اجنـــــدة لحلمــــك هااا حلمتى اية النهاردة

نوجا بالمكسرات;8006531:
ربنا يكرمك يا حبيبتى ويفرج كربى وكربك .. بس أنتى مالك حاسة أنك فيه حاجة مضايقاكى

dony???;8013867:
.فرج الله كربك يانوجا وأصلح لكِ الاحوال، وهدى إليك زوجك وعظمك فى قلبه وجعلك له ماء عينه ودم قلبه
وأبعد عنكم كل الشرور والاعمال فهو القادر المقتدر..

كل عام وانتِ بخير

الله معك

nohaalymohamed;8019986:

اولا ان شاء الله تكونى وصلتى بالسلامة يا نوجا يا رب

انا فعلا مضايقة يا نوجا و الله سامحنى يا رب احنا فى ايام عيد بس الزعل فى قلبى مالينى يا نوجا بس الحمد لله على كل حال و شئ

انتى طمنينى بجد عاملة اية مع جوزك يا رب تكون الامور هددت ما بينكم ربنا وحده هو الهادى

nohaalymohamed;7989468:

نوجا حبيبة قلبى وحشتينى جدااااااااااااااااااااااااااااااااااااااااااااااااااا و وحشنى الفضفضة معاكى و فرحتى كبيرة اوى بيكى لما لقيتك فسرت احلام البنات بجد انتى مهتمية جدا بالموضوع ورافعة راسى اوى ربنا يخليكى لية و لكل البنات و تفسيرات كلها جميلة و منطقية جدا ما شاء الله و الدليل رد البنات عليكى ان فعلا التفسير و الحمد لله فى محله و الله اعلم بس كنت هزعل اوى لانى كنت كل ما اطلع و اقرأ رد او بنت كتبت حلمها كنت بدور على كلامك لية و الحمد لله لقيته و انا فرحانة اوى بكلامك و سؤالك علية

بصى يا نوجا يا عسولة اخر الاخبار يا سيتى الاول انا مقلتلقيش ان جنسيته عربى و ليس مصرى و زى مقلتلك اكبر من 15 سنة وهو عنده 40 سنة بس يبان عليه مثلا 36 او 37 هو مهندس مقيم فى الخارج بس عايز يستقر هنا فى مصر و دة طبعا اثار شك بابا اشمعناه هو عايز يترك الخارج و يستقر هنا و غير كدة لسة هيدور على شغل هنا و مش من السهل يشتغل لانه عربى عارفة المشكلة يا نوجا ان كل البنات اللى حولية صحابى و قاريبى و اختى و معظمهم كلهم تقريبا اصغر منى و ما شاء الله اللى اتخطبت و اللى اتجوزت فماما خايفة علية اوى و خايفة اننا بنكون بنتبطر على العريس و هو كويس و مصلى ولا بيدخن سجاير و لا شيشة الحمد لله و بيخاف ربنا بس زى مقولتلك السن و الجنسية مش مخليانى مرتاحة خايفة اوى و مرعوبة بجد و خايفة اكتر لانى برضه كل اللى حوليه الله اكبر ما شاء الله عليهم و الله بجد ربنا يحفظهم و يتتملهم كلهم بخير و انا مافيش حاجة فخايفه ارفض يبقى كدة اتبطرت مش عارفة يا نوجا و الله و بابا طلب منه يجيب اثباتت علشان نتاكد انه فعلا مهندس و بيعمل ماجستر و اثباتت على كلامه يعنى بس انا زى مقولتلك خايفه اوىىىىىىىىىىىى

معلش يا نوجا انا صدعتك بس بجد انتى الوحيدة اللى قادرة افضضفض لها براحتى و اقولك اللى جوايا انا هستنى رائيك :15:

نوجا بالمكسرات;8044995:
صلى أستخارة يا نها وربنا يسهل لك أمورك .. وصدقينى الجواز ده رزق وربنا كاتب عنده هيعطيه لكى متى ولا تيأسى أبدا أن شاء الله ربنا يرزقك بشخص مناسب لكى ويستحقك وكل تأخيره فيها خير أن شاء الله
وأنا تحت أمرك ف أى وقت أحكى وفضفضى براحتك
ولا تخافى أبدا كله بأمر الله وكلنا مرينا بخوف أمهاتنا وما زلنا ربنا لا يحرمنا منهم أبدا

نوجا بالمكسرات;8089336:
نها أنا خلاص زوجى بيتفق مع اخويا على اجراءات الطلاق وبيطلقنى بكره والسبب تدخل حماتى منها لله خربت بيتى حسبى الله ونعم الوكيل

نوجا بالمكسرات;8133191:
انا كلمته يا نها وأفتكرت له كل حاجة حلوة بينا وفكرته بيها لكن رد عليا وقالى خلينا أصحاب وأنت مسئولة منى لأخر لحظة بحياتى , وشكل أهله مأثرين عليه جامد وخلاص وكلت أمرى لله أنا عملت كل اللى لازم أعمله لكن قدر الله وما شاء فعل اللى قدرت عليه أنى طلبت منه يأجل الطلاق لغاية ما يرجع من شغله فى الأجازة وكلها 10 أيام ويرجع ويا ويلى لأنه هيرجع على بيت أهله وطبعا هيقووه أكتر ويزنوا عليه أكتر وخلاص احتسبت أجرى على الله اللى هيموتنى أنى مش عارفة ليه ؟ ليه خربوا بيتى مع أنى عاملتهم بكل ذوق وحب وكنت بخدمهم بعيونى ليه قابلوا كل حبى بكل الاهانات والأذية وأيه اللى هيفيدهم من هدم بيتى وحتى لو انا كنت غلطانة وكنت بغير على جوزى شوية هل ده مش من حقى ؟ أ،ا غيرتى كانت عادية زى أى ست بتحب جوزها لكن هو كبر الموضوع وقال أنه زهق منى وياللا الحمد لله على كل حال يمكن أنا فعلا كنت غلطانة بس ما يكون جزائى أنى أنحرم منه ده هو كل حياتى وخايفة أوى مش متخيلة لحظة واحدة أعيشها بدونه ربنا يصبرنى

emo baby;8184815:
السلام عليكم ازيكو كلكو يا بنات وشكرا للاخت نهى والجهد الجامد ده
وبالنسبه ليكى يا نوجا يمكن متصدئيش لو قلت لك انى طول الليل بفكر فى موضوعك ومعلش تعالى ع نفسك وحاول محاوله اخيره مع زوجك تانى اتصلى بيه واطلبى منه انك تقابليه لوحدكو فى اى مكان لو ينفع حتى انك تسافرى له مكان شغله قولى له اخر طلب هتطلبه منك حاولى تقفى قدامه وتبصى له بحب واساليه الى بينا ده وبيتنا وحياتنا مع بعض مش يستاهلو فرصه تانيه واوعدك انى هتغير ونحاول نقرب وجهات نظرنا من بعض نتازل بدل ما نخرب بيتنا ولا انت شايف ان الى حصل ده يستاهل نهدم بيتنا ونضحى بسعادتنا وعمرنا مش فاكر لينا لحظه حلوه تخليك تراجع نفسك وبصى لخ بحب كده اكيد هيحس بيكى وقولى له لو انا هنت عليك عمرك ما تهون عليا
اما اهله لو ربنا يسر قولى له انا مش بغلط فيهم وخليكى بعيد احسن يعنى العلاقه سطحيه واحسن تبعدى عنهم منعا للمشاكل وربنا يهدى الحال ويؤفئك للخير ع فكره ده ما ينئصش من كرامتك لبدا ده يبين مدى حبك وتمسكك بيه للاخر

nohaalymohamed;8282250:
فى البداية:
اتمنى يا نوجا تكون امرك بخير يا رب العالمين و يصلح شأنك كله

ثانيا :
انا حلمت يا بنات خير اللهم اجعله خير حلمت قالى انا خارج حجرة والدتى و الحجرة مغلقة فى الاساس بباب الزجاجى فلقيت انى ببص كدة على الحجرة لقيت حوت كبير لونه الاسود اللى فيه ابيض لقيته على الارض فى الحجرة من غير ماء و عمال يتنفس بصعوبه فقلت الحوت دة مش عارف يتنفس ففتحت الباب و دخلت الحجرة ووقف جمبه فى البداية كنت خايفة منه لكن لما لقيته بيموت فرحت علطول المطبخ و جبت زجاجتين ماء واحدة ماء بارد و الاخر ماء عادى فاتر و رحت ادامه و رشيت عليه ماء عادى فسألته انت عايز ماء بارد و لا عادى رفع راسه و نظر ناحيتى و قالى بار فرشيت عليه الماء البارد