كل ما يتعلق بمنتجات افون

Warde;8210925:
إيه ده هو مفيش تست للبرفيومز فى أفون ؟ يعنى أجربها قبل لما أشتريها ؟

بوصي والله مش بحب اقول حاجه مش جربتها
انا زي ماقلت في اول مشاركتي انا اشتريت من واحده جارة خطيبة اخويا عامله عضويه وبتبيع يعني فانا اخترت البرفنات من كلام خطيبة اخويا واخواتها البنات اللي جربو وحكولي اد ايه البرفنات دي وهم وتجنن وانا وثقت فيهم ولله الحمد طلعت ثقتي في محلها

بس البنت اللي جابت الحاجه مش ادتنا اي تست .. لكن الله اعلم ممكن لما تروحي تجيبي بنفسك من الفرع بتقدري تجربيها بس اقولك ودي نصيحه يعني اوعي تاخدي قرار من أول مره يعني لما تيجي تجربي اعرفي ان العطر بيتغير ريحته تماما بعد ما بيهدا وكمان اوعي تحاولي تجربي اكتر من عطر في وقت واحد لأنك هتتلخبطي و هتحسي كأنهم كلهم واحد

واشوف الحل الامثل انك تشتري الروليت قبل ما تشتري المجموعة زي ما انا عملت في عطر تاشا وبعدين احكمي اذا عجبك وتشتري ولالا

تسلمى انا كتير بحب منتجات افون وخصوصا الماسكارا والعطور

وردي بصي انا خبره في افون لاني بشتري منها على طول من قبل اوريفلام حتى وبعرف فيها كتير لو عايزه اي سؤال انا اقولك الشهر ده كان فيه عروض حلوه كتير وانا اشتريت حاجات كتير لو عايزه تساءلي عن اي حاجه اقولك
شهر واحد العروض اللي شايفه سعرها حلو هقولك عندك الكريم الليي اسمه انيو ممتاز كريم الليل والنهار نازل بنص التمن ان شاء الله هجيبه وكمان عندك ومن اوف ايرث دي خطيره ونازله باقل من نص التمن هتيها وانتي مغمضه عينك روعه وبتثبت وخطيرررررررررره عن تجربه عرض الشامبو والسيروم والروليت الهديه حلو اوي كمان
في اسكرب نازل ب8 ونص ده سعره كويس دي العروض اللي سعرها كويس وممتازه ولو ناويه تجيبي او تلحقي حاجه الشهر ده قوليلي وانا اقولك ايه الحلو انا جبت كريم ليل االازرق مش فاكره اسمه وجبت اتنين تونر واحد ب10 ونص والتاني ب13 ونص ممتاز وجبت كريم اسمه سورس سي فظيييع اوي للبشره الدهنيه ومنعش موت ب15 ج نازل عليهم خصم 70 % وقلم الكحل حلو اوي ايه تاني لما افتكر جبت كذا حاجه ومش مركزه دلوقتي اي سؤال انا في الخدمه

هو عرض شهر 12 خلاص خلص وبدا بتاع يناير

لا لسه عرض 12 لحد اخر الشهر

roro cat;8211486:
لا لسه عرض 12 لحد اخر الشهر

ميرسى يا قمر
بس هو التونر ده ايه غسول للوجه يعنى

maro18;8211472:
هو عرض شهر 12 خلاص خلص وبدا بتاع يناير

العرض بيخلص بنهاية الشهر
بس لان عروض شهر 12 كانت مغريه جدا هتلاقي اغلبها خلصت ^.^

ده بعد ما بتغسلي وشك بتجيبي قطنه وتمسحي بيه وشك بيشيل باقي الحاجات اللي مشلتهاش الصابونه وبينقي البشره ويقبض المسام

ورده البستان;8190826:
مرسي ياحبيتي

تسلمى يا قمر

maro18;8190858:
ميرسى ياجميل

متشكرة اوى بس متعرفيش هو مفيد لكل انواع الشعر يعنى بيمشى مع كله ولاكويس لانواع معينه

لاء واله ما اعرف دى

halakhaled;8191290:
مشكورة أختي

تسلمى ياجميل

هاى ايمى اليكس فينك مش باينة لعل المانع خير
عايز اعرف فى فرص مجموعات او برفام الرجالى فى شهر واحد ؟

emy_alex;8007930:

[blink]مجموعه فاراواى[/blink]
البرفيم+الاسبراى+رول ان ب88
شاور جل ب21
كريم جسم ب 21

[blink]مجموعه سيليبر[/blink]
برفيم + اسبراى+رول ان ب83
كريم الجسم ب21

[blink]ليتل بلاك دريس[/blink]
برفيم+ رول ان ب79
كريم الجسم ب21
الاسبراى ب31.5


[blink]رير بيرلز [/blink]
برفيم+ رول ان ب79
كريم الجسم ب21
[blink]

رير جولد
[/blink]برفيم+ رول ان ب79
كريم الجسم ب21

طيب يعنى هى المجموعات دى ممكن الاقى منها لسه ولا خلاص كله خلص
لو حد معاه ارقام الشركة ياريت يبعتها لى وبفكر بقى انزل اروح الفرع اللى فى روكسى ده انا اول مرة لسه

roro cat;8211574:
ده بعد ما بتغسلي وشك بتجيبي قطنه وتمسحي بيه وشك بيشيل باقي الحاجات اللي مشلتهاش الصابونه وبينقي البشره ويقبض المسام

عايزه اسألك لما جربتيه حلو ولا بيخلي البشرة جافة؟
اصل انا استخدمت التونر بتاع كلين اند كلير وندمتتتتتتت لأن بشرتي حساسة جدا جدا
و التونر كان كله كحول استخدمته مره وكان بيلسعني ولقيت وشي جاف اتوقفت عن استخدامه فورا

ياريت تقولي تجربتك عن التونر دا حلو ولا مش اد كده؟ وكمان نوع بشرتك

وياريت يابنات لو حد جرب كريم اساس او بودره حلوة من افون يقولنا ايه هي وايه نوع بشرته :D

عاوزين نفيد بعض :)

الحب هو الحياة;8191506:
ميرسى ياقمر على الصور ياريت تقوللى ايه رايك فى كريم اساس كلر ترند ؟
وعايزاكى تقولى لنا ايه الفرص اللى سعرها نازل اوى ولازم نجيبها قبل الكمية ما تخلص ؟
وسعر نساء العالم ده ارخص حاجة ولا كده غالى؟
وكمان بالنسبة لعرض الشامبو والسيرم اللى ب 44.5 الخصم 40 % ده على المجموعة ككل ولا 40 على الشامبو لو حده و40 للسيرم لوحده ؟
وبالنسبة لعطر انكانديسنس عليه خصم ولا لا لان نص الصفحة بالاسود ؟ ولو سمحتى لو ينفع تبعتلى الصور على الخاص بدون التظليل والكتالوج كامل وللعضوية لو سمحتى ازاى اعرف انى عملت 100 نقطة من الكتالوج ؟
وشكرا ليكى ومعلش تقلت عليكى باسئلتى الكتيرة

كريم اساس كلر ترند هو غير دهنى فلام لبشره دهنيه
وهو غامق مش ينفع لبشره بيضه
بس تغطيته كويسه
بالنسبه لعرض الشامبو والسيرم
فسواء 40 على ده لوحده او المجمعه هيه هيه
وهو 40 على ده لوحده
و40 ده لوحده
ولو خدتى الاتنين هتستفيدى بالروليت

الفرص والعروض هاقولها بس اخلص ردود
وعرض ومن اوف سيرث جميل طبعا


وانكانديسنس نازل عرض تمنه 71.5

وافون مش فيها نظام نقط يا جميل

دانـة مصـر;8205303:
السلام عليكم ورحمة الله وبركاتة

انا من اسبوعين تقريبا كنت اتكلم مع خطيبة اخويا وبعدين دخلنا في العطورات والماكياج فااتفقنا اننا نشتري كل شهر عطر ولا اتنين ونشيلهم بحيث على ما نتجوز يكون عندنا مجموعة حلوة
المهم انا مكونتش متابعة افون خااالص بس كل اللي جربته منها عطر اسمه دريم لايف ودا كان تحفه تحفه تحفه
بس خطيبة اخويا طلعت متابعة منتجات افون واخواتها كمان وجابتلي البروموشن بتاع شهر 12 من واحده جارتها وقررنا نشوف العروض الحلوة ونشتريها

وبناء على تجربتها هي واخواتها المتجوزين اخترنا من البروموشن لشهر ديسمبر الأتي :

- عطر فاراوي + الاسبراي + المزيل ودا اخدناه بـ 88 جنيه وطبعا كان عرض مذهل وريحته روعه
- عطر سيليبر + الاسبراي + المزيل ودا كان بـ 83 (( متتصوروش العطر دا انا عجبني اد ايه بجد عشقته من رومانسيته ونعومته وبيثبت بشكل كبير ماشاءالله انا رشيت منه عشان اجربه وغسلت ايدي وفضل ريحته زي ماهي ))
- عطر رير جولد + المزيل بـ 79 ودا ريحته قوية وجناااان بتناسب السهرات والحفلات والمزيل بتاعة ريحته قوووية زي العطر تمام وبيبان جماله بعد ما العطر بيهدا

- حبينا نجرب تاشا فاشترينا الروليت بالاول معجبتنيش و حسيتها مش من مستوى العطورات التانية بس بعد ساعة تقريبا لما هديت والله تفاجأت من جمالها ورقتها
حسستني بشيء من بالانتعاش

اخدنا كمان ماسك جميل اسمه بلانيت سبا بزيت الزيتون ودا سعره كان 52 بس كان عليه عرض اخدنا بـ 15 جنيه

وعجبني عندهم زبدة كاكاو بس للاسف مش لقيناها لانها كانت خلصت
واشترينا ماسكرا حلوة اوي مش فاكره اسمها بـ 21 جنيه

هي مدحتلي في عطر نساء العالم وكان معاها الروليت وعجبتني بس كان وقتها بـ 99 جنيه قالتلي نستني لحد ما ينزل عرض ويكون رخيص وفعلا نزل الشهر دا ب 45 جنية بس والنهارده كانت عندنا واتفقنا نشتريه هو وعطر برسيف

وقررنا نتوقف لحد لما ينزل عروض على العطورات التانيه زي توداي وتومورو وكريستال اورا وليتل بلاك دريس

وبالنسبة لكريمات الجسم اللي بتنزل مع العطورات قلنا نشتريها بس بعد ما نحدد معاد الجواز عشان تكون لسه جديدة وتعد معانا فتره اطول

بجد انا عجبتني جدا عطورات افون وان شاءالله كل لما ينزل عرض حلوو بشتريه ولما نكتفي من عطورات افون النسائيه تماما بنفكر انا اجيب لخطيبي وهي تجيب لخطيبها ( اخويا) هههههههههه

على فكرة ايمي انا من اليكس بردو ياريت تقوليلي فين مقر افون فيها
وشكرا لموضوعك المميز دا وجزاكِ الله خير
تقبلي مروري ^^

العروض فعلا جميله
ورير جولد ده ماى برفيم اصلا
وتاشا انا مش بحبها ومش بتعجبنى ريحتها

وافون اتلبرفيم الرجالى جميله جدا
اما عن مقر افون فهو فى جليم على البحر
اودام سابليه جليم

دانـة مصـر;8211924:
عايزه اسألك لما جربتيه حلو ولا بيخلي البشرة جافة؟
اصل انا استخدمت التونر بتاع كلين اند كلير وندمتتتتتتت لأن بشرتي حساسة جدا جدا
و التونر كان كله كحول استخدمته مره وكان بيلسعني ولقيت وشي جاف اتوقفت عن استخدامه فورا

ياريت تقولي تجربتك عن التونر دا حلو ولا مش اد كده؟ وكمان نوع بشرتك

وياريت يابنات لو حد جرب كريم اساس او بودره حلوة من افون يقولنا ايه هي وايه نوع بشرته :D

عاوزين نفيد بعض :)

التونر سواء الاخضر او الابيض الاتنين حلوين ومش بينشفوا البشره بالعكس بشرتي بعدها كانت طريه جامد وانا بشرتي دهنيه بس بجد حلوين وسعرهم حلو
بصراحه بودر وفونديشن من افون مجربتش مقدرش افيدك في الموضوع ده

maro18;8209540:
طيب انا عايزة اعرف ايه اقوى عروض البرفان اللى نازله الفترة دى عشان فى برفانات كتير واسعارها كويسه بس طبعا مش هقدر اجيبها كلها مرة واحدة فعايزة اجيب مثلا اتنين يكونوا مش هيتعوضوا تانى فى عرضهم ترشحوا لى ايه من دول
باشون دانس
نساء العالم
برسيف
انكانديسنس
مجموعة رير جولد
مجموعة فاراوى
مجموعة سيليبر
تريزيل سيدكشن

ياريت تردوا عليا بسرعه عشان الحق وعايزة اعرف العرض ده اخره امتى معلش هتعبكوا معايا

العروض الميزه فى الشهر ده الى هو 12 الى خيخلص كمان يومين
فاراواى
سليبير عرضها تحفه
رير جولد

وبالانسبه لشهر واحد الى لسه هيبدا
وومن اوف ايرث
وانكاندسينس

عروسة ليبيا;8209605:
قمرااااااااااااااااات :1_3: مصرررررر :1_3: منوررين عررروس زي العااااااااادة انااا قرريت الموضوع كلو تقريباااا الا بعض الصفحاات الى مااكنتش بتحمل قرريت ولا ملل ولا كلل رووووووووووووعه ,,ايمي :up::up:,,,,,,,,علالا فكرة انا زي ماا شفتو من ليبياا وعندي احلا صحاب فمصر :thumbs: وبنزل كل سنه ولسه حنزل عشااان اجهز من عندكم فشهر تلاته تقرريباااا ياااااااااااااريت ياابنات تقولولي هوااا ف 3 بتكووون ف تخفيضااات جمده صح انا اول مرة انزل ف تلالاته عااااوزه منكم النصح اررروح فين ووين كان ليا صااحبه انتيم امهاا مصريه بتنزل معايا وبتسااعدني عارفه البلد بس لما تجوزت خلاص محتاره اروح وحدي ازااي عشاان كداااا قالولي ف 3 تخفيضاات ايه رايكم وهل افووووووووون بسوي تخفيض برررضوو انا نازله و بنزل ف مدينه نصر حسكن فعماارات العبور ياااريت تسااعدوني وليكم حبي ودعااائي :888345: ربنااا ينولكم ابن الحلال الي يريحكم ويستركم ياااااارب

هتنورى مصر يا قمر
افون فى شهر تلاته بتنزل عروض تحفه
عشان عيد الام ياقمر

دانـة مصـر;8209800:
انا هقولك رأيي ولكِ حرية الاختيار طبعا

الشهر دا في عرض قوي على نساء العالم سعرها الاصلي ب 99 الشهر دا ب 45 بس ودي روووعة وفعلا اسمها على مسمى
وبرسيف كمان عليها تخفيض حلو وسعرها بعد التخفيض ب71 جنيه وريحتها جميله جدا ورقيقة

مجموعهم الاتنين 116 لو عندك عضويه هتاخديهم اقل من سعرهم بـ 25% يعني حوالي 30جنيه خصم وانا هعمل كده بأذن الله خلال الاسبوع دا قبل ما العرض يخلص خصوصا نساء العالم بيتسحب بشكل رهيييييب

بالنسبة للعطورات التانية مفيش عليها اختلاف وعن تجربه خصوصا جولد رير سيليبر وانكانديسنس وفاراواي بس الشهر دا مش عليهم عروض قوية ومغريه العروض الحلوة ليهم كانت الشهر ديسمبر وللاسف خلص استني لفرصه افضل :wink:

العرض هيبدأ في شهر يناير وهينتهي بنهاية الشهر

تسلمى يا قمر على الرد والافاده

سما الحب;8209812:
ازيك يا ايميي الموضوع تحفه بجد وحبيت اقولكم علي الحاجات الي جربته من افون

من الكريمات للجسم
نساء العالم / رير جولد / ريفولي

مزيلات العرق / نساء العالم تحفه

كريم للوجه بالشاي
كريم للقدم لازاله الجلد الميت حلو قوي /فوت ووركس


شامبوه و شاوور للدش
سينسنز الاحمر بالورد والياسمين
بابل باث ---------- بينك / التفاح خطير
سينشوال رغوه شاور للدش


روليت

رير جولد / نساء العالم / فاراواي / ليتل بلاك



الكحل

جليمر ستيك للعيون الاسود حلو قوي مش بيسيح وبيقعد وقت طويل وجبت منه للشفايف اللون الموف الغامق
وجبت كمان القلم الي كان في العرض الاخير ابو 15 جنيه طري جدا جبت الازرق
وجربت كمان بودره وكريم اساس كلر تراند

الروجات جبت ستاراب بينك ومودرن موكا السايل
وروج ريتش باشفل بلم من العرض

والماسكرا اب ليفتنج حلوه وكمان دراينج كيرفيز
واغلب الحاجات دي جبتها في العروض سعرها بيبقي حلو قوي

تسلمى ياقمر على الافاده
وفعلا كريم القدم روعه
ومزيلات العرق انا مش بستخدم غيرها
بس بحب رير جولد وفقاراواى اكتر حاجه

دانـة مصـر;8209888:
كنت اتمنى اساعدك لكن انا من اسكندرية
عموما افون بتعمل عروض كل شهر اشتري ارخص المنتجات اللي بتنزل كل شهر وهتلاقي عندك مجموعة حلوه
بخصوص شهر 3 صراحة انا مش عارفة بس عموما كل شهر بينزل تخفيضات على منتجات معينة واظن ان افضل واكبر تخفيضات كانت بشهر 12 بسبب عيد الاضحي والكريسماس
تقبلي مودتي واحترامي (f)

تسلمى يا قمرلا
على الرد
بس شهر تلاتهخ بتنزل خصومات تحفه عشان عيد الام

maro18;8209918:
ميرسى اوى لردك يا قمر فعلا انا نساء العالم كنت حاسه انه حلو وكمان عليه خصم حلو بس كنت عايزة اسال على سيليبر هو عرضه خلص ولا ايه لان سعره اللى انتى قولتيه كان حلو وكمان معاه مزيل واسبراى
وكمان اعمل العضوية ازاى واجيبهم منين
اخيرا بقى الماسكرا ياريت تقولى لى اسمها عشان بفكر اجيب ماسكرا من افون

سليبر ريحته هاديه اوى
بس فى عيب مش ينفع يجى هديه
لان علبته الكرتون م حلوه
العضويه عشان تعمليه
بتروحى الشركه تقولى هاعمل اوردر وعضويه
بس كده

دهبيه;8210158:
موضوعك جميل

تسلمى ياقمر

maro18;8209918:
ميرسى اوى لردك يا قمر فعلا انا نساء العالم كنت حاسه انه حلو وكمان عليه خصم حلو بس كنت عايزة اسال على سيليبر هو عرضه خلص ولا ايه لان سعره اللى انتى قولتيه كان حلو وكمان معاه مزيل واسبراى
وكمان اعمل العضوية ازاى واجيبهم منين
اخيرا بقى الماسكرا ياريت تقولى لى اسمها عشان بفكر اجيب ماسكرا من افون

ايون هو حلو يا قمر
اما عروض سليبر وعروض شهر 12
للاسف معرفش ايه شغال وايه خلص
اتصلى بيهم اتاكدى
لان ممكن يكون خلص من فرع اللى عندنا وموجود فى فرع تان

Warde;8210508:
يعنى إيه "روليت" ؟
وعايزة أعرف لو هجيب حاجات مثلا ب 150 جنيه من الكتالوج ، يبقى يطبق عليها 25 % علطول وأدفع 112.5جنيه ؟

دانة مصر ، ماشاء الله عليكى إستفد كتير من كلامك
طيب إيه تانى فى كتالوج 1 حلو و يستاهل إننا نشتريه ؟

روليت دى عينه للبرفيم
اللى هى ببليه

وياحبيبى افون طبيعى خصم 25%
على اى طلبيه
وطبعا الطلبيه مش تقل عن 100 كتالوج
ولو عملتى طلبيه ب150 مدفوع تاخدى هديه وهكذا
عروض شهر واحد هاقول ايه الحلو منها

دانـة مصـر;8210538:
العفو حبيبتي وصدقيني نساء العالم دي رووعة ومش هتندمي لو جبتيها
سيليبر العرض بتاعها خلص للأسف لكن معلش تتعوض في عروض جديده بس متفوتيش عروض شهر يناير خصوصا نساء العالم وبرسيف وفي سيرم الشعر بيقولو عليه جنان

الماسكرا اسمها ليفتنج اب ودي كانت بـ 70 جنيه في العرض نزلت ب 21 بس

بخصوص العضويه انا اعرف بيها من زمان لكن صراحة مش عارفه مكان افون باسكندريه او بمعنى اصح مكونتش مهتميه ان اعرف
عموما زي ما قالت ايمي بتروحي لأي فرع قريب منك ويكون معاكِ صورة البطاقة هيعملولك عضوية مجانا مقابل انك تشتري حجات من البروموشن بـ 100 جنيه بس وقتها هتاخديهم بـ 75 جنيه بس يعني خصم 25%
وكل مره تشتري ويوصل مجموع مشترواتك لأكتر من 100 جنيه بتاخدي خصم 25% وعشان كده متشتريش الا لما تكوني مجمعه كذا منتج بحيث تستفيدي من الخصم
وبخصوص العضوية لو مش اشتريتي حجات لمده 3 شهور هتروح عليكي بس عادي تقدري في اي وقت تعملي واحده تانية وبنفس الطريقة

وصراحة العضويه هتفيدك وانا هعمل واحده مشتركه مع خطيبة اخويا ان شاءالله لأننا هنشتري حجات كتير فا مثلا المشتروات بتاعتي في شهر 12 وصلت لـ 300 وهي كمان جابت نفس الحجات بـ 300 فاتخيلي كنا هناخد خصم 25% يعني حوالي 70 جنيه لكل واحده فينا مبلغ مش بسيط بس يلا بنعوضها الشهر دا مع برسيف ونساء العالم

افون فى جليم على البحر
وتسلمى على ردودك ياجميل