تجهيــزات عرايــ الامــ2008ــارات ـــس الجـــ 56 ـزء

امممممممم خلصنا الردود

الحين اني لتجهيزاتي :D

انا عني وديت المغربيات بس بعدهن بيخلصن على آخر 12

تقريبا خلصت البيجايم والتشيرتات وهالسوالف بس باقي اكمل قمصان النوم ومال الليله

اممممم

مخاوير عندي حوالي 6 وباقي بزيد بس كلهن بعدني ما خطتهن اتريا لين اخلص كل المخاوير وبقرر شو بخيط وشو بخلي

معظم البارتات احس عندي شوي من كل شي بس لين الحين ما خلصت وما استقريت

امممم هذا اللي في بالي حالياً وبرد اكمل بعدين

اي استفسار انا حاضره :)

محرومه حبه;7938769:
السلام عليكم ورحمة الله وبركاته

هلا بـ عرايسنا .. شحالكن ؟ إن شاء الله بخير وصحه ^_^

::

انا ملجتي على شهر واحد إن شاء الله ,, بس توني كنت يالسه احسب اغراض الزهبه وكل شي شو يبا .. وطبعا ماعندي خبره بس جي قسمت البيزات ,, اللي عندها خبره ومخلصه زهبتها او للحين تتزهب وعلى الأقل عارفه تقول حقي وين لازم ازيد بيزات وين انقص .. وإذا ناسيه شي ذكروني الله يرضى عليكم .. واكون لكم شاكره ,, ^___^

::

المكياج + الشعر + الفستان = 20000
الجواتي =2000
الهاند باج=2000 اوووه تذكرت الحين الشنط الكبيره وشنط المكياج وغيره ؟ مادري جم احط لها .. خذي طقم شنط اللي بالقاري احسن ورتبي عليه واذا احتجتي زياده ممكن تزيدين عقب "عندج اللي ايين منقطات وملونات في الصيني الطقم كامل ب350 اعتقد 6 شنط وفي منهن للمكياج والرياضيه" او اذا ما تبين جي عندج في كارفور
العبي والشيل=4000
البدل=3000
جلسات صالونات=5000 << مال شو هذيلا؟

المخورات+المغربيات=10000
الملابس الداخليه=2000
ملابس النوم=3000
التشيرتات والبناطلين والقمصان والجلابيات=5000

عاد هذول ماعرف جم احط لهم:

الأغراض الشخصيه والسوبر ماركت كاامل من سشوار وغيره = 1000 تقريبا
تجهيزات قبل العرس: الحنه مثلا والحف والبدي كير ومنكير وهالسوالف = ليش ما تضيفينهن لسوالف الصالونات الجلسات + ودوريلج مكان تسوين بكج كامل مثلا على 2500 او على حسب وين ما تسيرين
العطور والبخور= يبالج 2 او 3 ست عطور كامل و3 او 4 فرنسيه بس ممكن ما تكثرين وتقللين لانه اكثر شي تنهدين هالسوالف + يبالج مجموعة بدي لوشن مع الشاور جل مثل مال بودي شوب وفيكتوريا سيكرت او لايف ستايل كتغيير عن العطور ويكفي مجموعة وحده + دهن العود + عطور عربيه على حسب لو تحبين + 2 دخون وواحد عود معطر وعود جاف + عطورات الفراش + مسك العروس السائل من عبد الصمد القرشي مع الحجر
الميك اب = يكفي 2000 واشتري اللي انتي تستخدمينه والاشياء الاساسيه
ليزر حق ويهي (الشعر)= اذا كان سوفت لايت اعتقد ما يوصل اكثر من 1000 بس اذا كان ويهج مش محتاج انصحج ما تسوينه
وعن سالفة الذهب بيكون من عندهم بس طبعا يبالي اشتري اكسسوارات بسيطه وهذي من عندي يعني بعد جم يبالها

خليها اخر شي اذا بقى شي من الميزانيه واختاري اشياء تناسب البدل :D

::

عطوني رايكم خواتي ^_^

وخبروني وعطوني رايكم يعني جم قطعة آخذ مخور ؟ مغربي ؟ ملابس داخليه ؟ ,,,,,,,,,,,,,,الخ..

والسموحه منكم ,, بس صج محتاجه مساعدتكم ,,

ايه صح زهبتي كامل 70000 بس انا كنت ابا استخدم منها 60000 بس شكلها مابتكفي ^_^"
الله يعين..


فمان الرحمن

بخصوص اللبس يعتمد انتي وين بتسكنين بروحج ولا ويا اهله

انا عني بسكن ويا اهله

المغربيات انا سويت بس 4 وما بزيد

المخاوير بحاول ما ازيد عن 15 وشي منهن ما بخيطهن لانه يمكن الجسم يتغير وعقب بخيط على كيفي

بسوي جلابيات دانتيل في حدود 4 او 5 حلوات على العرايس

الاطقم الداخليه خذيلج اشياء فخمه في حدود 5 مثلا الالوان الاساسية و10 عاديات او اكثر والاغلبيه ينصحون نكثر منهن (a)

لا عادي اختي (f)

بخصوص صالون القمر للحنه هذا موجود في السوق القديم في الشارقة .. خلف مركز ساره في محلات نفس السايد اذا كملتي بتلقين صالون القمر

بخصوص صالون الروعه ما عندي فكره كم اسعارهم وين مكانهم بس اللي اعرفه انهم في الشارقة بعد انتي اتصلي الصالون واسألي احسن

والخلطه ما عندي فكره عنها السمووحه

الله ايسر امووورج يارب ويوفقج وتطلعين احلى عرووس يارب (f)

خبرينا عقب وين بتحجزين

صح وين حجزتي التصوير للالبوم؟؟

اممممم

بصراحه لو انتي ساكنه بروحج لا تكثرين مخاوير اكثر من 5 او 6 لانه ما بتلبسينهن الا اذا حد ياج زياره .. ونوعي ممكن تاخذين الجلابيات الهنديه وهالسوالف

المغربيات سوي وحده فخمه ووحده او ثنتين خفاف .. يوم بسيرين عند اهله ولا اهلج بتلبسينهن اول فتره .. وترى المغربيات الفخمات مب رخاص انا القطعه تقريبا كلفتني 500 والشغل المغربي بروحه 1300 وعقب ضرابه .. ممكن تسيرين القريه وتاخذين جاهزه بدل ما تتعبين وتفصلين

العطوور والله ما اعرف اسعارهن لانه يعتمد عالعطر كل واحد بسعره واذا طقم كامل او لا بس معظمهن اللي بدون طقم فوق 150 للواحد ويوصلن لين 350 او اكثر على حسب العطر .. انا يايبيلي اهل المعرس مجموعة عطور .. بس بعدني محطيه ميزانيه تقريبا 2000 وشكلي بزيد لاني احب العطوور وايد (a)

انتي مب لازم تتقيدين بالعدد اللي انا ذكرته حاولي تخلين ميزانيه وتتقيدين بها اذا مثلا حاطه 2000 خذي من كل شي واحد مثلا طقم عطر فرنسي مع اللوشن والشور جل + طقم من بودي شوب او لايف ستايل + دهن عود + 2 عطر فرنسي بروحه + المسك

وشوفي اذا زاد شي ممكن تزيدين واذا لا خلاص وقفي عشان ما تخربين ميزانيتج

بخصوص العنايه حاولي تهتمين بعمرج بخلطات طبيعيه في البيت تسوينها مثل كريمات لترطيب وشوفي خلطات عذاري وايد حلووه للعرايس وما بتحتاجين للصالون الا مثلا للحمام المغربي او الباكج اللي قبل العرس بشهر

وهيك يعني

انتي تبين تاخذينه جاهز ولا تفصلينه ولا بتأجرين؟؟

انا من اسبوع خذت من البستان فستان لعرس اخويه بس طلبت يضيفوله كم وخلال هالاسبوع ان شاء الله بروح استلمه

شايفه فساتين حلووه بس لفي المحلات قبل وعقب اختاري

معظم الالوان درجات الوردي لين البنفسجي اغمق درجه

والنيلي لاعب دوور واايد والتركواز

وفي الاصفر بعد حلوو

او ممكن تأجرين من عند الحريم