طيب اعيش تانى ازاى

افرودييت 03-12-2008 105 رد 4,315 مشاهدة
م
افرودييت;7959770:
بجد عارفه انكم زهقتوا منى بس بجد مش قادره
كتير اقول هدخل ومقدرش ادخل اكتب بجد منهاره وربنا اللى عالم بيا

المرره دى مش هقول عن اللى مخطوه ليه ولا حاجه لا
الحمدلله على كل حال ربنا ابتلانى بلاء اكبر واشد وبجد مش قادره اتحمل واعيش
موت ماما (الله يرحمها يارب)
دى الصدمه اللى بجد
دى الحاجه اللى مكنتش متخيلاها طبعا كلكم عارفين دور الام ايه وقد ايه ماما كانت واقفه معايا فى مشاكلى فى الخطوبه وكان دورها عظيم فى استرجاع نفسى الله يرحمها
لكن
الحنان ده بعد عنى
طلعت من خطوبه ومشاكل مايعلم بيها الا الله لموت امى خامس يوم العيد
ياااااااااااه تعبانه قوى وحاسه ان الدنيا دى ملهاش امان مش قادره انسى ماما ولا اعيش من غيرها
من يوم مااتخرجت وانا معاها ومشتغلتش اتعلقت بيها جدا جدا كنت دلوعتها لاقى حد كنت لما بضحك تقولى بحس ان الدنيا عيد ولم ببكى تقوللى الدنيا وحشه قوى وسوده فى عينى
راحت اللى كانت بتقوينى وانا دلوقتى لوحدى منهاره بحاول اكون قويه قدام بابا واخواتى الولاد لكن منهاره فى اول لحظه مع نفسى من غير امى ومن غير حبيب يواسينى
والله مابقيت قادره
لو نسيت موت ماما افتكر محمد اللى كنت بحبه وبهدلنى معاه وجرحنى قوى وكسر فرحتى وكان المفروض فرحى الشهر ده حسبى الله ونعم الوكيل
ولو نسيت محمد افتكر الكارثه الكبيره موت ماما اللى مفيش حاجه ممكن تصبرنى عنه او تعوضنى
وبقول يارب يعنى مفيش حبيب يواسينى ولا ام تمسح دموعى بسألك العفو والرحمه
بجد مش عارفه اثق فى حد ولا فى نفسى انطويت قوى على نفسى بحلم بكوابيس دايما وبحلم برضه بماما حبيبتى كل يوم لكن بصحى مش قادره اركز
ماما فين؟؟
اللى عمرها مافرقتنى راحت فين
فى الاول كأنها مسافره لكن هى مش مسافره

بنات انا محتجالها ارجوكم اى واحده امها متوفيه تعرفنى عاشت ازاى وطلعت من الهم ده امته؟؟
يعنى هفضل عمرى كله مش حاسه بفرحه ؟؟
هفضل عمرى كله قلبى واجعنى كده
حاسه انى مش هعرف اعيش ولا اتخطب تانى بسبب كل اللى شوفته ولا هعرف افرح خلاص
كل ماافتكرها وانا زغيره لما تقوللى حاسه انى هموت من غير مااشوفك عروسه
اعيط
وكلامها فى اخر شهور كأنها حاسه
اللى مطمنى عليها هو موتتها الجميله اللى الكل بيحكى عنها الحمدلله وجمالها ساعه الدفنه وابتسامتها وكل حاجه
جت لكل الناس بتوصيهم عليا وبتقوللى محزنش لانها مبسوطه لكنى مش قادره ماما دى روحى
دى اول نبض قلبى نبضه كان من نبضها ازاى اعيش بعدها
قولولى تعبانه قوى والله
تعبانه
ده غير الناس الكتير اللى انصدمت فيهم واللى كنت بحبهم قوى حتى اعز اصحابى من تالت يوم العزا ولا شوفتها ولا كلمتنى تانى
ونسايبنا عملوا فرح وهم جيراننا فى الاساس بعد موت ماما ب20 يوم
وكانت خطوبه كمان ممكن قوى كانت تتأجل او تتعمل على الديق
لا ومرات اخويا زعلت لما عاتبتها (هى مسافره) وقولتلها يعنى كده ينفع مش كنتم تستنوا شويه على ما الجرح يتلم
زعلت منى وردت عليا رد بايخ جدا بدل ماتواسينى او تحسسنى حتى انها زعلت منهم برضه
ولا اى حاجه .......................
بجد مجرووووووووووووووووووووووووووووووووووووووووحه قوى قوى
نفسى ربنا يعوضنى عن موتها ولو بزوج يراعى ربنا فيا ويحبنى قوى ويرجعلى ثقتى فى نفسى وفى الناس تانى ويحسسنى ان الدنيا بخير وانى مبسوطه ..........
بس تفتكروا هقدر اعيش من غير ماما او افرح تانى؟؟
كل ماافتكر كلامها اتعب والله هتجنن
ماما ماتت
هى كانت حاسه والمهم انها ماتت بالطريقه اللى طول عمرها كانت بتدعى انها تموت بيها
جتلى فى الحلم بتقوللى انها حجت 9 مرات وكانت قمر وحضنتنى حضن كبييييير حسيت بيه قوى فى الحقيقه ..........
معقول ماما تكون حلم؟؟
اجمل واقع فى حياتى بقى ذكرى؟؟
تصوروا علشان تشوفى مامتك تفضلى تدعى انها تجيلك فى المنام؟؟
صعب قوى
قلبى واجعنى
وحاسه انى لوحدى
قولولى اعمل ايه فى حياتى دى؟ بجد تعبت

يارب يلهمك الصبر والسلوان امين يارب

ويارب يخلى كل الامهات

وان شاء اللة هيدخل حياتك شخص بجد يستهلك

الى الجنة ان شاء اللة
t
لاحول ولا قوة الا بالله خلق الانسان في كبد في تعب ومشقه والدنيا دار ابتلاء وربنا بييتلي الانسان علي قد ايمان ربنا يرحم ماماتك ويدخلها فسيح جناته اصبري يا حبيبتي واحتسبي الاجر وبعدين في ايه كريمه دايما بحب اسمعها في سور ة الحديد (ما اصاب من مصيبه في الارض ولا في انفسكم الافي كتاب من قبل أن نبرأها ان ذاللك علي الله يسر *لكيلا تأسواعلي ما فاتكم ولاتفرحوا بما اتاكم والله لايحب كل مختال فخور )صدق الله العظيم كل مكتوب من قبل ما تخلق ايه الي حيحصل معانا ما تحولي تفتكري خطيبك لانك بتعذبي نفسك اما والدتك الله يحرمها اعملها صدقه جاريه وربنا يصبرك والناس الي بنصدم فيهم قولي حسبي الله ونعم الوكيل واحب افكر باجر الصابرين يدخلوا الجنه من غير حساب
M
البقاء لله ربنا يصبرك
احساس الفراق اصعب شئ فما بالك بالام
من رحمه ربنا علينا ان الحزن هو المولود الوحيد اللى بيتولد كبير اوى وبيصغر مع الايام
خدى بالك من نفسك ومن اخواتك وباباكى
حاولى تعوضيهم عنها لان اكيد ربنا هيعوضك خير عن اى شئ فقدتيه
خلى عندك امل فى رحمه ربنا وخليكى متفائله واعرفى ان الخير جايلك قريب باذن الله تعالى
اللهم انسها فى وحدتها وانسها فى وحشتها وغربتها
اللهم انزلها منزلا مباركا وانت خير المنزلين
اللهم افسح لها قبرها وافرش قبرها من فراش الجنه
اللهم اعذها من عذاب القبر وجاف الارض عن جنبيها
اللهم امنها من فزع يوم القيامه ومن هول يوم القيامه واجعل نفسها امنه مطمئنه ولقنها حجتها
اللهم اجعلها فى جنه الخلد وشفع فيها نبينا المصطفى واسقها من يده الشريفه
d
ربنا يصبرك يا افروديت يا حبيبتي و شدي حيلك و من كرم ربنا عليكي انه بيخلي والدتك تجيليك في المنام عشان تحسي انها موجودة معاكي يا حبيبتي و ان شاء الله ثقي بالله و ادعي دايما

اللهم أجرني في مصيبتي و أبدلني خيرا منها إن لله و إن اليه راجعون و بردو مش عايزاكي تنسي ان ماشاء الله مامتك ست طاهرة و قلبها ابيض و كانت قريبة اوي من ربها و يارب ربنا يحسن ختامنا كلنا ياااااااااااااااااااااااااااااارب اللهم آمين آمين آمين يارب العالمين
t
بصى يا حبيبتى أنا حاسه بيكى أوى وهتصدقينى لو قولتلك أنى دمعت لأنى تقريبا فى مثل حالتك لكن مع والدى أنا وهو قريبيييين جدا من بعض أخوات وصحاب ولك أنك تتخيلى أنى بتكلم معاه فى حاجات ممكن متكلمش فيها مع مامتى وللأسف الشديد هو عيان عايه خبيث فى الرئه و الأيام اللى فاتت شوفته وهو بيموت أدامى أكتر من مره بسبب ضيق التنفس تخيلى أنك تشوفى أعز حاجه عندك بتموت أدامك كل يوم وأنت مش قادره تعملى حاجه ودلؤقتى بنقول ربنا يخفف عنه ويرحمه يارب يا رب

اللى عاوزه أقولهولك أنى أحنا عارفين أنى أحنا لينا يوم وربنا هيفتكرنا محدش هيعيش علطول يعنى مامتك أنا أنت أى حد فى الدنيا ليه أجل وكانت هتحصل هتحصل بس كلنا بندعى الله أنه يخفف عنا وتكون ميتتنا مفهاش تعب ولا الآم ويرحمنا برحمته عمرنا ما طلبنا من ربنا أننا نعيش علطول علشان كده عاوزه أقولك طالت الدنيا أو قصرت ده مسوانا الأخير علشان كده دلؤقتى تحمدى ربنا أنه أتوفت بالطريقه دى ولا تعبت ولا أتعذبت ولا أتبهدلت زى ما أحنا بنشوف يا أفروديت

واللى عاوزه أقولهولك أنك قويه بأذن الله وده باين من الأسم اللى أخترتيه:) أفروديت وأكيد هتجتازى المحنه دى مش بنسيانك ليها لأ بحبك ليها علشان كل ما تعرفى أنها حاسه بيكى وهتزعل لو أنت زعلانه عمرك ما هتزعلى فى الجنه ونعيمها أنشاء الله وربنا يجعل ميتتنا زيها يا رب ويعوضك بالزوج الصالح أن شاء الله
وأى حاجه يا حبيبتى لو محتاجه رقم تليفونى كلمينى على الخاص وربنا معاكى
ا
اختي الغالية اعتبرني اختك اول حاجة عظم الله اجرك والله يرحمها ويغفرلها ان شاء الله انا كمان امي متوفية صارلها سنة ومصدومة زيك وزي حالتلك دايما اشوفها بل حلم شوفي اختي الام ماتنسى بس الجرح يلتئم مع الايام ولكن الذكرى تبقى انا لهذا وقت ما اصدق وفاة امي وخاصة انها صغيرة بل عمر الحمد مات موتة حلوة الله يرحمها اختي هذي سنة الكون ناس تموت وناس تعيش ولاتزعلي من الي حوليكي ناس ماراح تحس باحساسك لانها ماتعاني الي انتي بتعانيه لاني انا حسيت بهل احساس احساس صعب والله وناس ماتهتم لانها مابتعاني انتي مايهمك احد يارب يرزقك واحد يعوضك عن معانتك اختي نصيحة اقري سورة يوسف تعجل نصيبك بزوواج
ص
لا حول ولا قوه الا بالله العلى العظيم

الموت علينا حق يا افروديت دا اولا

ثانيا الحياه بتستمر بس الصعب فى الايام الاولى بصى مظنش مامتك هتبقا مبسوطه وانتى حزينه كدا

والمفروض من حبك ليها تعملى بكلامها وتحاولى تنسى كل شئ يزعلك عشان هى تبقا سعيده

مش انتى بتحبيها يبقا خليها مبسوطه وان شاء الله مسواها الجنه

بصى

متفكريش فى شئ فات لانه خلاص فات ومش هيرجع ولا هتستفيدى من تذكرتك ليه غير الحزن والألم حاول تشغلى نفسك وتعيشى لنفسك بقا وتفكرى فيها

وتقربى من ربنا اهم شئ وربنا هيكرمك ان شاء الله

واعرفى ان بعدك عن خطيبك دا اكيد خير ليكى

وعسى ان تكرهوا شئ وهو خير لكم

واى حد بعد عنك او باعك فوى وقت محتاجه له فيه

يبقا ميستهلش اصلا انك تفكرى فيه ولا تفتكرى حتى اسمه ولا شكله

سيبك من كل دا

كلنا هنموت ان شاء الله

وهنتقابل تانى بالعمل الصالح

وكل انسان بعمله

اذكرى مامتك ديما وادعيلها ودا شئ هيفرحها واهى اكيد معاكى بقلبها وبكلامها معاكى

وان شاء الله ربنا هيكرمك بعريس يكون انسان

وكلمه انسان دى كبيرة اوى فهمانى

وربنا يوفقك

وربا يغفر لعباده المؤمنين والمؤمنات الاحياء منهم والاموات

ربنا يقويكى ويكرمك بالفرح والسعد ان شاء الله
P
حبيبة قلبى البقاء لله و ربنا يصبرك بس يا جميلة لازم تفكرى ان ده قضاء ربنا و المؤمنات لازم يرضوا بقضاء ربنا و يحمدوا الله و تدعيه انه يصبرك و يجيرك فى مصيبتك و يخلفك خيرا منها اللهم امين يارب

و دايما ادعيلها لان دعاؤك دايما بيوصلها و بيرفع درجتها بإذن الله تعالى

اللهم اجرها فى مصيبتها و اخلفها خيرا منها
و يا بنتى و الله حاسة بيكى اوى و جسمى اقشعر و انا بقرأ كلامك ده
و على فكرة انا مامتى متوفيه و انا عندى 5 سنين و اختى 3 و ياما احتجتلهاااااااااااااااا كتيييييييير اوى اوى
فى كل مرحلة فى حياتى كنت بسال فينك يا ماما دلوقتى انا محتجالك اوى بس برجع اقول الحمد لله اكيد ربنا ليه حكمته فى كل حاجة فى الدنيا
ا
اولا ياحبيبتى البقاء لله وربنا يصبرك ويعوضك خير ويجعل مامتك فى الفردوس الاعلى ويرحمها هى وكل اموات المسلمين امييين يارب العالمين
اللى احب اقلهولك هو انك تصبري وتحتسبى عند الله وتاكدى ان الفرج بعد الضيق والبنسبة لمامتك ادعيلها على اد ما تادري لان برالوالدين لاينقطع بوفاتهم واطلبى من ربنا سبحانه وتعالى العون والصبر وهو قادر رحيم
وبعدين اكتر الناس ابتلاء كانوا الانبياء
اما الخطيب فانصحك انك ما تزعليش نفسك عليه طالما لايتيه مش اهل لحبك وثقتك وتاكدى ان هو اللى خسرك مش انتى اللى خسرتية وربنا يعوضك باللى يستاهلك ويسعدك ويهنيكى يا حبيبتى عاجلا غير اجل يارب واخر حاجة هاولهالك (انما يوفى الصابرون اجرهم بغير حساب ) صدق الله العظيم
ا
بجد الف شكر ليكم ولكل اللى داعوا لماما بالرحمه بجد ربنا يخليكم ليا كلكم ........
بس مشكلتى انى بجد حياتى حساها غريبه قوى مش مظبوطه خااااالص وممله جدا جدا
نفسى الايام ترجع بينا .............
والله كتير احس نفسى اقول على اى بنوته يابختك حياتك طبيعيه مامتك عايشه ومبسوطه وتخاف عليكى وتحبك
وتقلق عليكى
فين انا من ايام ماما؟؟
دى كل المشكله انه وحدى وكل الاحداث وحشه قوى ومملله قوى قوى قوى قوى ...
وبجد ماما وحشتنى
وكمان مرره بشكركم كلكم انتوا فعلا اخواتى والله
ص
أختى الحبيبة ربنا ياحبيبتى يصبر قلبك ويرزقك بالزوج الصالح الى يكون ليكى اب وام واخ وزوج وصدقينى ياا حبيبتى مامتك حسه بيكى دلوقت وده امر الله يا حبيبتى وكاس كلنا هنشرب منه انتى ياحبيبتى استعيمى بالله وربنا هيكرمك من حيث لا تعلمى
ا
MAYODAA;8056665:
البقاء لله ربنا يصبرك
احساس الفراق اصعب شئ فما بالك بالام
من رحمه ربنا علينا ان الحزن هو المولود الوحيد اللى بيتولد كبير اوى وبيصغر مع الايام
خدى بالك من نفسك ومن اخواتك وباباكى
حاولى تعوضيهم عنها لان اكيد ربنا هيعوضك خير عن اى شئ فقدتيه
خلى عندك امل فى رحمه ربنا وخليكى متفائله واعرفى ان الخير جايلك قريب باذن الله تعالى
اللهم انسها فى وحدتها وانسها فى وحشتها وغربتها
اللهم انزلها منزلا مباركا وانت خير المنزلين
اللهم افسح لها قبرها وافرش قبرها من فراش الجنه
اللهم اعذها من عذاب القبر وجاف الارض عن جنبيها
اللهم امنها من فزع يوم القيامه ومن هول يوم القيامه واجعل نفسها امنه مطمئنه ولقنها حجتها
اللهم اجعلها فى جنه الخلد وشفع فيها نبينا المصطفى واسقها من يده الشريفه


اللهم آميييييييييييييين
شكرا مياده على الدعاء يارب يستجيب
e
ربنا يصبرك يا اخت لفروديت ويرحم والدتك واموات المسلمين جميعا يارب انتى منين يا اخت افروديت
:
انا نفسك البنت الوحيدة بالبيت وامي توفت الله يرحمهآ ..
آه آه آه .. اتمنى اكون انا اللي مت مكآآنهآآ ..
الحياة من غير أمـ عذآآآآآآآآآآآآبـ .. وحرمآنـ .. وحزن .. ووحـدة .. والذكرى مآ تفارقكك ..

الله يكون بالعون .. :( ..
ا
كلي أنوثة!!;8184970:
انا نفسك البنت الوحيدة بالبيت وامي توفت الله يرحمهآ ..
آه آه آه .. اتمنى اكون انا اللي مت مكآآنهآآ ..
الحياة من غير أمـ عذآآآآآآآآآآآآبـ .. وحرمآنـ .. وحزن .. ووحـدة .. والذكرى مآ تفارقكك ..

الله يكون بالعون .. :( ..


:(:confused:
ربنا يصبرك
c
البقاء لله ربنا يقويكى ويصبرك يارب ويجزيكى عن حزنك وجرحك كل خير ويجعله فى ميزان حسناتك

وعوزه اقولك ان مفيش حاجه عارفه انها صعبه قوى دلوقتى بس لزم تفكرى فيها

وهى الحياه مش بتقف عند موت حد عزيز بالعكس انتى لزم تستوعبى الامر وتقدرى عليه ومتخليه الشيطان يتغلب عليكى ويوسوسلك بحاجات وحشه وانك مش هتفرحى تانى وانك خلاص هتشوفى حياه سوده ووحشه وملهاش لزمه لان ده ممكن يبعدك عن ربنا وهو ده اللى عوزه

انتى اعملى العكس عيشى حياتك جدا (مش قصدى متهتميش باللحصل لا طبعا ) قصدى انك تقربى لربنا اكتر اكتر وتفكرى ايه اللى ممكن تعمليه عشان يزود حسنات مامتك وايه اللى مامتك كانت عوزاكى تعمليه وكانت هتفرح لو حصل

حاولى تعيشى مامتك جواكى تعيشى الحاجات اللى بتحبها والحاجات اللى بتحبها
مثلا بتحب تكلم خالتك كل فتره اعملى كدا (يارب تكونى فهمتى قصدى )

وحاولى كل ماتحسى انك لوحدك اكتبلها جواب ومتعيشيش فى حزن وخلاص لا

افتكرى ان مامتك فى مكان حلو وهى بتوضبهولك لحد ماتروحلها وان اللى حصل ده هو احسن خير ليها

وتاكدى ان ربنا مش بيعمل غير الخير والله انا عارفه اللى انتى حسه بيه انا وحيده امى ومتعلقه بيها جدا

وكلامك اثر فيا وحسه بيكى لكن اللى حصل ده امر واقع لزم تستوعبيه عشان الشيطان مابيصدق يلاقى مدخل للمؤمن عشان يبعده عن ربنا ومفيش مدخل اكبر مالموت لان الانسان مش بيستوعبه بسرعه وله بيصدقه حتى لو حصل قدامه الا بعد فتره كبيره

ياريت كلامى يكون افادك او خفف عنك اى شئ بسيط بس انا بوصيكى انك تكونى قويه وتستوعبى اللى حصل وحتى اللى حصل مع خطيبك ده خير ليكى ومتفكريش فيه لانه وله حاجه بالنسبه لموت مامتك الله يرحمها واعرفى ان الجواز ده نصيب ومحدش بيتجوز جوز حد

واخر كلامى ربنا يرحم والدتك ويلحقها بالصالحين ويصبرك ويعوضك خير ويقويكى
P
حبيبتي اقرء موضوعك وانا ابكي.. حبيبتي هوني على نفسك وقولي الحمد لله انه عندك اب!! يعني ما انحرمتي من الاثنين .. انا والدي متوفي ولله مالي الا امي بالدنيا حاسه نفسي بضيع بدونها الله يحفظلي امي ويبقيلك ابوكي .. وربي مايوريكي يوم اسود بحياتك ان شاء الله كل ايامك افراح .. معك والدك وانشاء الله يخف عليكي الجرح
M
حبيبتي ربنا يصبرك
اذكري الله كثيرا
معلش ربنا معااكي والله حاسة بيكي جدا
ادعي دعاء الكرب
لا اله الا الله العظيم الحليم لا اله الا الله رب العرش العظيم
لا اله الا الله رب السموات ورب الارض ورب العرش العظيم
(
يا حبيبتى ربنا يصبرك يارب على فراقها ويرحمها ويجعل مثواها الجنة ويرزقك بالزوج الصالح اللى يعوضك خير عن كل شئ ويعينك ويا ريت يا حبيبتى كل ما تفتكريها ادعلها واقرأى ليها قرأن احسن من البكاء وربنا معاكى
O
اسال رب العرش العظيم ان يبدل حزنك فرح ويجرك الله في مصيبتك ويخلفلك خيرا منها
كلامك اثر فية جدا اكيد ولاشيء في الدنيا يعوض الوالدين .
اكيد مامتك عايزاكي تكوني قوية من اي ظروف فكوني قوية يا افروديت عارفة صعب لكن حاولي انتي قوية بيني للناس ماما ربتني اني اواجه الدنيا وعارفت تربي انا حاسة بيكي قوي الكل غطسان في حياته انتي ليكي رب كريم ورضى مامتك عليكي يكفيكي طول حياتك وعمرك ماتخافي امك معاكي وقالتهالك في الحلم انا معاكي فمتخفيش رضى امك معاكي .
ربنا يصبرك مش عارفة اساعدك ازاي بس انا بعرض عليكي صداقتي و امانة اي شيء تحتاجيه راسليني ع الخاص وربي ماهي مجاملة انا بتكلم معاكي بجد .

اختك مهجة
X