تجهيزات بنات مصر الجزء 108

rozarita;7821900:
بصى يا قمر نصيحة منى بلاش سهيله فى الفرح خالص ولمسات حلو اوى خصوصا نيللى شغلها تحفة بجد خليها هى اللى تعملك شاطرة وبتاخد 800 من العروسة وربنا يوفقك

بصراحة بجد بجد انا مش معاكي في الراي نيلي بجد من سنتين كانت روعة وتحفة وبتشتغل شغل جامد وبرضة ايام المحل القديم اما دلوقتي مع اعتذاري انا مستحيل اسلم نفسي ليها ولو بي 100 جينية بقيت تعمل البنات كلها استنطبقي واحدة كلة شبة بعضة تسريحة وميكب وحش جدا والوان فاقعة ورهيبة وحشة اوي انا كنت بتعامل معاها علشان حمامات اعشاب لشعري وكنت بشوف العروسات بصراحة لمسات بلاش نادرا اوي لما تطلع واحدة حلوة ودة راي انا

rozyyy;7821901:
حبيبتي تسمحيلي بس اوضح حاجة -انتي كل حاجة قولتيها صح ما عدا قطعة الملاقيط للمنطقة الحساس ؟؟ القطعة الي بتقولي عليها دي ملاقيط قليلة لمنطقة الابط المفروض وفي ناس بتستخدمها للسيكوسيكو زي ماقولتي هههههههه -لكن القطعة الزجاز الي قولتي عليها دي بتتركب فوق القطعة بتاعة الأمواس عشان تقص الشعر الطويل الي في المنطقة الحساسة قبل ماتعملي بالموس نفسه - فيخيمتو -
يعني هي بتاعة العروسة دي 3 قطع ملاقيط واحدة كبيرة للرجلين والايدين وواحدة اصغر للابط وواحدة اصغر للوجه - وقطعة الامواس بقطعة الزجاج الي معاها بسسس
وكل الي في دول القطعة الكبيرة بتاعة الملاقيط

اية ياجماعة هو ماحدش بيشتري هدوم خالص ولا اية ماحدش يعني رد عليا في حوار موضوع هدوم الشتاء والمحلات الكويسة اللي الواحد ممكن ينزل ويلف فيها ويجيب حجات حلوة ياريت اللي يعرف المهندسين كويس يقولنا علي المحلات الكويسة اللي فيها وعناوينها وعباس العقاد كمان ومصر الجديدة والهرم
انا عن نفسي في الهرم في سيتي مول وكايرو مول وكايرو مش اوي بصراحة بس ساعات بتلاقي فلاتات سيتي مول يعتبر كويس نوعا ما بصراحة الجزم حلوة فية والشنط وفية محل او اثنين كويسين في اللبس ياريت بقي بقية الاماكن التانية تقوللنا علي اللي فيها

baby2010_10;7823490:
اية ياجماعة هو ماحدش بيشتري هدوم خالص ولا اية ماحدش يعني رد عليا في حوار موضوع هدوم الشتاء والمحلات الكويسة اللي الواحد ممكن ينزل ويلف فيها ويجيب حجات حلوة ياريت اللي يعرف المهندسين كويس يقولنا علي المحلات الكويسة اللي فيها وعناوينها وعباس العقاد كمان ومصر الجديدة والهرم
انا عن نفسي في الهرم في سيتي مول وكايرو مول وكايرو مش اوي بصراحة بس ساعات بتلاقي فلاتات سيتي مول يعتبر كويس نوعا ما بصراحة الجزم حلوة فية والشنط وفية محل او اثنين كويسين في اللبس ياريت بقي بقية الاماكن التانية تقوللنا علي اللي فيها

اللبس الحلو تلاقيه في جنينة مول والحرية مول -دول اكتر اماكن بلاقي فيها حاجات حلوة واسعارهم معقولة
لكن كايرو مول ده يعععععععععععععع بيئة

تووووكي;7823002:
إزيكو يا بنات ع فكرة انتو زعلتونى اوى اوى اوى :(

بسبب موضوع الالوميتال انا مطبخي 2.25 ف 3.5

وكنت بحسب طولى دي يعني مثلا الدرفه الى تحت بالدرفه الى فوقها المتر ب كذا

انا مسحه التلاجه 65 ومساحه البوتجاز 90 يعني المساحه هتصفي ع 3*1.35

وقايله لبابا هيتكلف 4 :(

وحزينة امتر عشان نتيجه الجيش خطيبي بعد بعد بكره ربنا يجيب العواقب سليمه

اللهم انى لا اسألك رد القضاء ولكنى اسألك اللطف فيه

انا سألت ع متر الوميتال كان ب 750 من شهر 4 وكان بسم الله ماشاء الله عامل حتة مطبخ تحفة

بس انا اتكدرت كده

الى عملو نفس المقاسات تقريبا يقلولى يا بنات

وانا فرويال هاوس لقيت كويكي الاصليه ب 54 جنيه بدال 95

ايه رأيكو فيها مع العلم انى كنت هجيب كبه مولينكس الى راسها فوق دي وبزرار اصفر بس صحبتي قالتلى عندنا تلاته ومن السعوديه يعني فرنساوى وبايظين وسكاكينهم مكسورين :(

بصى ياقمر احنا عندنا كبه مولينكس وهى حلوة قوى بصراحه فلو عاوزة تشتريها اتكلى على ربنا وجبيها

crazy ananas انا كمان مامتى عندها خلاط مولينكس بقاله يجى 20 سنه وشغال كويس جدا بس انتى عارفة ان الحاجات بتاع زمان كانت تصنعها انضف واحسن من دلوقتى فكنت عايزة اتاكد برضه اكتر وعموما ميرسى ياقمر على ردك وربنا يارب يكرمك ويسر امورك وحالك يارب

بنااااااات حد يعرف محل بيبيع لانجرى سما

وياريت يكون فى مصر الجديده عين شمس الزيتون روكسى كدا

هاي ياجماعة انا كنت عايزة اسال علي استديو تصوير في مصر يكون جامد بس مايكونشي بعيد يعني بلاش مصر الجديدة ومدينة نصر لاني في الهرم عيد ميلادي 4\12 وكمان عيد جوازي 23\11 فابجد عايزة اعرف استديو حلو اتصور فية انا وجوزي ويعملنا صور حلوة فيها شبة من بتاع الافراح نفس المقاس كدة ويعملنا حركات وياتري لو حد يعرف ممكن يقولي بكام ياريت بجد تساعدوني عيد جوازي خلاويص فاضل يومين

تووووكي;7823050:
جوماااااااااااااااانا

قوليلنا ايه احلى حاجه فالجواز واوحش حاجه غير انو مسئولية كبيرة :(

وقوليلي انا اكتر ابتديتي تخشي المطبخ وتطببخي بعد قد ايه لحسن انا عامله خناقه مع ماما عشان كده

هى ساكنه فأول خط المترو وانا ساكنه فأخرو وبقولها تجيبلي الاكل كل يوم نياااهاهاهاهاهاااااااا :D

احلى حاجه فى الجواز انك تعيشى مع الانسان اللى بتحبيه وبيحبك وكمان انك تحسى بأن لكى بيتك مملكتك كل حاجه فيه بتاعتك انتى شعور حلو اوى
اوحش حاجه ان معنديش نت اعااااااااااااااااااااااااااااااااا

crazy ananas;7823110:


ربنا يسعدك يا جوماااااااااااااااااانه يارب

بنات هو فين شارع رمسيس ده بالظبط

ساااااااااره المزعووووووووووره :tongue:
:D
[/center]

ويسعدك انتى كمان ياأنانستى انتى وكل البنوتات يارب
شارع رمسيس المتقاطع مع بطرس غالى اللى فيه محل نيويورك

بنات اسكندريه الحولن اللبس الشتري الخروج نزل وللا لسه بواقي

R@A;7817060:
ميرسي حبيبتي علي الصورة ان شاء الله تتهني بيها بس اعتقد الستاير بتاعتك دي شكلها بيكون ارق من الستائر المعدنية اعتقد ان المعدنية دي تنفع مكاتب او شركات ده رأيي و كمان هتتكلف اكتر من الستاير العادية و لو شريحة منهم باظت شكل الستارة بيكون مش حلو و كمان هي ليها زي حبل كده تترفع و تتفك منه لو الحبل ده باظ عليه العوض في الستارة
اولا و اخيرا ده رأيي بس متشكرة قوي لكل اللي رد عليا
ليا سؤال تاني هو المطبخ لازم يكون له مطبخ انا مطبخ مش مكشوف في الشقة هو جوه مش باين حتي اللي قاعد في الريسبشن مش يشوفه تفتكروا لازم اعمل له باب و لا هيكون مساحة ضايعة و خلاص و لا اعمله باب مثلا مروحة ؟

اعملي باب احسن عشان الروايح مش تبهدلك الشقه و تبقي ريحه الشقه كلها اكل

mitcy;7820303:

شوفي يا سهيله...امينه شلبايه عامله كورسات تدريب...علي الموضه والماكياج
ولفات الطرح وللعرائس كمانوالاتيكيت ..كل الحاجات دي..وهيبقي معاها ناس كتير .زي علاء التونسي وجيلان عاطف ومروه الخطيب..المهم دا هيكون في مركز القاهره الدولي للمؤتمرات.وهيبقي لمدا يومين 18 ساعه.... ولو انتي او اي حد عاوز ارقام تليفونات او السيت يبعتلي علي الخاص وانا هبعتهولك....

ممكن تبعتيلي اللينك


بنات انا نزلت المعرض السوري النهارده فيه مفارش حلوة اوى بس مش كتير يعني تقريبا اتنين تلاته بس اللي عندهم حاجات حلوه و الباقي اى كلام جبنا من هناك مفرش سفره حلو اوى لبنت خالتي كان ب 550 خدناه ب 400 و كمان طقم مفارش 3 قطع ب 200 و جبنا كمان مفرش سرير ب 550 كان ب 750
اه و كمان جبنا طقم برانس ب 350 كان ب 450
بس فيه هناك واحد في اول المعرض على ايدك الشمال و انتى داخله عنده شويه مفارش سراير روعه روعه روعه بس اسعاره فيها ناااااااااااااااااااااااااااااااااااااااااار :confused: المفرش بيبدأ من 1800 ل 3800 حاجه استهبال يعني:confused::confused::confused::confused::confused: :confused:
صوت صحيح انا مش لاقيت هناك ملايات سراير صغيره بكرانيش اللي لاقيته ملايات بكرانيش للسراير الكبيره كان ب 180 بس شكلهم حلو اوى
المفارش القطيفه هناك ب تقريبا 550 بس من غير فصال
اه و فيه كمان واحد عنده كزا تبستري حلوين او بس مش فاكره الاسعار بصراحه بس كان فيه واحد كبير خالص كان ب 600 و الاصغر منه كان ب 400
اه و كمان فيه واحد سوري بيستهبل في اول المعرض بيبيع قمصان نوم بس اسعاره غاليه جدااااااااااااااااااااااااااااااااااااااااااااااا

حدوتة مصرية;7821754:
السلام عليكم يا بنات....عندي ليكم اخبار حلوة إن شاء الله
بما إن إن شاء الله كتب كتابي وفرحي يوم 12-12 نزلت من كام يوم علشان أشوف نظام تأجير الفساتين
وكنت حاطة رينج 1000 جنيه لفستان سواريه عادي
المهم هقولكم من الآخر طلعت بإيه
لقيت بفضل الله في روكسي محل اسمه جيني لا روش جنب قويدر كدا وقصاد عمر أفندي ودخلته لقيت حاجات شيك جدا
ولقيت فستان لونه سكري عجبني أوي لإنه جامع بين فستان سواريه وفستان فرح سيمبل أوي

المهم قسته لقيته ماشاء الله حلو أوي وقالولي هناك انهم ممكن يفصلولي واحد متقفل على مقاسي تمام, وهو سعره 1450 شراء طبعا مش ايجار

فلقيت انه أحسن بصراحة وحاجى تكون بتاعتي أفرح بيها خصوصا إن فرق السعر مش كبير أوي

دا كمان الراجل إن شاء الله هيعملي شوز من نفس القماشة

وكمان إن شاء الله التسليم بعد 10 أيام, زفيه بروفة طبعا في النص

وفساتين الأفراح برده عنده شكلها حلو وجديد ونظيييييييييف وطريقة عرضها فيها احتراك للآدمية...وسعرهم في رينج 4000

كمان جبت القميص الأبيض من جويا ب 238 شكله ماشاء الله تحفففففففة

بالنسبة للماكياج لسة مش عارفة أعمله عند مين....بفكر أخلي حد من صحباتي يعملهولي في البيت بما إني مش بحب الميكب ومش بيليق فيا أساسا...يعني عايزة حاجة سيمبل جدا جدا جدا....تفتكروا أروح لكوافير ولا أزبط نفسي ممع حد من أصحابي؟؟؟

يالله....مباااااااارك للجميييييع

الف مبروك على الفستان يا رب تتهنى بية و تطلعى احلى عروسة ان شاء الله بالنسبة للميك اب لازم كوافير علشان تبانى عروسة و انتى تقولى للى حتعملك انك عايزة حاجة سيمبل

mnne;7823837:
بنات اسكندريه الحولن اللبس الشتري الخروج نزل وللا لسه بواقي

بصى انا لسة كنت فى سان ستيفانو قريب و مافيش حاجة عدلة لسة اعتقد كلها بواقى لسة مع ان العيد قرب المفروض ينزلو

سما الحب;7819091:
ازيكميا بنات عاملين ايه
امبارح رحت المنشيه واشتريت من سوق الخيط مفرش هندي متر في متر ولوه دهبي علي نحاسي وتطريزه جه شيك والحمد لله

وكمان رحت للملواني بتاع اكسسوارات المطابخ والحمام و جبت من عنده فرش للبانيو ودورت علي فرش للحمام ملقتش حاجه لونها علي احمر

يا ريت تساعدونني الحمام عندي لونه ابيض في احمر ايه لون فرش ممكن يليق معاه وممكن اروح فين في الاسكندريه علشان الاقي فرش حمام شيك و محترم

و اي سؤال انا في الخدمه

الف مبروك عليكى المفرش و يا رب تتهنى بية بس عايزين نعرف الاسعار و عايزة لو سمحتى يا سما توصفيلى الملوانى دة فين بالظبط لانى اعرف انة فى المنشية بس عايزة اعرف اروحو ازاى