حبيته وتفارقنا ... ودارت الدنيا وتزوجت

وداعيه يا آخر ليله تجمعنا 05-11-2008 120 رد 5,554 مشاهدة
ر
حبيبتي قصتك اثرت في جدا وجعلتني ارجع الى الماضي القريب
المهم عودي نفسج على حب زوجج وحاولي دائما تتذكرين حسناته
واستغفري الله كثيرا
r
حبيبتي خل عنك الشيخ فلان والشيخ فلان انتي اذا ماتعرفين الرقيه اشتري شريط ولا كتاب وارقي

نفسك واقري البقره دوم كل يوم حتى لو صفحه كل يوم ولا بعد كل صلاه وطلبي من الله يلين قلبك

لزوجك ويحط فيه محبته الرجال شاريك للحين ترى الرجال نادر من فيهم الي يستحمل ادعي دوم الله يبارك في حياتك ويقربك منه
ترى الشيطان يلعب في عقلك استغفري وتعوذي من الشيطان


والله يبارك لك في حياتك ويخليك لزوجك ويخليه لك


لا تنسين اذا هو مو موجود شغلي سوره البقره في البيت كل يوم وربك كريم
ت
ياقلبي أنتي ، ياحياتي عليك ، غلاتي تأكدي أن كل أمورنا خير لأنها من ربي
هذا أول شيء لأن الإنسان إذا رضي ارتاح ، والله هو الأعلم والأحكم حين جعل زواجك
من هذا الرجل وليس من ذاك ، حبيبتي يمكن تكون مشكلتك عين أومس مثل ماقلتي
والحمدلله بدلنا ميلناه قراء كوسين ، أعرف ناس شفاهم ربي من السحر مافيه شيء بعيد
على ربي ، أنت بس كثيري دعاء بأن يفرج الله همك ، وأسألي عن شيخ كويس، ولاتخلين
الدعاء في آخر الليل وأوقات الإجابه، وربي حاسه بألمك يطعن في صدري، أدعي ربي يفرج
همك ، ينسيك حزنك ، يحببك في زوجك ، وفكري لو ماعرفتي تكسبينه ايش يمكن راح يصير
لاقدر الله ، ترى الرجال هالزمن يبغالهم مدراة ، ويآآآآرب يرزقك الصديقه اللي توقف معك
ياحياتي أنت وربي قطعت قلبي ، قلبو حاولي تحفظين سورة البقره وتقرينها، وتقرين قران كل
يوم ، وتشغلينه في المسجل .


/


يآرب ياحي ياقيوم ياكريم يامنان اللهم أسعد قلبي أخيتي وأفرج همها وحببها لزوجها
وحببه لها ، وأجمع بينهم بخير ، اللهم لافارج لهمها سواك ولامعين لها سواك ، اللهم
يارحمن السموات والأرض ورحيمهما أفرج همها وأسد قلبها يآرب
وتكفين طمنينا عليك يالغآليه



.
ا
والله اني قريت موضوعك وقلبي وجعني عليك اول شيء
انا ما بامن بالحب الاول بحسو انه تافه الحب الحقيقي بيجي بعد الزواج وعشرة وانتي اكيد حتحبي زوجك ادا حاولتي تحبيه ونسيتي الماضي لانه ما يستاهل ومش رجال وراجل الي يسمع كلام امه ادا قالتلو لا تتزوج خلاص امسيه وهو مش من نصيبك
اما زوجك هدا الي قسمهولك ربنا هدا هو نصيبك وحبيبك حبيه وعيشي معاه وسافري عنده وعيشي معاه في بيت واحد ليش تعيشي لحالك وتستنيه في ويك اند
اما موضوع الجن فهدا حقيقة مدكوره في القران وانا كنت اعرف وحده كانت ملموسه بالجن وكبرت كبرت لغاية 49 سنه وما تزوجت وبعد ما راحت عند الفقهاء ومطاوعه وقرو عليها القران وعملولها حجات وصرع رجعت لحالتها الطبيعه وصارت تهتم بنفسها وتزوجت وهي عمرها 50 سنه برجل مرموق ودو مركز كبير في دوله
اتمنى انك تجربي وانشاء الله راح تتشافين
ا
سالفت انه في جني عاشق هاي مادشت راسي.....
انتي تكرهين زوجج لانج من داخلج تكرهينه ...هذا شعورج انتي..ومحد يقدر يغير
اللي فيج غيرج انتي
شو ذنبه انه خذاج وحبج...! حرام اللي تسوينه؟؟ ولو انتي كنتي كارهه الرياييل من زمان
جان ماوافقتي ......! الصراحه غريب امرج..........~
انا اقول ياحبيبتي مالج الا زوجج....~ واللي راااح راح.....لو كان يحبج ويموت فيييج
جان سوا المستحيل وخذاج......
اما زوجج هالمسكين حطيه بعيونج وحافظي عليه.........~ انتي ماتقولين ان فيه اشيا حلوه وينحب
خلاص حبيه......يوم بيكلمج طالعيه...شوفي عيونه ابتسامته.......ضحكته وحركاته..اللي تقولين
عنه بايخ....حاولي تحبينه بكل اللي فيج........وادعي ربج واستغفرييه.........~
والله يهديييج .......ويحببج في زوجج ...لانه صدق غامضني وكاسر خاطري ترى مول مايستاهل
هو هب ذنبه انج حبيتي واحد وعلاقتكم ما اكتملت .......يمكن هذا يكون اجسن
عن اللي رااح......لو انتي عرفتيه عدل وتقربتي منه..صدقيني بتحبينه موووووووت
ر
حبيبتي الله يكون في عونك بس انا اقول لك اصبري وحاولي تستغفرين كثير

والشاب الي كنتي تحبينه خلاص انتي اخذتي قرار و كوني عند قرارك انسيه

لا تقولين للحين احبه كلما يجي في بالك استغفري او دقي على زوجك

وصلي صلات اليل وادعي انه تنسينه وتحبين زوجك والله حتى اهو محتاج لك

ولا ما كان ساكت بس مثل ما قلت لك اكثري الاستغفار

وسبحان الله يمكن نصيبك يكون زوجك مو الي حبيتيه قبل والله احسك مثل اختي


و اذا حابه انه تكلميني عن طريق المسنجر انا حاظره ان شاء الله اساعدك

و اكون معاك بكل لحظه بس اهم شي تكوني مقتنعه انك تيغين تنسينه

فأذا حبيتي ارسليلي رساله عن طريق الخاص


بالتووفيق لك حبيبتي
ر
اماراتيه كيوت;7684601:
سالفت انه في جني عاشق هاي مادشت راسي.....
انتي تكرهين زوجج لانج من داخلج تكرهينه ...هذا شعورج انتي..ومحد يقدر يغير
اللي فيج غيرج انتي
شو ذنبه انه خذاج وحبج...! حرام اللي تسوينه؟؟ ولو انتي كنتي كارهه الرياييل من زمان
جان ماوافقتي ......! الصراحه غريب امرج..........~
انا اقول ياحبيبتي مالج الا زوجج....~ واللي راااح راح.....لو كان يحبج ويموت فيييج
جان سوا المستحيل وخذاج......
اما زوجج هالمسكين حطيه بعيونج وحافظي عليه.........~ انتي ماتقولين ان فيه اشيا حلوه وينحب
خلاص حبيه......يوم بيكلمج طالعيه...شوفي عيونه ابتسامته.......ضحكته وحركاته..اللي تقولين
عنه بايخ....حاولي تحبينه بكل اللي فيج........وادعي ربج واستغفرييه.........~
والله يهديييج .......ويحببج في زوجج ...لانه صدق غامضني وكاسر خاطري ترى مول مايستاهل
هو هب ذنبه انج حبيتي واحد وعلاقتكم ما اكتملت .......يمكن هذا يكون اجسن
عن اللي رااح......لو انتي عرفتيه عدل وتقربتي منه..صدقيني بتحبينه موووووووت




انا معها بالراي وحاولي تفكرين زين
n
حبيييبتي الله يعينك ويهدي بالك .. حاسه فيج وعارفه شعورج .. ادعي ربج وعسى تنفرج كربتج عن قريب واصبرري اصبرري .. الايام راح تداوي كل الجروح صدقيني واحنا وياج حبيبتي
w
احيانا اشتاق له شوووووي بس واحيانا مااطيقه هني البدايات وصدقيني مع الايام شوي شوي راح تحسين انه كل حياتج..ولاتخلين الشيطان يوسوسلج..والله يسعدج يارب ويهنيه ولاتنسين الدعار فالسجود وفي وقت يسخر زوجج لج..ويسخرج له..
د
الله معاج في اللي انتي فيه
ابتدي صحفة جديدة
روحي حق شيخ يقرا عليج واذا تعتقدين ان فيج مس جني خله يطلعه بالقران
عشان تقدرين تعيشين مع زوجج بسعادة

تذكري قول الرسول عليه الصلاة والسلام
حين قال (اعلم أن الأمة لو اجتمعت على أن يضروك بشيء، فلن يضروك إلا بشيء قد كتبه الله عليك، ولو اجتمعت على أن ينفعوك بشيء، لن ينفعوك إلا بشيء قد كتبه الله لك، رفعت الأقلام، وجفت الصحف)
اذا لله كتب لج تاخذين اللي اتحبينه لا أمه ولا احد بالدنيا من انس او جن يقدرون يمنعون هالشي

وخلي في بالج ان هذه حكمة من رب العالمين وانه امتحان
وان لو اخذ منج شي بيعوضج خير واحسن منه بكثيييير فليش الحزن وليش تهدمين حياتج
ابتدي صفحة جديدة صفحة الله كتبها لج لتكوني من السعداء لانها صارت بإرادته
وافرحي ولاتحزنين ياقلبي وامسحي ادموعج وتجهزي لاستقبال زوجج وكوني انسانة جديدة

تذكري ياقلبي
الدنيا قصيرة ..... تبين اتعيشينها في حزن وهم وذكريات اليمة او تفتحين صفحة مع زوجج وتعيشين باقي عمرج بسعادة كتبها لج رب العالمين

واتمنى نسمع منج اخبار احلى ... لاتنسين تقولين لنا اخبارج عزيزتي
م
السلام عليكم ورحمة اللهوبركاته

اختي الغالية : إقرأي القرآن وواظبي على سورة البقرة

وربي يبعد عنككل حزن وضيق وتذكري ان الحياة لم تتوقف عند شخص معين - وبما انك اصبحتِ مرتبطة - حاولي بقدر الامكان ان تسخري وقتك مع زوجك- جددي حياتك - ابعدي ذكريات الماضي فهي اصبحت من الماضي .. ادري [أن كلماتي قاسية ولكن ليس من المعقول أن تبقي عالقة في ذكرى الماضي .. أنت الآن متزوجة وعليكِ حقوق وواجبات ومما لا شك فيه بان الشخص لا يقدر ان ينسى حبا سكن في خلجاته ..


ولكن..!

الوقت فات ويجب ان ترضي بنصيبك ..
ا
ادعي ربك انه ينسيك الاول...
عشان تقدرين تعيشين حياتك...
الله يلين قلبك لزوجك يارب ويسخركم لبعض...
واللي زاد الطين بله انه اذا طلعتي تشوفينه قدامك...
حتى لو بتنسيه ماتقدرين اذا كان قدام عيونك...
الله يصبر قلبك ان شاء الله ويثبتك ياااارب...
.................................................................................................................
و
مســـاؤكم ياسمين بناتــ

كلامكم عسل على قلبي حتى اللي قالت انها مو مصدقه كلامي عن الجن ..

مو مشكله ...

بس بعضكم ظلمني

سواءً هنا او بالخاص

انا جالسه احاول بنات وماقلت اني لسه احب هذاك

انا اصلآ كرهت الرجال يعني كيف بكره الرجال وبظل أحبه !!

انا لما قلت مشكلتي ماقلت اني ترى للحين افكر فيه .. اي ماانكر اني حبيته ويمكن من القهر فضفضت

عن اللي بقلبي لكن ...

مو معناه اني ابغى ارجع له وزي ماقلت من قبل لو ابغى ارجع كان رجعت هذا هو قدامي اكثر الاوقات بس

انا متزوجه متزوجه خلاااااص

انا بس كنت ابغى اتعلم احب زوجي ... ابغى نعيش بسعادهـ .. ابغى اذا جبت ولد والا بنت احبهم لاني

احب ابوهم ...

ماانكر اني اتذكر هذاك احيانآ لكن وربي اني اتعوذ من ابليس واذكر نفسي اني متزووووووووجه



حبيتكم في الله ...

سواء اللي هنا او اللي شرفوني عالخاص يعطيكم العافيه

بعطيكم اخباري اول بأول

و أول خبر ...


اني قلت لزوجي ابغى انقل معك مكان شغلك ماابغى اظل هنا لحالي

ابغى اعيش بعيد عن هنا ...

ابغى المسافات تقرب واتعود عليه اكثر واكثر

بكرهـ بيراجع الوزارة تبع شغلي هناك وربي يسهل ...
:
تهقون اني زوجه فاشله ؟؟؟ في امل فيني اصير مثل الناس ؟؟

اختي العزيزه انتي منتي بفاشله بس اذا قعدتي جي بتستوين فاشله في امل انك تسيري مثل الناس و1000000000% في امل اقري قرآن وصلي وادعي ربج ولاتبكين في الحمام مب زين ابكي في غرفتك الا الحمام الحمام اوسخ شي الواحد يبكي فيه لاتبكين فيه مهما كان الثمن ابكي في غرفتك في الحوش حتى لو شافوكي المهم تبكين برع الحمام وحبيبتي ترا الدنيا علمتنا البنت ماتسلم قلبها للرجال الرجال هو اللي يسلم قلبه للحرمه وانتي مدام زوجك يحبك يعني انتي الغلطانه والمقصره واسمحي لي اقلك مدام انتي ماحبيتيه قبل لا تتزوجين ليش خذتيه خذتيه هبل ولا كيف اقري قرآن واتعوذي من بليس وصلي وان شالله الله بيفرج همك

ن
فديت روحك ياقلبي
والله ثم والله انه في بنات كثيرين نفس حالتك
لاتفكري انه بس انتي اللي تعانين
بس بينك وبينهم فرق
تدرين وشو
قدرو يتغلبون على هالمشكله
وانتي لازم تتعالجين وعلاجك واحد من اثنينين يا تروحي لشيخ يا تروحي لدكتور نفسي
ودايم كل ماجيتي تفكري في الاول اعتبريه حلم او قصه قريتيها او خيال مراهقه
لازم لازم تحطي في بالك تكرهيه
يعني دايم لما يجي في بالك
تذكري انه تركك حتى لو غصب عليه هوه فعلا تركك وكثير شباب يتزوجو بغير رضى اهاليهم وبعدين رضو وتمسكو بحبهم واعتقد ان اولهم خالي
وبعدين انتي ماتدرين يمكن هوه سعيد بحياته ويحب زوجته حتى لو انه مانسيك اكيد هوه اعتبرك ماضي او خيال وانتي ذابحه عمرك وبهدلتي زوجك عشانه
فكري في اشيا تكرهك فيه
انا اسفه على الاطاله بس حبيت اقولك مو بس انتي اللي تعانين
واستغفري دايم
وما كان الله معذبهم وهم يستغفرون
الله ييسر امرك يارب
l
انا حاسة فيك اختي اولا اعمليلك جدول يومي على اساس
ماتخلي وقت فراغ في يومك واشغلي نفسك باشياء تبغى تشغيل عقل وتركيز كبير
مثل الرياضيات وتفكيك وتركيب الكترونيات واستمري لشهور وكل شي في البدايه
صعب ومع التكرار بتتعودي واهم شي ادع ربنا يحبك ويلطف بحالك وحاولي
انك ماتعطي مشاعرك واحاسيسك لانسان واحد اي حبي
- اباك .امك .اختك .صديقتك. اقاربك -
ولا تضعفي امام زوجك يوما وتقولي له عن قصتك لانه ممكن ينجرح
واذا تريد شخص تحبيه وماينساك يوما فحبي ربنا واطلبي من ربك
انه يحبك ويحبب خلقه لك
#
وعسى ان تكرهو شي وهو خيرآ لكم
والله ماتدرين يااختي لعل في الشي الي صار خير لك
وخليك على ثقه ربي مايكتب ولايختار للعبد الا الصالح
ولو في هالشي خير لك ارده الله ويسره وتزوجتو
طيب ليه مارحتي لشيخ يقرا عليك مدام انه قال لك هالكلام
ممكن يكون كلامه صحيح .!
جربي الرقيه الشرعيه ولاتستعجلين في موضوع الطلاق
خلاص اعتبري ان هذا الشخص ماات انسيه
تناسيه بااي شكل المهم شيليه من راااسك
الله يوفقك ويسخر لك زوجك ويسخر زوجك لك ويرزقكم الذريه الصالحه
k
حبيبتي انتي مو زوجه فاشله ولاشي هذا شعور طبيعي اللي يصير لك فقدتي انسان كان لك ل شي فجأه

بس انتي الحين ارضي بالواقع وخلاص هذا الشخص صار زوجك وحاولي تتمسكين فيه بشتى الطرق
وهذاك الشخص اكيد صار يحب زوجته ونسى,,فعشان كذا انتي حاولي تتقريبن لزوجك لاتنسين ان فيه بنات يتمنون الزواج بأي شكل وممكن يصادف وحده منهم تاخذه منك وتكونين خسرتي كل شي

وبالنسبه لكلام الشيخ ان شاء الله مايكون صحيح بس انتي اقري اذكار الصباح والمساء فقط وربي يحفظك
طمنيني عليك ولو برساله خاصه
ا
حبيبتي وعلى ايش تكولين كرهت الرجال انتي بحكم تجربتك انتي نفسك عرفتي ان مو كل الرجال مثل بعض يعني هل موقف زوجك مثل موقف من كنتي تحبين هو لو كان يحبك بكل هذه القوه االلي تقولين عليها كان ماهمه راي امه او راي احد واصر وصمم يزوجك هو بنيه حتى يروحون يخطبوله غصبن عليه اكيد برضاه عيشي الواقع وكفاكي من الاحلام ولاتعيشين نفسك بالحزن ولاتفكرين ولا لحظه وحده بانسان ميستاهل وفكري باللي الك الان ولاتصيرين انانيه ليش تريدين تعيشين سعيده مفكرتي باللي ازوجك وحبك وطار بيكي فكري بيه انتي ضلمتيه وهو مايستحق لانه مايعرف اللي صارلك ومحد جبرك انك تزوجيه وانتي كارهه كل الرجال افتحي صفحه جديده وياه وبطلي اوهام الجن وهذه الاشياء انتي معيشه نفسك بالهم ومصدكه وتحاولين تشوفين شماعه اسمها الجن تعلكين عليها خطئك اللي هو زواجك بشخص ما حبيتيه تعوذي من الشيطان واطلعي من هذا الوهم وعيشي الواقع سعيده محد لاقي رجال زين وحنون لاتتبطرين على النعمه ولاتزعلين من كلامي والله انه لمصلحتك وخلك من وهم الرومانسيه اللي عايشه بيه وتذكري مو كل اصابيعك سوى ولاتكررين كلمة كرهة الرجال لو كرهتيهم كلهم جان مزوجتي ليش تضلمين شخص ماله ذنب وياج كان ممكن يلاقي وحده تحبه وتشيله فوك راسها ويعيش معها احلى الايام خليج انتي هذه المراه اللي يكمل حياته وياها والله يوفقك حبيبتي
ا
ربنا يهديك لزوجك ويحنن قلبك عليه
X