وقت الطلق وين كنتي؟؟؟ دشي وقولي تجربتج

أنا يا بنات في ولادتي الأولي جاني الطلق 12 مساء وانتظرت لما جه زوجي من الشغل وقلتله حاسه بألم بس علي فترات بعيده قالي تعالي ننزل نتمشي قلتله تعبانه بس صمم ونزلنا وذهبنا لأمه بس ما ورتها أني تعبانه ولما اشتد الطلق قلتله يلآ هنفجر ونزلنا من غير ما تعرف شيئ بس اتأكدت أنها ولاده الألم صار أقوي وأقرب ورجعنا المنزل بس ما قدرت أنام وقتها أتصلت بالدكتور وقلتله أن الألم كل 5دقائق قالي يلا علي المستشفي وصلت المستشفي ونزلت ساعتها علامة الولاده بس كان لسه بدري لأني بكريه وعقبال ما ولدت كنت عملت البدع وولدت علي الساعه 1 ظهرا اما ولادتي الثانيه فكنت متأخره عن ميعادي أسبوعين وكان الكتور عطيني لبوس عشان يفتح الرحم فكنت منتظره الفرج طبعا في البيت ولما جه ميعاد الدكتور رحت قالي الرحم انفتح شويه روحي المستشفي وهيدولك طلق صناعي بس الحمد لله المره دي ولدت بسرعه يعني بعد حوالي 5ساعات وربنا ستر والميه ما تفشت منعا للاحراج ههههههههه:o:21_207:

السلام عليكم يابنات :
في بنتي سارة ظل العناد ملازمني رغم إنه صرت خبيرة في الحمل والولادة ومرجع لكل صديقاتي ويثقون في كلامي كثيييير لانه من خبرة , في بنتي سارة وكانت ولادتها في رمضان الي قبل الماضي صحيت الظهر تعبانة مررررة وعارفة ومتأكدة مية المية اني حولد رغم إنه باقي على ولادتي اسبوعين بحساب الدكتورة لكن عشان عندي دوالي الله يعافيكم قالت لي ممكن اولد قبل موعدي المهم دكتورتي سافرت وذاك اليوم في رمضان بدات الأوجاع تزيد وانا ساكته وشغالتي تقول لي ليش مدام وجهك أحمررررررر:bomb: هههههههه وأنا اقول تعبانة من الصيام , طبعا اجا زوجي من عمله قرب المغرب وماقلت كلمة لاني ابغى أكمل صيامي ولو قلتله حيجبرني أفطر وبعد ماحطيت التمرة في فمي قلت له تراني حولد اليوم قال وساكتة من اول وعلى طول بس صليت المغرب ودقيت على صديقتي وجت جلست مع العيال ورحت لدكتورة ما اعرفها وقالت لي تنويييييييييم عشان عندك ولادة ومفتوح 2,,, عاااد كيف يمر الوضع من غير عناد مني ههههه قلت لها 2 لسه بدري "عاملة نفسي دكتورة:dd: " بروح البيت وبعدين ارجع رفضت الدكتورة وأصريت على رأيي وياريتني سمعت كلامها لان أصريت وقلت على مسؤليتي ورجعت البيت وكان الدنيا قرب العيد على 22 والطريق زحمة مووووت والبيت بعيد وشوية وصلت البيت الا والدنيا تتزلزل في بطني من الألم والاقي كم كلمة تهزيء من زوجي ورجعنا مرة ثانية ونزلت علي الموية في السيارة وكنا نوقف في الإشارات وانا اصرخ وزوجي يقول لي تستاهلي حلال فيك عشان :mad2:ثاني مرة تبطلي عناد المهم يدوب وصلت المستشفى شالوني على كرسي متحرك وزوجي من ربكته صدم بي في الجداااار:sa24: وهو يدفني بالكرسي وما ان جت الدكتورة الا وقالت شفتي عنادك وش سوى وعلى طول غرفة الولادة وولدت والحمدلله ونصيحتي لكم لا تعاندون كثييييررررر هههههه.

هاي بنات شلونكم شخباركم والله قصصنا عجييبة انا اقولكم قصتي بولدي عبودي الله يحفظه حسيت بألم وعوار جان ارووح حق دكتورتي فحصتني وقالتلي بس واحد سم مفتوحة تو الناس روحي البيت وتعالي المراجعة بعد اسبوع وطلعنا انا وامي قلتلها يوعانه ورحنا مطعم الديك الرومي يبيع شاورما مشهوور عندنا بالكويت المهم قبل الطلب قمنا نضحك انا وامي جذي من غير سبب حالة هستيرية هههه وصل الجرسون وقال تفضلوا واحنا نضحك واقول 2 شاورما ونضحك و2 عصير وهات ياضحك لما بس موقادرين وراح ولما ياب الطلب للحين قاعد نضحك فا قلنا سامحنا اسفين فقال معلش ربنا يبسطكم كمان وكمان ومشينا نفس الليلة نمنا انا وزوجي الساعة 11 والساعة خمس ماحسيت الا بماي غزير والله واطلع من الفراش بسسسرعة حتى زوجي اخترع وقال شوي شوي قلتلة قوووم بسرعة المستشفى ولادة قالي لالا شدراج قلتلة ادري وحضرتي اخذت شنطة الطلعة وخليت شنطة المشتسفى :) كله من الولادة والخوف رحنا مستشفى السلام ودخلت وولدت احلى عبدالله بعملية قيصيرية وبس

ورقة الورد صج عنيدة <<لووووول
بسس قصصج روووووووووووووووووووووووعة الصراحة

جاني الالم في يوم الاثنين ورحت للدكتوره قالت لي مفتوح نص سم ارجعي وامشي رجعت الشقه وقعدت اتمشى فيها وبعدين جاء ابو الشباب وحطيت الغذاء وكان شاري من المطعم عادت زوجي نتغذى متاخر يعني على الساعه 5 ونص المغرب جاء وجهزت الغذاء ودخلت الحمام لقيت دم وقلت له وعلى طول وداني للدكتوره فحصت قالت 1 سم ارجعي امشي رجعت مع زوجي وخالني امشي ورجعة الشقه نظفت وغسلت وزوجي كان قبل ليلتين مو نايم عدل فبسط ابو الشباب وراح في سابع نومه واني اتمشى في الشقه والالم يزيد ونبهت زوجي وقعد وهو مختلع هاه وش صاير قلت له موب قادره ووداني المستشفى وقالت لي الدكتوره انفتح 1 ونص وبطلعت الروح دخلتني
وولدت الساعه 9 وخمس دقايق الصباح يوم الثلاثاء

اما انا اول ماجاني الطلق كنت نايمة
وقبلها بكم يوم كان نازل علي دم بس ماهتميت
والفجر كنت مستشورة شعري قلت تحسبا لأي طارئ
المهم طلقي كان منتظم بدا 6 الصبح جلست من نومي على مغص قوي جدا وكان كل خمس دقايق
انتظرت لي الساعة 7 الا ربع وجلست زوجي
قلت له بكل برود
شكلي بولد
فتح عيونه وكأنه يحلم
ومو عارفة شنو يقول
أقول ترى ولادة لاتخبص روحك خخخخ
راح يغسل وأنا جهزت نفسي ولبست العباية
ورحنا المستشفى
وللاسف الرحم مفتوح بس 1 سم..
وظليت 12 ساعة أطلق كل 5 دقايق وماانفتح رحمي
حطولي الصناعي وعلى طول بدا المفعول وبس فتح 2 سم
وظليت معلقة لاهو راضي يفتح الرحم
ولاهم راضيين يسوون لي حل
لين ماجتني ازمة من صراخ الحريم قسم اني ماعمري سمعت صراخ نفس صراخهم مرعب بطريقة غريبة
وانا عكسهم على الطلق الحامي الا فيني وانا بس اون واشد في شعري واعضض في زوجي
لين ماوصلت الامور الى التعب الفعلي لي وللبيبي أخر شي عملية هذا القهر
لي الحين منقهرة وجايتني العلة كان ودي وربي بطبيعي بس ربي مااراد
واللي صوبي تون مفتوحة 7 سم وتبي عملية
حتى الدكتورات يقولون لها حرام عليج الا صوبج تبي الطبيعي بس رحمها موب راضي يفتح
يالله الحمد لله على كل حال..

هع متابعه وياكم والله قصصكم حيلوه واااااااااايد الله يثبت حمل الحوامل ويسر امور اللي بتولد ويتربا في عزها اللي ولد آمين يارب العالمين وصلي اللهم على سيدنا محمد صلى الله عليه وسلم

ورقة الورد الصراحه انتي صدق صدق عنيده بس انا لو مكانج بسوي نفسج عشان ماباقي الا شوي وياذن المغرب بس سالفت عناد مالج يوم طلعتي من المستشفى الصراحه تستاهلين اللي سواه فيج ريلج خخخخخخخخخخخخخخخ

وانا عكسهم على الطلق الحامي الا فيني وانا بس اون واشد في شعري واعضض في زوجي



هههههههههههههههههههههههههههههههههههه ذبحتيني من الضحك

انا كنت نايمه
خخخخخخخخخخ
يصحيني الطلق اول مايروح ارجع انام
وعلي هالحال يوم كامل لااكل ولاراحه
لكن الحمدلله شرف الشيخ
وولدت طبيعي

يا سلام قصصك اخر فنتك كل وحده شكل ههههههههههه

الله ايسر علينا توني داخله الخامس ما بقى كثر اللي راح ههههههههه

خخخخخخخخخخخخخخ
موواقف تضحك صراحة
up
up

مراحب ..

موضوعج وايد حلوووو .. وأنا توني كاتبة قصة ولادتي عشان جذي ما راح أذكر أي تفاصيل ..

بس يوم يجيني الطلق كنت في بيت أهلي وزاد الطلق الساعة 4 العصر بعد مابخرتني أمي بالقهوة وولدت الساعة 9إلا ثلث بالليل ..

الحمدلله الله سهل علي وولدت طبيعي بولد .. والله يسهل على كل الحوامل ..

الطلق الحقيقي جاني وأنا في المستشفى لأن ركبوا علي طلق صناعي الصبح وولدت يوم ثاني الصبح جبت بنوتة عمرها الحين 49 يوم :)

بسم الله ..

السلام عليكم ..

انا بحملي الأول كنت نايمة الليل لمن بدا الطلق..

ومرة ثانية كنت في المسجد ليلة القدر..

شوفوا الفرق شلون..

وقت الطلق كنت على سجادتي أصلي العصر

هو ماكان طلق وألم ولله الحمد بس كنت كلما أسجد أحس بسائل دافي ينزل خفيف أقطع الصلاه وأروح أعيد الوضوء وأرجع أصلي ونفس الشي يتكرر إلين ثالث مره قلت خلاص تعبت ماني قاطعه الصلاه وراح أكمل إن الله غفور رحيم

المهم كملت صلاتي وتجهزت على أساس إني بروح أتسوق بما أني على وشك ولاده كنت وقتها في الإسبوع 36 من الحمل في الطريق قلت ليش ما أمر الدكتوره بما إنه موعدي بعدها بيوم بس لأني بكون قريبه منها خلني أفك عمري وأروح

وصلت المستشفى ركبت اللفت وآنه طالعه وإلا دكتورتي في ويهي وإلا تقولي خير طبعاً وإحنه نتمشى قلت لها أبد موعدي بكره بس قلت خل أمرج اليوم وقلت لها على سالفة السوائل وإلا تقولي إن شاء الله ولاده خلينا نشوف بحط لج قطنه من تحت وإذا تحول لونها أزرق يعني هذي ماية الراس مالة الياهل ولازم نولدج :eek:

طبعاً وآنه أمشي حسيت إنه بيغمى علي أي ولاده و أي خرابيط وآنه بروحي محد معاي
نومتني عشان تاخذ عينه وآنه قلبي يرقع ميته من الخوف مابي لون أزرق :ss: عيوني محوله وفعلاً إلي كنت خايفه منه صار طلعت ولاده

بس ماشاء الله تبارك الرحمن أحمد ربي إني ماتعذبت ويا الطلق والآلام إلي تصيب أغلب الحوامل إلي تقعد طول اليوم مع الطلق وإلي تروح وتجي على المستشفى (o)

طبعاً هذا بفضل الله ثم الرياضه و الرياضه والرياضه وايد سهلت ولادتي

وهذي قصتي مع الطلق الله يستر هالمره :ss:

انا بدى الطلق عندي في البيت

رحت المستشفى وظليت هناك يومين وبعدها ولدت بعملية قيصرية

مليك روحي;8254681:

هههههههههههه مواقفكم عجيبة ..

بس عندي سؤال .. الحين متى نروح المستشفى؟

متى نعرف ان دق جرس الانذار >> خخخ حلوة هذي ...

لانه بعض الخوات ينزل عليهم الماي و ما يروحون المستشفى دايركت ..

و بعضكم قال ان نزل دم و نفس الشي ما راحوا المستشفى مباشرة؟

شلون اعرف ان الحين المفرووووووض اروح؟؟

والله بصراحة احنا تعبنا من الدكاترة وكلامهم كل واحد له راي..

يقولج الدكتور اول ماينزل الماي تعالي على طول واذا رحتي قالوا لج توج 2 سم روحي وتعالي لما يصير الألم كل 5 دقايق واذا رحتي والألم كل 5 دقايق قالوا لج نطري لين توصلين 4 سم او اكثر ... بس من تجربت وحدة من ربعي واللي خلاها تولد بسرعة تقول اول مانزل عليها الماي تمت تاكل تمر وتاكل والألم يزيد والدم ينزل وتمت تاكل لين صارت ماتقدر تستحمل راحت المستشفى في اقل من نص ساعة ولدت..

ماشالله عليكم يا امهات صج قصصكم حلوه

انزين شرايكم انا اقول لكم قصه امي وهي تولدني

ههههههههههههههههههههههههههههه

لان انا البكر عشان جذي دوووم تذكر سالفه ولادتي

تقول نزل عليها الماي وهي ع السرير وافتشلت من ابوووووووي على طول راحت الحمام

والماي مايوقف تحسب انه بيوقف وهو مايوقف << مساكين اللي مايعرفون شسالفه

وتقول انها ماتحس بألم ولا اي شي بس تضحك من الاحراج وراحت واتصلت حق يدتي

يدتي تصيح وتقول لها تعالي بنروح المستشفى وامي تضحك لان مافي الم

وراحت المستشفى وهي تضحك .. هههههههههههههههه

بس ماولدت الا عقب 14 ساعه على قولتها راسج يابس =P

+++

وعلى سالفه مستشفياتنا تخيلو قالو حق امي اني ميته واخر شي انا مب ميته .. لوووول

+++

طولت عليكم بنات ^^

هههههههههههههههههههههههههههههههههههههههههههههه
حلوة ذي انا ميتة