وقت الطلق وين كنتي؟؟؟ دشي وقولي تجربتج

والله سوالفكم تضحك والله يستر ولادتنا اشلون بتكون موتوني من الخوف انا حامل ببكري بالشهر السادس بس ميتة خوف من الي اسمعه من البنات عن الالم والحالة الي يعيشونها

فديتج ((انكساري شموخ)) مواضيعج واايد حلوه مشكوره ..

قصتي :

حددوا لي المستشفى موعد 2-3-2008 الولاده في نفس اليوم الصبح حسيت بألم وشويه دم بسيط وقلنا عادي والشي اللي يضحك رحت البنك عشان اكتتب لان كان توه بادي الاكتتاب وانا في البنك تدرين زحمه واكتتاب وحاله وكل اللي يدخل يشوف ويهي يقول لي فيج طلق ابتسم :) الطلق يروح ويرجع وكنت مستحمله عقبها يمكن بساعتين خلاص ما قدرت واصلا في نفس اليوم كان عندي موعد يعني طلعت من البنك وعلى المستشفى على طووول قالوا لي ولاده بس الحوض صغير يمكن تولدين طبيعي وخلوني من الصبح لين فليل وحياتج بس خذت ابره الظهر المغرب :wink: وقالوا لي ما في فايده قيصرية لان نبض البيبي صاير خفيف وخافوا عليها المهم ولدت والحمد لله باحلى بنوته ((فجر)) الله يخليها لي يارب وعمرها الحين تقريبا 10 شهور :o

لولو حبيبتي صج ان ألم الولادة محد يقدر يستحمله يعني انا عن نفسي كنت اقول حق امي خلاص بموت بموت..بس صديقيني اول ماتشوفين البيبي بتنسين كل شي


بنك الله يخلي لج فجورة يارب وتشوفينها عرووووووس قولي امين

آميييييين تسلمين يا توأمي ويخلي لج بنتج يارب :9_33:

لوووووووووووووووووووووول

اما انا بولاداتي الثنتين اقوووووووووووم من النوم:angry:
الاولــــــــــــى طلق حاااااااااامي حاااااااااااامي
ولدت عقبة بثلاث ساعات وطبيعي والحمد لله
الثانية
كنت نايمة وحس في الم في بطني :eek2:
احس في شي ينزل انا انهبلت
فزيت بسرعة وحدة وانا بالحمام وانتوا بكرامة:sa24:
مدري شو السالفة على طوووووووووول رحت المستشفي
الحمد الله ماطول في الولادة بولاداتي الثنتين طبيعي

الحمدلله

ههههههههههههههههههههههههههه

ليدي والله ضحكتيني

عقبال ما تقولي لنا عن ولاادتك انت



فوووووووووق

آنه الحمدلله كنت عندهم بالمستشفى يعني ماصادني موقف محرج برع... بس أتمنى الولادة الثانية تكون بعد طلق صناعي عشان كل شي يصير جدام عينهم...

السلام عليكم إيييييييييييييه
لا تذكريني بهذاك اليوم والله كأني متت وعشت فيه
من الساعة 9 بالليل وأنا بطني فيها ألم شديييييييييييييييييييييييدوظهري كأنه فيه خيوط كهرباء ورحت للمستشفى الساعة 6 الصبح راحت معاي أم زوجي ولحقتني أمي هناك بعد شوية ودخلوني عالمكان اللي ينحط فيه النساء قبل الولادة بشوية وصرت أتقطع على هذيك السريس وأعيط وأبكي وأصيح بأعلى صوتي كل مرة تدخل الدكتورة تقولي تحملي بس شوي أخرى وتمسك بايدي وتواسيني جزاها الله خير وأنا مااسوي شيء غير اتقلب على السرير وأقول بأعلى صوتي والكل يسمعني يااااااااااااااااااربيييييييي سااااااااااااااااااااعدني ياااااااااااااااااارب هون علي اللي أنا فيه ياااااااااااااااااارب سهل امري يارب
وبعدين عند الساعة 10 نقلوني لسرير الولادة وصارت فيه حالة بس ما عيطت هناك كان كل تركيزي اني أطلع البيبي وبعد 45 دقية يعني الساعة11 الا ربع بالضبط طلع البيبي بعد ما قربت عيوني وروحي تطلع من الألم
بس مجرد سمعت صوت بنيتي واهي تبكي نسيت كل الألام كانت لظات ما أقدر أوصفها بكت حزن وفرح وماني مصدقة اني قدرت أطلع بشر من داخلي تسألني الدكتورة ليش تبكي انتي المفروض تضحكي الآن لانك خلاص ارتحتي وبعدها جا وقت الإبر والمقص..............
ولما جابولي بنيتي نظرت لها وفرحت فيها واجد قلتلهل شنو سويتس فيني يا بنيتي الدكتورة كانت جمبي ابتسمت وكادت ادموعها اتطيح من الموقف لأن أو ولادة لي كنت اصغييرة عمري 19 سنة بس كنت ابين اصغر من عمري وااااااااجد دايما يستغربوني
والحين حاااااااااااااااااااامل مرة أخرى وبنيتي بس عمرها 5 شهور ومن عرفت نفس حامل وأنا أفكر في ذيك اليوم الله يسهل علي وعلى كل حاااااام

الله يقومج بالسلامة حبيبتي

انا بولادتي الاولى قعدت عادي وكنت ناوية ادرس لامتحاني ..
خصوصا ان كانت عندي مراجعة قبل يومين وقالت لي الطبيبة ان الرحم مفتوح 2 سم وراح تولدي هاليومين
فكنت عندها وقلت بنفسي خلاص ما راح ادرس للامتحان لأن شكلي بولد قبله خخخخ
ولما جاء اليوم قبل الامتحان وشفت مافيه بودار ولا اعراض قلت ادرس احسن لي بلا جمبزةخخخخخ
فقعدت الضحى ادرس وادرس وادرس << القهر قطعت شوط في المذاكرة
وانا قاعدة بوضعية صعبة لا بهالبطن شكبره ، ولا بهالكتاب شمتنه... والا احس بالشلالات تهطل خخخخخخ
وتوني بقوم الحمام والا الماي يستكمل نزوله
رحت الحمام وقعدت لما حسيت خلاص ان الماي ما راح ينزل بعد ..
وطبعاً غشيمة شلت التلفون واتصلت في اختي وانا ارتعش وخبرتني اروح المستشفى لأن حسب كلامي نزل ماااااااااااااااي واجد
وكان وقتها رمضان زوجي جاء من عمله من وقت .. ونام له ساعة ودايخ ع عمري مو متعود ع الصيام توه 2 يوم من رمضان
ورحنا المستشفى وطلعت ولادة لكن ما ولدت الا ثاني يوم بطلق صناعي وربي رزقني احلى ولد
والاهم ان الامتحان ما قدمته هههههههههههههههههههههههههه

قبل الامتحان بنص ساعة كان توه مطلعيني غرفة الاستراحة والربع طخ اتصالاات وانا ابشرهم خخخخخخخخ

صباح الخير

للرفع ^__*

جمانة اللي يخلي لج ولدج يارب

ام انا فجاني الطلق وانابالرياض والمفروض اولد بالشرقيه وطول الطريق طلق

يسلمووو على المرور

والله عجبتني قصص الاخوات انا اول حمل لي وان شاء الله اقوم بالسلامة واحكيلكم على الطلق :21_207::21_207: ادعو لي اقوم بسلامة واولد طبيعي

الله يقومج بالسلامة حبيبتي

على فكره موضوعك اول مشاركه بالنسبه لي لانه شدني
وشكرررا