تجهيزات قمرات مصر الجزء ال109 يارب الجزء الجاى ولادنا يعملوه

dyana;7955654:
فيين مالبى روكسى دا يا قمر
:wink:

فى شارع إبراهيم اللقانى يا قمر على صف أبو حيدر
عنده فستان شواريه ستان امور اوى بحوالى 150 جنيه

Princess_miro;7924906:
السلام عليكم يا بنات

معلشى لسه جاية من برة و يوم طويل و جميل فهقولكم باختصار

أولا : [glow="FF0066"]عاشقة الرحمن حبيبة قلبى ألف ألف ألف مبروووووووووووووك [/glow]
و ان شاء الله نباركلك قريب على الفستان الأبيض يارب و يتمم لك على ألف خير

ثانيا : ميرسى أوى لكل البنات اللى شاركونى و ردوا عليا فى مشكلتى مع خطيبى ربنا يكرمكم اخر اخباره اننا اتصالحنا الحمد لله و هو مصمم و راسه و الف سيف انه مش هيعالج وشه و ولا هيعمل العملية ابدا :(

ثالثا بقى و ده المهم بالنسبة لكم طبعا ان شاء الله
انا و هو رحنا انهردة معرض لومارشيه
بجد ماشاء الله معرض تحفة و لامم الشرق و الغرب و كل الشركات و الماركات و المصانع و أنصحكم تلحقوه بكرة اللى مش راح لانه اخر يوم
و اشترينا السفرة الحمد لله و الصور اهى و الحمد لله ما شاء الله و لا قوة الا بالله و هستنى رأيكم
بس هقوم انام دلوقتى احسن انا ميتة

باركولى و قولوا الصراحة

donya eman;7955502:
ازيكوا يا بنات يارب يارب الى يرد عليا ربنا ييسرلها زوجها اولا حد عندوا صور سفرة حلوه بس مش عيزها استيل اوى وثانيا لو حد راح معرض لو مارشيه ينفع ينزلى صور السفر الى فى ضرورى انا جووازى واقف على السفره وملخقتش اورح لومارشيه

شوفى يا قمر الرد بتاعى اللى فوق ده

donya eman;7955502:
ازيكوا يا بنات يارب يارب الى يرد عليا ربنا ييسرلها زوجها اولا حد عندوا صور سفرة حلوه بس مش عيزها استيل اوى وثانيا لو حد راح معرض لو مارشيه ينفع ينزلى صور السفر الى فى ضرورى انا جووازى واقف على السفره وملخقتش اورح لومارشيه

حبيبتي بيتهالي البنات كانوا اتكلموا قبل كده ان في في ركن الديكور قسم لاستفسارات بنات مصر عشان الحاجات ما تتحطش هنا وتتقل الموضوع
علي العموم انا رديت عليكي هناك بس بصراحه انا مش عارفه نوعيه السفره اللي انتي عايزاها بالظبط
وده رابط الموضوع
http://www.3roos.com/forums/t289510_71.html

dyana;7955408:
يا بنات يا احلى بنات وعرايس
عايزة اشترى فستان سواريه سمبل ورقيق اوى ومش غالى عشان عندى مناسبه فى فندق ماريوت وعايزة البس حاجة شيك لان خطيبى واهله حيكونوا موجودين اشترى منيين يا قمرات ؟

وفي كمان يا دايانا غير مالبي فيه دالاس في ابراهيم اللقاني برده وبرده اسعاره 150

rozyyy;7909843:
يابنات هو انا ينفع اجيب بوكس هدايا شيك كده احط فيه الميكاب بدل شنطة المكياج - ولا افتكاسة فاشلة دي ولا ايييه ؟

lekaa139;7917205:
انا في امريكا ياقمر

والموضوع لسة بفكر فية انا بقى بقول لماما اوفر بدل ماتجوز اجيب عربية موديل حديث وادلع نفسي وخلاص مش اجمل برضة

هههههههههه
ياحبيبتي انا لو في مصر استحالة اطلبة من النت دة شحنة لوحدة من هنا حوالي 800 جنية

:)

manafola;7919058:

رشروش 84

عامله ايه وحشتيني النهارده هروح للدكتور انا مبطله بقالي اسبوع لاني كانت حالتي سيئه بس هرجع اكمل تاني ان شاء الله قوليلي عملتي ايه في فرح لخوكي هو امتي:1_42:
برنسيس ميرو
يا حبيبه اصبري شويه عليه فعلا المريض بيبقي عصبي خصوصا لما يبقي راجل و ليه مسئوليات بس نصيحتي ليكي دلوقتي هو الثبات و الهدوء التاااااااااااام و لما يقوم بالسلامه ابقوا شدوا بس دلوقتي خديه علي اد عقله:21_182:

بوكي 2010
مرسي ليكي يا قمر و كمني ماما ان الحمد لله اول ما استلم المفتاح هصوره و افرح معاكم :21_112:
لقاء و سلسوله و ميوده
متشكرة ليكم قوي و يا رب نفرح بيكم قريب
الحاجات اللي اشتريتنها يا بنات حطيت صورها من اول الكوفرته القطن لحد محلات 2.50 و مستنيه رايكم :Za_thanx:
* الكوفرته ب 120 جنيه من هانو و لاقيتها موجوده كل الالوان في جاتينيو برده الحمد لله اني مش اشتريت من سيبينيس

* بعد كده 2 صينيه بايركس تركي 60 جنيه من اخر العنقود
2* كيس ستان حد كان قال انهم مهمين لايه مش فاكرة ؟؟
* شياله شموع رقيقه قوي 5 جنيه جبت اتنين شبه بعض و لسه هجيب تاني ده انا هقلب الشقه شموع
* معطر لدولاب الملابس 2.50 جنيه
* فواحه 2.50 للتجربه عشان اجربها في بيتنا الاول
* الشموع بتاعه الشياله 6 جنيه 4 شمعات بس معطر لوحده من غير ما نحط العطور
* اسورة تحفة 25 جنيه و اللي بعده 2.50 جنيه
* و شويه طرح من ام 10 جنيه بس الوان موووت حلوة
* و قائمة اسعار حلل زهران و الشاطر يقولي مين ارخص القائمه دي
و لا التوحيد و النور

نسيت اقولكم اشتريت امبارح من وسط البلد ممر النغم جلابيه رقص لعيد ميلا اختي ليها حزام شاكيرا بس عسل و الله بــ 120 جنيه و التورته كانت ب 50 جنيه يلا الحمد لله ربنا يعوض علياااااااااااااا :cry::cry:

موووونى;7919241:
هبه على

الله يكرمك ياحبيبتى بجد ربنا يخليكى حلوة اوى كل الحجات اللى حطيتيها وافدتينى بجد

بنات تعالوا اقولكم حاجه عارفيين زمان ماكنش فى الحجات الجاهزة دى كتير يعنى ايام الافلام الابيض واسود كانوا بيلبسوا روبات وجلابيات حلوة اوى مفصلنها عند الخياطه يعنى شوفت سعاد حسنى قريب لابسه فى فيلم جلابيه نوم كدا تحفه:eek::eek: معموله بقماش عادى وربع كم مش عارفه هو انا ينفع افصل كذا حاجه كدا ولا يبقى شكلها بلدى اوى بس انا نفسى اعمل حجات على مزاجى مش كلوا على مزاج المصنع:ss::ss:

حلوه اوى ما شاء الله الكوفرته دى يا عاشقه منين

سارة المزعورة;7943347:

الى فيها ورد اصفر وبينك دة
موجودة فى المحالات عادى كرتونة فيها 4 وحدات هاتلاقيها بسهولة
انا عندى شبها

منى ليكى الى اتجوزوا الوا ان البرانس ملهاش استخدام لا هيا ولا البشاكير
يعنى انا مش ناوية اجبهم ودى فكرة عندى

رويال هاوس فى مصر الجديدة تحت عمارات الميرلاند

بصراحة مين قال ان البرانس والبشاكير ملهاش لزمة ياعني نفسي افهم انتي هتلبسي هدومك في الحمام مش معقول طبعا فالازم تلبسي البرنس وتطلعي تلبسي في غرفة نومك وكمان البشكير لازم يبقي ليكي واحد وهو واحد لان ماينفعشي تنشفي بالفوطة اللي انتي نشفيتي بيها وشك انا راي هما مهين جدا جدا

dyana;7955654:
فيين مالبى روكسى دا يا قمر
:wink:

مالبي كمان في عباس العقاد وفي فرع كبير في ميدان الاوبرا عند نفق الازهر بالظبط عنده حاجات اسعارها معقولة -وكمان هاتلاقي في عباس العقاد حاجات ممكن تكون سمبل ومش غالي ربنا يسهل وتلاقي حاجة حلوة وسعرها حلو :)

donya eman;7955502:
ازيكوا يا بنات يارب يارب الى يرد عليا ربنا ييسرلها زوجها اولا حد عندوا صور سفرة حلوه بس مش عيزها استيل اوى وثانيا لو حد راح معرض لو مارشيه ينفع ينزلى صور السفر الى فى ضرورى انا جووازى واقف على السفره وملخقتش اورح لومارشيه

بعتلك ع الخاص ياقمر

عاشقه زوجهها;7956120:

السلام عليكم

ازيكم يابنات وحشتوني قوي قوي قوي
ولو اني زعلانه لان بقالي كتير مش بدخل ومحدش سأل عليه :confused::confused::confused:
ازيك يادينا عامله ايه ياعروسه الف مبروك يا جميله وعقبال الزفاف باذن الله

لا فكره جامده جدا انتي اصلا اديتيني افكار والله انا غاويه الحجات دي ممكن مثلا تجيبي تل خفيف وتغلفيها وورود بقه واشكال وعيشي هتدي اشكال حلوه قوي

اهلالالا ياقمر ماتزعليش انا مش مركزة في حاجة خالص بس انتي ليه مكنتيش بتدخلي ؟؟؟؟ يارب يكون خير -فكرة حلوة اوىىىى حكاية اني ابطن البوكس بالتول وكده شكله هايكون لذيذ اويييييييي ميرسي :)

baby2010_10;7956702:
بصراحة مين قال ان البرانس والبشاكير ملهاش لزمة ياعني نفسي افهم انتي هتلبسي هدومك في الحمام مش معقول طبعا فالازم تلبسي البرنس وتطلعي تلبسي في غرفة نومك وكمان البشكير لازم يبقي ليكي واحد وهو واحد لان ماينفعشي تنشفي بالفوطة اللي انتي نشفيتي بيها وشك انا راي هما مهين جدا جدا

(y)(y)(y)(y)(y)(y)(y)(y)


http://www.3roos.com/forums/t406453.html

laly_3mr;7941603:
أنا عايزة أعرف أنهي أغلى البوتاجاز العادي الفري ستاند يعني اللي فيه بوتجاز وفرن وللا إني أشتري البيلت إن فرن لوحده وشعلة وحدها؟؟ وبيكون أسعار البيلت إن ده في حدود كام مثلا في مصر؟ ومنين أحسن مكان من غير ما نلف كتير.. أنا بره مصر وبجهز شقتي في مصر عشان كده عايزة أعرف أماكن محددة.

تاني حاجة بس عايزة أسأل على التليفزيون الفلات LCD لو 32 بوصة مثلا بيكون في حدود كام ومنين أحسن أماكن؟؟ عشان بفكر أجيب الحاجات دي من هنا لو غالية أوي في مصر.

هنا LCD أو بلازما 32 بوصة بيعمل من 2500- 3500 درهم حسب الماركة يعني في حدود 5000 أو 5500 مصري

التليفزيون هاتيه من هنا اضمن :)..لان احنا جبنا بتاعنا من بره..اولا كنا خايفين عليه اوي ف الشحن ثانيا دفعنا جمارك 1500 جنيه تقريبا على ما اذكر...وحصلت بعضها
وبعدين دلوقت في ماركات تانيه مثلا التليفزيون يعمل بتاع اربع الاف

1)عند غسل الشعر بالشامبو اقلبى راسك لاسفل واقلبى شعرك للامام وادعكية بينشط الدورة الدموية للشعر وبالتالى يمنع سقوطه.







2) زبدة الكاكاو لدهن كعوب القدم ( اللى بنستخدمها للشفايف ) بتخلى الكعوب تحفة ادهنيها بالليل والبسى شراب وشوفى النتيجة الصبح.



4) اغسلى وشك بالصابونة واتركى الرغوة وضعى اربع نقاط معجون اسنان على الرغوة وادعكى وشك وبعدين اشطفية (قومى جربى وارجعى ردى وادعيلى) بيفتح البشرة ويديها لون وردى هحسى ان البشرة بتتنفس(متجربة).



5) وانتى فى المصيف التراب الموجود تحت الماء على الشط خدى شوية وادعكى سنانك هتبرق تماما ولو دعكتى وشك كل الخلايا الميتة هتروح من الاملاح الموجودة فى التراب.( بصراحة دى مقرفة شوية بس بيقولوا انها كويسة ما علينا )




6) للمعان الشعر قبل السشوار اشطفى شعرك اخر شطفة بالماء المضاف الية الشاى المغلى بعد تبريدة واتفرجى وادعيلى.



7) دايما اشفطى بطنك للداخل كل ما تفتكرى شهر وبطنك هتختفى احسن من اى تمرين الشفط بيقوى عضلات البطن حتى مع الحمل والولاده.


8) وضع ماء الورد المخصص للشرب على ماء الشرب العادى بيورد كل بشرة الوجة والجسم وينظف الجسم ايضا من الداخل ودى وصفة الايرانيات هتلاقيهم بشرتهم تحفة من مية الورد.




9) اخلطى كريم الاساس فى كف يدك مع كريم مرطب واقفلى اليد الاخرى واخلطيهم مع بعض وضعيهم على الوجة يمنع تكتل كريم الاساس وهيديكى لمعة تحفة ويمنعة من التشقق مع الوقت الطويل ولا اغلى ماركة.


10) اغلى نصف فنجان ماء مع كركدية واخلطى المية بعد الغلى مع فازلين وادهنى شفايفك كل يوم بالليل اسبوع شفايفك بتبقى وردى طبيعى لمدة شهر.




11) شرش الجبن ( او الماء اللى بيكون فى علبة الجبنة ) حطية فى زجاجة وادهنى وشك منة مرتين فى اليوم وادعيلى تفتيح وترطيب وازالة البقع والنمش.




12) تغيير نوع الشامبو كل اربع شهور لان شعرك بياخد علية ولو بتحبى نفس النوع ابقى ارجعيلة بعد التغيرعادى بس غيرى وارجعى.




13) ضعى طلاء الا ظافر فى الثلاجة قبل وضعة هينشف بسرعة ويتحط بسرعة.


14) عضتك نموسة او حبة فجاة وعندك خروجة بسرعة حطى عليها اى نوع من قطرة العين وادعيلى اوعوا تنسوا.



15) خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مش هتلبسى شراب.



16) مزيل الماكياج خلص استخدمى الزبادى لازالة الماكياج ومنة ماسك سريع هتتصدمى من النتيجة.




17) قشر الرمان نشفية فى البلكونة كويس ودقية واطحنية بودرة وضعية تحت الابط لمدة اربع ايام رائحة العرق بتختفى شهر.


بس كده

يارب يعجبوكو

منقول للامانة

بنات ادعولى بظهر الغيب لو حد فيكم استخدم الوصفات دى وجابت معاه نتيجة ان ربنا يريح قلبى وييسرلى امرى ويكتبلى الخير ياربببببببببب

Ghadhgodaتسلم ايديكي بجد ويارب يكرمك ويوفقك ع طوولنات انا فرحي شهر 10 وماجبتش اي حاجة ولا عملت اي حاجة في جهازيمش عارفة ايدأ من دلوقتي واللا انا مستعجلةبس خطيبي بيقوللي ابتدي اجيب حاجتي عشان مانتزنئشي في الاخرانتو ايه رأيكم؟؟؟طب وابدأ اجيب ايهانا عندي المطبخ والانتريه غير حاجتي طبعاياريت تساعدونيباااااااااااااااااااااااااي

ghadghoda قوليلى يا جميله هو حكيم بيوتى عنده كتالوج لقصات الشعر واختار منها ان شاء الله

رووفة;7957797:
Ghadhgodaتسلم ايديكي بجد ويارب يكرمك ويوفقك ع طوولنات انا فرحي شهر 10 وماجبتش اي حاجة ولا عملت اي حاجة في جهازيمش عارفة ايدأ من دلوقتي واللا انا مستعجلةبس خطيبي بيقوللي ابتدي اجيب حاجتي عشان مانتزنئشي في الاخرانتو ايه رأيكم؟؟؟طب وابدأ اجيب ايهانا عندي المطبخ والانتريه غير حاجتي طبعاياريت تساعدونيباااااااااااااااااااااااااي

لا طبعا ياقمر ابدأي من دلوقتي خلصي حجات المطبخ والمفروشات وفي الاوكازيون بتاع الشتا دي خلصي هدومك الشتوي كلها كلها بيت وخروج -انتي لسة نايمة قومي بسرعة يلا اكتبي الحجات الي هاتحتاجيها وابدأي اشتري ياقمر :)
ولو عايزة اي مساعدة قولي ياقمر

عاوزة اسأل بس سؤال لان عندي احساس اني مامتي مالهاش في الحاجت ديانا محتاجة كام بجامة وكام قميص واد ايه من الحاجات دي وعازة اعرف برده طم الكاسات الحلو يبقى بكام وايه احسنم مكاناجيب منهوميرسي بجد ع ردك يا قمر

غاده نصائح تحفه وجاري التجربه ان شاء الله

heba ali;7943309:


فى شارع مصطفى كامل يا جميلة اللى فيه روما سنتر قريب من الترام
فى اوله كدة حتلاقى محل كبييييييييير اوووى مفروشات بس مش عارفة اسمه ايه
و قدامه محل تانى بتاع مفروشات برده اسمه روان ده حلو برده و لو عايزة رقم تليفونه قوليلى
و عنوان محل روان 155 ش مصطفى كامل . باكوس

الف شكر يا قمر جزاكي الله خير

moshy;7951410:
اه ليه فى المنشية فرع صغييييييييييييييير واى كلام مش زى اللى فى القاهرة خااااااااالص

ايه ده معقول في فرع!!! طيب هو فين في المنشيه بالظبط وعنده ايه؟

roro8484;7951445:
[glow="FF0000"]
يا ريت تضيفوا غرحى فى القايمه معاكوا الفرح يوم الاربعاء الموافق3/12/2008
[/glow]

ايه ده ده بكره مبروووووووك ادعولها كلهكم يا بنات ربنا معاكي وتبقي عروسه اموره ان شاء الله

بنات هو المتوسط الوقت
الي بتحتاجه الشقه عشان تتشطب لو على المحاره ياخد لد ايه من دهانات وسيراميك وتركيب مطبخ وحمام؟؟؟

يا بنوتات ....انا جبت مجموعه حمام العروسه بتاع الحمام المغربي..عاوزه اعرف بقي استخدمها ازاي...كمان العطار مديني معاهم سنسار دا استخدمه ازاي؟؟؟

R@A;7946220:
انا اعرف ان احسن نوع هو يانسن كتاركت و هي في حدود 1200-1400 و في كمان فورد بد بس كل البنات شكروا في يانسن روحي شارع احمد سعيد في حدايق القبة فيه كل الانواع و اختاري بنفسك

لبنات طنطا...لسا شايفه المراتب دي من شوية ف صيدناوي :) فوربد تقريبا كانت ب1450

بصي يا حبيبتى انا لسة جاية من الكوافير انهاردة وسالتها نفس السؤال قالتلى املى البانيو ماية دافية واحط فيها كيس ملح وخل كتييير واقعد 10 دقايق بعد كدة الليفة بتاعت الحمام المغربي تغسليها لوحدها بماية دافية وخل

وتاخدى جسمك كلة من تحت لفوق اقصد يعنى لو هتعملى ايديك يبقي من الكف للابط لحد لما تخلصي ايديك وبعد كدة من فوق لتحت العكس يعنى لحد لما تطلعى الجلد الميت وبعد كدة تدعكى فوق وتحت كانك بتهرشي كدة :)

لحد لما تطلعى كل الجلد الميت وقالتلى يتعمل مرة واحدة بس في الاسبوع بشرط بعد الاستحمام علشان الجلد يبقي طري اوى ونضيف فلما تقعدى في البانيو بقي كل الغرض انك تشيلي الجلد الميت بس ولما تتفتح المسام يبقي الجلد نضيف

انا ان شاء الله هجربها واقولكوا

منى السيد;7946132:
ازيكم يا بنات 000معلش سؤال على السريع انا عارفه انه متكرر بس انا معنديش وقت ادور فى الاجزاء اللى فاتت عايزه اعرف احسن نوع مراتب جاهزه ايه واسعارها ايه واماكن البيع فى القاهره فين0معلش انا محتاجه رد سريع علشان حانزل ان شاء الله اشترى بكره او بعده بالكتير 000جزاكم الله كل خير:21_156::888345::21_86:

انا المراتب اللى عندى هابيتات و كنت جايباها من شارع محمد على اللى جنب شارع عبد العزيز و بجد ممتاااااااااااااااااااااااااازة و اللى عندى اسمها هابيتات cotton و هى عبارة عن قطن و فايبر و سوست و اعتقد كانت ب 1350 و ده من حوالى سنة و المخدات جبتها من نفس المحل فوربد و بجد روووووووووعة ما شاء الله و عن تجربة هابيتات احلى و انضف حاجة ...

نور84;7947035:
أزيكم يا بنوتات أنا دخلت وأستفدت من موضوكم جدا

أنا لسه مش مخطوبة بس بجهز بردوا :D

عايزة أعرف اذا عايزة أجيب بيجامات من حبيبة يا تري الاقي منتجاتها فين

فى فرع حبيبة فى جنينة مول و فى مدينة الرحاب فى فرعين كباار جدا و فى رمسية اللى فى مسدان سفير بتبيع منتاجتها كمان

صوت العيون;7947418:
هو احسن مكان للارواب الشتوى فين

وساده ولا مشكل احلا وبكام ان شاء الله

شوفوا دا


http://www.3roos.com/forums/t406387.html

الارواب السادة احلى و اقيم بكتييييييييير و متكتريش هاتى اتنين كفاية .... انا جايبة اتنين حلوين قوى ما شاء الله واحد من مالبى اللى فى عباس العقاد و التانى كان من جنينة مول محل فى الدور الارضى و الاسعار من 200 و انتى طالعة ... ربنا يتممملك بخير يااااااقمر

[quote=راندا;7937531]يعنى اية الحاجات دى ياقمر ولازم اروح صايمة ولافاطرة ؟؟؟؟؟؟؟؟؟؟؟؟؟؟واية الغرض من التحاليل دى يعنى اية تحليل توكسيوبلازما وعامل الار اتش
الف مبروك ياعروسه ربنا يسعدك ويهنيكى يارب
متقلقيش ياحلوه تحليل اراتش ده تركيب كيميائى معين للدم ووجود هذا العامل او اختفائه لا يؤثر على صحه الفرد حوالى 85%من الناس rhعندهم موجب وحوالى 15%من الناس rhسالب
لو راجل موجب اتجوز بنت سالب فالبنت وهيا حامل فى احتمال يكون دم الطفل موجب فدم الام بيعمل اجسام مضاده فبيكون فى خطر على حملها التانى لان الاجسام دى بتتكون بعد الولاده الاولى لان كميه من دم الطفل بتتسرب لدم الام اثناء الولاده فبيعمل للطفل التانى اضطراب فى توزيع الاكسجين وعدم نضج خلايا الدم وتدمير كرات الدم الحمراء عند الجنين
وفى بعض الاحيان ينتج عن الاجسام المضاده دى الصمم او الشلل الدماغى او التاخر العقلى والموت احيانا
والحل ان الحامل اللى دمها سالب بتاخد حقنه بعد الولاده الاولى عشان تمنع عمل هذه الاجسام فى الحمل التانى
وان شاء الله مافيش حاجه من دى ربنا يعافينا ويعافى ذريتنا اجمعيين
تفائلى ياعروسه ومتقلقيش
برنسيس مورو السفره ما شاء الله تحفه تتهنى بيها عقبال الباقى بس هيا كده مش غاليه ولا دى الاسعار دلوقتى