تجهيزات عرايس مصر الجزء ال 107 يارب كلوا يتجوز

يا بنات هوا عمرافندى هينزل التخفيضات امتى ....؟ وهل بتكون نازله على الادوات المنزليه كمان ولا لا؟؟؟؟
عايزه انزل موضوع اعمل زىVOTE على افضل انواع الغسلات والتلاجات والبوتجازات الاجهزه الكهربيه عموما ومش عارفه اعمله ازاى
ممكن حد يقولى؟

sally2007;7721540:
لو تقصدى زى ده فده اسمه صاج تيفال بيقى صاج من بره ومن جوه تيفال وحاجه نظيفه قوى يعنى واستخدامها ماشاء الله حلو قوى وسهل جدا وفى منه اشكال خطيرة والوان حلوة وانا شاريه وهى دى صورة بتاعته بس الالوان مش واضحه قوى فى التصوير

ايوة ياقمر هى دى جبتيها بكم بليز و كم حلة و كل التفاصيل :o(a)

paradise rose;7729352:
ازيكو يا بنات انا هسأل اسئله كتير اوى لانى عايزه اجمع اكبر قدر من الاراء
اولا الاجهزه ياريت تقولولى من الااااااااخر
انا من كلامكوا تقريبا قدرت احدد شويه
التلاجه اما وايت ويل او توشيبا الاتنين باب
الغساله ويت ويل او وايت بوينت
البوتجاز محتاره فيه بجد فيدونى اكتر يونفرسال فى ناس استخدمته ومعجبهاش بيقولوا بطىء ياريت اللى جربه يقولى اسم الموديل ايه بالظبط
وايه رايكم فى بوتجاز ايديال

بصى يا جميل..ز هو طبعا كل واحد بيحاول يجيب حاجة قد امكانياته.. تمام؟ فخلى بالك من الموضوع ده. يعنى انا اعرف ان تلاجة وايت ويل والغسالة بتاعتهم لا غبار عليهم بس انا ماكنتش اقدر اجيبهم.. فجبت تلاجة كريازى لقيت ناس كتير الحمد لله بيشكروا فيها وجبت غسالة وايت بوينت بضمان العبد وناس برضه بيشكروا فيها الحمد لله. لما بصيت على تلاجة توشيبا (رغم انى سمعت حلوة جدا) الارفف بتاعت الباب ماعجبتنيش خاااالص حسيتها اى كلام والفريزر كان ضيق.
البوتاجاز بقى.. انا كنت نازلة على انى اجيب كريازى.. وانا عارفة ان تكنوجاز ويونيفرسال كمان حلوين. الكريازى اللى لقيته وانا بدور كان الارفف بتاعت الفرن بتاعته اى كلام. اول ماحط ايدى عليها تقع امال الصينية هيبقى ايه موقفها؟ كذلك التكنوجاز ماريحنيش قوى بس تكنوجاز عند بنت خالتى وبتشكر فيه ما شاء الله. اللى استريحتله ساعتها كان يونيفرسال. الارفف بتاعته متينة وكنت عايزة البوتاجاز يبقى زرار الشواية غير زرار الفرن وانى ينفع افتح الاتنين مع بعض عادى وده الحمد لله لقيته فى يونيفرسال...
بوتاجاز ايديال بجد بقى بلاش. عندنا فى البيت مابقالوش سنتين وحاجة زفت ماما بتشتكى منه جدا. ماتسألنيش ايه نوع الشكوى لأنى مش بقف فى المطبخ :D
وعايزة اقولك على حاجة. بشكل عام هتلاقى اى ماركة زى ما فى ناس بتشكر فيها جامد هتلاقى ناس تانية بتشتم فيها جامد. فأنتى بتسمعى من دول ومن دول وادعى ان ربنا يوفقك ويبقى حظك حلو فى اللى هتجيبيه ووانتى بتتفرجى هتلاقى نفسك مستريحة لحاجة معينة.
بس يا ستى. ربنا يجعل حظك حلو.

سارة المزعورة;7732946:

بيبو ربنا يكملك على خير ويرزقك الخلف الصالح امين
هاروح ابص زى ماقلتى وسبق ومنال لافتت نظرى ووجعت بطنى وربنا يسهل
فعلا الرجالة مالهومش فى البطيخ
؟
الاسبتة الحوض دة الى بتتركب فى المطبخ حد عاملها من قبل ؟

ربنا يخليكى على الدعوة الحلوة دى ويرزقك اياها والاحسن منها ان شاء الله

الاسبتة الخوص دى انا كان نفسى اعمل منها ولقيت الراجل عاملى افلام وقعد يقولى ده هتلم دهون جااااامد ومشه تعرفى تنظفيها هتلاقى نفسك بترميها وتشترى غيرها. والله أعلم.

marwa8000;7732666:

ازيكو يابنات غيبت عنكم كتير بس معلش عندى مشاكل

اولا شيلونى من الليستة لان فرحى اتأجل
ثانيا ادعولى بالله عليكم بظهر الغيب ان ربنا يفرج كربى على خير

ثالثا: عايزة اخد رايكم فى حاجات حصلتلى

انا قولتلكم قبل كدة ان كان فى مشاكل بين والدى وبين خطيبى بسبب الدهب فى القايمة وبعدين والدى شال الدهب خالص

جه خطيبى وطلب ان القايمة تبقى بمبلغ معين متزيدش عنه فبابا رد عليه وقال له ان دى الحاجات اللى جايبنه فى البيت
وفأطلة كل صفحة على حده فى القايمة بمبالغها وفى النهاية هو هيمضى على التوتل يعنى فى اخر ورقة
هو زعل طبعا ومشى زعلان من عندنا وبعدين قال ان جاله حالة وفاة فى العيلة اللى عليها لغى حجز القاعة اللى حجزنها وقالى بعد ما لغاها

حاجة تانية كمان حصلت كنت المفروض استلم المطبخ فى يوم معين واخوى مش معانا وبابا هو بس اللى معانا فانا كلمته وقالتله ان ينزل معانا يجيبه علشان نوديه الشقة فهو مرديش بحجة انه مش فاضى فبابا رفض يوديهوله علشان مش هو اللى هيقف لواحدة مع الصنيعيةفهو طبعا زعل برده

عارفين جة اتصل بية وقالى انهلغى الحجز ومسافر البلد عنده علشان حالة الوفاة بالرغم ان كل عيلته عارفة انه حاجز

وهو عارف انى جبت كل حاجة حتى تنجيد المخدات

وبعدين راح مسافر وحتى مجاش يقعد مع بابا

وانا اتصلت بيه وحاولت اتحايل عليه علشان ميسافرش لانه هو الوحيد اللى هيسافر فى اخواته بحجة انه الكبير طيب فين باقى الاخوات ؟؟؟؟؟؟

بس هو رفض

تفتكروا اعمل اية معاه؟؟؟؟؟؟؟؟؟؟؟ وطبعا اختة مكنتش عايزة القاعة دى من الاول فهو حاول ينفذ كلامها انا مخنوقة جدا جدا ومش عارفة اعمل اية وهل التصرف اللى اتصرفتة صح ولا غلط وهل اتصل بية بردة ولا اعمل اية حاسة ان مخى وقف عن التفكير ومحتاجة مساعدتكم جدا جدا جدا

ازيك يا مروة؟
قدر الله وما شاء فعل. معلش اكيد ربنا شايلك خير.
بصى حاولى تكتبى المشكلة دى فى ركن قضايا وحلول عشان نعرف نتكلم براحتنا.
بس مبدئيا كده انتوا مش غلطانين. هو كان مفروض يبقى موجود يستلم عفشه وحاجته. ده بالنسبة للمطبخ.
تصرفكوا انكوا شيلتوا الدهب من لاقايمة ده مش يعيبكوا فى حاجة لكن بيبين انكوا شاريين وعايزين المركب تمشى ودى حاجة حلوة فى حقكوا ومفروض الناس كلها تبقى كده.
اما بالنسبة ان خطيبك عايز يحدد القايمة بقيمة معينة فده بصراحة ظلم. انا ضد ان القايمة تتكتب بأقل من الحقيقة أو اكتر. ممكن اه مانكتبش حاجات مش مشكلة حتى لو الحاجات بتجمل مش مشكلة. لكن ليه مثلا اقلل من تمن اوضة النوم ولا السفرة؟ ده حقك يعنى ومن واجب باباكى انه فعلا يحافظ عليه.
بالنسبة لحالة الوفاة هو طبعا كان مفروض يقولك الاول قبل مايلغى الحجز. وبعدين لما حالة الوفاة دى لحد قريب كده وتستدعى انه يلغى الفرح ليه اخواته ماراحوش العزا؟؟؟؟؟؟؟؟ مفروض طبعا قبل التصرف ده انه كان يجى يتكلم مع باباكى ويقوله حصل كذا كذا وانا مضطر الغى الفرح وباباكى يبقى عارف قبل الخطوة ماتتنفذ.
بصراحة مش عارفة اقولك ايه تانى

lekaa139;7732982:


بنات هوة الاندر ويرز الحركات دول مش القطن نجيب غير اللي مطقمنهم مع القمصان تاني قد اية تقريبا محد ادنى

والقطن نشتري برضة قد اية كحد ادنى

بصى حاولى تجيبى بحيث كل لون عندك يبقى فيه منه البانتى بتاعك. لو عندك كذا قميص اسود مثلا يبقى تزودى فى الاندرات السودا وكذا يعنى. لكن انتى مش مقيدة طبعا بأعداد.
الاندرات القطن بقى انا بحب ان يكون عندى منهم كتير. فالحاجات دى بتفرق من حد لحد. ممكن تجيبى 12 مثلا أو اكتر.


حد يقولى بقى منديل كتب الكتاب منيييييييييييين

بنات اللي عايز اي عنوان لانجيري في القاهرة او اسكندرية او ارقام تليفونات ميكب و ربطات طرح لماكييرات يقولي اوكي يا قمرات و حتى كمان اتليهات فساتين الأفراح و الحنانة و الدلكة


سهل حشيش ايه انضف اوتيلات فيه و الرينج بيكون كام ل 5 ايام سهل حشيش و 5 ايام الغردقة

يابنات انا جربت غسالة وايت بوينت وحلوة اوى ماشاء الله لاقوة الابا الله

shahy_m;7732072:
فضي الخاص بتعاعك يا كازنوفا لو موصلتلكيش رسالتي بقوللك لو عندك فيس بوك قوللي ابعتللك لينك لجروب ايفون ممكن تشوفي البرموشن منة ردي عالية علي الخاص
والبنوتة ال بتسال اية هي مساكة الشربات دي عبارة عن حمالات تمسك الشربات عشان ماتنزلش اصلي بلبس شراب طبي للدوالي وبينزل مني وبيزهقني

جبتي منين ياشاهي حمالات الشراب بالله عليكي دى أنا دوخت عليها


بالنسبة للبنوتة اللي سألت عن توكيل وايت ويل أيوا موجود توكيل ليها في مصر

والبوتاجازات أنا شايفة إن يونيفيرسال شغاااااااااااااااااااااااال
بس مش عاجب مام أوي بس والله أنا شايفاه كويس جدا
كريازي لااااااااااااااااااااااااا
التلاجات توشيبا العربي كويسة جدا في بيتنا وعندي بردو

دندونة مكياج العيون اللي انتي حطتيه في منه لذيذ ورقيق جدا وأنا قيمتك والله

بالنسبة لمروة

معلش ياحبيبتي والله أنا اللي اتحرق دمي وماتزعليش مني هو مستفز شوية عيب اللي عمله دى
أولا القايمة من حقك ولازم يمضي على التوتال في الأخر ودى اللي بيحصل عشان دى حقك
أما والدك والله عين العقل إنه ماجابش المطبخ عشانه مانزلش برافو عليه والله صح كدة عشان يعرف إنكوا ليكوا كرامة ومش شغالين عنده وبعد كدة يتحكم فيكوا ويتنطط عليكوا فتصرف والدك مظبوط
بالنسبة ياستي لحالة الوفاة محدش يقدر يتكلم فيها لو هي كدة فعلا
لكن كان واجب يعتذر لباباكي ويقوله أنا أسف ياعمي حصل كذا كذا ومضطر أجل ولو إنه مش لازم يأجل لو مش قرابة من الدرجة الأولى عشان لو قرايبه أوي كان كل البيت سافر مش هو بس
إنتي رأيي بقى ماتتكلميييييييييش معاه نهاااااااااااااااااائي
وسبيه بقى خلي الموضوع لوالدك
خليه يكلم حد من عنده كبير والده مثلا ولو والده متوفي خليه يرجع للكبير عنده او هو شخصيا بحجة طبعا انك متعلقة وهتقولي للناس ايه بالظبط وحدد موقفك معانا عشان نعرف راسنا من رجلينا
وهيبان هنا
لو هو فعلا موقف كدة خير وبركة وبردو لوموه انه غلط
لكن لو بايع في ستين الف سلامة واحمدي ربك وانتي لسة عالبر
سامحيني لو كلامي جامد انا بتكلم مع اختي بشوف لو حصل معايا هنعمل ايه او مع اختي او قريبتي كدة يعني

بنات ديه اسعار الدهب انهارده للي كان بيسأل عليها

وأكد تجار في السوق أن التراجع طال كافة العيارات، فبلغ متوسط سعر الذهب عيار 21 وهو الأكثر إقبالا 117 جنيها، والذهب عيار 18 نحو 101 جنيه، أما عيار 24 فسجل حوالي 135 جنيها، بينما بلغ سعر (الجنيه الذهب) 936 جنيها "وهذه الأسعار لا تشمل المصنعية والضريبة".

manafola;7733189:
[quote=boky2010;7728993]manafola
حبيبتى فى ماركة اسمها كى بى
وحبيبة ومون ايز وميلك دول تحفة دول اقطان هتلاقيهم فى ملوك عباس
وبسمة دلوقتى نزل لشتوى فهتلاقى الصيفى عليه تخفيضات
وفى محلات جملة فى الازهربتبيع
وبرضة روحى بى جى فى وندر لاند عندة اقطان حلوة اوى هو محل كبييييييييير فى تانى دور
وروحى
بى نشتى
و9 l.e
هتلاقى بديهات وحاجات امورة اوى ورخيصة

بسمة ميييين و حبيبة ميين دول عرايس معانا هنا يا جماعه بليز الاقي فين الماركات دي بعدين عرفوني بليز طريق المحلات مش الماركات علي العموم كتر خيركم الاقي فين المحلات بقي انا دخلت امبارح محل في شهاب 7LE اتشليت و الله لاقيه هوت شورت 80 جنيه ما اروح اجيبها احسن من مكان كويس احسن بالـ80 جنيه دول و 9LE دخلتوا امبارح كان هيجيلي سل بقي مش شلل كل حاجه هناك بــ85 جنيه مش فاهمه ليه :rolleyes:

لالالا بعد الشر عنك يا ست البنات
انا الى اعرفة من كل دول هوة حبيبة
مكانة فى جنينة مول اخر دور عندة بيجامات وترنجات وفساتين صيفى وارواب صيفى وتلاقى عبايات استقبال وكمان لانجيرى
والالطقم البرا مع البنتى دة

انا دخلت 9le قبلك وخرجت من سكات

_noor_;7723049:
ياريت تكملي جميلك معاي وادليني عليه بالضبط فين عشان اعرف اوصله، عشان انا مش مصرية

مرة ثانية..عاوزه اماكن شيك لشوكولاتة الفرح،البطاقات،التوزيعات(حاجة غير العتبة ودرب البرابرة وشارع شهاب)

باشيونيل أو سويزا يا جميلة اشيك حاجة و غالية شوية ساعات و عندهم كل مستلزمات الفرح

Botee;7733384:
يا بنات هوا عمرافندى هينزل التخفيضات امتى ....؟ وهل بتكون نازله على الادوات المنزليه كمان ولا لا؟؟؟؟
عايزه انزل موضوع اعمل زىVOTE على افضل انواع الغسلات والتلاجات والبوتجازات الاجهزه الكهربيه عموما ومش عارفه اعمله ازاى
ممكن حد يقولى؟

ماعتش فية التخفيضات الفزيعة بتاعة زمان حسب كلام العمال الشغالين
ماعتش اسبوع تخفيضات المدارس
واسبوع الفضل والبواقى ماعتش الكلام دة موجود الان حسب كلام العمال من يوم ما اتخصص

بنانيت انا كنت شفت في عيد لبيب جوانتي حراري عشان تلبسيه و انتي بتستخدمي الحاجات السخنة بس هو مش زي الجوانتي العادي هو عبارة عن جوانتي من قماشة تقيلة و ناحية بطن الايد عبارة عن جزء مطاط او بلاستيك عشان تعرفي تمسكي الحاجة انا لاقيته ب 36 جنيه الفردة الواحدة هل ده كده غالي و لا رخيص يعني اشتريه و لا لا

بصوا يا قمرات الفساتين دي متقفلة و جاهزة للمحجبات و ياريت اللي تعجبها مشاركتي بليز تقيمني عليها يا قمرات

و دول كمان حاجات سهرات ياريت اللي تعجبها مشاركتي بليز تقيمها

بنات طب الفوط الصحية دي نقول ايهواحنا بنشتريها يعني مكتوب عليها ايه يعني اللي هي اليومية

ادخلوا يابنات الرابط دى وياريت تشاركوا فيه حتى ينوبنا ثواب لو حد راح وشفى وتكوني انتي سبب جعله ربنا سبحانه وتعالى لشفاء حد
http://www.3roos.com/forums/t379423.html

داندون شيكي الخاص بتاعك
في يابنات محل حلو وعندو اقطان البيجامات للبيت بس مش كل حاجه عندوة حلوة بس للبيت المهم المحل
في الدقي جنب ماكدولنز في شارع محي الدين ابو العز امشي علي نفس الصف بتاع ماك حتلاقي محل جزم حلو قوي علي فكرة بس غالي شويه اسمو سورس امشي بعد المحل بشويه حتلاقي المحل هو مش بيان قوي بس هو علي نفس الصف

بس كده يا سارة المذعورة من عنيا طبعا و دي يا بنات تشكيلة فساتين زفاف متقفلة جاهزة و بليز اللي تعجبها مشاركتي تقيمني عليها يا قمرات جزاكم الله خيرا

[EMAIL="m@hy"]m@hy[/EMAIL]

اعملى التانيه بالوان الاولى هتبقى حلوه اوى وهتستحمل جااااااااااااااامد

عروس البحر;7734165:
بنات طب الفوط الصحية دي نقول ايهواحنا بنشتريها يعني مكتوب عليها ايه يعني اللي هي اليومية

ادخلوا يابنات الرابط دى وياريت تشاركوا فيه حتى ينوبنا ثواب لو حد راح وشفى وتكوني انتي سبب جعله ربنا سبحانه وتعالى لشفاء حد
http://www.3roos.com/forums/t379423.html

انا جبت فوط يوميه اولويز علبه فيها 20 واحده ب 9.25 وحلوه

انا جربت قبل كده الفوط اليوميه من الويز ما عجبتنيش في كريفري وفي بنات شكرت في رايا

kasanova;7728195:
بوكتى الايشارب الصغير ده ب30 جنيه ليه يعنى ده غالى اوى ده منديل صغير جدا وفيه زى الترتر بيشخلل فى اطرافه كده وبس لا طبعا غالى جدا كده
مين هيجيب الماسكرا يابنات مين مشترك فى افون فى القاهره يبعت لى ؟

أنا عايزة حاجات من أفون بس مش مشكاراه
على فكره يا جماعة ماسكارا ماكس فاكتور حلوة قوى ومش غاليه ب حاجه وستين فى مزايا