تجمع الحوامل اللواتي يلدن بشهر آب ( اغسطس8) 2009

الف مبروووووووووك بلبوله والف الحمدلله على سلامتك وسلامة البيبي

اخر اخباري

احس بطني تشتد كل ما امشي ونزلت اكثر لتحت .. امشي نص ساعه

كل 3 ساعات مع التمارين اللي قلتو لي عليها :D
بالاضافه الى الزنجبيل مع العسل اللي قالت لي عليه الدكتوره
والاناناس ..
واشتريت الخروع وناويه ان شاء الله اول ما ينفتح الرحم كمن سنتي
اشرب لي ملعقه مع عصير والله كريم .

بس تدرون اعصابي مرررره مشدوده اصغر شي يعصبني :eek: مدري ليه ؟؟

الله يسهل علينا ويسهل على الباقيين

وحشتوووووني والله كثير حبيباااتي والله اشتقتلكم

الف مبروووك بلوبلة .والحمد لله على السلامة

بناااات اشربو حليب مع زعفراان وزنجبيل اخضر دا سبب ولادتي
ماعندي نت بس بارجع ادا لقيت فرصة احكي قصة ولادتي

ودعواااتي لكم بتساااهيل يااارب دا اخر اسبوع وتولدون كلكم بسلامة

إلى الآلآلآلآلآلآن صموووووود مافي أي بوادر ولا آآآآآلااآآآآآآم ولا أي شيء
أحس أني خلااااااص ماني قادرة أتحمل أي شي حتى النوم عندي متقطع بشكل عجييييب غريييب
اليوم كان عندي موعد في العسكري رحت وقالو لي نعطيك مهله إلى الأثنييين الجاي آآآآخر مهله
وبعطوني طلق صناعي الله لا يحدني عليه ولا أنتو يااااارب ..........
المعنويات كلمالها في نزووول مستمر بس بعد المهله اللي عطوني إياها حسيت بأمل ماأدري ليييش إن شاءالله فرج ربي قرب الله المستعاااان ,,,,,
هذي آخر أخباري ,,,أخباركم ياحلوين
أم نمير الله يجزاك ألف خير طيراااااااااان على هالزنجبيل والزعفران إن شاءالله يجيب لي نتيجه وأبشركم بولادة فوفو إن شاءالله ,,,,,,,

وعقبال مانفرح بنونواتنا في أحضاننا بسلامه يااااااااااااااارب

الله يرزقنا جميعا الولادة السهلة عاجلا غير اجل ويكونوا مواليدنا بأتم صحة وعافية
واليوم بجرب اشرب قرفة وادهن نفسي بجوزة الطيب مع زيت سمسم دافي
واروح اطوف بالحرم بالدور الثاني عشان المسافة تكون اطول وان شاء الله اذا رجت البيت استحم بموية دافيه
والله يكتب الي فيه الخير

الله يسهل عليكم ياارب


وتكون ولاادتكم سرريعه وسهله وغير متاخره ياااارب

والف مبروك لللي ولدووووووووووووا

ريما ما ادري انتو شو تسمونها احنا نقولهت حلاوة طحينية ومن مكوناتها السمسم او اطحينة

هلا حبوبات شخباركم
اكتب اليوم وانا دموعي اربع على اربع

بارحة رحت موعدي وكل شي تمام حمدلله
وخبرتها بالالم الظهر والجسم وكل شي وقالتي لي هانت يلا..قلت لها يلا ما باقي شي وانا حدي مستانسة وخبرتها عن الدوخة الي صارت تلازمني والالتهاب الي كل مرة يرجع لي ونقصان الوزن !!
سويت لي فحوصات واكتشفنا ان عندي نقص بالحديد والفيتامين ( طبعا هاي مستمر معاي من بداية الحمل) وغير هاي طلع لي نقص في هيموجلوبين
وحطتني على جهاز الطلق طلع ماعندي طلق كلش الا مرة وحدة طلع فيه طلق خفيف جدا
وبعدها عملتلي الفحص الداخلي ولقت مفتوحة 1 سم

فجلست معاي وانا بديت بالصياح مادري ليش وقالت لي اليوم بتدخلني مستشفى وبتابع حالتي لان الالتهاب يمكن ياثر بالبيبي اذا زاد وهاي غير نقص هيموجلبين مب زين علي لان طفل ياخذ حاجته من دمي
واذا شافت في طلق وتوسع وسوالفه خلاص معناه فرج
واذا لا بتعطيني طلق صناعي لان مب زين اطول المدة

تخيلواا جلست اصيح ماعرف ليش
سبحان الله كل مرة اقول باخذ طلق صناعي وبفتك ومادريت ان ابواب السماء تكون مفتوحة ويمكن دعاي يستجاب واعرفت ان لانسان لازم يفكر مئة مرة قبل ما يدعي او يقول شي
وجلست اصيح اقولها ما ابي ما ابي
قالت هاي افضل حل وانتي حرة

جالسة اكتب لكم واسوي اخر تشطيبات لشنتطتي وقلت يمكن ربي كاتب لي

ساعة 12 بيحطون لي الطلق مادري اذا بولد على طول اليوم ولا بستمر بالمعاناة
اسئلكم الدعاء بجد محتاجة كثير له
ان ربي يفرج علي ويرزقني ولادة سهلة وسريعة ويخليلي طفلي يارب

وهم مانسيتكم قبل ما اروح المستشفى واقول يارب يفرج عليكم وتولدون ولادة سهلة ومييسرة ياااااارب

الله يسهل عليج يارب

سونيا الله اسهل عليج واقومج بالسلامة ياربي

ام نمير ولكم باك ولا تنسينا طمنينا عن اخر اخبارج كل فترة

اخباري هالايام احس بالالام بس مب منتظمة ادعولي اولد هالاسبوع بقى لي خمسة ايام وخايفة اطوف الموعد

ام نمير حبيبتي والله احنا اتولهنا عليج اكثر ...

الحمدله على سلامتج ... وان شاء الله يتربى في عزكم

يالله عاد شدي حيلج واستعدي للسهر ....

نتريا قصه ولادتج ...............................( اونه انتي بعدج ما انتقلتي للقسم الثاني)

ههههههههههههههه
قصدي قسم التربية والطفل خلاص دورنا خلص في هالقسم ...

الله يسهل عليكم ياارب


وتكون ولاادتكم سرريعه وسهله وغير متاخره ياااارب

والف مبروك لللي ولدووووووووووووا

السلام عليكم
أخباركم بنات الله يسهل على سونيا وعليك يافراشه وعلينا كلنا يارب
أنا أخباري: تعببببببببتتتتتتتتتتتتتت من الألم مثل ألم الدوره أول يوم تيجي ويجيني مغص يعور أحس جسمي تعبان مافي طاقه أخاف وقت الطلق اللي محتاج طاقة تروح عني الطاقة الباقيه الله يسهل علينا

سلام حبايبي
سونيا معاكي وان شاء الله يجيكي الفرج وتشوفي بنوتتك قدامك ياااااااااارب ياكريم
وماتحسي بشدة الطلق وان شاء الله تكوني قارية قران ومستمره ع الاستغفار
وربي يسهلها عليكي وعلينا ياااارب ..

اخر اخباري
اليوم انتقمت انتقام في المشي مشيت حوالي 4 ساعات متواصله :ss:
احاول اجهد نفسي قد مااقدر ومستمره ع الزنجبيل مع العسل
وع الريق الاناناس ..
بكره عندي موعد عند الدكتوره وان شاء الله خير .
والى الان مافي بوادر طلق لا كاذب ولا صادق :confused: ..
باقي لي سبعة ايام يا مسسسسسسسسسهل سهل علينا
يامخلص خلصنا في خير وعافيه ..

السلام عليكم يا بنات والله يسهل عليكم ان شاء الله
والله يا سحابة انتي دوووم على بالي وحبيت ابشرك اني ربيت من اسبوعين (تاريخ 30 يوليو) الحمدالله ويبت بنت الله ايخليها لي ان شاء الله وعقبالج يا رب ...يله شدي حيلج وسمعينا الاخبار الطيبة ..

بنوتات سونيا ولدت بالسلامه وجابت ولد

قريت الخبر من شات حوامل عمان وجيت ابشركم

الله يقومكم كلكم بالسلامه