تجهيزات عرايس مصر الجزء ال 107 يارب كلوا يتجوز

pascotta;7727205:
بصوا يا قمرات نا هنزل صور الحاجه ال جبتها من h&m ال كنت قلتلكم عليها وقولولي رايكم وعلى فكره الباديهات لسه باقي منها شويه الون الاسود والشورتات لسه موجوده وكمان الكاش مايوه وانا كنت جايبه هوت شوروت وبادي روز من عنده برده بنفس الاسعار انا كنت امبارح هناك ولسه الحاجه موجوده

http://www.3roos.com/uploder/uploded20080901/252515/01226491870.jpg

http://www.3roos.com/uploder/uploded20080901/252515/01226491229.jpg

http://www.3roos.com/uploder/uploded20080901/252515/01226444639.jpg

أسعار الحاجات دى ايه بقى و منين بالظبط؟ و الله انا رحت و سألت و مش كان فى أى حاجة من دووووووووووووول خااااااااالص غير التوبات الستربس بسسسسسسسس

يارب أبقى عروسة;7731622:
سلام عليكم

فرح لو سمحتى ابقى فضى الانبوكس بتاعك ياقمر مش عارفة ابعتلك رسالة:):)
لوسمحتم يابنات عايزة أسالكم سؤال هو الواحد كفاية يجيب كام سكينة للمطبخ انا جبت طقم فيه خمسة ومقص مش عارفة كده كفاية ولا ايه ربنا يسعدكم يارب(f)(f):15::15:

حاضر يا جميلة .. هاتي كمان سكاكين مفرد بالعدد اللي تحبيه واللي هتحتاجيه

عروس البحر;7733610:

بالنسبة للبنوتة اللي سألت عن توكيل وايت ويل أيوا موجود توكيل ليها في مصر

والبوتاجازات أنا شايفة إن يونيفيرسال شغاااااااااااااااااااااااال
بس مش عاجب مام أوي بس والله أنا شايفاه كويس جدا
كريازي لااااااااااااااااااااااااا
التلاجات توشيبا العربي كويسة

ممكن العنوان لو سمحتي او رقم التليفون

وشكرا يا قمر

ميرسى كل البنات اللى سألو عليا الحمد لله بابا خرج من العنايه المركزة ودخل غرفة عاديه

بنات انا عايزة مفرش سرير وسفرة من المعرض السورى أعمل ميزانية فى حدود كام؟؟؟

ممكن العنوان لو سمحتي او رقم التليفون

وشكرا يا قمر
[/color][/size][/quote]

كلمى الدليل وخذى العناوين
ادخلى على دليل التليفونات على النت وهاتلاقيها اكتبى بى تك وهاتلاقىها

سلامة بابا عقبال ما يخرج من المستشفى ويفرح بيكى

2000الى 1500 مفرشين واحد سفرة وواحد سرير ومفارش صغيرة للبوفيهات او النيش

DodyCat;7734399:
ميرسى كل البنات اللى سألو عليا الحمد لله بابا خرج من العنايه المركزة ودخل غرفة عاديه

بنات انا عايزة مفرش سرير وسفرة من المعرض السورى أعمل ميزانية فى حدود كام؟؟؟

بصي يا قمر انا جايبة مفرش السرير بعد ما كان بـ 750 جبته بـ 480

ومفرش السفرة بعد ما كان بـ 450 جبته بـ 300

من المعرض السوري

فاصلي معاهم جامد وتمسكي بفصالك

kasanova;7728079:
انا عاوزه اجيب صابونة الغار يا بنات هى فوائدها ايه
والحمام المغربى اجيبه منين بس يكون مش مغشوش والليفه ايلى زى الجوانتى دى

من منتجات أصالة

pussy22;7727988:
البنوتة اللى باعته صورة المسكرة يا ريت تقول نوعها اية لانى مش عارفة اقراه و حد سمع عن غسول المناطق الحساسة بتاع ايفون اللى اسمه simply delicate يا ريت لو حد جربة يقوللى و ده استخدامه ازاى ...و حد سمع قبل كده هل الجنزبيل او الزنجبيل مش عارفة اسمه بالظبط اللى هو الحراق ده بيخسس وللا مالوش علاقة يا ريت لو حد سمع عنة يقوللى

simply delicate أو اى حاجة لمنطقة حساسة أو بشرتك بلاش من أفون و انا بقول كده للأمانة و عارفة ان المنتجات هتحسوها كويسة و كل حاجة بس بلاااااااااااش أفون لاى حاجة حساسة بليييييييز

marwa8000 الطقم الشبيكه بيتباع فى شارع عشرة يا جميله ب 10 جنيه الحمد لله

ترتيب الدولاب


لا يا قمر اللبس الشتوى شوفى انتى هاتعينيه فين يا اما تحت فى خزنة السرير لو سريرك متقفل او لو دولابك بلاكار بيتخزن فوق لان منظر الاتنينجنب بعض مش ظريف وماتنسيش انك هاتعلقى كل هدوم الخروج وكمان اطقم اللانجيرى الطويله اللى بارواب او الارواب الفردانى ولو فيه عبايات استقبال عشان تبقى جاهزه علطول وقت ما حد يجيلك فكده زحمه وتناقض مش بيظهرحلاوة الصيفى واللانجيرى جنب الشتوى

kasanova;7728103:
يا بوكتى
اجيب منين المناديل ايلى بأويه دى ايلى فيها حاجات بتشخلل وتتلبس على الراس دى عارفيها عاوزاه منها الاسود والاحمر ومغظم الالوان حد جابها قبل كده؟؟؟؟

من الحسين يا بطة و رخاص

pippo

بنات حد يقولى بنجيب منين منديل كتب الكتاب .. بس عايزة كذا مكان مش مكان واحد لأن الازهر بعيد عليا

خطيبى جابه من محل لبس رجالى فى عباس العقاد و مش عارفة بكم بس كان عليه قرآن بالدهبى و راااااااااااائع ما شاء الله
و أى محل لبس رجالى اسألى فيه

dandona we bas;7733852:
بصوا يا قمرات الفساتين دي متقفلة و جاهزة للمحجبات و ياريت اللي تعجبها مشاركتي بليز تقيمني عليها يا قمرات

الصور ديه بتاعه يوميزو يا جميل ........ مشكوره لنقلها

و مروه ........... طقم الشبيكه جيبته من العتبه ب 8

رص المطبخ
ترتيب المطبخ
أولا وقبل أي حاجة تشتري مفارش بلاستيك علشان تفرشيها علي الأرفف والأدراج ودي اسمها مفارش بلاستيك دانتيل وبتبقي بالمتر أو لفة علي بعضها
لما تيجي تشتري المفارش دي هتلاقي منها شكل مقسم مربعات صغيرة بلاش منه لأنه عند الغسيل بيتقطع بسرعه جدا هاتي اللي هي حتة واحدة وكمان هاتيه بيج أو ابيض لان الذهبي ألوانه مع مرور الوقت بيروح
نبتدي بقي
1-تقصي المفارش دي علي قد مقاس الرف والأدراج بالضبط وتفرشيها كلها مرة واحده علشان متتلخبطيش وتنسي حاجة
2-تجيبي اكياس بلاستيك من بتاع البدل اللي بيجي فيه البدل من المغسله وتقصيه من الجناب دا علشان تحطيه علي المطبخ من فوق وعلي التلاجة كمان وبالشكل دا لما تيجي تنضفي كل اللي هاتعمليه انك تشيلي الكيس دا وتنضفي مكانة وتحطي واحد جديد هايحمي المطبخ والتلاجة من التراب وصدقيني هاينفعك اوي
3-اول حاجة ابتدي بالادراج لانها هاتشيلك حاجات كتيره جدا قسميها كده:-
1-الملاعق والشوك للأستعمال وبيبقي فيه حاجة للدرج بلاستيك او خشب متقسمه علشان الملاعق والشوك
2-ادوات المطبخ اللي هي مثلا قشارة او فتاحة او قطاعة الحجات دي يعني
3-فوط المطبخ
4- لو معندكيش حامل السكاكين اللي بيتحط علي الرخامة يبقي خلي تاني درج للسكاكين
5- رتبي صواني الفرن مع بعض يعني حطي الصواني الصغير جوا الكبير وحطيهم جنب بعض في رف واحد التيفال جنب الالمونيوم كده يعني ودا علشان لما تيجي تختاري صينيه تلاقي كل الانواع والمقاسات قدامك وتقرري هاتعملي في ايه
6- والحلل نفس الموضوع المقاس الاصغر حطيه جوة الاكبر وكده يعني
7- حطي كل الحلل والصواني والحجات التقيله اللي عندك في المطبخ من تحت علشان متكونش تقيله علي علقات المطبخ
8- حطي كل نوع عندك مع بعض يعني حطي علب التلاجة مع بعض حاجات التوابل مع بعض حاجات الخزين مع بعض
9- حطي حاجات الخزين التقيلة تحت يعني لوعندك اكياس مكرونة حطي كل نوع علي بعضة وحطي اكياس السكر بع بعضها العدس الدقيق كدة يعني
10- حطي حاجة التنضيف المسحوق والكلور والصابون السائل مع بعض في ضلفه واحدة ياتحت الحوض او اقرب ضلفة للحوض ولو فوق الضلفه فيه درج ممكن تحطي فيه الليفه والسلك والجوانتي البلاستيك بتاع التظيف
11- لو حاجتك التقيلة ملت رفوف المطبخ اللي تحت ومش لاقيه مكان للخزين ممكن تجيبي التربو اللي هي بتاعة الهلال والنجمة وترص فيه الرز والمكرونة والحجات دي
12- الرفوف اللي فوق
خلي رف للكاسات ورف لكوبيات الشاي ورف لفناجين القهوة
خلي حاجة التوابل في رف لوحدها علشان الريحة ومتحطيش معاها لا شاي ولا سكر
حاجة المشروبات في رف لوحدها
السمن والزيت مع بعض
المعلبات زي الكيكه والجلي مع بعض
حاولي تحطي فوق اخف الحاجات في مطبخ
13- حطي علي الرخامة الحجات اللي بتستعمليها دايمازي طقم التوزيع وحامل السكاكين حامل للمجات
لو هتحطي الخلاط علي الرخامة يكون دايما قريب من الفيشة
حاولي تجيبي أي علبه كبيرة مفتوحة من فوق وحطي فيها المعلاق الخشب والحاجات اللي بتسخدميها في الطبيخ وحطيها في اقرب مكان من البوتجاز
14اي حاجة عندك ممكن تتعلق ماتتردديش وعلقيها فورا لان دا هيوفرلك مساحات في المطبخ ممكن تستغليها في حاجات تانيه

dandona we bas;7730668:
بسكوتة يا قمراية دي من على النت عايزاني اجيبلك شغل حد معين في مصر أنتي تؤمري بس يا سكرة

ميرسي يا قمر على زوقك

Princess_miro;7734379:
أسعار الحاجات دى ايه بقى و منين بالظبط؟ و الله انا رحت و سألت و مش كان فى أى حاجة من دووووووووووووول خااااااااالص غير التوبات الستربس بسسسسسسسس

الهوت شورت 24 والبادي الواحدب 9 جنيه والكاش مايوه ب 14 جنيه
يا لقاء ازيك يا قمر اه طبعا لازم تروحي h&m ال عندك ده الاصل وعنده حاجات تحفه والاسعار تجنن انا دايما بشوف حاجته في برامج ريتشل راي واوبرا وتايرا كمان

اولا شكرا لكل البنات اللى ردوا عليا فى موضوعى

ثانيا الف سلامة على والدك يادودى كات ربنا يطمنكوا علية ويخرج بالف سلامة يارب ويفرح بيكى باذن الله

ثالثا انا عارفة ان خطيبى هو اللى غلطان ياجماعة بس مش عارفة اقول اية فى موقف زى ده لانى خايفة تكون كلمتى هى القشة اللى قسمت ظهر البعير فانا ساكتة وبحاول استحمل

بس المشكلة طبعا انه حاسس اننا فى موقف لا نحسد عليه فهو حب يقرفنا علشان نمشيلة رايه بعد كدة وإلا هيقرفنا لاننا قلنا للناس وفى الاخر وجبنا كل حاجة وهو طبعا ولا همه ولا فارقة معاه بس انا مش عارفة اخلى بابا يقولة اية موقفة دلوقتى يعنى ولا اية وبيتبغدد علينا طبعا وكل ما اكلمة يقولى اللى بوظ فرحتنا باباكى بتمسكة على حاجات تافهة

وهو متهمنى باننى جاية مع اهلى علية وانى مش شارية وحاولت اخرج برة الدايرة دى هو راح قايلى مفيش بنت متقدرش تأثر على اهلها


انا عايزة اعرف موضوع ركن القضايا والحلول دة واعمل اية واية الخطوات؟

يابنات انا عايزة اعرف اشترى دفاية بشمع تكون ماركتها ايه واجيبها منين ؟

nemonamanemo;7734595:
الصور ديه بتاعه يوميزم يا جميل ........ مشكوره لنقلها

و مروه ........... طقم الشبيكه جيبته من العتبه ب 8

انا نقلتها من منتدى تاني يا قمر و قلت عشان البنات يستفيدوا مش اكتر

رص النيش

ازاي ترص النيش

اول حاجة تجيبي مفارش النيش الستان وحاولي تظبطي العدد علي اد عددالرفوف بتاعتك يعني لو الرف عريض اللي هو بتاع النيش الضلفتين بياخد 3 مفارش وعلي حسب كمان حجم المفرش والموضة دلوقتي انك متخليش حتة من المفرش نازلة يكون المفرش كلة علي الازاز
خلي دايما عندك قاعدة تحطي السادة مع المدهب او الملون وتحطي حاجة قصيرة مع حاجة طويلة
اول رف دا دايما بيكون لطقم الشربات
تاني رف بيكون لطقم الجاتوه
تالت رف بيكون بيكون لطقم الشاي بتاع الطقم الصيني
ارف الاخير اللي بيكون خشب دا بيكون علشان الحاجات التقيلة يعني لو هاتحطي حاجة من طقم الصيني
لو عندك بوفية مع النيش يبقي تحطي فيه بقية طقم الصيني وطلعي منة اطباق الرز المسطحة والسطانية الكبيرة وحطيهم في اخر رف في النيش علي الجنب وما بينهم لو جايبة طقم خشاف ممكن تحطية
بيبقي في درجين في النيش ول علشان الشوك والمعالق
البوفية ممكن تقسيمة بين الصيني والاركوبال وصواني التقديم اللي عندك
الموضة دلوقتي انك لما تيجي ترصي الكاسات متكونش كلها واقفي يعني ممكن تعملي وردة بخمس كاسات وتخلس السادس قلب الوردة دي
لما تحطي طقم الشاي حاولي يكون معاه شوبات مش كاسات
متحطيش ابدا اطقم قهوه مع شاي دايما القهوة خليها مع كاسات او شوبات
اوعي تنسي بقي الحف الصغيرة اللي بتتنتور في النيش وحاولي تكون صغيرة علشان متغطيش علي حاجاتك
والتحف دي بتكون بتاعة السبوع او تشتريها من درب البرابرة في الازهر او لو مفيش متحيريش نفسك ممكن تجيبي الشمع الاشكال اللي الع جديد دا بيبقي شكلة اشيك بكتير

marwa8000;7734607:
اولا شكرا لكل البنات اللى ردوا عليا فى موضوعى



ثالثا انا عارفة ان خطيبى هو اللى غلطان ياجماعة بس مش عارفة اقول اية فى موقف زى ده لانى خايفة تكون كلمتى هى القشة اللى قسمت ظهر البعير فانا ساكتة وبحاول استحمل

بس المشكلة طبعا انه حاسس اننا فى موقف لا نحسد عليه فهو حب يقرفنا علشان نمشيلة رايه بعد كدة وإلا هيقرفنا لاننا قلنا للناس وفى الاخر وجبنا كل حاجة وهو طبعا ولا همه ولا فارقة معاه بس انا مش عارفة اخلى بابا يقولة اية موقفة دلوقتى يعنى ولا اية وبيتبغدد علينا طبعا وكل ما اكلمة يقولى اللى بوظ فرحتنا باباكى بتمسكة على حاجات تافهة

تافهة ولما هيا تافهة مايسبها ويمشيها زى ما ابوكى عايز
ولما هيا تافهة اختة الى متجوزة عملتها لية وكل البشر بيكتبوها لية والمحاكم بتاخد بيها لية
يا بنتى القايمة دة مكان المهر الى المفروض انتى تاخدية لنفسك حسب الشرع وهوة يجهز كل شىء وانتى تروحى بشنطة هدومك وبس

وهو متهمنى باننى جاية مع اهلى علية وانى مش شارية وحاولت اخرج برة الدايرة دى هو راح قايلى مفيش بنت متقدرش تأثر على اهلها


مش فاهمة
يعنى عايزك تقفى فى وش ابوكى وتحطى ايدك فى وسطك وتشترطى وتتشرطى على ابوكى اعمل دة وماتعملش كدة وماشيها زى ما هما عاوزين

ولا تروحى تقولى لابوكى ان ماكنتش هاتخلص وتتكب قايمة زى ما هما عايزين انا هاموت نفسى هانتحر

يعنى انتى تمشى الى فى راسك والى هوة عايزة ومالكيش كبير

فاهميا يعنى هوة عايز اية
منى ليكى دى عيل وجبان بجد
تصرفة مافيهوش اى رجولة
بصى بقة منة لابوكى لازم انتى برة
وسطوا حد فى النصف يكون من محايد علشان يعرف الى فى ضميرة
لكن كدة فى حاجة غلط فى عك فى لعب فى الدماغ


يابنات انا عايزة اعرف اشترى دفاية بشمع تكون ماركتها ايه واجيبها منين ؟

هاتى الزيت الصغيرة خالص تعمل 350 حلوة

pascotta;7734600:
ميرسي يا قمر على زوقك

الهوت شورت 24 والبادي الواحدب 9 جنيه والكاش مايوه ب 14 جنيه
يا لقاء ازيك يا قمر اه طبعا لازم تروحي h&m ال عندك ده الاصل وعنده حاجات تحفه والاسعار تجنن انا دايما بشوف حاجته في برامج ريتشل راي واوبرا وتايرا كمان

ممكن صورة يا جميله للكاش مايوه

marwa8000;7734607:
اولا شكرا لكل البنات اللى ردوا عليا فى موضوعى

ثانيا الف سلامة على والدك يادودى كات ربنا يطمنكوا علية ويخرج بالف سلامة يارب ويفرح بيكى باذن الله

ثالثا انا عارفة ان خطيبى هو اللى غلطان ياجماعة بس مش عارفة اقول اية فى موقف زى ده لانى خايفة تكون كلمتى هى القشة اللى قسمت ظهر البعير فانا ساكتة وبحاول استحمل

بس المشكلة طبعا انه حاسس اننا فى موقف لا نحسد عليه فهو حب يقرفنا علشان نمشيلة رايه بعد كدة وإلا هيقرفنا لاننا قلنا للناس وفى الاخر وجبنا كل حاجة وهو طبعا ولا همه ولا فارقة معاه بس انا مش عارفة اخلى بابا يقولة اية موقفة دلوقتى يعنى ولا اية وبيتبغدد علينا طبعا وكل ما اكلمة يقولى اللى بوظ فرحتنا باباكى بتمسكة على حاجات تافهة

وهو متهمنى باننى جاية مع اهلى علية وانى مش شارية وحاولت اخرج برة الدايرة دى هو راح قايلى مفيش بنت متقدرش تأثر على اهلها


انا عايزة اعرف موضوع ركن القضايا والحلول دة واعمل اية واية الخطوات؟

يابنات انا عايزة اعرف اشترى دفاية بشمع تكون ماركتها ايه واجيبها منين ؟

دا رابط القسم ان شاء الله


قضايا وحلول - منتديات عروس



وبتدوسى على كلمه موضوع جديد على اليمين

وبتكتبى بقا مشكلتك وان شاء الله تتحل بأمر الله


هو حذاء الفرح ان شاء الله بنشتريها ولا بتتاجر ولا بتتفصل ان شاء الله

بنات انا اشتريت بوط شتوى ولما روحت لقيتة ضيق شوية من عند الصوابع قدام ومنفعش ارجعة حد يعرف وصفة توسع الحذاء

ممكن ترجعيه وما قستيهوش فى المحل ليه يا جميله

وممكن مع اللبس يوسع ان شاء الله

وابقى البسى شراب فليه تحته