تجهيزات قمرات مصر الجزء ال109 يارب الجزء الجاى ولادنا يعملوه

mnne;7904799:
بنات هوه التوحيد والنور ليه فروع في اسكندريه وللا لا

اه ليه فى المنشية فرع صغييييييييييييييير واى كلام مش زى اللى فى القاهرة خااااااااالص

m_z;7908032:
شنط املاعق من عند ابو حمدة بالاسكندية صناعة مصرية بس حلوة اوى عشان كل اللى فى السوق صينى

فين ابو حمدة ده
وسعرها بكام لو سمحتى يا جميل

[GLOW="FF0000"]
يا ريت تضيفوا غرحى فى القايمه معاكوا الفرح يوم الاربعاء الموافق3/12/2008
[/GLOW]

moshy;7951399:
هو عندكوا فى بنها بيتعمل معرض سورى ولا لا
ولو فى بيكون امتى
وكمان عايزة اعرف المعرض الصينى فاتح عندكوا ولا لا وحيفضل فاتح لحد امتى
وايه احسن مكان اجيب منه هدوم بيت وقمصان نوم وملش يا حبيبتى حتعبك معايا بس اصل انتوا اسعاركوا رخيصصصصصصصصة جدااااااااا عن اسكندرية وانا احتمال انزل قريب بنها

اسعارنا رخيصة قووووووووووووووووى ههههههه طيب والهى كويس
انزلى وشوفى

ماعتش فية معرض سورى زى زمان (اى كلام بمعنى لبس ومكياج وافلى على كدة

فى معرضين دايمين واحد امام الموقف الجديد وواحد امام نادى الشرطة دايما فاتحين

فى محلين واحد اسمة مريومة فى شارع الكوبرى وواحد ثانى فى سور النادى الرياضى هاتعرفية لوحدك من المانيكان الى لابسين لانجيرى وبيجامات

بقولك الى يخليكى تروحى بنها يخليكى تروحى القاهرة تجيبى من جنينة مول الدور الالرضى محل اسمة فام او الدور الالخير حبيبة وبسسسسسس

roro8484;7951445:
[glow="FF0000"]
يا ريت تضيفوا غرحى فى القايمه معاكوا الفرح يوم الاربعاء الموافق3/12/2008
[/glow]

مبروك يا جميلة الف مبرروك
عيد + فرح ربنا يهنيكى

ماتعرفوش خاتم صغير ذهب يعمل كام جرام ؟

هما البنات فين و لا لسه محدش جه علي العموم صباح التفاحات و المانجات و الموزات و الفواكه المفيده كلها

manafola;7952534:
هما البنات فين و لا لسه محدش جه علي العموم صباح التفاحات و المانجات و الموزات و الفواكه المفيده كلها

امبارح يا بنات رحت توكيل زهران في ش سوريا ظريف قوي بس اكيد اغلي من حمام التلات

بس كان فيه حاجات لقط يعني عندهم خصم 20% علي التيفال الازرق و اللون شيك و الله بس تقريبا مش بيتباع و لا ايه مش عارفه جبت صينيه و كمان عندهم خصم 30% علي الفرز التاني اشتريت من هناك الحاجات دي قولولي ايه رايكم بقي

دي صواني التيفال

ده مج الشوربه

ده مج نسكافيه

ده شمعدان جبته لذيذ ب 20 جنيه بس

ده بقي زي برطمان للتوابل اللي هو بيبقي 3 كبار بس ماما عايزاني ارجعه بتقول كبير هو لونه احمر هادي و علي شكل قلب مش المفروض فيه اطقم كده 3 برطمانات كبار هي استخدامها ايه عشان انا جبت واحد 80 جنيه و اكمل الاتنين التانين الشهر الجاي

ايه رايكم بقي

حد يعرف حاجه عن Pippo

صباح الخير يا سماح اخبار البرد ايه يا قمر
الصينيه بحاجه و سبعين بعد ما كانت بتسعين و حاجه و فيه طاسه كبيرة مقاس 30 اللي هي بريد سبوت دي ب 80 بعد 105 بس مكملتشي الفلوس و الحاجات تقريبا خلصت عشان كده ممكن نروح الفروع التنيه في العقاد مول و المعادي
مج الشوربه 30 جنيه بعدين اعرفي الاسعار ايه و اخصمي 20% علي طول

بنات صباح الخير
سؤال ضروري فين معرض 6 اكتوبر ده ؟
هل هو اللي عند سور نادي الزمالك؟
ثانيا الحلل البوركام اللي انتوا كنتوا بتقولوا عليها بايركس معدل دي بكام
لاني جايبه صنيه كبيره فرنساوي بس
فكنت بفكر اجيب حلل بس كنت عاوزه اعرف رينج الاسعار في حدود كام ؟
متنفضوليش بليز

roro8484;7951445:
[glow="FF0000"]
يا ريت تضيفوا غرحى فى القايمه معاكوا الفرح يوم الاربعاء الموافق3/12/2008
[/glow]

الف الف الف مبرووووووووووووووووووك

عايزين التفاصيل المملة يا قمر فين القاعة و هتتكلف كام و المكياج عند مين ان شاء الله و الفستان يا قمراية ؟؟؟؟؟؟؟؟؟؟؟؟

ربنا يتمملك بألف خير

ممكن يا بنات حد يقولي كام سعر عطر افسانلوران الرجالي بكام في مصر

ساره / الخاتم الضغير لو تقصدي بتاع المولود بيعمل من جرام ل اتنين جرام يالكتير


منال / حاجتك ما شاء الله جميله تتهني بيهم يا قمر

راندا;7946725:
هاى يابنات انا النهاردة رحت عملت التحاليل زى ماقلت لكم امبارح وفؤجئت بالاتىان الموضوع ماهو الا حركة علشان يلموا فلوس من الناس ولا فى تحليل ولا حاجة رحنا دفعنا تمن استمارة ب50جنية وبعدها طلعونا المعمل عملولنا تحليل دم ساعتها افتكرت انهم حيحللوا الدم علشان يعرفوا اا كان فية امراض ولالا زى الايدز مثلا وفؤجئت انهم عملوا لى تحليل دم من صبع ايدى وكل اللى قالوهولى انتى فصيلتك oبس فقلت لهم مش حتحللو الدم فقالوا لا وحللوا لخطيبى دمة طلع برضة oوانتهى الموضوع على كدة معملوش اى تحليل من اللى البنات قالت عليها هنا وقالو لنا تعالوا بكرة استلموا الورق مختوم بختم النسر وتمت على كدة

رانده ربنا يتمم علي خير ممكن اعرف عملتي التحاليل في مستشفي ايه بالاسكندريه ؟؟؟

lola_law2000;7950371:
كان فى بنوته من اسكندريه كاتبه اسم محلا لانجرى اسمهM Mياريت تقولى هو فين بالظبط وفين المحلات البتبيع اللبس التكرى كده:o:o

تقريبا هي قالت عند محطه ترام الهدايه في ابراج الخليج

yoyo2008;7945556:
بنات حطونى فى اللستة شبكتى 19|12 ادعولى ربنا يتمها على خير
انا من طنطا ومافيش ولا كوافير شغلة حلو عندنا يعنى مش مقتنعة بولا واحد عندنا اللى تعرف فيكم واحدة يكون شغلها حلو وبالذات فى لفات الطرح تيجى البيت حتى ولو من مصر او اليكس بس تكون مضمونة تقوللى ولو كدة تبعتلى رقمها على الخاص وعايزة اسالكم كمان بالنسبة للاسامى اللى فى مجلة حجاب اسماء الجندى ومروة حامد والناس دى ياريت تقولولى مين احسن واحدة فيهم لانى محتارة لو كدة اكلمها واشوف الاسعار بليز يا بنات فيدونى فى الموضوع دة بالذات انا محتارة اوىىىىىىىىىىىىىىىىىىىىىىىى

الف الف مبروك يا قمر وربنا يتمم بخير بس لية مفيش ولا واحد عجبك فى طنطا عند موناليزا بيطلع قمرات بج دوبشوف عندة كتير جدا جدا وكمان ندى المصرى انزلى بس وبصى هتلاقى الحلوين كتير

السلام عليكم ورحمه الله وبركاته

العرايس الحلوين عاملين ايه؟؟؟؟؟ يارب تكونو بخير دايما

كل البنات بجد وحشونى جدا وخصوصا طمطم الجميله ونيدو ( هى عارفه نفسها) ويوميزو وكل البنات بجد

انا معنديش حاجه اقولها بس لو عايزين تسئلوا عن حاجه خلال الساعه القادمه انا موجوده وبعدها بخ مش هتلاقونى

يويو انا صحبتى من طنطا وبتقول ان الكوافيرات هناك تحفه ازاى ملقيتيش كوافير بس؟؟؟

انا هسئلالك وهاجى ارد عليكى بأذن الله


ربنا يتمملكوا بخير يارب

اسيرة او بسبس وحشتينا يا احلي عروسه قوليلنا عامله ايه في الجواز لسه كنتي في بالي النهارده
و الله ايه اخبارك
بقولك ايه كنت عايزة اسال عن الحلل و الصواني الاستعمال في الفترة الاولي اللي هي اول سنه مثلا ايه العدد اللي المفروض يبقي عندي لو انا عندي طقم 6 حلل ؟؟

اسيرة منورة والله انتى كمان وحشتنى بقولكم اية يا بنات انا مش مجهزة وعايزة ابدا انزل كل اسبوع اشترى حاجت بس مش عارفة اشترى ازاى يعنى لو لاقيت حاجة تعجبنى اشترى ؟ وبعدين هو اشترى كام طقم من ك لحاجة مثلا شوبات كوبايات بجد مش عارفة ؟؟؟؟؟؟؟؟؟؟

manafola;7953982:
اسيرة او بسبس وحشتينا يا احلي عروسه قوليلنا عامله ايه في الجواز لسه كنتي في بالي النهارده
و الله ايه اخبارك
بقولك ايه كنت عايزة اسال عن الحلل و الصواني الاستعمال في الفترة الاولي اللي هي اول سنه مثلا ايه العدد اللي المفروض يبقي عندي لو انا عندي طقم 6 حلل ؟؟

ياااااااااه كنت كتبالك كلام بالهبل والله واتمسح من اللاب توب الزفت دا :confused:

بالمختصر المفيد هاتى التيفال بس متجيبيش استانلس عشان بيشيط الاكل

وجيبى المقاسات كلها

ومتنسيش حله المكرونه :: هى عباره عن حله وفيها مصفاه كدا وغطاها مخرم عشان تصفى المكرونه وهى هايله بصراحه

وجيبى اللى هتستخدميه بس ومتنسيش ان ممكن يبقى عندك عزومات فا جيبى الحلل الكبيره كمان للعزومات بس كله تيفال الله يكرمك

كل الاختراعات اللى طالعه جديد دى زباله

انا قولت استخدم الاستانلس وطلع وحش وبيحرق الاكل ويلسعه وحلجه توجع الالم وتجيبلك الكلام من جوزك :confused:

وهقلكم يا بنات على اختراع هاااااااااااايل جدا ومش غالى على ما اظن يعنى لانه جايلى هديه

هو الفرن الكهربى من وايت ويل

هو بصوا يا بنات صغير ومش بياخد مكان واللطيف فيه انه بيعمل الفراخ وكأنك جيباها من بره مش انتى اللى عملاها

يعنى انا بسلق الفراخ وادخلها على السيخ فى الفرن وتتحمر من كل الجوانب بطريقه لطيفه جدااااااااااااا والفراخ المشويه بردو اللحمه المشويه كمان

كل ما هو بيتشوى هيطلعلك يجنن وكل اللى بيدخل الفرن هيطلع يجنن ويعجبك جداااااااااااا

ازيكم يا عرايس وحشتونى روزى عامله ايه يا قمر وساره وعاشقه زوجها وحشتووونى كلكم

انا قولت اجبكلم الموضوع ده عشان لو واحده حابه تعرف افكار لكارت الفرح وامتى تبدأو فيه واحدث افكار لكروت الفرح

واتمنى يعجبكم


كلامنا النهارده هيكون عن إزاي إننا نختار كارت الفرح....

المفروض إن العريس والعروسة بعد ما يحددوا مكان الفرح ومعاده يبدأوا على طول إنهم يختاروا كارت الفرح وده لازم يكون قبل معاد الفرح بوقت كبير وليكن مثلا بشهرين علشان يكون عندهم وقت كافي إنهم يحددوا عدد الكروت اللي هيحتاجوها وكمان علشان يقدروا إنهم يختاروا الشكل اللي عايزينه ويكون فيه وقت كافي أن الشكل ده يتنفذ زي ما هما عايزين بالضبط خصوصا لو كان العريس والعروسة عايزين شكل معين هياخد وقت في تنفيذه...

ويا ريت بعد ما يحددوا عدد الكروت اللي عايزينها أنهم يضيفوا على عدد الكروت دي حوالي 20 كارت تاني زيادة وده تحسُّبا لأي ظروف طارئة ممكن إنها تحصل فجأة زي مثلا نسيان أي شخص وافتكاره فجأة أو علشان العريس والعروسة يحتفظوا بمجموعة من الكروت دي عندهم في البيت على سبيل الذكرى.
وعلى فكرة لازم العروسين يطلبوا مشاهدة بروفة للكروت قبل تنفيذ باقي الكروت وده للتأكد إن كل البيانات المكتوبة على الكارت صحيحة ومفيش فيها أي خطأ.

دلوقتي بقى فيه تصميمات كتيرة قوي لكارت الفرح ومابقاش الموضوع مقتصر فقط على الكارت الكرتون وطبعا اختيار التصميم بيقف على ذوق العروسين وإمكانياتهم المادية...


الشكل ده من الكروت هو المفضل واللي منتشر قوي؛ وده لأنه مش مكلف بالإضافة إلى وجود تصميمات كتيرة ممكن أنها تتعمل منه فهنلاقي مثلا..


ده غير إن العروسين ممكن إنهم يضيفوا لمسات بسيطة توحي بالشياكة زي مثلا..

وفي النهاية اختيار التصميم واللون بيرجع زي ما قلنا لشخصية العروسين بس المفروض إنهم يروحوا مع بعض لمحل الكروت أو مطبعة الكروت ويختاروا الشكل واللون اللي هما عايزينه وكمان يختاروا الكلام اللي هما عايزينه يتكتب على الكارت ويطلبوا من الشخص المسئول في المحل إنه يجهز لهم العدد اللي هما عايزينه خلال مدة محددة.

ده شكل تاني من أشكال الكروت وده بيكون من قماش الستان وده هيحتاج من العريس والعروسة إنهم يشوفوا مصمم كروت ويقعدوا معاه علشان ينفذ لهم الشكل اللي هما عايزينه وعلى فكرة أكتر لون مستخدم في كروت الفرح الستان هو "الأوف وايت" أو "الروز".
وعلى فكرة كتابة صيغة الدعوة على الشكل ده إما إنها تكون "يدوية" بإيد خطاط ودي طبعا مكلفة جدا وبتاخد وقت كتير أو بتكون بـ "السلك سكرين" وده نوع من أنواع الطباعة اليدوية الخاصة بالأقمشة ودي بتدي فخامة لشكل الكارت.
وعلى الرغم إن النوع ده من الكروت مكلف إلا أنه بيعيش لفترات طويلة جدا وممكن العروسة تحتفظ بكارت من الكروت دي لنفسها وتعمل له "فريم" وتحطه في غرفة الصالون أو المعيشة كقطعة إكسسوار.

ده شكل جديد من أشكال الكروت وده بيحتاج إن العريس يروح لمحل زجاج يكون معروف إنه بيعمل الموضوع ده ويطلب إنه يقطع له قطع زجاج على شكل مربع أو مثلث أو مستطيل ويكتب له على الزجاج صيغة الدعوة..

والشكل ده جديد جدا بس بيحتاج من العريس مجهود شوية في إنه يتابع مع صاحب المحل أو الورشة دي أولا بأول وبرضه الشكل ده تكلفته عالية..

الفكرة دي روشة جدا ومش بتحتاج تكاليف كتير وتنفيذها سهل جدا كل الحكاية إن العريس أو العروسة أو حد من معارفهم يكون بيعرف يشتغل على برنامج "Power Point" ويعمل عرض مجمع لمجموعة من الصور من أيام الطفولة لغاية الفرح وممكن إنه يكتب نص الدعوة على آخر صورة تظهر وبعد كده ينسخ لهم CD على عدد المدعوين ويحط كل CD في غلاف شيك..