كل ما يتعلق بمنتجات افون

بتاع واحد
اللى هبدا اول السنه الجديده باذن الله

طيب ممكن اعرف حد جرب السيروم بتاع ايفون وسعره كام

maro18;8190204:
طيب ممكن اعرف حد جرب السيروم بتاع ايفون وسعره كام

فى بنوتة اسمها سارة افندى جربته وبتشكر فيه اوى

maro18;8190204:
طيب ممكن اعرف حد جرب السيروم بتاع ايفون وسعره كام

اه كويس ياقمر

وفى شهر واحد
نازل 29.5
وهو والشامبو وعليهم روليت ب44.5

مرسي ياحبيتي

.* اميرة *.;8190225:
فى بنوتة اسمها سارة افندى جربته وبتشكر فيه اوى

ميرسى ياجميل

emy_alex;8190321:
اه كويس ياقمر

وفى شهر واحد
نازل 29.5
وهو والشامبو وعليهم روليت ب44.5

متشكرة اوى بس متعرفيش هو مفيد لكل انواع الشعر يعنى بيمشى مع كله ولاكويس لانواع معينه

مشكورة أختي

ميرسى ياقمر على الصور ياريت تقوللى ايه رايك فى كريم اساس كلر ترند ؟
وعايزاكى تقولى لنا ايه الفرص اللى سعرها نازل اوى ولازم نجيبها قبل الكمية ما تخلص ؟
وسعر نساء العالم ده ارخص حاجة ولا كده غالى؟
وكمان بالنسبة لعرض الشامبو والسيرم اللى ب 44.5 الخصم 40 % ده على المجموعة ككل ولا 40 على الشامبو لو حده و40 للسيرم لوحده ؟
وبالنسبة لعطر انكانديسنس عليه خصم ولا لا لان نص الصفحة بالاسود ؟ ولو سمحتى لو ينفع تبعتلى الصور على الخاص بدون التظليل والكتالوج كامل وللعضوية لو سمحتى ازاى اعرف انى عملت 100 نقطة من الكتالوج ؟
وشكرا ليكى ومعلش تقلت عليكى باسئلتى الكتيرة

السلام عليكم ورحمة الله وبركاتة

انا من اسبوعين تقريبا كنت اتكلم مع خطيبة اخويا وبعدين دخلنا في العطورات والماكياج فااتفقنا اننا نشتري كل شهر عطر ولا اتنين ونشيلهم بحيث على ما نتجوز يكون عندنا مجموعة حلوة
المهم انا مكونتش متابعة افون خااالص بس كل اللي جربته منها عطر اسمه دريم لايف ودا كان تحفه تحفه تحفه
بس خطيبة اخويا طلعت متابعة منتجات افون واخواتها كمان وجابتلي البروموشن بتاع شهر 12 من واحده جارتها وقررنا نشوف العروض الحلوة ونشتريها

وبناء على تجربتها هي واخواتها المتجوزين اخترنا من البروموشن لشهر ديسمبر الأتي :

- عطر فاراوي + الاسبراي + المزيل ودا اخدناه بـ 88 جنيه وطبعا كان عرض مذهل وريحته روعه
- عطر سيليبر + الاسبراي + المزيل ودا كان بـ 83 (( متتصوروش العطر دا انا عجبني اد ايه بجد عشقته من رومانسيته ونعومته وبيثبت بشكل كبير ماشاءالله انا رشيت منه عشان اجربه وغسلت ايدي وفضل ريحته زي ماهي ))
- عطر رير جولد + المزيل بـ 79 ودا ريحته قوية وجناااان بتناسب السهرات والحفلات والمزيل بتاعة ريحته قوووية زي العطر تمام وبيبان جماله بعد ما العطر بيهدا

- حبينا نجرب تاشا فاشترينا الروليت بالاول معجبتنيش و حسيتها مش من مستوى العطورات التانية بس بعد ساعة تقريبا لما هديت والله تفاجأت من جمالها ورقتها
حسستني بشيء من بالانتعاش

اخدنا كمان ماسك جميل اسمه بلانيت سبا بزيت الزيتون ودا سعره كان 52 بس كان عليه عرض اخدنا بـ 15 جنيه

وعجبني عندهم زبدة كاكاو بس للاسف مش لقيناها لانها كانت خلصت
واشترينا ماسكرا حلوة اوي مش فاكره اسمها بـ 21 جنيه

هي مدحتلي في عطر نساء العالم وكان معاها الروليت وعجبتني بس كان وقتها بـ 99 جنيه قالتلي نستني لحد ما ينزل عرض ويكون رخيص وفعلا نزل الشهر دا ب 45 جنية بس والنهارده كانت عندنا واتفقنا نشتريه هو وعطر برسيف

وقررنا نتوقف لحد لما ينزل عروض على العطورات التانيه زي توداي وتومورو وكريستال اورا وليتل بلاك دريس

وبالنسبة لكريمات الجسم اللي بتنزل مع العطورات قلنا نشتريها بس بعد ما نحدد معاد الجواز عشان تكون لسه جديدة وتعد معانا فتره اطول

بجد انا عجبتني جدا عطورات افون وان شاءالله كل لما ينزل عرض حلوو بشتريه ولما نكتفي من عطورات افون النسائيه تماما بنفكر انا اجيب لخطيبي وهي تجيب لخطيبها ( اخويا) هههههههههه

على فكرة ايمي انا من اليكس بردو ياريت تقوليلي فين مقر افون فيها
وشكرا لموضوعك المميز دا وجزاكِ الله خير
تقبلي مروري ^^

طيب انا عايزة اعرف ايه اقوى عروض البرفان اللى نازله الفترة دى عشان فى برفانات كتير واسعارها كويسه بس طبعا مش هقدر اجيبها كلها مرة واحدة فعايزة اجيب مثلا اتنين يكونوا مش هيتعوضوا تانى فى عرضهم ترشحوا لى ايه من دول
باشون دانس
نساء العالم
برسيف
انكانديسنس
مجموعة رير جولد
مجموعة فاراوى
مجموعة سيليبر
تريزيل سيدكشن

ياريت تردوا عليا بسرعه عشان الحق وعايزة اعرف العرض ده اخره امتى معلش هتعبكوا معايا

قمرااااااااااااااااات :1_3: مصرررررر :1_3: منوررين عررروس زي العااااااااادة انااا قرريت الموضوع كلو تقريباااا الا بعض الصفحاات الى مااكنتش بتحمل قرريت ولا ملل ولا كلل رووووووووووووعه ,,ايمي :up::up:,,,,,,,,علالا فكرة انا زي ماا شفتو من ليبياا وعندي احلا صحاب فمصر :thumbs: وبنزل كل سنه ولسه حنزل عشااان اجهز من عندكم فشهر تلاته تقرريباااا ياااااااااااااريت ياابنات تقولولي هوااا ف 3 بتكووون ف تخفيضااات جمده صح انا اول مرة انزل ف تلالاته عااااوزه منكم النصح اررروح فين ووين كان ليا صااحبه انتيم امهاا مصريه بتنزل معايا وبتسااعدني عارفه البلد بس لما تجوزت خلاص محتاره اروح وحدي ازااي عشاان كداااا قالولي ف 3 تخفيضاات ايه رايكم وهل افووووووووون بسوي تخفيض برررضوو انا نازله و بنزل ف مدينه نصر حسكن فعماارات العبور ياااريت تسااعدوني وليكم حبي ودعااائي :888345: ربنااا ينولكم ابن الحلال الي يريحكم ويستركم ياااااارب

maro18;8209540:
طيب انا عايزة اعرف ايه اقوى عروض البرفان اللى نازله الفترة دى عشان فى برفانات كتير واسعارها كويسه بس طبعا مش هقدر اجيبها كلها مرة واحدة فعايزة اجيب مثلا اتنين يكونوا مش هيتعوضوا تانى فى عرضهم ترشحوا لى ايه من دول
باشون دانس
نساء العالم
برسيف
انكانديسنس
مجموعة رير جولد
مجموعة فاراوى
مجموعة سيليبر
تريزيل سيدكشن

ياريت تردوا عليا بسرعه عشان الحق وعايزة اعرف العرض ده اخره امتى معلش هتعبكوا معايا

انا هقولك رأيي ولكِ حرية الاختيار طبعا

الشهر دا في عرض قوي على نساء العالم سعرها الاصلي ب 99 الشهر دا ب 45 بس ودي روووعة وفعلا اسمها على مسمى
وبرسيف كمان عليها تخفيض حلو وسعرها بعد التخفيض ب71 جنيه وريحتها جميله جدا ورقيقة

مجموعهم الاتنين 116 لو عندك عضويه هتاخديهم اقل من سعرهم بـ 25% يعني حوالي 30جنيه خصم وانا هعمل كده بأذن الله خلال الاسبوع دا قبل ما العرض يخلص خصوصا نساء العالم بيتسحب بشكل رهيييييب

بالنسبة للعطورات التانية مفيش عليها اختلاف وعن تجربه خصوصا جولد رير سيليبر وانكانديسنس وفاراواي بس الشهر دا مش عليهم عروض قوية ومغريه العروض الحلوة ليهم كانت الشهر ديسمبر وللاسف خلص استني لفرصه افضل :wink:

العرض هيبدأ في شهر يناير وهينتهي بنهاية الشهر

ازيك يا ايميي الموضوع تحفه بجد وحبيت اقولكم علي الحاجات الي جربته من افون

من الكريمات للجسم
نساء العالم / رير جولد / ريفولي

مزيلات العرق / نساء العالم تحفه

كريم للوجه بالشاي
كريم للقدم لازاله الجلد الميت حلو قوي /فوت ووركس


شامبوه و شاوور للدش
سينسنز الاحمر بالورد والياسمين
بابل باث ---------- بينك / التفاح خطير
سينشوال رغوه شاور للدش


روليت

رير جولد / نساء العالم / فاراواي / ليتل بلاك



الكحل

جليمر ستيك للعيون الاسود حلو قوي مش بيسيح وبيقعد وقت طويل وجبت منه للشفايف اللون الموف الغامق
وجبت كمان القلم الي كان في العرض الاخير ابو 15 جنيه طري جدا جبت الازرق
وجربت كمان بودره وكريم اساس كلر تراند

الروجات جبت ستاراب بينك ومودرن موكا السايل
وروج ريتش باشفل بلم من العرض

والماسكرا اب ليفتنج حلوه وكمان دراينج كيرفيز
واغلب الحاجات دي جبتها في العروض سعرها بيبقي حلو قوي

عروسة ليبيا;8209605:
قمرااااااااااااااااات :1_3: مصرررررر :1_3: منوررين عررروس زي العااااااااادة انااا قرريت الموضوع كلو تقريباااا الا بعض الصفحاات الى مااكنتش بتحمل قرريت ولا ملل ولا كلل رووووووووووووعه ,,ايمي :up::up:,,,,,,,,علالا فكرة انا زي ماا شفتو من ليبياا وعندي احلا صحاب فمصر :thumbs: وبنزل كل سنه ولسه حنزل عشااان اجهز من عندكم فشهر تلاته تقرريباااا ياااااااااااااريت ياابنات تقولولي هوااا ف 3 بتكووون ف تخفيضااات جمده صح انا اول مرة انزل ف تلالاته عااااوزه منكم النصح اررروح فين ووين كان ليا صااحبه انتيم امهاا مصريه بتنزل معايا وبتسااعدني عارفه البلد بس لما تجوزت خلاص محتاره اروح وحدي ازااي عشاان كداااا قالولي ف 3 تخفيضاات ايه رايكم وهل افووووووووون بسوي تخفيض برررضوو انا نازله و بنزل ف مدينه نصر حسكن فعماارات العبور ياااريت تسااعدوني وليكم حبي ودعااائي :888345: ربنااا ينولكم ابن الحلال الي يريحكم ويستركم ياااااارب

كنت اتمنى اساعدك لكن انا من اسكندرية
عموما افون بتعمل عروض كل شهر اشتري ارخص المنتجات اللي بتنزل كل شهر وهتلاقي عندك مجموعة حلوه
بخصوص شهر 3 صراحة انا مش عارفة بس عموما كل شهر بينزل تخفيضات على منتجات معينة واظن ان افضل واكبر تخفيضات كانت بشهر 12 بسبب عيد الاضحي والكريسماس
تقبلي مودتي واحترامي (f)

دانـة مصـر;8209800:
انا هقولك رأيي ولكِ حرية الاختيار طبعا

الشهر دا في عرض قوي على نساء العالم سعرها الاصلي ب 99 الشهر دا ب 45 بس ودي روووعة وفعلا اسمها على مسمى
وبرسيف كمان عليها تخفيض حلو وسعرها بعد التخفيض ب71 جنيه وريحتها جميله جدا ورقيقة

مجموعهم الاتنين 116 لو عندك عضويه هتاخديهم اقل من سعرهم بـ 25% يعني حوالي 30جنيه خصم وانا هعمل كده بأذن الله خلال الاسبوع دا قبل ما العرض يخلص خصوصا نساء العالم بيتسحب بشكل رهيييييب

بالنسبة للعطورات التانية مفيش عليها اختلاف وعن تجربه خصوصا جولد رير سيليبر وانكانديسنس وفاراواي بس الشهر دا مش عليهم عروض قوية ومغريه العروض الحلوة ليهم كانت الشهر ديسمبر وللاسف خلص استني لفرصه افضل :wink:

العرض هيبدأ في شهر يناير وهينتهي بنهاية الشهر

ميرسى اوى لردك يا قمر فعلا انا نساء العالم كنت حاسه انه حلو وكمان عليه خصم حلو بس كنت عايزة اسال على سيليبر هو عرضه خلص ولا ايه لان سعره اللى انتى قولتيه كان حلو وكمان معاه مزيل واسبراى
وكمان اعمل العضوية ازاى واجيبهم منين
اخيرا بقى الماسكرا ياريت تقولى لى اسمها عشان بفكر اجيب ماسكرا من افون

موضوعك جميل

يعنى إيه "روليت" ؟
وعايزة أعرف لو هجيب حاجات مثلا ب 150 جنيه من الكتالوج ، يبقى يطبق عليها 25 % علطول وأدفع 112.5جنيه ؟

دانة مصر ، ماشاء الله عليكى إستفد كتير من كلامك
طيب إيه تانى فى كتالوج 1 حلو و يستاهل إننا نشتريه ؟

maro18;8209918:
ميرسى اوى لردك يا قمر فعلا انا نساء العالم كنت حاسه انه حلو وكمان عليه خصم حلو بس كنت عايزة اسال على سيليبر هو عرضه خلص ولا ايه لان سعره اللى انتى قولتيه كان حلو وكمان معاه مزيل واسبراى
وكمان اعمل العضوية ازاى واجيبهم منين
اخيرا بقى الماسكرا ياريت تقولى لى اسمها عشان بفكر اجيب ماسكرا من افون

العفو حبيبتي وصدقيني نساء العالم دي رووعة ومش هتندمي لو جبتيها
سيليبر العرض بتاعها خلص للأسف لكن معلش تتعوض في عروض جديده بس متفوتيش عروض شهر يناير خصوصا نساء العالم وبرسيف وفي سيرم الشعر بيقولو عليه جنان

الماسكرا اسمها ليفتنج اب ودي كانت بـ 70 جنيه في العرض نزلت ب 21 بس

بخصوص العضويه انا اعرف بيها من زمان لكن صراحة مش عارفه مكان افون باسكندريه او بمعنى اصح مكونتش مهتميه ان اعرف
عموما زي ما قالت ايمي بتروحي لأي فرع قريب منك ويكون معاكِ صورة البطاقة هيعملولك عضوية مجانا مقابل انك تشتري حجات من البروموشن بـ 100 جنيه بس وقتها هتاخديهم بـ 75 جنيه بس يعني خصم 25%
وكل مره تشتري ويوصل مجموع مشترواتك لأكتر من 100 جنيه بتاخدي خصم 25% وعشان كده متشتريش الا لما تكوني مجمعه كذا منتج بحيث تستفيدي من الخصم
وبخصوص العضوية لو مش اشتريتي حجات لمده 3 شهور هتروح عليكي بس عادي تقدري في اي وقت تعملي واحده تانية وبنفس الطريقة

وصراحة العضويه هتفيدك وانا هعمل واحده مشتركه مع خطيبة اخويا ان شاءالله لأننا هنشتري حجات كتير فا مثلا المشتروات بتاعتي في شهر 12 وصلت لـ 300 وهي كمان جابت نفس الحجات بـ 300 فاتخيلي كنا هناخد خصم 25% يعني حوالي 70 جنيه لكل واحده فينا مبلغ مش بسيط بس يلا بنعوضها الشهر دا مع برسيف ونساء العالم

Warde;8210508:
يعنى إيه "روليت" ؟
وعايزة أعرف لو هجيب حاجات مثلا ب 150 جنيه من الكتالوج ، يبقى يطبق عليها 25 % علطول وأدفع 112.5جنيه ؟

دانة مصر ، ماشاء الله عليكى إستفد كتير من كلامك
طيب إيه تانى فى كتالوج 1 حلو و يستاهل إننا نشتريه ؟

تسلمي حبيبتي :)
الروليت هو التست بتاع البرفان بيكون 10مل ودا في العروض الحلوة بيكون تمنه 8 جنيه لكن في الوقت العادي سعره بيكون 14 جنية ودا بتجبيه لما تحبي تجربي عطر جديد بدل ما تشتري البرفان غالي ويمكن لا قدر الله مش يعجبك

بخصوص الخصم ايوا بيطبق على طول تخفيض 25%

بخصوص كتالوج يناير للعطورات نساء العالم محدش يفوتهااا وبرسيف
ونازل عرض جميل اوي هو شامبو ادفانس تكنيكس + السيروم + هديه روليت برفان سيليبر بـ 44 جنيه ونص
صراحة عجبني وناويه اشتريه حتي قولت الروليت استخدمها عشان التانيه شيلتها

دانـة مصـر;8210626:
تسلمي حبيبتي :)
الروليت هو التست بتاع البرفان بيكون 10مل ودا في العروض الحلوة بيكون تمنه 8 جنيه لكن في الوقت العادي سعره بيكون 14 جنية ودا بتجبيه لما تحبي تجربي عطر جديد بدل ما تشتري البرفان غالي ويمكن لا قدر الله مش يعجبك

بخصوص الخصم ايوا بيطبق على طول تخفيض 25%

بخصوص كتالوج يناير للعطورات نساء العالم محدش يفوتهااا وبرسيف
ونازل عرض جميل اوي هو شامبو ادفانس تكنيكس + السيروم + هديه روليت برفان سيليبر بـ 44 جنيه ونص
صراحة عجبني وناويه اشتريه حتي قولت الروليت استخدمها عشان التانيه شيلتها

إيه ده هو مفيش تست للبرفيومز فى أفون ؟ يعنى أجربها قبل لما أشتريها ؟