تجهيزات بنات مصر الجزء 108

السلام عليكم ورحمة الله وبركاته
ازيكم يا بنات كلكم وحشتونى كتيييير يارب الجميع يكون بخير ومبارك للناس اللى اتجوزت وعقبال اللى لسه ان شاء الله
بقالى كتير مش بدخل ومش متابعة اوى بس انا كنت قولتلكم على مدام اسماء اللى بتعمل سويت وحمام مغربى والحاجات دى وقولت انى لسه مش جربت عميلها
انا جربت السويت بجد تحفة ايديها خفيفة وسريعة انا عملت مرتين ايد ورجل بس
مجربتش لسه الحمام المغربى ولا الترمس فقولت اقولكم على السويت
اللى عاوز رقمها يبعتلى على الخاص

lili8;7839455:
السلام عليكم ورحمة الله وبركاته
ازيكم يا بنات كلكم وحشتونى كتيييير يارب الجميع يكون بخير ومبارك للناس اللى اتجوزت وعقبال اللى لسه ان شاء الله
بقالى كتير مش بدخل ومش متابعة اوى بس انا كنت قولتلكم على مدام اسماء اللى بتعمل سويت وحمام مغربى والحاجات دى وقولت انى لسه مش جربت عميلها
انا جربت السويت بجد تحفة ايديها خفيفة وسريعة انا عملت مرتين ايد ورجل بس
مجربتش لسه الحمام المغربى ولا الترمس فقولت اقولكم على السويت
اللى عاوز رقمها يبعتلى على الخاص

ممكن تبعيلي رقمها و مكانها فين ولا بتيجي البيت ت مرسيييييييييي

رشروش84;7833987:
يا بنااااااااااااااااااااااااااااااات
ساعدونى لو سمحتم بجد هتجنن من الحيرررة والله
خطوبة أ×ويا الشهر الجى بأذن الله وعاملة فى نادى المية
وعندى تير سوارية موف فى بنك كده
وعايزة اعرف هلبس الطرحة عليه ااااااااااااااااااااازى انا مليانة وبيضة وموشى مدوووور فمش هينفع الاسبنش معايا خالص الف الطرحة ازااااااااااااااااااى بقة
انا نزلت اشتريت انهاردة طرحتين تول كريستال واحدة موف والتانية بمبى عشان التير بس مش عارفة الفهم ازاى
كنت عايزة صور للفات طرح عادية خالص خالص بس فيها حركات مش لفة وبس
كانت فى بنوتة منزلة صور للفات عادية بس لعرايس ان مش عروسة واللى كان محلى لفتهم الطرحة التول بتاعتهم والاكسورات انا مش هيحطولى كده فى الكوافير اعملللللل ايه بقة انا خلاص قربت اتجنن ياخواااااااااااااااااااتى
فيدووووووووونى الله يكرمكم
يمكن اطلع من الفرح بعريس ولا حااااااااااااااااااااااااجة ههههههههههههههههههههههههه

رشروش الافضل خلى بتوع الكوافير يجربوا على وشك كذا لفه كده وبعدين مين قالك ان الاسبانش عليكى مش هتبقى حلوة دى معموله اصلا عشان البنات اللى وشها مدور وبعدين العروسه فى اى مناسبة تخصها ربنا بيكرمها وبتبقى قمرين ربنا يتمملك على الف خير

aml86;7836955:
لو سمحتو يابنات ايه رايكو فى الفستان ده لكتب كتابى هاعمله جاكت قصير بكم ويبقى حجابى متوسط الطول ولونه روز اوموف

جميل قوى ورقيق بس اعمله روز احسن من الموف واعمليه بدى تحته وقفلى الفستان من فوق بشيفون هيبقى الذ من الجاكت ومن عند الرقبه حولين رقبتك اللى هى اسورة الرقبه من نفس قماشه الفستان ومبروك مقدما ياقمر

asmaa2003;7837545:
يابنات انا عايزة اكلمكم فى حاجة بس مكسوفة بس هتوكل على الله واقول انتم زى اخواتى انا فرحى قرب وموضوع السويت قالقنى جدا وبالذات فى المنطقة اياها انا عايزة اقولكم ان فى شعر بيكون من ورا كمان مستخبى كده فاهمنى ده اشيله ازاى بالسويت ولا اعمله بالكريم ردوا عليا يابنات الله يكرمكم

خلى بالك ان الكريم فى الاماكن اللى بتبئا قافله على بعض بيسمر اوى
السويت فى الشعر اللى ورا على فكرا مش بيوجع اوى

[quote=thering;7838479]





ربنا يتمممللك على خير يا قمر بصى يا حبيبتى
عندك حمام التلات فيه كل الحاجات دى المفروشات وادوات المطبخ والصينى وكوبيات وكل حاجه وبتفاصلى فيهم كمان
بالنسبه للاطقم البكينى بتكون فى محلات الالنجيريهات بتدخلى جوا بتلاقى عندهم
وفى فى جويا اللى فى روكسي اطقم بكينى دانتيل ب48 جنيه وشكلهم حلو
هو انتى عوزه جدول يعنى بكل الحاجات اللى هتشتريها ولا انتى عارفهم؟

mitcy;7839111:
شوفي يا غدغوده انا اختي لسه شريه من يومين بس
فستان سواريه ستان من روكسي وكان بكام بقي ب 150 جنيه
والله انا اتهبلت لما فته وعرفت سعره.بتقولي راحت محل تاني شافته هو بالظيط مع اختلاف بسيط ب 1200

ياريت بجد تقوليلنا عنوان المحل دة فين هو حد اليومين دول بيلاقي اسعر فساتين كدة ولا حتي ايجار بليز يارت تقوليلنا

مرمر23;7836432:
تقريباً يا ماهى ده الاوكازيون اللى اشتريت منه سجادى روحى اتفرجى فى باكوس بجد عندهم حاجات تحفه واسعارهم حلوة قوى قوى قوى بالنسبه للخصم كام فى المية ده بيتوقف على نوع السجاد يعنى انا كنت شارية سجادة بينكل 2*3 ب 1300 بعد ماكانت ب 1850 تقريبا والشيراز باردو 2*3 كنت جايباها ب 750 بعد ماكانت ب1200 تقريبا باردو وشيراز تانيى صغيرة كانت ب 500 يعنى حسب نوع السجاد بس بجد روحى اتفرجى عشان الحاجات الحلوة بتتاخد

ممكن طلب ضغير انا جاهله جداا في انواع السجاد
بعد اذنك لو مش هتقل عليكي ممكن تعرفيني الانواع دي ورينجات اسعارها وياريت لو عندك صور للسجاد لاني هشتري قريب ومش عارفه اشتري ايه ولا اعرف انواع ولا اشكال وخايف اشتري حاجه مش كويسه
ووممكن سؤال تاني هو السجاد المودرن ده اللي بيبقي في الوان اسمه ايه واسعاره
بجد انا محتاجه مساعدتك لانك سبقتيني وانت ادري مني
فبجد اكون مشكوره جداا لمساعدتك
واسفه ان كنت بتقل عليكي
شكرااا

miss_w;7798034:
[grade="00008B FF6347 008000 4B0082"]
السلام عليكم
ازيكوا يا بنات
كنت عايزة اسال عن الملايات ومفارش السرير
انا جبت 5 ملايات وهكملهم 8 ....... كدا كفاية ولا اكملهم دستة؟
وهل لازم أجيب ملاية لونها أبيض عشان أول يوم ولا عادي
أصل ماما بتقولي لازم تكون لونها أبيض
وبالنسبة لمفارش السرير كفاية واحد ولا أكتر؟
وشكرا
[/grade]

بالنسبه للعدد تبع راحتك 8 معقول مفرش السرير كفايه واحد اللون الابيض مش اساسى

asmaa2003;7837456:
ازيكم يابنات بقولكم ايه هى علبة الماكياج الكبيرة ده لازم اجيبها ولا ايه عشان ناس قالتلى ملهاش لازمة وكريم جولدن تاتش بتاع ماى واى حلو ومضىء ولا لأ وقولولى يابنااااااااااااااااااااااااااااااااااات الكوميدينو بتاع اوضة النوم افرشه بمفرش ولا لأ وكمان لو حد عنده موديلات تونيكات هيفصلها يوريهانى مش لاقية حاجات جاهزة حلوة عندنا

مش لازم يا حبيبتي تجيبي علبه الميكياج الكبيره جبتها مش عمليه
هات الحاجات المركات احسن والاي شادو هاتي هاتي 2 او3 من الباليتات الصغيره دي بيكون فيها 4 الوان هاتي واحده درجات الروز وواحده البني والدهبي وواحده الازرقات او الزيتي حسب ما تحبي
وكمودينو غرفه النوم ايوه تفرشيه بمفرش بيجي طقم للكمودينو والسراحه وعلبه الكلينكس عند بتوع المفارش

asmaa2003;7837545:
يابنات انا عايزة اكلمكم فى حاجة بس مكسوفة بس هتوكل على الله واقول انتم زى اخواتى انا فرحى قرب وموضوع السويت قالقنى جدا وبالذات فى المنطقة اياها انا عايزة اقولكم ان فى شعر بيكون من ورا كمان مستخبى كده فاهمنى ده اشيله ازاى بالسويت ولا اعمله بالكريم ردوا عليا يابنات الله يكرمكم

ما تقلقيش يا حبيبتي انا كنت زيك بحسب الموضوع صعب اوي طلع مش للدرجه دي
احسن حاجه قبل السويت ادهني كريم مخدر بيتباع في الصيدليه اسمه لجنوكايين5% على كل المنطقه وبلاش المخدر البخاخ وبلاش الكريم مالهوش لزمه بيطلع بسرعه ومش بيتحط على كل المناطق عشان خطر ممكن يسبب حساسيه يعني خارجي فقط

OLSOLA;7832281:
اللى هيا ايه زى الشياطة كده ولاايه ؟؟؟ ورينا صورة ليها طيب عشان نفهم


زى مابنبونة بعتت ليدوكايين دا مخدر موضعى وانا بستخدمه بحوالى 10 جنيه من الصيدلية
بس متهيألى بنبونة ان التلج وحش فى المنطقة دى هوا ايوة بيخدر طبعا الجلد عموما فى مكان يتحط عليه بس اصلا انتى كده بتاخدى رطوبة ودا بيأثر عليكى وتتعبى وقت الدورة الشهرية ولاايه ؟؟ اصل انا جربت موضوع التلج دا بس بعد السويت عشان الاحمرار وتعبت اوووووووى


الله يفرج همك حبيبتى روقى كده وصلى على النبى عليكى بكثرة الاستغفار والدعااااء

المفرش البنات اللى راحت قالت فى حدود ال 450 جنيه تقريبا مش كده ؟؟

بصي يا جميل هو في فكره للتلج ده بتتعمل زي قربه الميه كده لو تعرفيها
تحطي ميه في اي كيس بلاستيك تقيل وتخليها تتجمد وتستخدمي الكيس كده زي ما هو وبصراحه بيبقي حلو قوي
بس برضه عشان اكون صريحه اكتر انا فضلت استخدمه فتره وبعدين وقفت وبقيت بعمل السويت من غير حاجه خالص من غير مخدر يعني لان بعد فتره المنطقه بتتعود والالم بيقل مره في مره فا حسيت ان ده افضل وبقيت بعمل علي طول كده

دينا سيد;7837476:
ميرسى اوى على ردك
بصى يا ستى انا جبت حاجات كتير اوى مالهاش لزوم او بمعنى اصح كترت فيها اوى
يعى مثلا
1- الفوط............. جبت 40 فوطه و6 بشاكير وبرنصين اللى هما بيكونو مع بعض وطبعا دول كتير اوى يعنى انا هاستخدمهم ان شاء الله انا واولادى واحفادى
2-جبت بيجامات ستان باعداد كتيره (9) وطبعا دول كتير كفايه اتنين يكون شكلهم حلو واحده بنص كم والتانيه بكم
3- القمصان جبت 30 قميص وانا الحمد لله ربنا كرمنى وحملت على طول وطبعا دلوقتى مش بلبسهم يعنى لما اولد ان شاء الله وابدا اللبسهم تانى هايكونو موضتهم بطلت او هاحس انهم بقو قدام مع انى لبست كل واحد مره او مرتين
4- جبت البيجامات والترنجات كلها على مقاسى قبل الزواج وانا دلوقتى طبعا تخنت 6 كيلو بسبب الحمل ومش عارفه اللبس ايه
5-الملايات جبت 20 طقم منهم الساده ومنهم المشجر فى حين انا استخدمت برده عدد قليل اوى تقريبا 4 او 5
6-لبس الخروج جبت كل الشوزات بتاعتى بكعب وبعد الحمل طبعا ممنوع الكعب فاضريت انى اشترى تانى حاجات فلات
7-حاجات المطبخ بقى جبت كاسات كتير وكوبايات شوب وميه وطبعا مليت الدولاب بتاع الفضيه والدلسوار وهما دلوقتى على بعض ومش بستخدم غير طقمين بس اللى انا مخرجاهم فى المطبخ
8-الصينى ولااركوبال مش استخدمتهم خالص انا بستخدم البايركس سواء صوانى او اطباق بس طبعا الصينى ان شاء الله اكيد هاستخدمه بس انا جبت طقم غالى اوى ودلوقتى بندم
9-صوانى التقديم جبت طقم واحد بس وطبعا ده مش صح هاتى طقمين علشان التنويع والمظهر برضه يكون كويس
10-حلل التيفال مهمه اوى انا كل استخدامى فيها حلوه ومريحه فى الغسيل والطبيخ
11-نسيت بعض الحاجت الرفيعه زى مثلا حامل المجات وده مهم اوى انا مفتقداه جدا وبصراحه مكسوفه اقول لجوزى انا عايزه اجيب لانه حاسس انى جايبه حاجات كتير اوى وهوه بيقولى حرام عليكى كل اللى انتى جايباه ده
13-الكيتشن ماشين بتاعى مش فيه مضرب بيض او عجانه وطبعا دول مهمين لو انتى غاويه طبيخ او حاجات حلوه
بس مع كل ده انا لما بقول لماما بتقولى انتى كل حاجه جبتيها هاتستخدميها وهايكون ليها استخدام وانا شايفه انى زحمت الدنيا بحاجات مش هاستخدمها غير بعد 5 او 6 سنين
وطبعا كل واحده وعلى حسب بس فعلا دى تجربتى واللى انا شايفاه
وربنا يوفقكو جميعا يا رب ويتمم لكو على خير
عايزه بقى مساعدتكو فى حاجه انا بختار اسم للبيبى بتاعى ومحتاره عايزه اسم اولاد يكون حلو وفى نفس الوقت جديد ومش عيالى
انا اخترت اسم البنوته جودى لو فى حد منكو يقدر يساعدنى يقول يا ريت

الف الف مبروك يا حبيبتي
وبجد انا مقتنعه بكل اللي انتي قلتيه ده جداااااااااااااا
وفعلا انا فكرت زيك كده والحمدلله لحقت نفسي من دلوقتي
وطبعا ميرسي علي نصايحك يا قمر
بس عايزه اقولك بقي علي نصيحه صغنونه كده من اختك لاني الحمدلله غاويه مطبخ جدا وحلويات بالنسبه لمضرب البيض ممكن عادي جدا في اغلب الحاجات تستبدليه بالخلاط العادي بيقضي نفس الغرض الا في حاجات بسيطه
والعجان بجد نصيحه ليكي ولكل البنات ايدك في العجن افضل من اي شئ تاني انا في بيت بابا عندنا بدل العاجان اتنين وعمري ما استخدمتهم
بعجن بايدي كل حاجه ملمس الحاجه تحت ايدي بتخليني احدد هي بقت كويسه ولا وحشه وتخليني اعجن للحدالمفروض تبقي عليه العجينه بجد احسن بكتييييييير والحاجات بتبقي اظبط

:Y_hi_3: بناات هو الواحدة لو هتعمل كتب الكتاب الظهر ايه انسب حاجة تتلبس فستان عادى وللا هيكون اوفر....و المفروض الواحد يجيب اد ايه برفانات للجواز و ايه احس الانواع ...عاشقة زوجها وقعتينى من الضحك لا متخافيش اكييييد هلبسه فى البيت بس و لو لبستة بره هلبسلو حمالات زى اللى كانو الرجالة الموظفين بيلبسوها القرن اللى فات:D خللى بالك انتى بس من الللى بيعمل موسيقى احسن ده برده فضيحة بس قوليلى اسم المحل ايه..

asmaa2003;7837545:
يابنات انا عايزة اكلمكم فى حاجة بس مكسوفة بس هتوكل على الله واقول انتم زى اخواتى انا فرحى قرب وموضوع السويت قالقنى جدا وبالذات فى المنطقة اياها انا عايزة اقولكم ان فى شعر بيكون من ورا كمان مستخبى كده فاهمنى ده اشيله ازاى بالسويت ولا اعمله بالكريم ردوا عليا يابنات الله يكرمكم

بصي يا حبيبتي هو الموضوع يقلق من بعيد لكن لما تجربي صدقيني مره في مره هتلاقي الموضوع بقي سهل انا كنت عامله زيك كده وفي يوم اتشجعت واستخدمت السويت والحمدلله الموضوع عدي بسلام انا لسه مش متجوزه بس بعمل عادي جدا فا حاولي من دلوقتي لحد فرحك تعملي مره والتانيه وهيبقي اسهل صدقيني وبالنسبه بقي لموضوع الكريم ده انا عمري ما جربته بس ناس كتير ما نصحوش بيه وفي واحده صاحبتي جربته علي رجليها عملها التهابات فا مابالك بمنطقه زي دي
وبشكل عام بلاش الكيماويات في المنطقه دي السويت هتقضي الغرض جدا ان شاء الله

دينا سيد;7837806:
انا عايزه اعمل تغيير فى الشقه
اما بالنسبه لشكلى انا غيرت قصه شعرى خالص كان طويل اوى لحد اخر ضهرى كده
قصيته قصه لقاء الخميسى فى مسلسل راجل وست ستات بس طبعا مش هاعرف اغير لونه لان الصبغه دلوقتى خطر على البيبى

طيب يا جميل بتفكري في تغيير ايه بالظبط يعني انا مش عارفه اتخيل معاكي اللي انتي عايزاه يعني غلي اساس اني مش عارفه شكل شقتك ولا فرشك ولا اي حاجه
ههههههههههههه
ربنا يسعدك وان شاء الله البنات يساعدوكي

بنات انا عايزة اجيب الفواحة اللى بالكهرباء بس عايزة حجم صغير اووووي شفت زيهم فى امريكان فرنيتشر بس قالولى دول مش للبيع بس عجبونى جد ااااااا
عايزة اعرف بيتباعوا فين؟ وياريت لو حد يعرف مكان قريب من مصر الجديدة او مدينة نصر بجد ضروووووري جدا محتاجاها

مستنيه ردودكم

thering;7838479:

ازيكم يااحلي عرايس

اولا طبعا ببارك لكل واحده فرحها قرب وعقبالنا كده لما نحصلهم قريب يارب

فيه حاجه عاوزه اطلبها منكم وبس بجد مكسوفه :oمنكم اوي بس هاقول واللي يحصل يحصل
بصوا بقي انا ان شاء الله هابدأ انزل اجيب حاجاتي من ( مفروشات - ملابس - حاجات المطبخ ) فاممكن يعني عاوزه منكم تقولولي علي الاماكن اللي اجيب منها الحاجات ديه وياريت يعني لو حد عامل جدول مفصل وبطريقه كويسه بكل الحاجات ديه تبعته ليا وكمان عاوزه اعرف اجيب منين قمصان النوم اطقم البرا والبنتي وفي حاجات بتكون معموله من الدنتيل
فاممكن تساعدوني لاني بجد معنديش خبره خالص وياريت يعني لو في الجدول ده اسماء محلات كويسه وشامل كل حاجه
وجزاكم الله كل خير ويوسع رزق كل واحده منا امين يارب العالمين

ملاحظه :- اوعوا تقولولي ادخل علي كل الاجزاء علشان بجد احنا ماشاء الله 108 جزء فاطبعا مش هاقدر ادور فيهم كلها

حبيبتي الملف ده بنوته كانت بعتتهولي قبل كده ربنا يكرمها يارب مش فاكره اسمها
وانا اضفت عليه بعض التعديلات وان شاء الله ينفعك
http://www.3roos.com/uploder/uploded20080901/144369/01227376912.doc

لو عجبك بقي دعواتك ليا يا جميل

طمنت;7840300:
ممكن طلب ضغير انا جاهله جداا في انواع السجاد
بعد اذنك لو مش هتقل عليكي ممكن تعرفيني الانواع دي ورينجات اسعارها وياريت لو عندك صور للسجاد لاني هشتري قريب ومش عارفه اشتري ايه ولا اعرف انواع ولا اشكال وخايف اشتري حاجه مش كويسه
ووممكن سؤال تاني هو السجاد المودرن ده اللي بيبقي في الوان اسمه ايه واسعاره
بجد انا محتاجه مساعدتك لانك سبقتيني وانت ادري مني
فبجد اكون مشكوره جداا لمساعدتك
واسفه ان كنت بتقل عليكي
شكرااا

يا حبيبتى خدى راحتك وتقلى زى ما انتى عايزة بصى السجاد فيه انواع كتيييييييييييير قوى فى انواع متوسطة وفى اعلى وفى انواع عاليه قوى يعنى عندك السجاد الصوف ده اللى وبرته عاليه قوى ده غالى جدا بس انا شايفه انه مش بيليق على اى حاجه وفى سجاد نوعه اسمه جابيه وفى سلطانو بس دول انا بصراحه لقيتهم انتشروا فى كل البيوت وانا لما رحت اشترى الشاب اللى فى المعرض قاللى ان اقيم نوع دلوقت البينكل وفعلا لما شفته لقيته حلو قوى وباردو الشيراز حلو وفى نوع جديد اسمه باندورا كأنه فيه جليتر كده بيلمع هتلاقى فى السجاد انواع كتيرة روحى واتفرجى وانتى وميزانتيتك بس اهم شئ تشترى من معرض النساجون مش من محل بره عشان فى المعرض بيدوكى فاتورة لو حبيتى ترجعى السجادة فى اى وقت بيرجعوها . انتى عارفه انا خالتى اشترت سجادة منهم وغسلتها حوالى تلات مرات وبالفاتورة راحت رجعتها وجابت واحده تانيه . كمان السجاد اللى بيكون من المعرض بتاع النساجون بتضمنى انه سجاد درجة اولى لكن اللى بره بيكون فى تقليد وهتلاقيهم منزلين شوية فى الاسعار فالاضمن انك تشترى من المعرض نفسه...........ز انا رغيت كتير قوى وزمانى صدعتك يارب اكون عرفت أفيدك بحاجه

بنات لو سمحتم محتاجه مساعدة منكم

انا لسه مش مخطوبه لكن قلت اكيد انكم هتسعدوني

أخويا قرا فتحته والحمدلله امبارح وان شاء الله الخطوبه هتكون ان شاء الله السبت الجاي

وهتكون عائليه في البيت

نزلت للخياطه من شويه علشان اعمل فستان سواريه للحفله
قالتلي انتي المفروض ماتلبسيش سواريه مدام الموضوع عائلي

بصراحه محتارة البس ايه؟؟

بفكر انزل القاهرة اشتري حاجه جاهزة

بس الحاجه الجاهزة دي ممكن تكون ايه؟؟ وخصوصا اني محجبه

طيب بصوا الفستان ده عاجبني قوييي بس مش عارفه هيبقى اوفر ولا عادي :eek:

يابنات النساجون الفى المنصورة عامل تخفيضات بردو ولا لاء ارجو الرد علشان انا نزلة اشترى

حبة كريز;7842177:
بنات لو سمحتم محتاجه مساعدة منكم

انا لسه مش مخطوبه لكن قلت اكيد انكم هتسعدوني

أخويا قرا فتحته والحمدلله امبارح وان شاء الله الخطوبه هتكون ان شاء الله السبت الجاي

وهتكون عائليه في البيت

نزلت للخياطه من شويه علشان اعمل فستان سواريه للحفله
قالتلي انتي المفروض ماتلبسيش سواريه مدام الموضوع عائلي

بصراحه محتارة البس ايه؟؟

بفكر انزل القاهرة اشتري حاجه جاهزة


بس الحاجه الجاهزة دي ممكن تكون ايه؟؟ وخصوصا اني محجبه

طيب بصوا الفستان ده عاجبني قوييي بس مش عارفه هيبقى اوفر ولا عادي :eek:

انتي ممكن تلبس بدلة حلوة ويكون البادي بتاعها سواريه
او تايير شيك بس ميكونش سواريه اوي
وتلعبي بقي بالطرح والميكب
لان الموضوع في البيت والفستان دا انا حساه سواريه جدا محتاج حفلة كبيرة او فرح