تجهيزات بنات مصر الجزء 108

[quote=سارة المزعورة;7816659]المشكلة انى اشتريت المفارش فعلا
افصد مامتى حبيبتى كانت جايبالى واحد والمكان عندى ما يستحملش ترابيزة كبيرة
فقلت هاجيب ترابيزة صغيرة علشان الزحمة

بس كدة شكل الدنيا مش حلو
طيب يعنى اية هادبس فى واحد ثانى وارمى الى عندىىىىىىىىىىىىىىىىىى؟ظظظ
ساره ياحلوه انا عندى نفس المشكله بس انا اكير لانى عندى مفرشين من السعوديه
ماما كانت جيباهم واحد ابيض وواحد بيج
وانا برضو نظرا لضيق المساحه هاخد سفره مدوره
ماما بتقولى اقسمهم كل مفرش اتنين
انا شايفه انى هبوظهم كده والله محتاره لو لقيتى حل بلغينى وربنا يكرمنا

meroo012;7818747:
هوا انتو قلتولى فين المعرض السورى هايفتح ان شاء الله بليز حد يرد بسرعه ه

في ارض المعارض مدينه نصر يا قمر وهو فتح امبارح

toty858;7813286:
طيب ايه اكتر نوع كويس في السلكبيل هديه العروس وياتري الجزء الخاص بالوجه كويس ولا بيتطلع الشعر خشن
شكراا:D

نصيحة منى
بلاش هدية العروس
انا جبتها قبل الجواز لنفس الاسباب
وبتاعت الوش بتعور الوش !!! ولغاية دلوقتى عندى علامة في وشى منها :confused:
وبتاعت المنطقة الحساسة الملاقيط مش الحلاقة بتوجع جدا جدا لاتحتمل
من رائي هاتى اللى هيا قطعتين بس[/quote]
ايه ده أنا كنت فاكرة ان وشي انا بس اللي اتعور منها عشان حساس..لكن الحمد لله واضح العيب مش من وشي:D أنا جبت هدية العروس و هي حلوة ما عدا بتاعة الوش ما استفدتش بيها و بتاعة المناطق الحساسة بتوجع ... بس بقى اللي حلو اوي اوي هو السوفت اند ايزي سويت سهلة و فعااالة بس برضه في منطقة السيكو سيكو معرفتش أشيل بيها كويس و لحد دلوقتي مش عارفة اعمل ايه في المكان ده لاني جربت السويت و ما نفعش برضه ..:ss:

بنات اسكندريه القمرات
عاوزه اعرف هو عندنا مافيش سوق للسيراميك
شارع كبير يعنى الواحد يروح يتفرج وكده
واسعار السيراميك حاليا فى حدود كام بالتقريب
فى معارض لكيلوباترا فى كل مكان بس فيه مخزن الشركه فى العجمى تفتكروا ينفع اشترى منه ولا مش بيبيعو
وجزاكم الله كل خير ومحدش يطنشنى

MAYODAA;7818948:
بنات اسكندريه القمرات
عاوزه اعرف هو عندنا مافيش سوق للسيراميك
شارع كبير يعنى الواحد يروح يتفرج وكده
واسعار السيراميك حاليا فى حدود كام بالتقريب
فى معارض لكيلوباترا فى كل مكان بس فيه مخزن الشركه فى العجمى تفتكروا ينفع اشترى منه ولا مش بيبيعو
وجزاكم الله كل خير ومحدش يطنشنى

ازيكميا بنات عاملين ايه
امبارح رحت المنشيه واشتريت من سوق الخيط مفرش هندي متر في متر ولوه دهبي علي نحاسي وتطريزه جه شيك والحمد لله

وكمان رحت للملواني بتاع اكسسوارات المطابخ والحمام و جبت من عنده فرش للبانيو ودورت علي فرش للحمام ملقتش حاجه لونها علي احمر

يا ريت تساعدونني الحمام عندي لونه ابيض في احمر ايه لون فرش ممكن يليق معاه وممكن اروح فين في الاسكندريه علشان الاقي فرش حمام شيك و محترم

و اي سؤال انا في الخدمه

سما الحب;7819091:
ازيكميا بنات عاملين ايه
امبارح رحت المنشيه واشتريت من سوق الخيط مفرش هندي متر في متر ولوه دهبي علي نحاسي وتطريزه جه شيك والحمد لله

وكمان رحت للملواني بتاع اكسسوارات المطابخ والحمام و جبت من عنده فرش للبانيو ودورت علي فرش للحمام ملقتش حاجه لونها علي احمر

يا ريت تساعدونني الحمام عندي لونه ابيض في احمر ايه لون فرش ممكن يليق معاه وممكن اروح فين في الاسكندريه علشان الاقي فرش حمام شيك و محترم

و اي سؤال انا في الخدمه

شوفى ابو النيل يا جميل فيه حاجات حلوة

بس ده فى كايرو مش عارفة اليكس فى و لا لأ
هى المنشية دى فى اليكس؟

MAYODAA;7818948:
بنات اسكندريه القمرات
عاوزه اعرف هو عندنا مافيش سوق للسيراميك
شارع كبير يعنى الواحد يروح يتفرج وكده
واسعار السيراميك حاليا فى حدود كام بالتقريب
فى معارض لكيلوباترا فى كل مكان بس فيه مخزن الشركه فى العجمى تفتكروا ينفع اشترى منه ولا مش بيبيعو
وجزاكم الله كل خير ومحدش يطنشنى

بصي يا مياده فيه حته اسمها خورشد دي عباره عن منطقه كل المحلات جمب بعض بيبيعوا سراميك و عندهم انواع وماركات كتير


وكمتن ممكن تروحي عند السلاب فاتح فرع في لوران شارع ابو قير تقريبا وهو كذا دور وبرضوو واخد توكيل اكتر من نوع

وممكن كمان المظلوم في سموحه وبردو فيه شارع في المنشيه خلف شارع القائد جوهر فيه كام محل جمب بعض بتوع سراميك وادوات صحيه يا رب اكون فدتك

ايوه يا ميرو المنشيه دي في اليكس وفيها محلات كتير بتبيع مستلزمات العرايس من ملابس ومفروشات و اقمشه وغيره

مرهفه المشاعر;7810599:
اهانا شوفت النهارده تلاجه توشيبا 14 قدم كويسه شوفتها عند خالتى مش عارفه انتوا مش عجباكم ليه ؟؟ انا كنت مقرره انى اجيب هيتاشى بس حسيتها حلوه ايه رايكم؟؟

انا بجد من رايى اوعى تجيبى التوشيبا دى بجد عندنا فى البيت مقرفة
خليكى فى الهتاشى والوايت ويل انضف كتير والله عن تجربة يابنتى

baby2010_10;7812592:
هاي ازيكم يابنات يارب تكونوا بخير ليا سؤالين بجد انا اصلا من الزقازيق ودلوقتي اتجوزت وعايشة في القاهرة انا كنت عايزة اعرف محلات اللي بتبيع اقمشة ملابس مكانها فين في القاهرة اصلي عايزة اشتري قماش وافصلة جيبات صغنونة وعايزة افصل شيمزات تحت الجواكت في الشتاء انا عندي كاتلوج وفية حجات روعة وكنت عايزة اجيب اقمشة مودرن وجميلة ياريت حد يفدني ويقولي عنواين محلات لاني ماعرفشي القاهرة كويس
ليا بقي طلب تاني بجد ياريت حد يقولي علي خياطة او ترزي يكون كويس وبيفصل حلو انا اديلة الموديل والماقس وهو يفصل انا ساكنة في الهرم فلو حد في الهرم متجرب او الدقي او المهندسين اي مكان من دول انا اعرف الاماكن دي انا اسفة موت لاني طولت عليكم

من الووووووووووووووووووووووكالة ياقمر
عندك سنيوريتا وسندريلا وروتانا ودانتيلا
وبرضة الغورية والازهر فيهم قماش كويس التربيعة

crazy ananas;7812647:

بوكى هو ايه اللى بتتكلموا عليه ده (6)

الف وعد

(6)

:tongue:

كنا بنتكلم ازاى تغسلى شبكة الشفاط ياجارتى الحبيبة
وبعد كدة حد سالنى بنجيب منين المفارش الكورشية فكنت برد طبعا ردى ووصفى مبهر قولى متخبيش بهرتك بااسلوبى صح:wink::wink:

baby2010_10;7812719:
هاي ياجماعة انا قولت اقولكم علي تجربتي بجد ممكن تستفيدوا انا اتجوزت من ثمانية اشهر وعملت ميكيب عند مسيو عبدو مدام ريهام الي هيا مراتة عمليتلي الميكيب وهو عملي التسريحة بجد ياجماعة كل اللي شافني وحضر فرحي قالي كنتي روعة كنت بجد زي الممثلين وميكب هادي وناعم والوان تحفة والكواليتي بتاعتة تحفة وشعري لونة كان تحفة الصبغة كانت بجد تحفة انا قولت اقول علي تجربتي علشان افيدكم

ممكن تبعتيلى رقم ريهام الصواف وعملتلك بكام البكدج
ممكن تبعتيلى على الخاص البكدج كان كام

يارب أبقى عروسة;7813778:
[quote=طمنت;7813393]يابنات المنصوره مين احسن واحد يعمل ميك اب ويلبس حجاب لاني احترت وقالولولي ناس كتير ومش عارفه اعمل ايه

عندك ياحبيتى هير ستايل وبيوتى عند كلية اداب وفيه كمان ماى فير لادى فى المشاية فى النيل سنتر برضه شغله حلو:up:

شكرا ليكى ياصوت وماهى وايمى الكس على الرد :flower:وطبعا الى دايما كده مظبتانى حبيبتى بوكى:888345::21_213: ربنا يكرمكم ويباركلكم يارب

بنات هى اسعار المفارش القطيفة بتبتدى من كام كده ربنا يسعدكم يارب

من 450 انا كان عاجبنى واحد اوى فى المعرض السورى وكان ب800
وفاصلنا فيه لحددددددددددد 450 وفى الاخر اترددت مخدتوش ودلوقتى بضرب نفسى بالجزمة على ترددى دة كان تحفة
ياحبيبتى احنا اخوات مواةةةةةةةةة مواةةةةةةةةةةةةةةة لاتقولى ذلك كلنا فى مركب واحدة
وكنا غرقانين وبننجد بعض ههههههههه

koka;7815505:
بنات اللى بتسال على البرانس فى المعرض السورى انا لما رحت مكنش لسه كله فرش الحاجه بتاعته
بس لقيت واحد عنده وبصراحه كان وحش اوى ومش حلو خاااااااااالص المهم سالت قالى ب350 وكان شكله ميجيبش 100 جنيه حته
االبنات اللى بيسالوا على ورق الحائط لما اروح هبعتلكم رقم الراجل والعنوان بتاعه عشان الكارت فى البيت عندى

بنات لو سمحت عايزة محلات سواريه شيك يكون قريب من مدينه نصر ومش ايجار وكوافيرات حلوة فى مدينه نصر بردو
ولو حد يعرف الاسعار بتكون فى حدود كام؟

تسنيم وخلود حلوين اوى مالبى
وعندك ياقوت حلو

سارة المزعورة;7815862:
صباح الخيرات على عيون القمرات
انا اليوم مبسوطة حبة مش عارفة لية يا رب خير بس مبسوطة حبة

المهم يا بوكى فين بتوع الصوف الى عندهم مفارش كورشية دول من التربيعة انا الى اعرفة التربيعة ارحلهم من التربيعة ازاى يا حلوة

انانسةايوة انتى بتعيطى وبتددبى فى الارض واانا بردة مستنية ردك عليا


سماح قلب موجوع ايا كان ربنا ييسرك الاحوال والدنيا تمشى كويس معاكى يارب

برنسيس ميرو اهدى يا حبيبتى وتفائلى وربنا يهديلك الحال وييسرك واعرفى ان الرجالة كلهم ليهم دماغهم وبسسس


يا عيالباركوا لفراشة ومروة علشان جوازهم اليوم يا رب يكون يوم جميل عليهم يارب
باركتوا طيب ادعولهم بقة ربنا ييسر ويعدى الليلة

كمان ادعوا لدينا عاشة الرحمن ربنا ييسر وتلبس الدبلة اليوم يا ربببببببب ويهدلها العاصى يارب


عاشقة زوجها هيا موضة مالة نهى مهدى جميل غيرتى لية ما علينا
ممكن الترزى الى فى المعادى المتجرب تبعك دة على الخاص ممكن ؟
وانا قلت عيال الهندسة طيب بلاش ماتزعليش يا كبيرة يا طنط نهى حد يطول يرجع عيل والهى اجمل اياام

ممكن تفاصيل معارض دمياط يا عيون مودى على الخاص ممكن ضرورى لو سمحتى ؟
وكمان انتى نزلتى دمياط واشتريتى وبتقولى انك لسة فى توضيب الشقة ومش عارفة الوان حيطان وسيراميك ازاى دة
هيا البيضة ولا الفرخة مش فاهمة بجد
انتى جبتى عفشك حطيطية فى الشقة الى هايجى العمال فيها ؟؟؟؟

بنت مسلمة ربنا يطمنك مافيش امل طيب ليا سوال هما الرجالة كمان بيجيلهم مناطق غامقةةةةةة؟؟؟

بوكى ابقى لسميلى على امة
وبيبو لية مش باينة

من عونيا ياحبيبتى انتى تؤمرى امر كدة
بصى ركزى معايا عشان هركبك المتاهة
بوووووووووصى عارفة بتووووووووووووووووووووووووع الخيط اللى فى الغورية اللى بيبعوا الصوف عارفة طيب
الطرقة الطويلة الضيقة دى امشى فيها لاخر هتلاقى بتوع الصوف ادامك ودول اللى بيبعوة فهمتى حاجة :confused::confused::confused: قولى اة عشان متعقدش
اصل كلة بينبهررررروبيتخرع من وصفى الفظيععععععععععع عارفة لو مش عارفة توصلى تعالى انزل معاكى اوديكى
اة والله انا على اتم استعداد

بوكى فين المحلات دى يا قمر ودى بتاعه فساتين ولا مكياجات ؟

انا لسه جايه من المعرض السورى

جبت مفرش للصالون ومعاه اربع مفارش صغيرين بس مختلف شويه مش مطرز ولا سيرما كان غريب كده عند راجل واحد بس ... سورى مش عارفه انزل الصور لعطل فنى فى الكمبيوتر :(

جبت البرنسسسسسسسسسسسس حبيبى اللى رايحه علشانه اصلا بس لاقيته وانا ماشيه خلاص
بس معجبتنيش الالوان اللى محطوطه مع بعض خليت الراجل ياخد واحد من علبه وواحد من علبه تانيه :) وحطهوملى فى علبه واخدت اللى عجبنى وسبت اللى مش عاجبنى :) ب 300

عموما المستوى ضايع
مش حلو اوى مش زى كل معرض
مفيش حاجات جديده خاااااالص هما مفرشين تلاته من مفارش السرير اللى لاقتهم جداد
فى واحد رقيق اوى اوى عند واحد اول ما تدخلى على الشمال بس بجد امور اوى بس مش عارفه اسعار
اللبس .. مفيش حاجه عدله
اللانجيرى ... هما نفس الناس .. فى واحد فى كل معرض بلاقيه حطين حااجات غاليه ومش حلوه
والتانى مصريين عادى اوى شكلهم جايبين بضاعه من الموسكى ولا العتبه وبيبعوها :( مش سورى خالص خالص ولا حتى صينى

اللى حلو اوىىىى اوى فى هناك واحد بيبيع الحاجات اللى هيا مودرن دى بتاعت الاضاءه بس حلوه اوى وعامل تخفيض نص التمن بس انا حاسه انه لا نص التمن ولا حاجه هوا بيقول رقم ويقولك نصه بعد كده يعنى اى كلام
حاجات زى بتاعت كيان كده kian
بس حاجات حلوه ماشاءالله

فى مصريين بيبيعوا شورتات وبنتكورات وحاجات اقطان كده بس حلوه

فى بنت قالت على طقم اركوبال شافته هناك بجد غالى اوى ده اصلا واحد مصرى وهو اللى واخد البارتشن وبيبيع بالغالى اوى ونزلى اتفرجى عليه فى حمام التلات او مركاتو او سنتر 6 اكتوبر وانتى تلاقيه ارخص بكتير


باختصار اللى عايز يروح يروح علشان مفرش السرير والسفره بس لو متخيلين ان فى حاجات سورى حلوه تانيه نووو ولا حاجه عدله خالص

وحيعملو معرض تانى فى شهر 3 ان شاءالله

السلام عليكم

ازيكم جميعا يا بنوتات

انا بقي مشكلتي المكياج :(

مش بعرف احط مكياج

محدش يعرف مركز بيدي كورسات ولا اي حاجه تعلم

بس لازم تكون في اسكندرية

حد يقولي ربنا يخليكم احسن انا شكلي هبوظ الدنيا خالص

ممكن تقوليلى خدت منك كام يا قمر وبعدين انا سالتك على الفستان وانتى ما ردتيش عليا ممكن تقوليلى كان منين فى الزقا زيق
بصي ياrozarita انا لفيت علي الكل محلات الزقازيق في القومية في واحد اسمة النص الحلو اللي جنب سوبرماركت وكان الفستان اسمة شهرزاد وبذيل طويل جدا وكل اللي شافة افتكر اني جبتة من مصر وهو كان من الزقازيق واجرتة ساعتها كانت اول لابسة ب2000
اما بالنسبة للي سالوني علي موضوع الكوافير بتاع مسيو عبدو فانا عملت شغل العروسة كلة باكدج كان قص شعر وصبغة وهايليت وباديكير ومانكير وماسكات للبشرة وحمام كريم للشعر وميكيب وتسريحة ب2000 جينية

ممكن حد يقولى افضل محلات لتاجير فساتين الزفاف فى الزقازيق وكمان احسن الكوافيرات وايه هى الباكدج بتاعتهم ؟

- Sohaila;7820083:
السلام عليكم

ازيكم جميعا يا بنوتات

انا بقي مشكلتي المكياج :(

مش بعرف احط مكياج

محدش يعرف مركز بيدي كورسات ولا اي حاجه تعلم

بس لازم تكون في اسكندرية

حد يقولي ربنا يخليكم احسن انا شكلي هبوظ الدنيا خالص

شوفي يا سهيله...امينه شلبايه عامله كورسات تدريب...علي الموضه والماكياج
ولفات الطرح وللعرائس كمانوالاتيكيت ..كل الحاجات دي..وهيبقي معاها ناس كتير .زي علاء التونسي وجيلان عاطف ومروه الخطيب..المهم دا هيكون في مركز القاهره الدولي للمؤتمرات.وهيبقي لمدا يومين 18 ساعه.... ولو انتي او اي حد عاوز ارقام تليفونات او السيت يبعتلي علي الخاص وانا هبعتهولك....

mashimaro16;7819990:
انا لسه جايه من المعرض السورى

جبت مفرش للصالون ومعاه اربع مفارش صغيرين بس مختلف شويه مش مطرز ولا سيرما كان غريب كده عند راجل واحد بس ... سورى مش عارفه انزل الصور لعطل فنى فى الكمبيوتر :(

جبت البرنسسسسسسسسسسسس حبيبى اللى رايحه علشانه اصلا بس لاقيته وانا ماشيه خلاص
بس معجبتنيش الالوان اللى محطوطه مع بعض خليت الراجل ياخد واحد من علبه وواحد من علبه تانيه :) وحطهوملى فى علبه واخدت اللى عجبنى وسبت اللى مش عاجبنى :) ب 300

عموما المستوى ضايع
مش حلو اوى مش زى كل معرض
مفيش حاجات جديده خاااااالص هما مفرشين تلاته من مفارش السرير اللى لاقتهم جداد
فى واحد رقيق اوى اوى عند واحد اول ما تدخلى على الشمال بس بجد امور اوى بس مش عارفه اسعار
اللبس .. مفيش حاجه عدله
اللانجيرى ... هما نفس الناس .. فى واحد فى كل معرض بلاقيه حطين حااجات غاليه ومش حلوه
والتانى مصريين عادى اوى شكلهم جايبين بضاعه من الموسكى ولا العتبه وبيبعوها :( مش سورى خالص خالص ولا حتى صينى

اللى حلو اوىىىى اوى فى هناك واحد بيبيع الحاجات اللى هيا مودرن دى بتاعت الاضاءه بس حلوه اوى وعامل تخفيض نص التمن بس انا حاسه انه لا نص التمن ولا حاجه هوا بيقول رقم ويقولك نصه بعد كده يعنى اى كلام
حاجات زى بتاعت كيان كده kian
بس حاجات حلوه ماشاءالله

فى مصريين بيبيعوا شورتات وبنتكورات وحاجات اقطان كده بس حلوه

فى بنت قالت على طقم اركوبال شافته هناك بجد غالى اوى ده اصلا واحد مصرى وهو اللى واخد البارتشن وبيبيع بالغالى اوى ونزلى اتفرجى عليه فى حمام التلات او مركاتو او سنتر 6 اكتوبر وانتى تلاقيه ارخص بكتير


باختصار اللى عايز يروح يروح علشان مفرش السرير والسفره بس لو متخيلين ان فى حاجات سورى حلوه تانيه نووو ولا حاجه عدله خالص

وحيعملو معرض تانى فى شهر 3 ان شاءالله

انا اللى كنت بقول على طقم الاركوبال اللى واخد البارتش هناك واحد سورى مش مصري يا قمر والاطقم الاركوبال الحلوة نوعها ايه وفى حدود كام
لا عندى واحد نقشته مش حلوة هبيعه واكلم عليه واجيب غيره
احنا كمان المفرش اللى جبناه للصالون مش سيرما ولا بتطريز حاجه جديده كده وحلوة اوى وبردو كان عند واحد بس
كان فى واحد بيبع هدوم اطفال كان عده حاجات عسوله غير كده لالالالالالالالالالا مستوى المعرض نازل اوى

mitcy
ياريت ياميتي بجد تقوليلي وتبعتيلي انتي علي الخاص لاني لسة عضوة جديدة بجد وماقدرشي ابعت رسائل لحد علي الخاص لاني انا بحب اوي موضوع الميكيب والطرح والاتيكيت ياريت بجد بجد تبعتيلي اوي تقوليننا ازي نشترك في الموضوع دة

ياعاشقة جوزها انا رديت انا عملت صبغة وهايليت وقص شعر وحمام كريم وماسكات للبشرة وميكيب وتسريحة وباديكير ومانكير كان ب2000 جينية وانا ظروفي كانت مختلفة في الحجز كان ليا واحد صاحبتي تعرفها شخصيا فحجزتلي عندها قبل الفرح باسبوع بس ماعرفشي لو كنت اتصلت عادي مواعيد الحجز بتبقي ازاي وانا اللي طلبت مداد ريهام تعملي الميكب هو بالطلب علي فكرة وبالنسبة لشغلها صدقيني عن تجربة هيا بتفهم اوي ورقيقة اوي في شغلها وانا كان يوم فرحي فية اكتر من 15 عروسة وعملت لفات طرح بجد عسولة مووووت ليهم بالنسبة للتيلفون واللة ماقدرشي ابعت مسجات علي الخاص لاني لسة جديدة بس العنوان في ميدان الحجاز في مصر الجديدة ممكن تتصلي ب140 الدليل وتسالي علي رقم التليفون

koka احسن اطقم اركوبال لومينارك الفرنساوى