تجمع الحوامل اللواتي يلدن بشهر آب ( اغسطس8) 2009

سحابه.
((هلا حوامل
كيفكم جميعا ؟؟؟
بجعه وعزاب الحمدلله على سلامتكم وسلامة البيبي
اهم شي الواحد يتطمن وانا اللي طافني موعدي :confused: وبعدني ما سويت واحد جديد
ان شاء الله الاسبوع الجاي اسوي موعد عشان الشهر الثامن
واشوف سالفة الانتفاخ ))

الحمدلله بخير يارب .. ان شاءالله بتطمني على البيبي بخير ..
حبيبتي الانتفاخ في كذا احتمال
او تتعبي ودايما رجولك نازله على الارض , أو انك بتاكلي اشياء فيها موالح
او لا سمح الله يقولو زولال حمل ..
بس انتي لازم تحاولي ترفعي رجولك قدر المستطاع انا احيان بيصيبني هيك
بس تكون نازله رجولي تحت برجع برفعهم على الكنبايه حتى يرجعو عادي ما فيهم انتفاخ .. الله يطمنك بخير .

جمعه مباركة ..
يقولكم اليوم جهزت شنطة المستشفى ..

بقولكم شو حطيت فيها :

للبيبي..

1 فستان مع البانتي

3 قماط

4 اوفارولات 3 بدلاغ و1 بدون دلاغ

2 سبوحات

4 فوانيل

1 فوطه كبيره

1 فوطة صغيره

بامبرز



ولي انا :

4 جلابيات كريب للولاده

3 شيل على الوان الجلابيات

1 شبشب

1 فوطه

4 ملابس داخليه للرضاعه

فوط صحية ( تتوقعون كودكس الس عليه قلب يؤدي الغرض )

شامبو ومعجون وفرشاة وصابون وشور جل

وعطر + دهن العود

قلوس وكحل اسود خفيف

واذا ناسية شي ذكرون

مشاء الله عليكم جهزتوا شنطة المستشفي انا بعدي ما جهزتها بس انشاء الله هالاسبوع بتكون جاهزه
اما عن اغراض البيبي خلصتهم كلهم باقي لي كبيت للبيبي ما شريته بعد اما الكرفايه سويتها تصميم خاص وحبيتها تكون الي تشيل البيبي لحد ما يصير عمره 3 سنوات واكثر واخترت لها دانتيل ناعم بما انه فيي بنوته
وانشاء الله بستلمها اول شهر اغسطس ..
اما عن استقبالي بالمستشفي سويت الكفر من وحده تصمم كفرات والحمدلله بخلص بعد يومين والكفر يتكون من اربع مخدات وكوشيات وجيس البيبي و6 مفارش للطاولات وابجورات ملبسه نفس الكفرات وخليتها تلبس لي صواني التقديم بعد و قميص نوم لوقت الاستقبال وبيكونون نفس الشكل اخترت يكون دانيل ولولو ناعم وانشاء الله بصوره وبحطه لكم ..
الله يكمل لنا حملنا لي تمامه ويرزقنا الطلقه السهله والولاده الاسهل يارب >>>اما عن الاسم اول شي كنت حابه اسمي علي امي بس الحين محتاره ما ادري ريلي يقول وده يتفنتق بالاسم وبخاطره جم اسم (ليان _ لين _ وانا قلت له روان حلو وامس بعد فكرة بأسم رايه لانه حلو وغريب ) وبخاطري حيل علي امي بي اخاف البنت تنظلم وسط كل هلاسامي الحلوه انتوا شرايكم بأسم منى

ما شاء الله عليج شكلج اول ولاده ..

اسم روان حلو بس شو معناته .....؟؟؟

ما ادري والله بس بسوي بحث عنه ايي بجعه اول ولاده وبتكون اول حفيده بالعايله وانا اول بنت تيب بيبي فبدلع نفسي J

الله يهونها عليكي وعلينا يارب

وتقومي بالسلامه اروع الشي اول حفيد بيتدلل كثيرررررررررر

تتربى بعزكم يارب

السلام عليكم كروشات

انا مستغربة من تجهيزاتكم للمستشفى مثل اللحاف و المفارش للطاولات
احنا عندنا بعد 24 ساعة من الولادة خروج يعني مو بحوسة فرش الغرفة وشيلها وسواء في مستشفى حكومي او خاص ما تفرق 24 يعني 24 الا اذا قدر الله وكان البيبي فيه شي

اخر تطوراتي قربت انتهي من اغراض بنوتاتي للعيد باقي اغراض بسيطة لرمضان وبما اني الحين في الرياض احاول استغل الفرصة وادور على اشياء غريبة للمولود وللبنات بس مو عارفة اول مرة اتسوق في الرياض متعودة على جدة
اما تجهيزاتي ستل بي يعني لسه مطولين جلابيات النفاس عند واحة الجربية مرة روعة بس اختي لقتهم في محل تخيلوا بكم
بخمسين ريال سعودي فقط لاغير انهبلت عليها وناوية اخذ كم لون منها اما الشيل الحمدلله عندي كل الالوان السادة و المشجر لانها هوايتي جمع الشيل ههههههههه

والله يسهل علينا يارب

الابغيت اسألكم عن وزن الجنين في الشهر الثامن كم
قالت الدكتورة وزن البيبي عندي كيلو وربع ووزني غير قابل للزيادة تخيلوا من قبل لا احمل و الحين انا في الثامن وما شاء الله وزني 59ككيلو

والسكر وصل عندي 146 مرتفع شوي بس قبل التحليل ب3ساعات اكلت ايس كريم نسيت التحليل كله

وبصراحة سرت افتقدكم لاني ما اقدر ادخل الا بالاسبوعين مرة يعني شكلي باولد وانا ما كملت معاكم تجهيزاتنا

صباح الخير يا فيض الحب ويا كل العضوات

اشحالكم

انا الحمدلله كل شي تمام عندي وبالنسبه لوزن البيبي قصدج كيلوين وربع .. ؟؟؟

انا الدكتورة هالاسبوع 33 قالتلي وزن البيبي 2.300 كيلو

وبالنسبة للحركة قلت ويوم قلت حق الدكتورة قالتلي لازم تحسبين 10 حركات اذا اقل تعالي اسويلج تخطيط

صباااااح الخير ....

كيف حااال الغاليااات .....

بااااقي لي يومين تقريبا وادخل التاااااسع وعندي موعد يوم الاربعاء
وتهيزاااتي لسا في الحضيض الله المستعااان مشاغل الدنيا كثيرة
الحمدللهعلى كل حااال ....

السلام عليكم بناااااااااات اخباركم
................

تقريباا انا مثلك يابجعه لي في الاسبوع 33
وباسألك كيف 10 حركات
ممكن توضحين لي لاني احس ان البيبي حركته تقل عن اول واكون لك شاكره


وعندي موعد في 15 من الشهر ذا

والله قالتلي لو ال10 حركات كانت كلها في نفس الوقت هذا معناته ان البيبي بخير يعني مو لازم على فترات متباعده

ما اعرف انا يوم انام على جنب احس انها وايد تتحرك بس ما احسب لاني قريت ان البيبي في الاسابيع الاخيره ما يتحرك وايد لانه اغلب الوقت يكون نايم ولا حركته تقل لانه المكان يكون ضيق ..

فما اهتم المهم حركة لو مرة ولا مرتين فاليوم عادي عندي ما اهتم

ما جاوبتووا على سؤالي




[GLOW="CC6699"]
فوط صحية ( تتوقعون كودكس الي عليه قلب يؤدي الغرض )
[/GLOW]

السلام عليكم
هلا بجعه إختاري أي نوع يعجبك بس يكون المقاس الكبير وبغيت أسألك شقالتلك الدكتوره عن الإلتهابات وشنو الأدوية اللي لازم تاخذينها لأن الدكتوره اليوم قالتلي شكلك عندك فطريات وخذت مسحه؟؟؟؟؟؟؟؟؟؟

الحمدلله قالت الالتهابات راحت بس ممكن انها ترجع لانه الجو حار وانا عندي قرحة في عنق الرحم وهذا يزيد الالتهاب

الموعد الي طاف عطتني حبوب لي ولزوجي وعطتني 3 تحاميل وغسول مثل الصابون استخدمه فالاسبوع مرة او مرتين بالكثير

هالموعد جيكت بس قالتلي بعد بعطيج 4 حبوب لج و4 لزوجج خذوهم مرة وحده يعني دفعه وحده وعطتني تحميله وحده عشان ينظف المنطقه من بقايا الالتهاب ..

مشكورة أفديتيني:)