تجهيزات بنات مصر الجزء 108

بنات حد عندة فكرة الرسم علي الجسم االلي با حناء طبعا ولا ماعرفشي هما بيعملوة باية يقولي بكام والرسمة بكام ومين من الكوفيرات فيها واحدة كويسة وبترسم حلو في كوافير قريب من الهرم او الدقي او المهندسين منتظرة منك الاجابة

بوبا 123;7836845:
بليزززززززززززز يا جماعة عاوزة رد ضرووووورى جداااااااااااااا
عاوزة جيم سيدات ومش مهم يكون كامل متكامل يعنى
وياريت يكون قريب من عين شمس او المطرية او النعام او ضواحيهم بس حقيقى انا محتاجة الموضوع دة ضرووووووووورى جدااا

حبيبتي في جيم نورا في شارع طمن باي19 شارع سانان من طمن باي حلمية الزيتون البنات قالوا حلو وكانت اسيرة حنانه راحتله قبل فرحها

حبييبتي ميرسي جدا على رأيك

انا عندي تايير الجاكيت كريمي والجيبه موف وهوا مش سواريه

تفتكري ينفع؟؟

يلا بنات مستنيه ردودكم علشان ممكن انزل اجيب حاجه يوم الأتنين ان شاء الله

دينا سيد;7837476:
ميرسى اوى على ردك
بصى يا ستى انا جبت حاجات كتير اوى مالهاش لزوم او بمعنى اصح كترت فيها اوى
يعى مثلا
1- الفوط............. جبت 40 فوطه و6 بشاكير وبرنصين اللى هما بيكونو مع بعض وطبعا دول كتير اوى يعنى انا هاستخدمهم ان شاء الله انا واولادى واحفادى
2-جبت بيجامات ستان باعداد كتيره (9) وطبعا دول كتير كفايه اتنين يكون شكلهم حلو واحده بنص كم والتانيه بكم
3- القمصان جبت 30 قميص وانا الحمد لله ربنا كرمنى وحملت على طول وطبعا دلوقتى مش بلبسهم يعنى لما اولد ان شاء الله وابدا اللبسهم تانى هايكونو موضتهم بطلت او هاحس انهم بقو قدام مع انى لبست كل واحد مره او مرتين
4- جبت البيجامات والترنجات كلها على مقاسى قبل الزواج وانا دلوقتى طبعا تخنت 6 كيلو بسبب الحمل ومش عارفه اللبس ايه
5-الملايات جبت 20 طقم منهم الساده ومنهم المشجر فى حين انا استخدمت برده عدد قليل اوى تقريبا 4 او 5
6-لبس الخروج جبت كل الشوزات بتاعتى بكعب وبعد الحمل طبعا ممنوع الكعب فاضريت انى اشترى تانى حاجات فلات
7-حاجات المطبخ بقى جبت كاسات كتير وكوبايات شوب وميه وطبعا مليت الدولاب بتاع الفضيه والدلسوار وهما دلوقتى على بعض ومش بستخدم غير طقمين بس اللى انا مخرجاهم فى المطبخ
8-الصينى ولااركوبال مش استخدمتهم خالص انا بستخدم البايركس سواء صوانى او اطباق بس طبعا الصينى ان شاء الله اكيد هاستخدمه بس انا جبت طقم غالى اوى ودلوقتى بندم
9-صوانى التقديم جبت طقم واحد بس وطبعا ده مش صح هاتى طقمين علشان التنويع والمظهر برضه يكون كويس
10-حلل التيفال مهمه اوى انا كل استخدامى فيها حلوه ومريحه فى الغسيل والطبيخ
11-نسيت بعض الحاجت الرفيعه زى مثلا حامل المجات وده مهم اوى انا مفتقداه جدا وبصراحه مكسوفه اقول لجوزى انا عايزه اجيب لانه حاسس انى جايبه حاجات كتير اوى وهوه بيقولى حرام عليكى كل اللى انتى جايباه ده
13-الكيتشن ماشين بتاعى مش فيه مضرب بيض او عجانه وطبعا دول مهمين لو انتى غاويه طبيخ او حاجات حلوه
بس مع كل ده انا لما بقول لماما بتقولى انتى كل حاجه جبتيها هاتستخدميها وهايكون ليها استخدام وانا شايفه انى زحمت الدنيا بحاجات مش هاستخدمها غير بعد 5 او 6 سنين
وطبعا كل واحده وعلى حسب بس فعلا دى تجربتى واللى انا شايفاه
وربنا يوفقكو جميعا يا رب ويتمم لكو على خير
عايزه بقى مساعدتكو فى حاجه انا بختار اسم للبيبى بتاعى ومحتاره عايزه اسم اولاد يكون حلو وفى نفس الوقت جديد ومش عيالى
انا اخترت اسم البنوته جودى لو فى حد منكو يقدر يساعدنى يقول يا ريت

حبة كريز;7843071:
حبييبتي ميرسي جدا على رأيك

انا عندي تايير الجاكيت كريمي والجيبه موف وهوا مش سواريه

تفتكري ينفع؟؟

يلا بنات مستنيه ردودكم علشان ممكن انزل اجيب حاجه يوم الأتنين ان شاء الله

كويس ينفع بصي حاولي بقي تجيبي طرح ليها اللي هي شيفونات وتلفي اسبانش حلو كداواكسسوار لذيذ وشوفي حد يعملك ميكب بس ميكونش تقيل
ومحدش عارف ان شاء الله ربنا يرزقك بعريس من الخطوبه دي

Stay With me;7843346:
كويس ينفع بصي حاولي بقي تجيبي طرح ليها اللي هي شيفونات وتلفي اسبانش حلو كداواكسسوار لذيذ وشوفي حد يعملك ميكب بس ميكونش تقيل
ومحدش عارف ان شاء الله ربنا يرزقك بعريس من الخطوبه دي

:D يارب ياحبيبتي يارررررب :D

خلاص ماشي كلامك هظبط الطرح والأكسسوار

المكياج بصراحه بحطه لنفسي خفيف وحلو ومش بحب احط كتير

حبيبتي ميرسي جداااااااااااااااااااا على ذوقك واهتمامك

وميرسي لكل البنات (f)

baby2010_10;7842964:
بنات حد عندة فكرة الرسم علي الجسم االلي با حناء طبعا ولا ماعرفشي هما بيعملوة باية يقولي بكام والرسمة بكام ومين من الكوفيرات فيها واحدة كويسة وبترسم حلو في كوافير قريب من الهرم او الدقي او المهندسين منتظرة منك الاجابة

فى كل الكوافيرات موجود
بالنسبه للسعر اللى اعرفو الرسمه بتبئى صغيرا ب20 جنيه
معرفش الكبيرا بكام ولا نفس السعر ولالا

baby2010_10;7838994:
ياجماعة هو فلوريدا مول فين وجراند مولا المعادي بردة فين بالظبط وياريت توقلولي العنوان بالتفصيل علشان انا اجدع واحدة تتهوة

جراند مول المعادى تنزلى فى محطة مترو المعادى وتخرجى هاتكسرى يمين هاتلاقى موقف ميكروباصات اسألى انا عاوزة اروح جراند مول هاتلاقيه ميكروباص بيروح منطقة اسمها صقر عرايس هيا المنطقة كده بس فكريه انه يقف ناحية المول عشان دا نص الطريق اوك هاتنزلى من الميكروباص هاتلاقى شارع طوووويل كده امشى فيه هايقابلك على يمينك بتاع ورد كده هاتبصى هاتلاقى المول علطول
اما فلوريدا مول البنات قالت انه فى مساكن الشيراتون ناحية مسجد اسمه الصديق والبنات يأكدوا عليكى عنوانه بالتفصيل لأنى مش اوى

طمنت;7840300:
ممكن طلب ضغير انا جاهله جداا في انواع السجاد
بعد اذنك لو مش هتقل عليكي ممكن تعرفيني الانواع دي ورينجات اسعارها وياريت لو عندك صور للسجاد لاني هشتري قريب ومش عارفه اشتري ايه ولا اعرف انواع ولا اشكال وخايف اشتري حاجه مش كويسه
ووممكن سؤال تاني هو السجاد المودرن ده اللي بيبقي في الوان اسمه ايه واسعاره
بجد انا محتاجه مساعدتك لانك سبقتيني وانت ادري مني
فبجد اكون مشكوره جداا لمساعدتك
واسفه ان كنت بتقل عليكي
شكرااا

انا حاولت اجمعلك الكلام كلللللله بخصوص الموضوع دا بجانب طبعا اللى بنبونة ردت عليكى فيها جزاها الله خيرا فى الملف دا
http://www.3roos.com/uploder/uploded20080901/287321/01227387480.doc

Stay With me;7843346:
كويس ينفع بصي حاولي بقي تجيبي طرح ليها اللي هي شيفونات وتلفي اسبانش حلو كداواكسسوار لذيذ وشوفي حد يعملك ميكب بس ميكونش تقيل
ومحدش عارف ان شاء الله ربنا يرزقك بعريس من الخطوبه دي

ههههههههه اللهم امييييييين

حبة كريز;7843071:
حبييبتي ميرسي جدا على رأيك

انا عندي تايير الجاكيت كريمي والجيبه موف وهوا مش سواريه

تفتكري ينفع؟؟

يلا بنات مستنيه ردودكم علشان ممكن انزل اجيب حاجه يوم الأتنين ان شاء الله

حبة كريز;7842177:
بنات لو سمحتم محتاجه مساعدة منكم

انا لسه مش مخطوبه لكن قلت اكيد انكم هتسعدوني

أخويا قرا فتحته والحمدلله امبارح وان شاء الله الخطوبه هتكون ان شاء الله السبت الجاي

وهتكون عائليه في البيت

نزلت للخياطه من شويه علشان اعمل فستان سواريه للحفله
قالتلي انتي المفروض ماتلبسيش سواريه مدام الموضوع عائلي

بصراحه محتارة البس ايه؟؟

بفكر انزل القاهرة اشتري حاجه جاهزة

بس الحاجه الجاهزة دي ممكن تكون ايه؟؟ وخصوصا اني محجبه

طيب بصوا الفستان ده عاجبني قوييي بس مش عارفه هيبقى اوفر ولا عادي :eek:

جميل اوي الفستان دا وسمبل . بس انا شيفه ان انتي كدا ممكن تغطي علي العروسه يعني حاجه زي كدا المفروض العروسه هي اللي تلبسها هتبقي مناسبه ليها في البيت...انتي بقي ممكن زي ما البنات قالولك تلبسي بدله شيك وانا شيفه انك تلبسي بدي سواريه علي جيب مثلا هيبقي كويس قوي

baby2010_10;7840187:
ياريت بجد تقوليلنا عنوان المحل دة فين هو حد اليومين دول بيلاقي اسعر فساتين كدة ولا حتي ايجار بليز يارت تقوليلنا

شوفي يا بيبي العنوان اللي جابت منه الفستان
5 شارع ابراهيم اللقاني-روكسي مصر الجديده
واسم المحل (دالاس)

asmaa2003;7837545:
يابنات انا عايزة اكلمكم فى حاجة بس مكسوفة بس هتوكل على الله واقول انتم زى اخواتى انا فرحى قرب وموضوع السويت قالقنى جدا وبالذات فى المنطقة اياها انا عايزة اقولكم ان فى شعر بيكون من ورا كمان مستخبى كده فاهمنى ده اشيله ازاى بالسويت ولا اعمله بالكريم ردوا عليا يابنات الله يكرمكم

متقلقيش يا asmaa الحكايه بسيطه والله وحتحسيها من تالت مره مش حتحسى بالالم زى اول مره ونصيحه ابدأى من دلوقتى وكل البنات المخطوبه تبدا تعمل المنطقه دى عشان تتعود تعملها بعد كدا لوحدها وحقولك على طريقه بسيطه اولآ مهم قوى تقصرى الشعر لان طوله هو ايلى بيزيد الألم قصريه لحد معين بحيث يلزق كويس بالسويت بعدين جيبى السويت تكون سايحه شويه يعنى تتفرد معاكى بسهوله ممكن تسيحيها بحمام ميا سخنه تاخدى جزء صغير وتفرديها وفى قطع جلد كدا بتتباع مع نوع من السويت جاهز سورى مش فاكره اسمه افردى قطعه الجلد دى على السويت كويس وعدى 10 ثوانى وشيليها مره واحده دى بتشيل جزء كبير والمها اقل بكتير المهم تفردى السويت كويس وبعدين قطعه الجلد تمسحى عليها كدا عشان تمسك بالسويت كويس ولما حيجى نفس المعاد ايلى شيلتى فيه حتلاقى الشعر قصير ومش محتاج تقصريه تانى يعنى حتعملى بالسويت علطول سورى طولت .. سؤالى بقى ايه احسن تلاجه توشيبا ولا وايت ويل؟

بوبا 123;7836845:
بليزززززززززززز يا جماعة عاوزة رد ضرووووورى جداااااااااااااا
عاوزة جيم سيدات ومش مهم يكون كامل متكامل يعنى
وياريت يكون قريب من عين شمس او المطرية او النعام او ضواحيهم بس حقيقى انا محتاجة الموضوع دة ضرووووووووورى جدااا

بنات قولولى احط كام طقم كاسات بالنيش
اتنين حلوين ولا اكتر ؟

monmon*;7845107:
بنات قولولى احط كام طقم كاسات بالنيش
اتنين حلوين ولا اكتر ؟

صدقيني محدش يقدر يحدد الموضوع دا غيرك انتي بس
اولا حسب حجم النيش
ثانياحسب عدد الحاجات التانيه اللي هتحطيها مع الكاسات
وخلي بالك تعملي حسابك علي طقمين للمطبخ
الحاجات اللي بتتحط في النيش
1- كاسات
2- كاسات ايس كريم
3- طقم شاي
4- طقم خشاف
5- طقم قهوه
6-جزء من طقم الصيني
ولو عايزة طريقة رص النيش يا قمر
ابقي قوليلي

حبة كريز;7842177:
بنات لو سمحتم محتاجه مساعدة منكم

انا لسه مش مخطوبه لكن قلت اكيد انكم هتسعدوني

أخويا قرا فتحته والحمدلله امبارح وان شاء الله الخطوبه هتكون ان شاء الله السبت الجاي

وهتكون عائليه في البيت

نزلت للخياطه من شويه علشان اعمل فستان سواريه للحفله
قالتلي انتي المفروض ماتلبسيش سواريه مدام الموضوع عائلي

بصراحه محتارة البس ايه؟؟

بفكر انزل القاهرة اشتري حاجه جاهزة

بس الحاجه الجاهزة دي ممكن تكون ايه؟؟ وخصوصا اني محجبه

طيب بصوا الفستان ده عاجبني قوييي بس مش عارفه هيبقى اوفر ولا عادي :eek:

الف مبروك لاخوكى وعقبالك
بصى يا حبيبتى
ممكن تجيبى جيب وبادى سواريه
والجيب يكون فيه حركات كده
ممكن بدله
وبصى يا قمر هو الفستان مش اوفر
بس المشكله ممكن تغطى على العروسه
فلو العروسه هتجيب فستان خطوبه منفوش وكده ممكن عادى فستان سمبل زى ده
لكن لو العروسه هتلبس فستان سواريه عادى يبقى يبلقى تلبسى سواريه
وخليها طقم شيك زى ما قلت والبنات بدله او جيب وبادى سواريه

monmon*;7845107:
بنات قولولى احط كام طقم كاسات بالنيش
اتنين حلوين ولا اكتر ؟

بيرجع لحجم النيش يا منمن
يعنى لو صغير درفتين هيبقى كفايه لان فيه حاجات كتير هتتحط تانيه
انما لو كبير يبقى زودى لاربعه

manafola;7838509:
بصوا الحيطان بطل علي جيران و كمان الراجل هيلزق البناء جنب البنا مفيش و لا حتي منور ممكن حد يقولي ازاي اخلي غرفه 1 هي اوضة النوم بما انها فيها شباك بس كده الغرفه اللي جوه هتبقي ليفينج و هي مكتومه حد عنده حل

طيب هو ينفع تركبى تكيف شباك ولا برضه صعب:eek:

يابنات انتو فهمتونى غلط انا مش بفرش شقه عروسه انا عندى شقتى الحمدلله بس هروح شقه تانيه لظروف شغل جوزى ومينفعش اخد الاجهزه والعفش معايا عشان فى الاجازات والصيف هرجع شقتى فعايزه افرش الشقه دى فرش مؤقت بس الحجات غاليه اوى :(يعنى عايزه اقل تكلفه ممكنه كانها مصيف مثلا اقترحواعليا اجيب منين واجيب ايه وبكام:o

manafola;7836198:

السلام عليكم يا احلي بنات
بصوا بقي انا في مشكله شويه كبيرة و النهارده ماما قلتلها مش هقدر ارد الا لما اخواتي يردوا عليا و انا عايزة استشيركم فيها و بجد محتارة يا ريت كل اللي ليه راي ميبخلشي عليا بيه بس الاول هي بيبو ظهرت و لا لسه انا بحس انها مهندسه التصميمات بتاعتنا

خطيبي راح الشقه امبارح يبص عليها عشان نبدا الكهربا و نكب باب و كده لقي ان فيه عمارة بتتبني جنبنا و احنا كنا راسمين نفتح شبابيك في الحيطه اللي بطل علي الارض دي اللي هي في الرسمه عليها XXX و غرفه 2 هي اوضة النوم

و انا اتعودت اني بعيش في مكان ليه شباك و مش عارفه اعمل ايه انا حطيت الرسمه و بجد محتاجه رايكم كده الاوضه مقفوله من كل حته ما عدا الباب و الطرقه برده و الصاله طويله 5.75 طول لحد البلكونة ممكن ردكم بلييييييييييز و حياة العيش و الردود اللي كنت بردها عليكم :confused::confused:

اولا يا بنوته ممنوع قانونا تفتحي اى منفذ ع الجيران بمقتضي قانون حق الجار

فمكنش ينفع اصلا واحمدى ربنا لانها كانت هتيجي بالمشاكل ومش اى مشاكل دى مشاكل حكوميه ورسميه وقانونية كمان

اما بقي المفروووووووووووووووووووووووووووووووووووووووووووووووووووووووووووووووووووووووووووووووووووض
اصلا كان يبقي في شباك عالمنور الى مفتوح عليه شباك المطبخ وشباك الحمام

ع فكرة نفس نظام شقتك عند اختى بالظبط بإستثناء البلكونة مدخلاها فالريسيبشن

وليها شباك غرفه النوم زى بتاعتك عالمنور

انتى بقي افتحي شباك اوضة النوم عالمنور الى بيطل عليه شباك المطبخ والحمام

بناااااااااااااااااااااااااااااااااااااااااات اسكندريه
ايه رايكوا فى كوافير ميس وان الى ورا فندق رمادا؟؟؟؟؟؟؟؟؟؟؟؟؟؟؟؟؟؟
صاحبته اسمها مدام منال الحبيبى هى كويتيه
انا شفت صور له راااااااااااااااااااااااااااائع

ممكن لو حد يعرف عنه حاجه او عن اسعاره يقولى؟؟؟؟؟؟؟؟؟؟؟؟
والفففففففففففففف شكر يا احلى بنات


بنااااااااااااااات مصر

بلاش والف بلاش ميس وان اولا سمعتة وحشة سمعت انهم بيصورو البنات ثانيا الشغل مش حلو ابداالصور غير الواقع بجد انا صحبتىعملت عندة وطلعت وحشة مع انها زى القمر متفهميش ازاى فى ناس تانية كتير وليد جىجى حلو بس لازم تروحى ومعاكى حد معرفة او لما تحجزى تشوفى مين هيحطلك ميب ومامتك تروح تديلها تيبس فلوس يعنى هيحطوكى جوة عينهم انا عملت كدة وتحت امرك والف مبروك مقدما ؟هى دخلة ولا خطوبة؟؟؟؟؟؟؟؟

smsmakimo;7845577:
بلاش والف بلاش ميس وان اولا سمعتة وحشة سمعت انهم بيصورو البنات ثانيا الشغل مش حلو ابداالصور غير الواقع بجد انا صحبتىعملت عندة وطلعت وحشة مع انها زى القمر متفهميش ازاى فى ناس تانية كتير وليد جىجى حلو بس لازم تروحى ومعاكى حد معرفة او لما تحجزى تشوفى مين هيحطلك ميب ومامتك تروح تديلها تيبس فلوس يعنى هيحطوكى جوة عينهم انا عملت كدة وتحت امرك والف مبروك مقدما ؟هى دخلة ولا خطوبة؟؟؟؟؟؟؟؟

دخله انشاء الله
انا اصلا مش من اسكندريه بس فرحى هناك وكنت عايزه حد يجيلى القاعه اصلا


بس انا شفت شغلها على واحده صاحبتى وكان عاملالها مكياج وهههههههمى

انا اصلا بفهم اوووووى فى المكياج وبحط كتير دلوقتى فاعايزه حد متمكن اوى ومحترف عشان يطلعنى مختلفه
وكمان عايزه حد يكون بيعمل الشعر حلو......

ايه رايك؟؟؟؟