بنت مصر11;7852965:
موضوعكم حلو اوي انا عندي 3 احلام اتنين دايما بيتكرروا معايا كل فتره اني دايما احلم اني في امتحان ومش عارفه احل اي حاجه الامتحان جه فجاه من غير ماعرف ومش عارفه احل اي حاجه مع اني خلصت دراسه التاني احلم ان فرحي جه فجاه برده من غير ماعرف وانا مجهزتش فساتني ولا عزمت اي حد الحلم ده كان بيجي قبل ماجوز وبعد ماجوزت كمان الحلم التالت اني حلمت اني في مكان زي البحر او البحر ومليان سمك كتير بانواعه بوري وجمبري وانا خايفه من شكل السمك لانه كتير جدا وصاحي بيتحرك وحد بيقولي خدي زي مانت عايزه من السمك ده متخافيش مش بفلوس ببلاش خدي الجمبري اللي بتحبيه قودامك اهو ومش بفلوس بس انا خايفه من كتر السمك اللي شايفاه حد يعرف يفسر
أزيك يا بنوتة ..
بسم الله الرحمن الرحيم
بصى يا توتة زى حلم الامتحان ده بيتكرر مع ناس كتيرة أوى مننا والامتحان عموما هو بيكون تجربة أو خطوة ف الحياة او شىء بيحصل فى حياة الانسان ولازم ياخد فيه قرار وأحيانا بتكون ذنوب فى حياة الانسان
انت هنا عندك فى حلمك أنت جواك أحساس بالذنب ناحية حاجة أخدتى فيها قرار و فى عقلك الباطن أتخزن خوفك أن القرار اللى أنت أخدتيه كان غلط فكل شوية عقلك الباطن بيخليكى تشوفى أنك بتمتحنى والامتحان جالك فجأة يعنى مش هتقدرى تاخدى قرار والله أعلم وعلشان ما تشوفيش الحلم ده تانى حاولى تركزى ف حياتك زمان كان فيها أيه انتى خوفتى منه أو قرار ندمتى عليه وصلحى الموضوع ده بينك وبين نفسك علشان عقلك الباطن يرتاح وما تخافيش دى أحلام أو تنفيس من العقل الباطن .
قبل الجواز.. لما حلمتى أن فرحك جه فجأة وما كنتيش مجهزة أى حاجة .. ده كان هم أو غم أو مشكلة جتلك فجأة وأنت مش عاملة حسابك عليها أو متوقعاها .
بعد الجواز .. لو جالك الحلم بنفس الشكل بالظبط ده معناه أنك هييجى لكى فرج فجأة أو أمل فى موضوع أنت فاقدة فيه الأمل بس هيجى فجأة ومن غير ما تكونى عاملة حسابك وهتكونى مش مصدقة
لكن لو جالك الحلم بعد الجواز انك لابسة فستان فرح تانى وفيه فرح حواليكى هو ده اللى مش حلو .
الحلم الثالث : حلو أوى البحر لما تكونى شايفاه من قريب ده معناه ملك أو رزق هتشوفيه قريب وخصوصا أنك شفتى فيه سمك كتير وصاحى السمك الصاحى رزق كتير من عند ربنا والجمبرى ده والله أعلم ولد ( أنت بتتعالجى علشان الحمل ؟ ) حد قالك على طريقة معينة للحمل أو علاج وأنتى خايفة منه ؟
عموما ربنا بأذن الله هيرزقك فجأة من عنده ومن غير ما تدفعى فلوس ف علاج بالذرية الصالحة أن شاء الله والله أعلى وأعلم
