وييسر

سحاااااااااااااااااااااااااابة
وينها ياناس عسى المانع خير يار

ريما ريما صديقتي وينتس يابعدي لاتكونين سويتيها وخليتيني ...ترى اصيح
اخباري احس البيبي بيطلع من فوق السرة شد مو طبيعي كانه حرق نار داخلي ما ادري شو فيه
والحمد لله الالام راحت بس نزل من انفي دم اليوم مستغربة واجد عسى ما يكون الضغط لاني اخذ ابر الحديد و الضغط يتغير بعد كل ابره و اليوم اخر ابرة فيتامين ب وباقى الاثنين اخر ابرة حديد و الحمد للهسرت كلي بقع

ام مى;10123202:
انا قررت لى الدكتورة تعطينى طلق صناعى يوم الاثنين الجاى 17|8يعنى بعد 3 ايام تقولى ما يصير تتمين للاسبوع الاربعين وانتى فيج سكر انا الحين 39 اسبوع شرايكم اخذ الطلق ولا لا ومن تعرف مضاعفاته

حبوبه نصيحه مني لاتسوين طلق صناعي خلي كل شي في وقته .. انا تعذبت وايد يوم سوولي طلق صناعي في ميد كير قالولي لازم اربي بسرعه عسب حجم البيبي ولا بيسوولي قيصيريه وخوفي الزايد خلاني اسمع رمستهم وحطولي جل وحاله بس ربج الحمدلله ستر وطلعت من المستشفى لان في النهايه قالولي قيصري

من رايي لو نزل عندج الماي وما ياج الويع هني ينفع الطلق الصناعي بس اما جذيه قبل وقته بتتعبين وبتعبين البيبي

والسموحه على المداخله

مرحبا يا حوامل ويا مربيات

اشحالكم ... انا وايد متضايقه ونفسيا تعبانه اني ما اقدر اشبع بنتي ما خليت شي ما جربته .. مافي فايده ..

امس كنت بعطيها الصناعي ........ وسويتلها فالمرضعه بس قلبي ما طاوعني عقيته برع ...

المشكله انها تمص وانا احس يطلع اول شي بس بعدين انا احس ان صدري صار جاف واحس بالم من كثر المص .. لا ويوم تخلص استغرب انها ترجع شوي من الحليب ...؟؟؟

azab_1

حسنتها > يعني قرعتها > يعني شلت شعرها

السهر هذا حالنا والحين طالعتلي بطلعه جديده تباني اكلمها طووول الليل واذا شوي غفلت تصيح من اكلمها تسكت ... احيانا من التعب احس اني ابا اصرخ عليها بس امسك اعصابي واهدي عمري فالنهاية هذيل اطفال لا حول لهم ولا قوة مساكين ...

السلام عليكم

أنا خلالالالالالالالالالالاص تعبت أمس كان 3 يوم الألم مستمر وزادت علي قوة الألم وقعدت أحسب من العصر لين المغرب كان منتظم كل 8 دقايق وخلال ال3 أيام اللي طافت كان الألم يزيد ويقل الوقت بين كل ألم والثاني المهم إني صليت المغرب ورحت المستشفى تخيلوا قالتلي الدكتوره بس لما شافتني ماظن تولدين بس خلني أتأكد تخيلوا تحطمت قالتلي "يادوب 1 سم" وسوتلي تخطيط الطلق الممرضه تقولي بس هذا الألم وهي تضحك قعدت أصيح قهروني وفي نفس الوقت تخرعت وتوترت زياده ألحين ما أعرف صراحه متى المفروض أروح لهم الله يسهل علينا كلنا يارب

:ss: انا موجوده لساتني صامده

والالام كلها راحت لاحس ولاخبر والدم وقف :ss: والرحم موراضي يفتح اكثر

وانا خايفه مابروح المستشفى الا اذا جاني الطلق القوي ..

الله يسهل وموعدي ماباقي لي شي واخلص شهري كله :confused:

يامسهل ..

AU1986;10131634:
السلام عليكم

أنا خلالالالالالالالالالالاص تعبت أمس كان 3 يوم الألم مستمر وزادت علي قوة الألم وقعدت أحسب من العصر لين المغرب كان منتظم كل 8 دقايق وخلال ال3 أيام اللي طافت كان الألم يزيد ويقل الوقت بين كل ألم والثاني المهم إني صليت المغرب ورحت المستشفى تخيلوا قالتلي الدكتوره بس لما شافتني ماظن تولدين بس خلني أتأكد تخيلوا تحطمت قالتلي "يادوب 1 سم" وسوتلي تخطيط الطلق الممرضه تقولي بس هذا الألم وهي تضحك قعدت أصيح قهروني وفي نفس الوقت تخرعت وتوترت زياده ألحين ما أعرف صراحه متى المفروض أروح لهم الله يسهل علينا كلنا يارب

سبحان الله حالي من حالج قالولي 1 سم بس صدقيني يوم الله رايد بتيسر الامور .. ولاتحاتيمن ولا تشيلين هم

انا روحي ماعرف كيف بيكون الطلق وكيف ويع الولاده والله يستر بس

الله ييسر لكم ولي ويسهل علينا جميعا ونولد اليوم أو بكرة
الله يهونها علينا من جد تعب الله يجازي امهاتنا عنا كل خير

مراحب يا صامدات ههههههههههههه

انه بكرة موعد ولادتي وللحين لا راضي الالم ينتظم ولا شي اتجيني الالام بس وقتها مب منتظم بالمره

ام مناير الله اسهل عليج واتقومين بالسلامة ان شاء الله

ريما ان شاء الله ما نسمع الا قمتي بالسلامة ياربي الله اسهل عليج

سحابة وفيض الحب و AU1986 ان شاء الله هالاسبوع ولادة جماعيه وانسكر التجمع يارب الله اسهل علينا جميعا

سلاااااااااام كرووووشااااات
كيفكم,,,,,
أنا إلى الأن صامده لكن مع طلق كلماله يزيييد
والحمدلله وإن شاءالله مايجي الأربعاء إلا وأنا والده على خيير وماينتهي شهر أغسطس إلا وإنا مسكرين التجمع مابقى إلا أسبوع والله يسهل علينا ياااارب ويهون الطلق ويحسن الخلق ياااارب

:D الله يبشرك بالخير ياام مناير

ربي يفرج عليك وتقومين بالسلامه انتي والبيبي

وتجين تبشرينا بخبر ولادتك ..

ولاتنسينا من الدعاء :D

آآآآآآآآآآمييين ياسحاااابه
من بؤك لباب السما
وإياااااااااااااااااااااااااااااااااااااااااااااااكم ياتواسع شكلي أنا المعوشرة في هذا التجمع لحااااااالي خخخخخخ
الله ييسر الأمر ويرزقنا شوفة أجنتنا سالمييين ومعافين من غير زياده ولا نقصااااان

ام مناااير وسحابة وريما وau1986 وفيض الله يهونها عليكم

عزاب انا الحمد لله بصحة وعافية كان ولدي شوية يعاني من التهاب البول اكرمكم الله
بس الحمد لله الحين طاب ...
وبدا المشوار فية طفح في جسمي حساسية ومع الجو الحار احس اني بانفجر
بروح لدكتور متخصص بكرة وان شاء الله خير ياااارب

السلام عليكم

كروشات
ابشركم ولدت من 3 ايام - اليوم الثالث-
والحين انا في بيت اهلي
ان شاء الله بدخل بعدين واقولكم قصتي
قدر الله اني ولدت قبل الموعد بأسبوع
والحمدلله ربي رزقني بولد ويشبهني ^_^

انا برب طويييل

وحمة اخبارك يا الغلا طمنينا عنك وينك ولدتي ولا لسا قولي لنا عن غيبتك

مبرووووووووووك الف الف الف مبروووك وحمة الله يباركلك فية ويجعلة من البارين الصالحين

وحمة الحمد لله غ السلامة والف مبروك و يتربى بعزكم ان شاء الله

ام مناير
شربتي قرفة ولا لا ....مفعولها عجيب سبحان الله
سحابة
هانت ان شاء الله ....اذا بتحسين بالنعمة اللي احنا فيها روحي لتجمع من التجمعات اللي باقيلهم 3و4و5 شهور .........هههههههههه بس لاتكتبين شي عشان ما يشوفون توقيعك ويحسدونك..هههههههه نذلة شريرة
ريما
ان شاء الله نقرأ خبر ولادتك اليوم والله يصبرك ع الالم
uae
الله يهون عليك بس 1 سم ترى انجاز كثري من الحليب بالقرفة
اخباري اليوم الم بس مو منتظم وهالكة نفس امشي ابي اولد باي طريقة زهقت
وظهري يعورني بس الظاهر من كثرة النوم لي 12 ساعة نايمة استعداد للازعاج