تجمع الحوامل اللواتي يلدن بشهر آب ( اغسطس8) 2009

مرحبا

اشحالكم يا حوامل يا حلوين .. وشو اخبار بيبيهاتكم والحركه اكيد قلت ... بس يوم يصير حركه تكوووون وايد قوية لدرجه احس بطني بكبره يتحرك

والصداع من امس قيني ما اعرف من شو يمكن لانه عيالي ما يخلوني ارقد بالليل حمود زجمان ووايد يكح ومريومه وايد تحلم وتقعد اتصيح ....

والاسهال لاحظت يوم اتريق ويوم اكل تمر علطول ادخل الحمام تكرمون

هلا كروشات كيف الاوضاع عساكم طيبات ؟؟

تعرفوا :ss: اليومين اللي فاتت احس بحركة البيبي تحت

ضاغطه على المثانه بقوه لدرجه اني احس الله يكرمكم بادخل الحمام

والحركه اختلفت الحين احسها متتاليه ورى بعض في نفس المكان

الله يعينا جميعا

هلا يا شلهة الكروشات ..شخباركم تولهت عليكم ..اليوم سرت افتح ملف بمستشفى الولاده طبعا قبل فتحت في المستشفى اللي يعالج بداية الحمل وبعد ما نكمل السابع ينقلونا مستشفى الولاده ..وكالعاده فحصهم مثل ويهم ..دكتوره وغده وما ترمسج الا من طرف خشمها ...سالتني كل شيء اوكيه ..قلتلها الحمدلله ..يالله يرقد ..ورقدنا وفحصت بطني بايدها وعقب يابت الجهاز اللي ينسمع فيه صوت قلب البيبي والله ما وحاها تحطه ولا سمعت شيء ثانيه ما كملت وشلتها ..خلاااص كلوا اوكيه ..و التحاليل مع التلفزيون هذا يوم ثاني وزحمه ثاانيه ..اوووف ويقولون ليش تسيرون العيادات الخاصه ..

الموهيييييييييم .. انا لاعت جبدي وابا اطلع اجازه من البيت واسير فندق كمن يوم واستانس وواتمشالي شوي في اجواء الامارات بما ان السفر صار محظووور

azab_1

هلا الغاليه

اشحالج

بالنسبه لحركة البطن اههههههههه خاصتا لما اكون يوعانه واكل تبتدي تتحرك حركات قويه اتخيلها تيمع الاكل نفس لعبة التفاحه الي اطيح من الشجرة ولازم تجمعينها فالسله هههههههههه

التمر يسهل الولاده بس عادي لو تاكلينها كل يوم انا من النوع الي لاوم على الغدا اكل تمر واحيانا العصر لما اكون يوعانه اكل تمر .. وخاصتا العجوه وايد تسهل الولاده

سلام كروشات امهات الحلوات

كيفكم اليووم .. انا الحمدلله حاليا ارتحت من السهال وابتديت اكل شوي خفيف

شمال جنوب: الله يسهل عليكي ان شاءالله اطلعي مشوارك وانبسطي الله يهنيكي.

سحاابه : ههههههههه انا بالليل اكثر شي داخله طالعه الحمام المي الي بشربها

وحركة البيبي احيان بتضغط عليي بقول يارب الحق الحمام ههههههههه..

يوم اسمع عن وحده انها ولدت اتيني حاله مثل الاكتئاب احس انا الوحيده الي طولت ... احسب الايام والاسابيع والاشهر بس احس اني بعدني مطوله

اليوم اخت ريل اختي ولدت ومن شهر مرت اخوي

كنت خايفه من الولاده ووايد افكر فيها واني ما بقدر لكن عقب ما اسمع ان فلانه ولدت اشجع عمري اقول مثل ما هاي قدرت انا بعد اقدر

السلام عليكم أخباركم؟
لاتتكلمون عن الولاده أنا هذا أول حمل لي وأقول الحمدلله ماأعرف عن ألم الولاده عشان ماأفكر أبي أولد وخلاص تمللت من الحمل أنا من دخلت الخامس وأنا أقول أبي أولد بس الحمدلله على كل حال
بس في شغله متعبتني إن أكلي أبدا مب صحي يعني تقريبا ما أكل وجبات رئيسية فاليوم و أكل كل الأكلات اللي مب صحية خلال اليوم وخايفه لأن يأثر على النونو:(

شو السالفه التجمع واقف من اليوم العصر ما شفت اي دردرشه ..

شو اخبارج azab_1

خير ان شاء الله ليش العمليه ....؟؟؟

ان شاء الله تولدين طبيعي ...

:D ياهلا كروشات كيفكم حبيباتي ؟؟
باركوا لي الشريط دخلني الثامن :confused: والله ماني مصدقه

اللهم لك الحمد والشكر يارب العالمين على هذه النعمه

اما اليوم اختكم سحابه واقفه على ريولها طووووووول النهار وماقعدت غير الحين

الله يكون في العون ورجلي اليمين :ss: مورمه والثانيه ابدا مافيها ولا شي ..

بنات خلونا نتفق على شي اننا نبدأ مشروع الاستغفار اليومي بنية تسهيل الولاده

لاني مجربته وحملت بالاستغفار سبحان الله ... لان كل شي بقدرة رب العالمين ..

نستغفر في اليوم 1000 مره وبنشوف الراحه اكيد ..


اولا فكرة الولاده حتخف لان ارتباطنا برب العالمين بيكون

قوي عبر الاستغفار والصلاة على النبي :D

ربي يسهل ولادتنا وولادة الجميع يارب العالمين

السلام عليكم بنات
ان شاء الله اموركم تماااام
انا اموري زي الفل والحمد لله
بس عندي الالم قوي من تحت كان شي بيطلع
بس ربكم يسرها
وباركولي اشتريت اغراض ولدي كلها اليوم العصر مابفي الا اغراضي وطقم السرير
................
وبالنسبه للستغفار لازم يكون ملازمكم في كل الاحوال
وان شاء الله ربي
يقدرني واستمر عليه لين الولاده
وانا مافكرت كيف الولاده كيف بتكون لاني بكريه ومأبي اخوف نفسي وماسمع عنها اي شي
مخليتها على رب العالمين

[B]أعراض الحمل في الشهر الثامن[/B]




الأعراض الجسمانية:

- حركة واضحة وقوية للجنين.
- حرقة في المعدة وعسر في الهضم وغازات.
- احتقان في الأنف وانسداد في الأذن.
- نزيف في اللثة.
- شد وتقلصات في عضلات الأرجل.
- تورم وانتفاخ في اليدين والقدمين الوجه.
- تقلصات في الرحم.
- ألم في الظهر.
- صعوبة في النوم.
- صعوبة في أخذ نفس عميق.
- حكة في البطن.
- نزول اللبأ من الصدر.
الأعراض الانفعالية:


- قلة صبر ورغبة في أن تمر الفترة الباقية من الحمل بسرعة.
- شرود في الذهن وقلة الانتباه والنسيان.
- أحلام وتخيلات وهواجس عن الجنين وصحته وشكله.
- فرح وسرور لأن موعد الولادة لم يعد ببعيد.
حالة الجنين:

- في نهاية الشهر الثامن يتقدم نمو دماغ الجنين وعقله بشكل كبير.
- يستطيع أن يرى وأن يسمع .
- تكتمل في هذه الفترة نمو كافة أجهزة جسم الجنين باستثناء الرئة حيث تستمر في النمو إلى نهاية الحمل.
- إذا ولد الجنين في هذه الفترة فيمكن له أن يعيش ويكون وزنه حوالي 2.5 كجم.
أهم التغيرات التي تحدث داخل الرحم:

- اتساع الحوض ليسمح بمرور الطفل.
- خلال هذا الشهر تكتمل الاستعدادات ، و تصبح المشيمة ضخمة بسبب ما يتناوله الطفل وما يفرزه ( فهو يبتلع السائل السابيائي ويبول كثيراً)
- من الممكن تحسس رأس أو قدم الجنين من خلال لمس البطن.
- تصبح عظام جسم الطفل أكثر قساوة ما عدا عظام الرأس لتسمح بمرور الطفل في قناة الرحم.
- أما الرئتان فجاهزتان للقيام بوظيفتهما ولكنهما لا تنقبضان كلياً بعد، يبلغ طول الجنين 47 سم ويزن 2.5 كلج.
أهم التغيرات التي تحدث في الشهر الثامن:


- الشعور بصعوبة الحركة، والإرهاق الشديد.
- آلام الحوض وأسفل الظهر,وعرق النسا.
- احتقان وصعوبة في التنفس.
- تصبح الحاجة لدخول الحمام أكثر إلحاحاً.
كيفية التعامل مع تلك التغيرات؟

- تناول الكثير من الماء لتجنب الإمساك.
- تناول عدة وجبات في اليوم ولكن بكميات قليلة لتفادي الحرقة المعدية.
- مناقشة الطبيب فى القلق والتوقعات والطريقة التي سوف تتم بها عملية الولادة، و أسلوب التخدير في حال إجراء عملية قيصرية.

صباح الخير حبيباتي ربي يهون علينا يارب ونقوم كلنا بالسلامة ومبروك 11sa7aba دخولك الثامن

صباح الخير
ادعولي أدخل الثامن على خير باقيلي 3 أيام أحسهم 3 أسابيع:tongue:

ميره المرزوقي

مشكورة الغاليه على هاي المعلومات

بس اتصدقين حركة البيبي عندي وايد صايره قليله يمكن لانها مب قادرة تتحرك من ضيق المكان ...

بالنسبة للتفكير بالولاده ماخذ عقلي 24 ساعه ...

لدرجة اني قمت اوصي زوجي لا سمح الله اذا صارلي شي امانه عيالي اهلي يربونهم يقولي انتي في هالحمل صايره خبله شوي .. قتله الاعمار بيد رب العالمين ...

أبتسامه خجوله

عفية عليج والله انا التوزيعات وقميص نوم واغراض المستشفى بشكل عام الين الحين ما خلصتهم ومتهايزه اسير ادور

11sa7aba

كللللللووووووووووووولش عقبال ما تولدين بالسلامه

مشكووورة اختي ميرة المرزوقي والله يجعل عملك في ميزان حسناااتك...
قلقااانة لانو لحد الحين الراس ما نزل انا متعودة في حملي بعيالي الي قبل
ينزل من اول الثامن عاد دي المرة غير

:D الله يبارك لكم حبيباتي
لاني بجد ماني مصدقه ان الموعد قرب
ربي يتمم لنا على خير و نولد في وقتنا
يااااارب العالمين ونشوف عيالنا ونربيهم

يعني بسالكم كم اسبوع باقي على ما اولد ...؟

انا ياني احباط كثر ما انا معصبه احس ضغطي مرتفع والسبب خدامتي هاي ثانيي مرة امسكها وعندها موبايل

ولا اكتشفت انها تضرب عيالي وتصرق وتجذب ياربي مب عارفه شو اسوي المشكله اني بربي قريب ولا الود ودي اسفرها ..

اختي خوفتني زياده قالتلي عاد الحين لازم تنتبهين على عيالج لا تسوي فيهم شي وكثر التفكير مسولي رعب ما اعرف كيف اتعامل وياها .. لاني هددتها اذا عرفت انج ضربتي عيالي انا بعد بضربج

زوجي قالي لا تفكرين يوم السبت سيري اختاري 2 وحده حق اليهال ووحده حق الغسيل والكواي والتنظيف بس اليما هذيل ايون ما اعرف ضغطي لين وين بيوصل ويا هاي ...

احس بطني يعورني كانه اشيا تتقطع وتنشد فيني .. ما اعرف من الضيقه الي فيني ولا من التعب

لكن ما اقول الا ان شاء الله تشرد اليوم وافتك منها