تجهيزات قمرات مصر الجزء ا110

R@A;8114759:
حد يا جماعة يعرف يعنى ايه الحلل التافلون دى ؟
انا شفتها فى رويال هوم و هى لونها كلها اسود من برة و من جوة ... و فيه منها طاسات و ايدها خشب
و هما غاليين و الراجل قالى انه الأكل مش بيلزق فيهم ونهم احلى من التيفال ،

ممكن حد يقولى هما فعلا حلويين ولا لأ ؟:think:

بصي يا قمر انا اعرف ان التافلون احسن من التيفال لان التافلون دي هي المادة المطلية للحاجة سواء كانت حلة او طاسة فبتكون كذا طبفة اقصد طبقات اكتر من التيفال وعشان كده بيقولوا استخدمي ادوات خشب مع التيفال عشان مش تتجرح بس ده مش يمنع ان التيفال كويس و التافلون برضة كويس بس هو اغلي [/quote]


بنات تقصدوا بالتافلون دة

لاني جبت الصواني ومش عارفة اصلا تصنيفها اية




والحلل دي بفكر فيها

بس مش عارفة لو هية فعلا اللي بتكلموا علية ممكن تقوليلي سعرهم كم في مصر غالية بكم يعني



معلش اني مش قادرة اتابعكم اوي

ربنا يفك كرب كل واحدة فيكم يااارب ويهدلكم اموركم بأذن الله

بنات يا قمرات

بليييييييييييييييييز عايزاكو كلكو تجاوبوني بجد بااله عليكم

عايزة أسماء احسن ناس بيعملوا ميكب في القاهرة و ياريت صور شغل ليهم بليييييييييييز و ياريت لو بيعمل كمان ماسكات و سويت يعني كوافير متكامل بليييز مش تطنشوني لأني بحد محتاجة اعرف انا هختار مين

الحب هو الحياة;8119504:
طيب ممكن حد ينزل صور للكاسات او الكوبيات دى

دول ياقمرايا طلبت من قريبتي تشوفلي البوهيمي صورتلي دول من عند ابو النيل بس مش شايفة عليهم انا الستيكر الازرق بس اشكالهم بتكون شبة اللي بالصور

وبيكون من اول 400 وشوية الطقم وفية 600 ومش عارفة اذا غليوا اكتر او لا (f):)

بسكوته
ممكن تقوليلى بالنسبه للمورا أنت قولتى أنها بتبدأ من 650 وطالع طيب ده بيتوقف على أيه يعنى ؟(f)

عاااااااااااا بعد ماعملت المشاركه النت فصل
معلش بالنسبه للمكنسه انا جايبه الهيتاشى 1800 وات بحوالى 575 جنيه وماشاء الله حلوه ا

ايمى اليكس الف شكر انا هروح قسم الشكاوى واعيطلهم :confused:

بالنسبه للبنوته اللى بتسال على رصة النيش دى صورة النيش بتاعى يمكن تفيدك

CuTie KaTkOoTa8006838:
هاي يا بنات، كل سنة وإنتم طيبين كلكم وألف مبروك للي هيتجوزوا في العيد، أنا بجد مكنتش أتصور أني ممكن ألاقي سايت أو منتدي بالشكل ده.

بجد أنتوا وهميين، ده أنا كل كلامي بقي دلوقتي عليكم وعلي أفكاركم وأخدت معلومات كتيرة جدا كويسة، أنا قلت لازم أول مشاكرة ليا تبقي في الجزء الجديد عشان يبقي استفتاح معاكم بس أنا متابعة في القراية كل يوم من فترة كبيرة في أجزائكم والأجزاء القديمة كمان، بس شكلي كده اتشجعت ادخل في الوقت اللي انتوا ابتديتوا تختفوا وتقلوا فيه للأسف :(

سؤالي بقي: أنا إنشألله احتمال كبير أوي أعمل كيراتين لشعري وكمان أخد حقن ميزوثيرابي للأماكن الزائدة عندي بس في جسمي، ودورت كتير في النت بردو عشان اطمن من ناحيتهم بس عايزة أخد رأيكم لو حد جرب قبل كده حاجة منهم أو حد يعرفه بطريقة مباشرة عشان أطمن أكتر لأني بخاف جدا من أي تدخلات زي كده تجيب نتايج عكسية بعد فترة وبخاف كمان من الحقن :o

ميرسي ليكم مقدما.

ممكن يا حبيبتى لما تجربى الميزوثربى تقوليلنا التفاصيل

عاشقه زوجهها;8007699:
ممكن يابنات حد يقوللي يخت فالنتين مكانه فين بالظبط ولو في تليفون علي الخاص ضروري بسرعه من فضلكوا

انا كمان كنت عايزة نمرة التليفوون

لو سمحتوا يا بنات عاوزة اعرف القايمة عبارة عن اية واية اللى بيتكتب فيها والدهب بيتكتب ولا لا ء
وعاوزة اعرف هل بتتحدد باللى العروسة والعريس جيبينة ولا مجرد رقم بيتحط وخلاص اصل الناس اللى جايين عاوزين القايمة تتكتب ب30الف طيب بناء على اية ؟؟لان اكيد الاجهزة والعفش حيعدوا المبلغ دة بكتيرررر
وكان فى صورة لقايمة بنت ربنا يجازيها كل خير كانت حطاها ياريت اللى عندها تنزلها بليزززز ضروووى عاوزة اعرف شكلها اية
تانى حاجة اية هو مؤخر الصداق وبيكون فى حدود كااام وبيتحدد على اسال اية ؟؟
وادعوووووولى اووووى علشان فى موضوع كدةو اكيد لو حصل الاتفاق حاجى جررررررى افرحكوا كلكوا واقول حطونى فى اللستة الاسماء اللى كان نفسى فيه من زمان

بصى يا حبيبتى مش ينفع يحطوا تمن للقائمه من دلوقتى لانها بتبقى حسب الحاجه اللى انتى جبتيها والفرش والدهب وفعلا 30الف هتبقى قليله جدا ده انتى ممكن بس الفرش يبقى ب30 الف ده غير الاجهزه الكهربائيه والمطبخ والدهب
ربنا يتمملك على خير فى موضوعك يارب وتيجى تفرحينا

مشمش نيشك عسل زيك يا قمرررررررر

ياريت كل عروسه اتجوزت اة فرشت شقتها تصورلنا تورلينا النيش بتاعها ورصته وكده عشان كلنا نستفيد

rozyyy;8121299:
حبيبي ازيك - انا لسة نازلة اشتريت الستاير يوم الاربعاء امبارح - والحمد لله جبت حاجات حلوة اوي وجبتها من محل راتكس احمد انور في الازهر واكتر حد عنده حاجات نضيفة هناك بس هو غالي شوية وبيفاصلو جامد مش زي باقي محلات الازهر ودي صور الستاير الي هافصلها - وهافصلها عندهم هم تفصيلهم نضيف اوي مراة اخويا عملت عندهم والمتر ب 5 ج بسسس


عملت للانتريه بدل الزيتي فوشيا ومعاه الاوف وايت ده وقماشتهم فوال سادة17 ج والخلفية اوف وايت اورجانزة سادة 35 ج

ودي بتاعة السفرة بس ناحية واحدة مش اتنين عشان شباك

عملت بدل الصفرا فوال اوف وايت وفيها مربعات بني فاتح كاكاوي كده وفيها لمعة بسيطة ب 15 ج والحركة البرتقالي دي بيسموها طرحة عملتها شيفون كاكوي 10 ج

ودي النوم والليفينج
عملت في الليفينج المنقوش اوف وايت وفيه مربعات تيركواز في بني15 ج برده فوال والسادة جبتها كتان بني 45ج
وفي النوم جبت المنقوش شيفون فيه مربعات صغيرة احمر مع دهبي بسيط 12ج والسادة احمر تفتاه سادة ب 22ج

شوفو ده فيه جديد
http://www.3roos.com/forums/t406453_3.html

حبيتى روووووووووووووزى ازيك بجد واحشاااااااااااااانى جااااااااااامد

ماااشى يا جامده انتى ديما ردودك مميزه ومتألقه زييييييك مرسى جدا على معلوماتك القيمه جددددددددددددددددددددا

emy_alex;8121552:
زوقك رقيق اوى ياقمر
ربنا يسعدك

بس سؤال معلش
ايه هو القماش الفوال
وياريت صورته لو عندك
لانى مش عارفاه

القماش الفوال ده ياقمر زي الي في اهر صورة الي لونه ابيض وفيه ورد اخضر - هو اتقل من الشيفون شوية بسيطة اوي وانضف منه كمان واغلي حاجة بسيطة برده

toty858;8121655:
اسمحيلى ارد عنك ياروزى
الفوال اللى هو الشيفون

بس يابت ياعبطونة :tongue:انتي الشيفون غير الفوال :D

رشروش84;8122777:

حلو يا جميييييييييييييييييييييل الستاير اووووووووووووووووووووى
ورقيقة مووووووووووووووووووووت بصراحة

بس ممكن توصيفيلى مكان المحل اللى جبتى منه القماش ده " راتكس " للان فى كذا بنوتة شكرت فيه هو فين فى الازهر بالظبط

حبيبتي المحل ده ع شارع الازهر برة مش جوة ع الشارع نفسه وليه كذا فرع هناك وانا جبت من الرئيسي مكتوب عليه راتكس احمد انور

dandona we bas;8128649:
بنات يا قمرات

بليييييييييييييييييز عايزاكو كلكو تجاوبوني بجد بااله عليكم

عايزة أسماء احسن ناس بيعملوا ميكب في القاهرة و ياريت صور شغل ليهم بليييييييييييز و ياريت لو بيعمل كمان ماسكات و سويت يعني كوافير متكامل بليييز مش تطنشوني لأني بحد محتاجة اعرف انا هختار مين

دندون ياقمر في سنتر حلو جداااااااااااااااا في شارع العشرين في فيصل اسمه عادل المصري وفيه قسم للمحجبات وبجد شفت عرايس قمرات خارجين من عنده ومراته هي الي بتعمل للعرايس المحجبات وعندهم كتالوجات ممكن تشوفيها وهو سنتر فيه كل حاجة تحتاجيها - واسعارهم معقولة - وفي كوافير تاني في مدينة نصر اسمه مسيو عبده شغله جامد جدا جدا ومراته برده بتعمل للمحجبات بس هو غالي شوية يعني ممكن العروسة 2000 تقريبا -وممكن البنات يفيدوكي اكتر

في جديد تاني في موضوع القاعات - اسعار الشرطة
http://www.3roos.com/forums/t406453_4.html#post8132041

بالنسبه لاجهزه انا عاوزه انزل اشترى انا قرررت انزل اجيب الاجهزه بس عاوزه مساعدتكم الاول

تلاجه كريازى 16 قدم بس فى ارفف حديد ولا لا انا خايفه الارفف الباغه دى بتتكسر بسرعه

الغساله بقول اجيبها يونيفرسال لان انا سمعت انه ايديال خلاص بقيت وحشه والحله بتاعتها بايظه وبقيت اى كلام خلاص

البوتجاز ده اللى انا محتاره فيه بقول يونيفرسال وخلاص ولا ايه رايكم انا حيرانه بين كمان الكريازى القديم والتكنوجاز الجديد ده سمعت كتير يشكروا فيه

المروحه والتليفزيون توشيبا العربى

المكنسه هيتاشى ولا ناشونال ؟

الكيتشن ماشين محتاره بين مولينكس وبراون اللى جرب واشترى يقولى بلييييز ؟؟

الفرن الكهربى asel التركى سامعه انها حلوه اوى

قولولى رايكم بقااااااا عان اقرر وانزل واللى يعرف الاسعااااااااااااار بليييز يا ريت يقولى وربنا يكرمهم يا احلى عرااااااايس

ايه رايكم يا عرايس قوليلى عشان عاوزه انزززززززل اشترى لانى ورايا حاجات كتير لسه مش عملتها

نورالرحمن;8118578:
:16:السلام عليكم يابنات القاهره اختكم من المنصوره وعايزه انزل السبت القاهره اشترى لبس خروج بسلبس شيك ومحجبات يعنى مش ضيق ممكن احلى الاماكن اللى اشترى منها وسعرها حلو برضه ولو حد يعرف مدينة بريونى للمحجباتاللى بيتزاع عنها فى التليفزيون نظامها ايه يعرفنى ربنا يسعدكم ويتتم لكم على خير تردوا على علشان عايزه اشترى هدوم بقى متزعلنوشى ومتردوش:15:

شوفي يا جميله فعلا زي ما البنات قالولك بريوني مش حلو..ولو رحتي جنينه مول هتلاقيه جنبه.بس بجد معجبنيش عنده حاجه خالص انا مش عارفه المذيعات المحجبات بيجيوبو الحاجات دي منين يمكن بقي من فرع الهرم ولا حاجه بس اكيد كله حاجه واحده
شوفي...جنينه مول فعلا وكويس..وانا هقولك علي محل كنت شاريه من عنده اسمه M2وهو في الدور الارضي مش الاول..يعني بنطلونات واسعه وتونيكات شيك..كدا يعني

شكرا ياصوت ياقمر على ردك واهتمامك ربنا يباركلك ياقمر بس انا مش عارفة انتى تفصدى ايه بالغلاية العادية انا اقصد الكاتل الى هى ليها قاعدة كده وعاملة زى الدورق وتتوصل بالكهربا هى دى ولا ايه

حد يعرف يابنات ممكن الاقى مكنةلف ورق العنب ومكنة المنبار فين ويكون سعرهم بكام ومتشكرة جدا مقدما وربنا يباركلكم يارب

اناروحت بريونى اللى فى الهرم مش حلو وروحت سوزانااللى فى شارع جزيرة العرب فى المهندسين عندهم لبس محجبات شيك اوى اسعارهم كويسة

يا بناااااااااااااااااااااااات

البنات اللي ليهم في اوريفليم...قولولي ايه احسن عروض الشهر دا
وايه رايكم في كريم الجسم من جيورداني كويس ولا ايه؟؟ وبالنسبه للمجموعه كلها ايه احسن حاجه فيها؟ وكريم الاساس
وكمان محموعه ايلفي وفولار كويسين؟؟؟؟

وبالنسبه للرجالي بقي عاوزه اسال علي مجموعه جلاسير اللي عندها فكره عنها..
وهل دي تبقي هديه كويسه اقدمها لخطيبي بعد الجواز ولا اشوف حاجه تانيه اصلي متردده فيها.خصوصا انه ليه في الماركات وكدا.ها قولولي رايكم؟

تلاجه كريازى 16 قدم بس فى ارفف حديد ولا لا انا خايفه الارفف الباغه دى بتتكسر بسرعه

الغساله بقول اجيبها يونيفرسال لان انا سمعت انه ايديال خلاص بقيت وحشه والحله بتاعتها بايظه وبقيت اى كلام خلاص

البوتجاز ده اللى انا محتاره فيه بقول يونيفرسال وخلاص ولا ايه رايكم انا حيرانه بين كمان الكريازى القديم والتكنوجاز الجديد ده سمعت كتير يشكروا فيه

المروحه والتليفزيون توشيبا العربى

المكنسه هيتاشى ولا ناشونال ؟

الكيتشن ماشين محتاره بين مولينكس وبراون اللى جرب واشترى يقولى بلييييز ؟؟

الفرن الكهربى asel التركى سامعه انها حلوه اوى


بصي يا قمر التلاجة الكريازي كويسة اوي بس انا اول مرة اسمع عن الارفف الحديد دي الارفف عندنا بلاستيك و بقي لها اكتر من 12 سنة و الحمد لله شغالة كويسة اوي و في بنات قالوا التلاجة الوايت ويل حلو برضة
بالنسبة للغسالة هاتي وايت بوينت بتاعت العبد الجديدة في بنات قالوا انها حلوة انا جايبها بس لسه مش استخدمتها و مش اعرف عن اليونفرسال دي حاجة لو حد يعرف يا ريت يرد عليكي
البوتجاز خليكي في التكنوجاز احسن انا لما كنت نازلة الف عن البوتجاز فعلا كانت احلي و احسن و امتن حاجة هي التكنوجاز
يا ريت بقي يا قمر لما تشتري الحاجة بتاعتك تقول لنا عملتي ايه و جبيتهم بكام ان شاء الله تتهني بيهم

المكنسة الهيتاشي احسن من الناشيونال بالنسبة للتليفزيون التوشيبا حلو اوي و الفرن مش عارفة لاني هاجيب مايكروويف و فرن بس مش عارفة اجيب نوع ايه

وبالنسبه للرجالي بقي عاوزه اسال علي مجموعه جلاسير اللي عندها فكره عنها..
وهل دي تبقي هديه كويسه اقدمها لخطيبي بعد الجواز ولا اشوف حاجه تانيه اصلي متردده فيها.خصوصا انه ليه في الماركات وكدا.ها قولولي رايكم؟[/quote]

انا من رايي يا قمر طالما خطيبك له في الماركات يبقي مش هيرتاح في حاجات اورفليم حتي لو كانت ريحتها حلوة ده لو كان بيدقق عن تجربة لي في الموضوع ده انما لو يهمه ان البرفيم يكون ريحته حلوة و خلاص يبقي خلاص هاتي منها انما انا من رايي تشوفي حاجة تانية او تجيبي برفيم اصلي و تريحي نفسك

يارب أبقى عروسة;8133253:
شكرا ياصوت ياقمر على ردك واهتمامك ربنا يباركلك ياقمر بس انا مش عارفة انتى تفصدى ايه بالغلاية العادية انا اقصد الكاتل الى هى ليها قاعدة كده وعاملة زى الدورق وتتوصل بالكهربا هى دى ولا ايه

حد يعرف يابنات ممكن الاقى مكنةلف ورق العنب ومكنة المنبار فين ويكون سعرهم بكام ومتشكرة جدا مقدما وربنا يباركلكم يارب

بصي ياقمر من الاخر ماكينة لف ورق العنب دي تعبانة جدا ومالهاش اي لزمة خالص غير انها بتضيع الوقت ومملة جدا واوقات الارز بيقع منها - احسن حاجة والله انك تفردي ع طبق وتحطي الارز وانتي تلفي وتظبطي ع الطبق بيطلع مظبوط وسهل
وبراحتك يعني:)

mitcy;8133306:
يا بناااااااااااااااااااااااات

البنات اللي ليهم في اوريفليم...قولولي ايه احسن عروض الشهر دا
وايه رايكم في كريم الجسم من جيورداني كويس ولا ايه؟؟ وبالنسبه للمجموعه كلها ايه احسن حاجه فيها؟ وكريم الاساس
وكمان محموعه ايلفي وفولار كويسين؟؟؟؟

وبالنسبه للرجالي بقي عاوزه اسال علي مجموعه جلاسير اللي عندها فكره عنها..
وهل دي تبقي هديه كويسه اقدمها لخطيبي بعد الجواز ولا اشوف حاجه تانيه اصلي متردده فيها.خصوصا انه ليه في الماركات وكدا.ها قولولي رايكم؟

مجموعة جورداني حلوة جدا انا بحب السيلفر اكتر من الجولد بس برده الجولد حلوة وكريم الجسم حلو برده وكريم الاساس تحفة طبعا ومجموعة الفي حلوة اوىىىىىىىىىىى بس فولار مش عارفة - وبالنسبة للرجالي جلاسير شيك جدا ليهم والمجموعة كلها لذيذة وممكن تجيبي لخطيبك المجموعات دي وفي مجموعات بتاعة الحلاقة برده حلوة اوي او البرفان بالشاور وحاجات كده دلع ليهم - ولو هو ليه في الماركات ممكن تجيبيله برفان حلو اوي اوي اسمه هيريرا 212 تحففففففففة وب300 ج تقريبا - او ممكن تجيبيله ساعة بس هاتكون غالية - بس نسيت اقولك خلي بالك ان برفانات اوريفلام مش بتثبت اوي كتير يعني يعني لو هاتجيبي برفان هاتي الكريم بتاعه وحطيه قبل البرفان ده بيثبت ثباته اكتر