تجهيزات قمرات مصر الجزء ا110

yomizo;8113501:
حلو يبقى اكيد هيبقى في خصم له ان شاء الله

هاجيبلك الاسعار قريب قوى

بنات كمن نسيت اقولكم في قاعتين حلوين اوى والله بجد خاصه الكبيره فيهم

نادى الصيد القطاميه
فتح فيه قاعتين افراح الكبيره تساع 350 فرد
والصغيره تساع 120 فرد
ايجار القاعات لاعضاء النادى 500 جنيه
ايجار القاعات لغير الاعضاء 1000 جنيه
البوفيه اسعاره 30 ج- 40ج- 60ج- 70ج


للاستعلام الرقم على الخاص

بس بجد حلو ة اوى القاعات دى انا شوفتها لكن للاسف ماعرفتش اصورها موبايلي مكنش مشحون كفايه لفتح الكاميرا :ss:

بس والله القاعه الكبيره تشبه كتير القاعه الكبيره بتاعة شرطه الجزيرة والماسه لو تعرفوها والاسعار مبدأيا حلوة اوى هاحاول اصورهالكم لما اروح تانى بس الاسبوع الجاى بقى وعليكم كل خير :):ss:



اااه وكمان اكلهم حلو اوى لان القاعات تابعه لمطعم جوتيه لو تعرفوه طعم الاكل حلو بجد

بليييييز الحقيني بيها دي بليييييييييييييز

اكيد هتكون حلوة ان شاء الله بس بليز انا عايزة صور يا يميم يا قمراية

و ياريت الاسعار لعدد 150 شخص اوبن بوفيه

alex girl;8108506:
المحل اسمة نكتار و هو فرع لنكتار الى فى القاهرة انا لسة كنت هناك قريب و كنت ناوية اقولكم علية لانى فرحت لما عرفت انة فتح فرع هنا فى اليكس بس للاسف مادخلتش جوة بس كويس انك دخلتى و عرفتى الاسعار قوليلنا بقى فى اية تانى غير النكهات و اسعارهم اية؟

فى هناك شمع اشكااااااااال كتير بس غالى جدا وفو مكياج ورفانات وسبريهات بريحة الفاواكه والشوكولاته بس دى وهههههههههههههههههم تحسى كانك داهنه نفسك مصاصه وبجد ريحتها ثابته اوى دول كانوا ب65 والبادى باتر كان 145 ده بس الى سالت عليه بس كل حاجه هناك طبيعيه من كيميكالز خالص

MANNOSH;8112438:
السلام عليكم يا بنات
انا جديدة هنا معاكم وماشاء الله منتداكم جميل جدا
وكلكم بناتيت زي العسل
كنت عايزة اسأل
البنوتة اللي حتعمل الانتريه عند نجار في المنشية
في الاسكندرية ياريت التفاصيل ومكانه بالضبط لو سمحتي
وكمان عندي استفسار عن القاعات اللي في الاسكندرية
لو عايزة اعمل عشا ويكون قااعة حلوة واسعارها معقولة
فين وياريت بالتفاصيل

بصى ياجميل انا حاجزه فى اسكندريه فى الداون تاون فى قاعه اسمها لامور هى هاتعجبك جدااااا شيك اوى اوى هى كانت 13500 لعدد 250 فرد عشاء وفيها باه كل الحاجات بتاعة القاعات..قوضه لى وللعريس البس فيها تصوير فيديو كليب وتصوير استوديو وتورته 5 ادوار وكله كله وكمان كاميرا كرين وليزر وكده يعنى مش فاكره طبعا الباقى
سالت برده على قاعات تانيه بس كلهم اغلى ومش حاساهم احلى بس القاع الحلوه اوى اسمها جراند لامور كانت 21000لعدد 250 وفى قاعة جاردينيا بس دى بعيد عنهم هى عند الحديقه الدوليه كده وكانت ب 29000 لعدد 250 بس جميله لكن البوفيه بتاعه وحش جدا وبصراحه مش حاساها تستاهل

اه نسيت اقولك ان البوفيه بتاع قاعة لامور والله يجنن واحلى من حاجات كتير

yomizo;8113116:
سيبك من كل ده احسنهم زهران والدهان
وانا ارشحلك الدهان منهم كمان :)





ممكن انا كمان تبعتيلي اسعار قاعات حلوة بس رينجاتها في المعقول جوا اسكندريه في اى حته فيها
المهم ماتكونش فوق العشرين الف والحاجات دى
يعنى في حدود ال 15 بالكتير اوى وطبعا لو اقل يكون احسن بس تطون شيك وحلوة زيك كده

DodyCat;8111433:
مشمش ميرسى يا جميل بجد كلامك ريحنى

بنات تعرفو حلة الضغط الزهران بكام وهل زهران أحسن نوع ولا نوفال كويسه بردو

يا ريت تردو عليا فى مشكلتى فى الرابط ده
http://www.3roos.com/forums/t411259.html#post8111400

هو فى عند معرض زهران حلة ضغط بس ماركة tefla مش زهران
و هى ال 10 لتر ب 700
و ال 8 لتر ب 650
و هما فعلا شكلهم حلو و احلى من نوفال لأنى شفتها عند التوحيد والنور برده
و باين ان فرق السعر كبير اوى

رشروش84;8113743:

تسلملى يا حبيبتى على المعلومااااااااااااااااااات الفظيعة دى
بس انتى تقصدى نادى الصيد اللى فى الزمالك فتح فرع فى القطامية يعنى ولا ايه
معلش اختك البرد لحس مخها هههههههههههههههههههههه
طب وهو مفيش قاعات افراح فى نادى الصيد الزمالك يريت لو فى الاسعار لو سمحتى

و تقريبا البرد لسه مأثر عليكى ههههههههه لأن نادى الصيد فى المهندسين ان شاء الله مش فى الزمالك :21_8:

كان جنب المدرسة بتاعتى الثانوى :21_209:

ادعولى يا بنات لأن شكلى حعمل انا كمان موضوع مشكلتى مع خطيبى :confused: و ربنا يستر و معملش موضوع سبنا بعض :sad::mad_argue:

حد يا جماعة يعرف يعنى ايه الحلل التافلون دى ؟
انا شفتها فى رويال هوم و هى لونها كلها اسود من برة و من جوة ... و فيه منها طاسات و ايدها خشب
و هما غاليين و الراجل قالى انه الأكل مش بيلزق فيهم ونهم احلى من التيفال ،

ممكن حد يقولى هما فعلا حلويين ولا لأ ؟:think:

حد يا جماعة يعرف يعنى ايه الحلل التافلون دى ؟
انا شفتها فى رويال هوم و هى لونها كلها اسود من برة و من جوة ... و فيه منها طاسات و ايدها خشب
و هما غاليين و الراجل قالى انه الأكل مش بيلزق فيهم ونهم احلى من التيفال ،

ممكن حد يقولى هما فعلا حلويين ولا لأ ؟:think:[/quote]

بصي يا قمر انا اعرف ان التافلون احسن من التيفال لان التافلون دي هي المادة المطلية للحاجة سواء كانت حلة او طاسة فبتكون كذا طبفة اقصد طبقات اكتر من التيفال وعشان كده بيقولوا استخدمي ادوات خشب مع التيفال عشان مش تتجرح بس ده مش يمنع ان التيفال كويس و التافلون برضة كويس بس هو اغلي

يابنات الي طلبو اسعار دار القوات البحرية بالتفصييييييل هنا في صفحة 3 ويابنات الي عندها اي معلومات عن قاعات الافراح تضيفها هناك عشان يكون موضوع لقاعات الافاح والكل يستفيد ويكون متجمع في مكان واحد
http://www.3roos.com/forums/t406453_3.html

بقولكم ايه يا جماعه احسن مكان اخر كلاااام اجيب منه الستائر

والقماش الخفيف المتر بكام والقماش التقيل البراقع بكام

والتفصيل افصل فييين والاسعااار ايه

يعنى تفصيل المتر بكااااااااااااام حد يقولى ضروررى ؟؟؟؟؟؟؟؟

بالنسبه لاجهزه انا عاوزه انزل اشترى انا قرررت انزل اجيب الاجهزه بس عاوزه مساعدتكم الاول

تلاجه كريازى 16 قدم بس فى ارفف حديد ولا لا انا خايفه الارفف الباغه دى بتتكسر بسرعه

الغساله بقول اجيبها يونيفرسال لان انا سمعت انه ايديال خلاص بقيت وحشه والحله بتاعتها بايظه وبقيت اى كلام خلاص

البوتجاز ده اللى انا محتاره فيه بقول يونيفرسال وخلاص ولا ايه رايكم انا حيرانه بين كمان الكريازى القديم والتكنوجاز الجديد ده سمعت كتير يشكروا فيه

المروحه والتليفزيون توشيبا العربى

المكنسه هيتاشى ولا ناشونال ؟

الكيتشن ماشين محتاره بين مولينكس وبراون اللى جرب واشترى يقولى بلييييز ؟؟

الفرن الكهربى asel التركى سامعه انها حلوه اوى

قولولى رايكم بقااااااا عان اقرر وانزل واللى يعرف الاسعااااااااااااار بليييز يا ريت يقولى وربنا يكرمهم يا احلى عرااااااايس

meshmesh_romio;8112276:



عندى سؤال انا عايزه اغير التوقيع وكل مااحاول اغيره تطلعلى رساله اداريه تقولى غير مسموح اعمل ايه عاااااااااا

تلاقيكى كنتى عامله توقيع مخالف
روحى عند الشكاوى واعملى اعتذار
انك مش هتعملى توقيع مخالف تانى وهيرجعلك باذن الله

نغم2020;8113154:
بنات محدش قالى اجيب شتوى قد ايه
جلبيات شتوى للبيت قد ايه
وترينجات قد ايه

بصى الللبس حسب الامكانيات وحسب تعودك
شوفى انتى متعوده يكون لبسك اكتر ايه
وشوفى لبسك ترنجات ولا جلبيالت اكتر

MANNOSH;8113880:
SMSMAKIMO YOMIZO ميرسي ليكو يا بنات كتير والله وكنت
عايزة اسأل سؤال حد يعرف اتيليه يعمل تأجير لاول مرة بس يكون شيك
وحلو مش شبه الحاجات اللي بتاعة الايجار
او لو مش ايجار لاول مرة بس يكون حد بردو يعمل حاجة حلوة و سعرها
ميبقاش فظييع اوي
انا بسمع خمستلاف وحاجات كدة غرريببة

وائل زهير

not me 5aaals;8114638:
حد يا جماعة يعرف يعنى ايه الحلل التافلون دى ؟
انا شفتها فى رويال هوم و هى لونها كلها اسود من برة و من جوة ... و فيه منها طاسات و ايدها خشب
و هما غاليين و الراجل قالى انه الأكل مش بيلزق فيهم ونهم احلى من التيفال ،

ممكن حد يقولى هما فعلا حلويين ولا لأ ؟:think:

التيفلون ده الماده اللى بيتطلى بيها التيفال عشان كده الاكل مش بيزلق

بنات ازيكم معلشى غبت عليكم يومين كنت مشغولة بس انتوا وحشتونى اوى

اولا ميرسى لكل اللى ردوا عليا فى اى سؤال و جزاكم الله كل خير

ثانيا : انا ملاحظة ان فى بعض المخالفات كم مرة كده البنات يقولوا لبعض ميرسى و يشكروا فى حاجة و خلاص و كده مش ينفع يا بناتيت علشان الموضوع مش يتقفل و لو دخلت لقيت الموضوع مقفول ممكن اموتكم كلكم و اموت نفسى وراكم بقى هه:cool:(6)
ثالاثا و ده الاهم فى بنوتين مش عارفة بالظبط هما مين طلبوا منى الجروب بتاع الفساتين اللى على الفيس بوك يا ريت يبعتولى تانى معلشى على الخاص

حد يعرف بقى مكان اجيب منه الكاسات البوهيمى بس أرخص مكان ممكن اجيب منه؟ او ال RC?

:16:السلام عليكم يابنات القاهره اختكم من المنصوره وعايزه انزل السبت القاهره اشترى لبس خروج بسلبس شيك ومحجبات يعنى مش ضيق ممكن احلى الاماكن اللى اشترى منها وسعرها حلو برضه ولو حد يعرف مدينة بريونى للمحجباتاللى بيتزاع عنها فى التليفزيون نظامها ايه يعرفنى ربنا يسعدكم ويتتم لكم على خير تردوا على علشان عايزه اشترى هدوم بقى متزعلنوشى ومتردوش:15:

مريم ءادم 123;8113205:
ممكن ياقمر تقوليلى اسم الراجل والعنوان بالظبط واسم المحل
ومعلش هو قالك هياخد كام للانتريه وكام للركنه

اناكمان عايزة نفس التفاصيل دى لو سمحتى

عايزة اعرف فى الحلل الاستانلس والالمونيوم والتيفال زهران ولا الدهان ؟ وعايزة اعرف مكان الدهان ده فين فى اسكندرية؟ ياريت حد يفيدنى ولو كان على الخاص

الحب هو الحياة;8118715:
اناكمان عايزة نفس التفاصيل دى لو سمحتى

عايزة اعرف فى الحلل الاستانلس والالمونيوم والتيفال زهران ولا الدهان ؟ وعايزة اعرف مكان الدهان ده فين فى اسكندرية؟ ياريت حد يفيدنى ولو كان على الخاص

الاستانلس زهران هو عندنا بقي له 12 سنة و ما شاء الله تحفففففففففففففة(y) و التيفال برضة زهران او ممكن نوفال
الالومونيوم مش اعرف اصله مش بنستعمله و بعدين خلاص بقي قليل اللي بيشتروه هاتي لك احسن استانلس و تيفال مين فيه حيل دلوقتي يدعك حلل :confused: ربنا يقويكي بس اسمع من البنات ان الدهان حلو انما فين في اسكندرية مش هاقدر افيدك لاني من القاهرة:o ممكن بقي بنات اليكس يردوا عليك و مبرووووك عليك يا قمر

نورالرحمن;8118578:
:16:السلام عليكم يابنات القاهره اختكم من المنصوره وعايزه انزل السبت القاهره اشترى لبس خروج بسلبس شيك ومحجبات يعنى مش ضيق ممكن احلى الاماكن اللى اشترى منها وسعرها حلو برضه ولو حد يعرف مدينة بريونى للمحجباتاللى بيتزاع عنها فى التليفزيون نظامها ايه يعرفنى ربنا يسعدكم ويتتم لكم على خير تردوا على علشان عايزه اشترى هدوم بقى متزعلنوشى ومتردوش:15:

وعليكم السلام ورحمه الله وبركاته


الاذواق كتير فى السلام شوبنج سنتر فى ميدان الاسماعيليه وكل المقاسات

وعندك استيلش فى روكسى فيه كل الاذواق

R@A;8118880:
الاستانلس زهران هو عندنا بقي له 12 سنة و ما شاء الله تحفففففففففففففة(y) و التيفال برضة زهران او ممكن نوفال
الالومونيوم مش اعرف اصله مش بنستعمله و بعدين خلاص بقي قليل اللي بيشتروه هاتي لك احسن استانلس و تيفال مين فيه حيل دلوقتي يدعك حلل :confused: ربنا يقويكي بس اسمع من البنات ان الدهان حلو انما فين في اسكندرية مش هاقدر افيدك لاني من القاهرة:o ممكن بقي بنات اليكس يردوا عليك و مبرووووك عليك يا قمر

الف شكر ليك ياقمر كلك ذوق واي حد من اسكندرية يفيدنى فى موضوع الدهان ده

عايزة اعرف النيش بيترص؟ ازاى ايه اللى بيتحط فيه بالضبط وطريقة الرص؟ وايه اللى بيتحط كمان فى البوفيه وشكرا لكم

بنات الى فرحها متحدد تقول ميعاده عشان نعمل ليسته ان شاء الله بالسنه الجديده


الاقى فين غطا غساله غير البلاستيك ان شاء الله

Princess_miro;8118158:
بنات ازيكم معلشى غبت عليكم يومين كنت مشغولة بس انتوا وحشتونى اوى

اولا ميرسى لكل اللى ردوا عليا فى اى سؤال و جزاكم الله كل خير

ثانيا : انا ملاحظة ان فى بعض المخالفات كم مرة كده البنات يقولوا لبعض ميرسى و يشكروا فى حاجة و خلاص و كده مش ينفع يا بناتيت علشان الموضوع مش يتقفل و لو دخلت لقيت الموضوع مقفول ممكن اموتكم كلكم و اموت نفسى وراكم بقى هه:cool:(6)
ثالاثا و ده الاهم فى بنوتين مش عارفة بالظبط هما مين طلبوا منى الجروب بتاع الفساتين اللى على الفيس بوك يا ريت يبعتولى تانى معلشى على الخاص

حد يعرف بقى مكان اجيب منه الكاسات البوهيمى بس أرخص مكان ممكن اجيب منه؟ او ال RC?

ازيك يا قمر عامله ايه
الكاسات البوهيمى حتلاقيها فى العقاد مول واركاديا وفى حمام التلات برضو وبتفاصلى فيها طبعا عند بتوع الكاسات والكريستالات اللى عندهم اطباق الفاكهه والشيالات
هى طبعا غاليه جدا
وما تحلميش انك تنزلى فيها اوى
انا جبت منهم كوبايات الميه لانى كنت هموت ويكون فى جهازى حاجه بوهيمى وطبعا الكاسات كانت ب 550 وانتى طالعه
فجبت 6 كوبايات من نفسى ب 225 تقريبا من حمام التلات
وفى كاسات بوهيمى بس زجاج مش كريستال وبتبقا حلوة برضو بس مش بشوف منها كتير

smsm_anwar;8119222:
ازيك يا قمر عامله ايه
الكاسات البوهيمى حتلاقيها فى العقاد مول واركاديا وفى حمام التلات برضو وبتفاصلى فيها طبعا عند بتوع الكاسات والكريستالات اللى عندهم اطباق الفاكهه والشيالات
هى طبعا غاليه جدا
وما تحلميش انك تنزلى فيها اوى
انا جبت منهم كوبايات الميه لانى كنت هموت ويكون فى جهازى حاجه بوهيمى وطبعا الكاسات كانت ب 550 وانتى طالعه
فجبت 6 كوبايات من نفسى ب 225 تقريبا من حمام التلات
وفى كاسات بوهيمى بس زجاج مش كريستال وبتبقا حلوة برضو بس مش بشوف منها كتير

طيب ممكن حد ينزل صور للكاسات او الكوبيات دى

في سيكشن بوهيمي ف روسال هاوس ع فكرة

بس رويال غالى شوية

الحب هو الحياة;8118997:
الف شكر ليك ياقمر كلك ذوق واي حد من اسكندرية يفيدنى فى موضوع الدهان ده

اعرف ان سنتر الشوا اللى ف باكوس بيبيع منتجات الدهان دى
و عموما ممكن تسالى عليها ف محلات الادوات المنزلية