ندى دبي;7929048:
الله يتمم لج على خير ويسعدج ان شالله
خبرينا شو سويتي وشو خلصتي
وكيف كان ترتيبج وتقسيمج للمهر
تسلمين حبوووبه ^^
الحمدلله خلصت كل شي بس باقي المشوووط :D
أنا بسن ويا أهل زوجي (غير عن إلي بتزهب للي بتسكن روحها) والترتيب والتقسيم كالآتي:
1- عطيت أمي الغاليه مبلغ (20000)لأنها ربتني وتعبت عليه وتحملتني لين كبرت وخلص دراستي ودعواتها الحلوه لين ياني فارس أحلامي :o
2- (الذهب):(تقريبا40 أو 35000)خذت شنطة ذهب كبيرة من (بدون أسم ) خذت طقمين ذهب أصفر واحد كبير والثاني صغير وخاتمين معاهم... وطقمين ذهب أبيض واحد كبير والثاني صغير وخواتم ألماس .. الحمدلله لحقت على معرض الذهب والألماس عروضاتهم كانت حلوه.... وبعد خذت طقمين صغار فضه مطلايات بذهب (للسفر) ..وخذت اسواره وخلخال... و3 سوع (ساعات)
وخذت علاقة شغابات الإكسسوار.. خذت ألوان وأشكال حلوه وعلقتهم .. + إكسسوارات
3- (الملابس):
العبي: (5500)فصلت 8 عبي ( 2 للأعراس - 4 للمناسبات والعزايم ووو - 2 عاديات) من غير إلي عندي من قبل + غشاوه للضروره
الكنادير(10000):فصلت 3 مغربيات... 7 مخاوير (3 خوار كامل من الصدر لين تحت- 4 مخاوير طولهم عادي)
الجلابيات(6000): خذت 10 جلابيات من اليشمك ( 3 فخمات يصلحن للمناسبات - 4 جلابيات كشخه - 3 عاديات قطنيات ومريحات) + 13 وقايات (شيل) للبيت ملونه تناسب الكنادير.
جلابيات خفااااف للغرفه أو إذا بدخل المطبخ ( ماحسبت كم وحده يمكن 10)
البدلات(5000): خذت مجموعه متنوعه من البدلات (تنانير وبناطلين وقمصان ووو) حوالي 15 للبيت،طلعات، سفر)
قمصان النوم(5000):خذت بعد مجموعه كبيره متنوعه ( طوال - متوسطات الطول - قصار - بدلات دلع للحركات) وخذت أرواب للقمصان، وروبين مختلفين لبعد الشاور وفوط... كل ماسير مكان يعيبني شي وآخذه :o ماخلي شي في خاطري
البجامات: بعد مجموعه يمكن 10 بجامات مثل 3 قطع وقطعتين من الحرير والقطن
الملابس الداخليه: 15 قطعه وبعدني باخذ ف أسبوع العرس لان أحس قياسي تغير من الرياضه والرجيم... وخذت مجموعه ملونه من التنانير والشلح.
سجادة صلاه وشيلتها
4- الشنط والنعول (وأنتوا بكرامه): (4000)
خذت 3 شنط مناسبه لبدلاتي والعبي ( من غير الشنط إلي عندي :) لاني كنت أدرس وعندي شنط وايد) وتعرفون بتنزل موديلات يديده
وخذت طقم شنط للسفر ونقل الزهبه + شنطتين دلع للفنادق + شنطه مخصصه للملاب الداخليه
أما النعول فــخذت 10 والبقيه بعد العرس + 5 سليبرات للبيت ولقمصان النوم
5- العطورات(5000): أنا أموت عالعطورات والدخون (أموت عالريحه الحلوه)
خذت مجموعه كبيره من العطورات الفرنسيه(5 أطقم) والباقي غراش ومجموعه صغيره من العطورات العربيه + أفخر أنواع الدهن العود ( كمبودي ودهن عود قديم ومسك العروس)
والدخون وصلتني مجموعه (هدايا) بس خذت دخون كان في خاطري من باريس غاليري
العود خذت من الرصاصي وعبدالصمد الغرشي وأجمل وبعد وصلني عود معطر هديه
وخذت مدخن كرستالي وثاني عادي ومجموعه للمدخن (مهبش وإلي ينفخ وقطاعت العود)
وبعد مجموعه من عطورات الفراش + مدخنه للملابس + ولاعتين
هيه وبعد تم في خاطري لوشن من وصابونه من أنفاسك ^^ بمر آخذلي
6- المكياج (1500)
2 كريم أساس - بودرتين - مجموعه من البلاشر - قلوسات وأرواج - بودره لماعه - مجموعه كبيره من الشادوو ( أحب الشادو وألوانه) كحل ( أسود، أخضر، ذهبي، تركواز، أبيض، سلفر،بنفسجي) - ماسكارتين. ( يمكن شي زياده بس مب متذكره كلهم فالشانطه)
شنطه فيها ألوان صبغ الأضافر + الأسيتون + العده
7- الهدايا (3500)
خذت لزوجي الغالي هدايا وكنت أهديه بين فتره وثانيه
وهديه لعمي وعمتي ^^ وأخت زوجي
8- الشبرات والقبضات (300)
خذت سلتين وحطيت فيهم مجموعه ملونه من القبضات تناسب ألوان ملابسي
وسوالف دلع صغيره ومتوسطه من شبرات وورود ومقابض
خذتهم من محل مره لاصق في تيجان إلي في شارع الوحده أسعارهم حلوه
9- مواعين (1500)
ههههههههه هيه مواعين دلع عشان زوجي يوم كان يزورنا أحب أطبخله وأدلعه بالأطباق الحلوه
وبخليهم لبيتي المستقبي إن شاءالله
10- جلسات الصالون (10000)
عندي جلسات فالصالون (سبا) ماسكات تبيض وتقشير
جلسات بودي سكراب وحمامات مغربيه (من العادي للملكي)
+ عنايه خاصه بروحي فالبيت
11- الكتب (500)
خذت مجموعه واايد حلوه للكتب الزوجيه والسيديات والشرايط
كلهم عن العلاقه الزوجيه ( أثقف نفسي وزوجي بعد أخبره وأعلمه "بالتلفون" :o) نستفيد ونتعلم من بعض :D
12- سوالف الجمعيه (3000)
فرشات أسنان - فرشات لسان - معجون خاص لأول الأيام (عشان لي خلص وخذت منه بعد فتره يكون مرتبط بشهر العسل) - شامبو - ماسك للشعر بعد الشامبو - سبري - جل - موس لستايلات الشعر - شموع دلع - أولويز بأنواعه - حلاوه - ماكينة براون (للعرايس) - سشوار - مكواة شعر - جهاز بخار للشعر - شاور جيل - قطن للأذن - قطن للمكياج - وووووو ما أتذكر بس هالسوالف يعني وكلهم في علبيه كبيره حلوه بلاستيكيه
وهذي زهبتي والترتيبات وعن الأسعار حاطتنهم لكل شي بالتقريب
بصراحه مهري خلص (كل شي غالي) ^^ ودفعت شوي من عندي بعت أسهم وأستفدت منهم
بنات لو في شي ناقص ذكروني مابقى عن العرس
النواقص: فستان العرس البروفا النهائيه هاليومين وان شاءالله بستلمه لأني مفصلتنه
نعال العرس لقيت محل في ميغا مول عندهم نعله كريستال حلوه يمكن آخذ ومسوين تنزيلات
الباقه مفصله صناعيه بعد بمر آخذها هاليومين
الزفه بتخلص قريب
ومستمره في الجلسات ^^
.....
والحين عاد أبا رياكم وردودكم
والسموحه منكم طولت عليكم :o
... دوت ...