طيب اعيش تانى ازاى

افرودييت 03-12-2008 105 رد 4,315 مشاهدة
ا
بجد مش عارفه اشكركم ازاى برغم انه قلبى موجوع لكن ريحتوه شويه الله يريح قلوبكم.....
على فكره انا حلمت بماما امبارح كانت قمر انا بحلم بيها دايما بس كانت بتضحك بصوت جمييييل
وحشتنى قوى ضحكتها ....
وكانت جايبالى صينيه بسبوسه كان طعمها تحفه انا فعلا حسيت بطعمها فى الحقيقه وكانت صينيه كبيييييره وكنت عماله اقولها اوعى تسيبينى تانى ياماما تقوللى لا مش هسيبك تانى خلاص انا كنت عند ناس بحبهم وبعدين جيت تانى اهو ..... وكانت العبايله بتاعتها كلها ورد بنفسج فى احمر وكانت قمر قوى ..
على فكره ماما كانت منتقبه من وانا عندى 5 سنين كانت صغيره قوى علشان كده كانت مهتمه بنفسها قوى فى البيت
علمتنى ازاى اكون اصيله وحلوه مع جوزى
اتعلمت منها ازاى اكون متسامحه
وازاى اراعى كرامتى وازاى اراعى ربنا فى تصرفاتى ...
وحشتنى قوى قبل ماتموت كانت بتقوللى فى العيد يابخت اللى يموت فى الايام المفترجه دى واهى ماتت فيها زى ماحبيتها ..
وكانت فى رمضان بتقوللى انا نفسى قوى العيد يجى بسرعه وكلام كتير من ده عمرى ماهنساه وهو اللى تاعبنى لانى بحس انها كانت شفافه قوى والانسانه الجميله دى صاحبتى راحت منى ومش هلاقيها تانى خلاص....
كل احلامنا بيها بتقول انها سعيده قوى اللى شافها بتبنى مسجد عند المقابر واللى شافها لابسه النقاب برضه وفى جنينه واللى شاف قبرها طالع منه نور وريحه مسك
واحلام جميله تصبر لكن الجمال ده بشتقاله من رقتها اخر يوم كانت بتعتزر لينا انها مسهرانا معاها وتعبانا
تصوروا كانت معايا العيد اللى فات بتصبرنى على اللى عمله معايا اللى كنت مخطوباله هو واهله واكيد فاكرين اللى عملوه وازاى انا دلوقتى وحدى من غيرها ....
مين هيقوينى على الزمن بعدها معقول كلامها ده كله كان وصايا ؟؟؟
معقول ده كان اخر رمضان ليها معايا؟؟
لو كان ينفع كنت اقسم نبض قلبى بينى وبينها لكن حكمت ربنا فوقنا كلنا ...
كان نفسى القيامه تقوم يوم وفاتها علشان اموت وكل الدنيا تموت معاها ....
المهم انى اكون معاها متفارقنيش ...
بجد محتجالها وبتوحشنى قوى قوى قوى ونفسى تكون مسامحانى على اى لحظه تعبتها فيها معايا ...
d
إفروديت : قلبى يحترق عند قراءتى كلماتك، أحاسيسك تصل إلىَ وأُصيب بكل ما تشعرى به من حزن

ولكننى(ما شاء الله ) أغبطك على إطمئنانك على أمك و أتمنى أن أطمئن أنا على امى أيضاً لكى أرتاح ...

إعتبرى توديعك لها تضحيةً منك، أن تذهب لمكان أجمل مما كانت فيه حتى ولو على حساب ألمك حينئذ سوف تشعرى بالراحة وتهونى على نفسك ..

عزيزتى هى الآن فى مكان انقى مما نحن فيه كما قلت لكِ من قبل يتمنى المسلمون أن يُحسَن خواتيم أعمالهم ويطمئنوا على انفسهم حين رحيلهم إلى العالم الآخر ما فيه والدتك الآن يستحق التهنئة وليست المواساة( أحسن الله خاتمتنا مثلها )آمين

رفع الله قدرها وأسكنها فسيح الجنان..
ن


حبيبتي افروديت انت اكيد عارفة ان الدنيا اللي احنا فيها ديه فانية كلنا هنموت ماحدش قاعد وباقي فيها
واوعي تفتكري انك كده فارقتي امك لا طبعا انت هتقابليها تاني في دار البقاء اللي كلنا هنتجمع فيه
كاننا في لجنة وبنمتحن وناس خلصت الاول وخرجت وبقيت الناس هيخرجوا والكل هيتجمع في النهاية
انت عارفة يا حبيبتي انك بزنك ده بتزعلي امك لانها دالوقتي في منتهى السعادة وحاسة بكل اجة انت حساها يرضيكي تقلقيها عليكي
انت مؤمنة بالله والحمد لله على نعمة الاسلام اللي بيعرفنا اننا هنتجمع في الاخرة وده فراق صغير وهنتلاقى اكيد باذن الله
اقراي قران كتير ربنا يخفف عنك الكتير
وبالنسبة لخطيبك ولا تفتكريه اساسا
لانه مايسواش
انت عارفة انا كنت مخطوبة حوالي سنة وشهرين واتفركشت الخطوبة قبل الزفاف بشهر وكنت فرشت شقتي وحتى التنجيد عملته منه لله
المهم اقعدت اتعذب واتالم اكتر من سنة ونصف بسبب اللي شفته عفشي وكل حاجاتي رجعتلي كاني مطلقة عذاب فظيع واخويا اللي اصغر مني اتجوز ومراته بقت تتريق عليهلاني كبيرة وتتوشوش عليه مع الناس وربنا والله اداها جزائها
وانا والحمد لله الحنان المنان اتخطبت لواحد خلاني اندم اني عشت لحظة عذاب على الخطيب الاولاني
بجد اكتر من حنين بعكس الاول كان قاسي جدا
ربنا بيكرم وكرمه ملوش حدود
وانت ربنا هيعوضك اوياوي اوي ان شاء الله

O
انا لله وانا اليه راجعون
البقيه فى حياتك والله يرحمها وينزلها فى فسيح جناته
بس عيشى حياتك عشان والدتك تستريح فى دنيتها التانيه
ارضى بقضاء الله و حسبى الله ونعمه الوكيل فى خطيبك اللى ظلمك لانى حاسه بيكى اوى والله
M
والله بكيت بحرقة من كلامك حسيت بيك جدا ياافروديت
ربنا يرحم الوالدة ويغفرلها ويصبرك على فراقها
مالقيت كلام اقوله غير ربنا يقويك ويصبرك ويعوضك خير
ربنا يرزقك بالزوج الصالح اللي يسعدك ويعوضك عن كل الالم اللي عشتيه
ربنا معاك وبليز لاتغيبي عشان بنقلق عليك وربنا يتولاك برحمته
h
حبيبتى البقاء لله فى مامتك وربنا يصبرك انا عارفة انها متاخرة وانى المفروض ما اجددش الاحزان عليكى
بس انا مريت بنفس ظروفك ويمكن اوحش شوية وقلت احكيلك يمكن دة يصبرك ويخفف عنك
انا بئة يا ستى مامتى اتوقت وكنت متعلقة بيها اوى لانى اخر العنقود وهى كانت بالنسبة لى احن واجمل حاجة فى الدنيا ربنا يرحمها هى ووالدتك
واتوفت فجاة بعد تعب شهر او حاجة كدة يعنى ما طولتش خالص بس الحمد الله
انا كنت مذبذبة زيك كدة ومش عارفة هاعيش ازاى ولحد دلوقتى الدنيا صعبة بس زى ماانتى قلتى كدة حسن الخاتمة بتريح الواحد شوية وبتصبرة
بصى بئة انا كنت لسة ما خرجتش من صدمة موت مامتى والغريبة بئة ان بابايا مات هو كمان فجاة بس دى فجاة بجد ولا كان تعبان ولا حاجة خالص فطبعا اطمت وسط ما بعدها حاجة
وانا زيك ولا متجوزة ولا حاجة وكنت بحب واحد اوى وما حصلش نصيب بينا فالدنيا ملطشة معايا اوى
انا بس ببعتلك الرسالة دى علشان اقولك ان فى حد زيك ويمكن ظروفة اوحش منك وان الدنيا ياما فيها واللى يشوف بلاوى الناس تهون علية بلوتة
وربنا يصبرنى ويصبرك ويرحم مامتك ووالداى ويجعل قبرهم روضة من رياض الجنة هما واموات المسلمين اجمعين
ا
شكرا ليكم بجد ولمشاعركم دى .........
بجد محتاجه دعائكم ليا
النهارده مكنش عندى عيد ولا فى البيت كان اكتئاااااااااااااب ودمووع واحزان وتعب اعصاب فظييييع
زى اليومين دول كانت معايا ا
العيد اللى فات هى اللى مصحيانى على كلمه قومى بقى ياقمرى اللى جاى احسن والله قومى معايا وخدى عيديتك بسرعه وهى بتضحك ....................

الله يرحمها بجد مخنوقه قوى يابنات
ا
halakhaled;7984563:
حبيبتى البقاء لله فى مامتك وربنا يصبرك انا عارفة انها متاخرة وانى المفروض ما اجددش الاحزان عليكى
بس انا مريت بنفس ظروفك ويمكن اوحش شوية وقلت احكيلك يمكن دة يصبرك ويخفف عنك
انا بئة يا ستى مامتى اتوقت وكنت متعلقة بيها اوى لانى اخر العنقود وهى كانت بالنسبة لى احن واجمل حاجة فى الدنيا ربنا يرحمها هى ووالدتك
واتوفت فجاة بعد تعب شهر او حاجة كدة يعنى ما طولتش خالص بس الحمد الله
انا كنت مذبذبة زيك كدة ومش عارفة هاعيش ازاى ولحد دلوقتى الدنيا صعبة بس زى ماانتى قلتى كدة حسن الخاتمة بتريح الواحد شوية وبتصبرة
بصى بئة انا كنت لسة ما خرجتش من صدمة موت مامتى والغريبة بئة ان بابايا مات هو كمان فجاة بس دى فجاة بجد ولا كان تعبان ولا حاجة خالص فطبعا اطمت وسط ما بعدها حاجة
وانا زيك ولا متجوزة ولا حاجة وكنت بحب واحد اوى وما حصلش نصيب بينا فالدنيا ملطشة معايا اوى
انا بس ببعتلك الرسالة دى علشان اقولك ان فى حد زيك ويمكن ظروفة اوحش منك وان الدنيا ياما فيها واللى يشوف بلاوى الناس تهون علية بلوتة
وربنا يصبرنى ويصبرك ويرحم مامتك ووالداى ويجعل قبرهم روضة من رياض الجنة هما واموات المسلمين اجمعين

الله يكون فى عونك والحمدلله على كل حال
ا
Bsko0ota ses;7974972:
افرووديت حبيبتي وجعتيلي قلبي ياحبيبتي الله يصبر قلبك على فراق امك ويساعدك والله والله يوم ماسمعت خبر الوفاه من البنات قمت صليت ركعتين ودعيت لمامتك ورحت الحرم بعدها باسبوع ودعيتلها ياحبيبتي ربنا يصبر قلبك واحنا اخواتك اي حاجه احنا كلنا موجودين


بجد؟؟
الف شكر ليكى ولا اواسيكى فى احزان يارب
ا
حبيبتي الله يعظم أجرك ويعوضك خير

الله يرزقك الزوج الصالح واللي أمه تكون بمثابة أم لك يارب بحق هالأيام المباركه

أنا أمي الله يرحمها توفت بعد مرض مفاجئ وماطول معاها، وأبوي توفى فجأة الله يرحمهم ويجزيهم الفردوس الأعلى يارب ووالدتك وكل موتانا وموتى المسلمين

الأعياد مش أعياد ودائما أتذكرهم بدموعي وبالدعاء والصدقه لكن هذي الدنيا

الله يجمعنا وإياهم في الفردوس الأعلى ويكرم نزلهم ويوسع مدخلهم

آمين

والله يربط على قلوبنا وقلبك بالإيمان حبيبتي

وتذكري (( ومايلقاها الا الذين صبروا ومايلقاها إلا ذو حظ عظيم))
u
الله يرحم امك ان شاء الله ويصبرج ... يا اختي ..

لكن احب اوضح لك شغله لا تزعلي ..منها اختي الحي ابقى من الميت ولو كان في فرح لا يتأجل بسبب حزن .. تدرين ان الرسول عليه ا لصلاه والسلام اوصى بعدم تأجيل الفرح بسبب الحزن...

لا تزعلين اختي .. من حقهم يفرحو لا تضايقين نفسك... اعذريهم واطلبي لها الرحمه

والاموات يزورون احبابهم .. ويبدو ان والدتك مرتاحه والحمدالله

ام جنى
b
افروديت

كلامك صعب حاسه بيكى بجد

لانى بفكر فى الموت اليومين دول بالذات اوى مع انى نفسى ربنا يبارك فى عمرى

مش حبا فى الدنيا لكن طمعا فى انى اعمل حاجه كويسه اقدر اقابل بيها ربنا الكريم

نفسى اموت وانا على طاعه وفى المدينه المنوره دى امنيتى وطلبى اللى طلبته من الله عز وجل يوم عرفه

لكن الموت لامفر منه عاجلا ام اجلا والاخره هى دار البقاء

اما الدنيا وان طالت فهى فانيه

قال ربى العظيم فى كتابه الكريم للنبى الامين ((انك ميت وانهم ميتون ))وقد مات من هو افضل من كل البشر

واكثرهم رحمة وحنانا وحبا

مات من هو افضل منى ومنك ومن امى وابى والدنيا باسرها

وكلنا يوما ما سنموت وسننسى كما ننسى ايضا

كثيرون مات ابائهم وربما كان حزنهم اكثر الا انهم مع الوقت نسيوا ويضحكون الان

والموت فى كل الاحوال اكبر مصيبه لكن عزاؤك ان والدتك ختم لها على خير ان شاء الله

ادعى لها بالرحمه دوما واسالى الله الصبر

وانا باذن الله اختا لك ان احتجتينى فى شئ

واسال الله ان يبارك فى اعمارنا وان يحسن اعمالنا وان يتقبلها مننا وان لايوفنا الاوهو راض عنا غير غضبان

وان لا يقبضنا اليه الا ونحن على احب الاعمال اليه وان يجعلنا جميعا فى الجنه مع الحبيب النبى صلى الله عليه وسلم

انه على كل شئ قدير وبالاجابة جدير

والسلام
S
الله يرحمها ويرحم جميع المؤمنين والمؤمنات اختي هاي يومها ونتي طلبي لا الرحمة والمغففرة او لا تقعطيين اطالعين الناس سوو و سوو لان اهم ما يعرفون الممج وحززنج فما يهتمون لكن انتي غير ..
~
حبيبتي اول شي الله يرحمها ويغمد روحها الجنه.. البقيه بحياتج.. قلبي معاج والله
انا سجلت بس عشان ارد على موضوعج لاني حاسه فيج فوق ما تتخيلين
سامحيني ما قريت الموضوع كامل ما قدرت اكمله لان الموضوع وايد حساس بالنسبة لي ويرجعني لأسوأ تجربه مريت وقاعده امر فيها

انا والدتي توفت من فتره.. بشكل مفاجئ.. وانا اكثر وحده في البيت تأثرت ولازلت متأثره.. وكل يوم اتذكر شلون صحوني من النوم وخبروني.. مرت شهور على الموضوع بس شعوري ما تغير.. للحين مصدومه وكل يوم احط راسي على المخده ابجي وادعي ربي اني اقعد يوم ثاني واكتشف انه مجرد حلم والاقي امي موجوده في البيت بس للأسف للحين ما تحقق حلمي
انا امي توفت بعيد عني.. سافرت تسوي عمليه وما ردت.. والاسوأ من هذا كله انها ودعت الناس كلها وانا ما ودعتها ولا بوستها ولا حضنتها قبل لا تسافر
كنت وايد خايفه.. اول مره تسافر عني.. اول مره تتركني.. ما كنت عارفه شلون المفروض اودعها
اخر مره كلمتها في التلفون كنت زعلانه منها.. متخيله؟؟ اخر مكالمه لي معاها كنت زعلانه وشايله بخاطري عليها.. عمري ما بسامح نفسي على هالشي ولا بسامح نفسي ليش اني ما ودعتها

ودي اهون عليج واساعدج بس انا نفسج والله.. ومريت بظروف مثل اللي تمرين فيها ويمكن اسوأ.. مالقيت احد يواسيني.. اختي سافرت عقب اسبوع من وفاة امي.. واخواني كل واحد لحاله.. عايشين بنفس البيت بس محد يدري عن الثاني.. مابي اعور راسج بمشاكلي وظروفي بس والله حاسه فيج

ادعي وترحمي لها وكثري من الصدقه عشانها.. ومثل ما يقولون كل شي صغير ويكبر الا المصيبه تبدأ كبيره وتصغر.. الله يمسح على قلبج ويهون عليج.. كلنا لهالطريج.. دايما اتذكري ان الله اذا احب عبدا ابتلاه.. وسامحيني عشان طولت بس انا بعد قاعده اعاني مثلج ولقيت الفرصه اقول شوي عن اللي بخاطري

الله يوفقج ويسعدج في حياتج انشالله
g
افرودييت;7959770:
بجد عارفه انكم زهقتوا منى بس بجد مش قادره
كتير اقول هدخل ومقدرش ادخل اكتب بجد منهاره وربنا اللى عالم بيا

المرره دى مش هقول عن اللى مخطوه ليه ولا حاجه لا
الحمدلله على كل حال ربنا ابتلانى بلاء اكبر واشد وبجد مش قادره اتحمل واعيش
موت ماما (الله يرحمها يارب)
دى الصدمه اللى بجد
دى الحاجه اللى مكنتش متخيلاها طبعا كلكم عارفين دور الام ايه وقد ايه ماما كانت واقفه معايا فى مشاكلى فى الخطوبه وكان دورها عظيم فى استرجاع نفسى الله يرحمها
لكن
الحنان ده بعد عنى
طلعت من خطوبه ومشاكل مايعلم بيها الا الله لموت امى خامس يوم العيد
ياااااااااااه تعبانه قوى وحاسه ان الدنيا دى ملهاش امان مش قادره انسى ماما ولا اعيش من غيرها
من يوم مااتخرجت وانا معاها ومشتغلتش اتعلقت بيها جدا جدا كنت دلوعتها لاقى حد كنت لما بضحك تقولى بحس ان الدنيا عيد ولم ببكى تقوللى الدنيا وحشه قوى وسوده فى عينى
راحت اللى كانت بتقوينى وانا دلوقتى لوحدى منهاره بحاول اكون قويه قدام بابا واخواتى الولاد لكن منهاره فى اول لحظه مع نفسى من غير امى ومن غير حبيب يواسينى
والله مابقيت قادره
لو نسيت موت ماما افتكر محمد اللى كنت بحبه وبهدلنى معاه وجرحنى قوى وكسر فرحتى وكان المفروض فرحى الشهر ده حسبى الله ونعم الوكيل
ولو نسيت محمد افتكر الكارثه الكبيره موت ماما اللى مفيش حاجه ممكن تصبرنى عنه او تعوضنى
وبقول يارب يعنى مفيش حبيب يواسينى ولا ام تمسح دموعى بسألك العفو والرحمه
بجد مش عارفه اثق فى حد ولا فى نفسى انطويت قوى على نفسى بحلم بكوابيس دايما وبحلم برضه بماما حبيبتى كل يوم لكن بصحى مش قادره اركز
ماما فين؟؟
اللى عمرها مافرقتنى راحت فين
فى الاول كأنها مسافره لكن هى مش مسافره

بنات انا محتجالها ارجوكم اى واحده امها متوفيه تعرفنى عاشت ازاى وطلعت من الهم ده امته؟؟
يعنى هفضل عمرى كله مش حاسه بفرحه ؟؟
هفضل عمرى كله قلبى واجعنى كده
حاسه انى مش هعرف اعيش ولا اتخطب تانى بسبب كل اللى شوفته ولا هعرف افرح خلاص
كل ماافتكرها وانا زغيره لما تقوللى حاسه انى هموت من غير مااشوفك عروسه
اعيط
وكلامها فى اخر شهور كأنها حاسه
اللى مطمنى عليها هو موتتها الجميله اللى الكل بيحكى عنها الحمدلله وجمالها ساعه الدفنه وابتسامتها وكل حاجه
جت لكل الناس بتوصيهم عليا وبتقوللى محزنش لانها مبسوطه لكنى مش قادره ماما دى روحى
دى اول نبض قلبى نبضه كان من نبضها ازاى اعيش بعدها
قولولى تعبانه قوى والله
تعبانه
ده غير الناس الكتير اللى انصدمت فيهم واللى كنت بحبهم قوى حتى اعز اصحابى من تالت يوم العزا ولا شوفتها ولا كلمتنى تانى
ونسايبنا عملوا فرح وهم جيراننا فى الاساس بعد موت ماما ب20 يوم
وكانت خطوبه كمان ممكن قوى كانت تتأجل او تتعمل على الديق
لا ومرات اخويا زعلت لما عاتبتها (هى مسافره) وقولتلها يعنى كده ينفع مش كنتم تستنوا شويه على ما الجرح يتلم
زعلت منى وردت عليا رد بايخ جدا بدل ماتواسينى او تحسسنى حتى انها زعلت منهم برضه
ولا اى حاجه .......................
بجد مجرووووووووووووووووووووووووووووووووووووووووحه قوى قوى
نفسى ربنا يعوضنى عن موتها ولو بزوج يراعى ربنا فيا ويحبنى قوى ويرجعلى ثقتى فى نفسى وفى الناس تانى ويحسسنى ان الدنيا بخير وانى مبسوطه ..........
بس تفتكروا هقدر اعيش من غير ماما او افرح تانى؟؟
كل ماافتكر كلامها اتعب والله هتجنن
ماما ماتت
هى كانت حاسه والمهم انها ماتت بالطريقه اللى طول عمرها كانت بتدعى انها تموت بيها
جتلى فى الحلم بتقوللى انها حجت 9 مرات وكانت قمر وحضنتنى حضن كبييييير حسيت بيه قوى فى الحقيقه ..........
معقول ماما تكون حلم؟؟
اجمل واقع فى حياتى بقى ذكرى؟؟
تصوروا علشان تشوفى مامتك تفضلى تدعى انها تجيلك فى المنام؟؟
صعب قوى
قلبى واجعنى
وحاسه انى لوحدى
قولولى اعمل ايه فى حياتى دى؟ بجد تعبت


بجد مش عارفة ارد انا بكلمك وانا بعيط بجد حرام عليييييييييييييييييييييييييييكى انتى حزنتينى حزن الدنيا كله عليكى ومن اللى انتى فيه بجد ارحمى نفسك وادعيلها كتييييييييييييييييير اوى وادعى ربنا يصبرك عشان حرام كلامك يوجع اى حد بجد انا نفسى مش قادرة استحمله هدى على نفسك واتماسكى عارفة انى اللى بقوله ده حلم بس بجد مفيش حد فينا هيعرف يعمل اى حاجة غير مجرد يكتبلك شوية كلام ومش هيفيدك اللى هيفيدك هو انك تقربى من ربنا بجد وتدعية وتخليه هو كل حاجة فى حياتك لانه هو الامان والحنان وكل حاجة حلوة فى الدنيا بعد كل غالى قربى منه وهو اللى هيطلعك من اللى انتى فيه
وربنا يصبببببببببببببببببببببببببببببببببببببببببببببببببببببببببببببببببببببببببببببببببرك يارب
وربنا يرحم مامتك يارب ويجعل مثواها الجنة امييييييييييييييييييييييين
l


أنا بجد مش قادرة ولا عارفة ارد عليكي

بس ياحبيبتي انتي مؤمنة حاولي تصبري عشان اجرك يكون عظيم وتتقابلي مع مامتك بأذن الله في الجنة

اعملي اعمال خير عشانها

متخليش الدنيا تنسيكي اغلى واعظم شيء في حياتنا

انا لما جدتي اتوفت شوفت قد اية مامتي اتألمت عشانها ولحد دلوقتي بعد سنة من وفاتها متخيلة ان بعد كل حدث وكل شيء ماهيحصل هتتصل بيها وتقولها

وان شاء الله ربنا هيعوضك بالزوج الصالح

قربي من ربنا اووووووووووووووووووووي

روحي اي دار مسنين اقضي فية شوية من وقتك

تخيلي انتي كدة وابناء وبنات تانين رامين امهاتهم واباهاتهم في دور مسنين

انا بجد نفسي كنت ابقى في مصر

والله العظيم كنت هبقى معاكي اوي

فعلا انا حاسة بيكي اووووي


كلامك حسسني اني بكلم حد قريب مني اوووي

:)(f)

ربنا يرحمها يااارب ويجعل مثواها الجنة وانتي واخواتك حاولوا انكم تكونوا كويسين وتعملوا كل خير

عشان تفرح وتفتخر بيكم يوم ماتقابل ربنا

وعشان برضة في الدنيا الناس يقولوا شوفوا ماشاء الله ولاد فلانة بقوا واية

:15:


يارب ياحبيبتي نسمع عنك كل خير قريب

ونشاركك فرحتك

والناس صدقيني نسايبك دول متهتميش بيهم

صدقيني ياما بيحصل ومن القرايب شخصيا

احمدي ربنا انة مش من خالك ولا خالتك

:ss:

ربنا يقدرك ياااااااااااارب ونشوفك اجمل عروسة
d
أفروديت يا حبيبتي انا عنيا دمعت من كلامك فعلا مقدرتش

شدي حيلك و امسكي نفسك شوية انا عارفة ان الصدمة كبيرة و بتكون محدش حاسس بيها زيك ادعي ربنا انه يصبرك و يرزقك الزوج الصالح اللي يعوضك عن كل حاجة وحشة شوفتيها في حياتك اللهم آمين يارب العالمين

و ربنا معاكي يا أفردويت يارب و الله هدعيلك على طول يا حبيبتي و ربنا يصبرك
ع
ربنا يقويكي ويصبرك يا افروديت يا رب ويفك كربك
m
ان لله وان اليه راجعون
بجد مفيش كلام ممكن يتقال
ربنا يصبرك ياافروديت يارب وبجد ربنا عمره مابيعملنا حاجه وحشه يمكن موت والدتك يكون سبب فى انك تقربى من ربنا صلى كتير وادعيلها واطلبلها الرحمه صدقينى ده احسن من الحزن والعياط ربنا يلهمك الصبر والسلوان ويسكن والدتك فسيح جناته وانسى موضوع خطيبك السابق صدقينى بجد هو مايستاهلش واحده حساسه اوى كده زيك
a
الله يكون في عونك حبيبتي
بس
( ألا بذكر الله تطمئن القلوب)
يعني حياتي خلي ايمانك بالله كبير وحاولي تكثري من ذكر الله وقراءة القرآن
وانشالله تفرج عنك يا رب
X