حبيته وتفارقنا ... ودارت الدنيا وتزوجت

وداعيه يا آخر ليله تجمعنا 05-11-2008 120 رد 5,554 مشاهدة
ا
الله يكون بعوووووووووونج
أ
روعة الخيال والتميز;7646968:
السلام عليكم ورحمة الله وبركاتة
اختي العزيزة اتمنى من الله ان يهديك وانت لست زوجة فاشلة فالذي تشعرين فية من عدم الرغبة في اي شئ والحالة التي انت تعيشينها هذا كلة نتيجة مامررتي بة فسبع سنين ليست بالقليلة والذي ساعدك على بعدك عن زوجك هو انك كرهتي كل الرجال بسبب حبيبك الاول فترسخ عندك هذا الكره في اللاشعور فعلاجك بيدك انت وحدك فقط وليس بيد غيرك
اختي ان الرجال كاصابعك ليسوا متشابهين فتوقفي عن عمل المقارنات بين زوجك الذي وافقتي انت عليه ولم تنغصبي عليه ومن احببتة سابقا وحاولي ان تتعودي على زوجك ففي بعدة عنك بسبب عمله
اتصلي عليه حتى لو لم يكن عندك كلام وقولي حبيت اسمع صوتك حاولي ان تتعودي علية كما تعودتي على الاول فلا اظن ان الحب كان من اول نظرة او التفاهم من اول نظرة وانما بدايتة كانت بالتعود على فعل الشئ حتى اصبح جزء لايتجز منك
حبيبتي اعتقد ان الاول عديم الشخصية لانه لم يصمم على رايه ولكن طلب فقوبل بالرفص فالتزم الصمت على النقاش
ولنفرض انكي اخذت غصبا عن رضى امة هل كنت ستعيشين سعيدة بل كانت سنتغص عليك حياتك الزوجية وتتدخل في كل شئ وتجعل المشاكل تبدا ولا تنتهى الا بالانفصال فاحمدي ربك على كل شئ
اما بالنسبة للضيق الذي تحسين بة فعلاجه موجود ومضمون انشاالله وهو قرات سورت البقرة وحاولي تختيمها كل ليلة واجبري نفسك على قرائتها حتى لو حسيتي بنوم وثقل في الراس واللسان واستغفري واكثري منة بنية حسن معاملتك لزوجك وتذكري دائما ان احترام الزوج لزوجته والزوجة لزوجها اهم من المال والعز فاجعلي بداية حياتك صحيحة فانتي على ذمت رجل يكن لك كل التقدير والاحترام فخافي الله فيه.



(y)(y)(y)

نفس رايي الاخت
ح
خنقتني العبره
حبيبتي تعوذي من الشيطان
وقومي صلاه ليل وادعي ربج انه يحنن قلبج عليه ويجمع بينكم على خير ادري الامر صعب بس هذا واقع ولازم تعيشينه،ترى الف بنت تتمنى زوج مثله ولاتخسرينه عشان ماضي راح وانتهى اغلب البنات مرو بنفس تجربتج أهم شي تكون عندج اراده ورغبه،واذا خايفه يكون فيج شي روحي لمطوع يقراء عليج او ارقي نفسج
ورجااااااااااااااااااااااااااااااااااااااااااااااء حار لاتخسرينه دامه شاريج ماابيج ياحبيبتي تقدمين على خطوه وعقب اتحسفين عليها
الله يرضا عليج ويوفقج لاتتسرعين
ف
حبيبتي الحـــــب 10%

الحـــــب مب اساس الزواج

انتي مشكلتج انج عرستي و انتي فعز ضيقج و الجرح بعده ما اندمل

يا كثر الناس اللي تزوجوا عن حب و ندموا و علاقتهم فشلت

لا تظلميـــــــن عمرج و تخسرين ريال شاريج

و ترا اللي يبا الشي يسويه و انتي عطيتيه من وقتج و من حياتج الكثير

سبع سنين مب شوي حتى انه يحبج صدق

في النهايه الحرمة تبا بيت و استقرار و احترام مب حب و بس

و كل شي في الدنيا نصيـــــــب

و دام انج في عز ضيقج تشتاقيله احيانا ... صدقيني انتي في يوم من الايام بتحبينه واايد بس انتي مب عاطيه نفسج مجال
c
الله يكون في عونج ومالج الا الدعاء حبي
ت
وداعيه يا آخر ليله تجمعنا;7653412:
مساؤكم ورد

مشكورين حبيباتي على كلماتكم وربي حاستها من القلب للقلب ...



يمكن البعض عاتبني واني لازم اتقبل ...

انا ودي ...

انا اصلآ ماابغى ارجع للي كان حبيبي خلاص كل شي رااااح ...

تدرون شي ؟!

الى اليوم... الى بكرهـ ... اشوفه كل صبااااااح بسيارته واقف بالشارع اللي امر منه اذا جيت اروح دوامي ...

بس مااحاول اناظر ...

ماابغى اضعف ...

دايمآ اقول لنفسي ..انتي متزوجه تفهمين ؟!.. انتي متزووووجه خلاااااااص

كل شي انتهى

كل شي راح


اللي معذبني ان نيتي صافيه وابغى احب هالمسكين اللي هو زوجي من جد

والله ابغى احبه ....

نفسي من داخلي اتغير ..

نفسي اذا قال لي احبك ارد عليه ... وانا بعد احبك ...

كل مرهـ مقدر ارد واسكت ...



شجعتني مره الغاليه اللي قالت لي ان في امل اصير مثل الناس والاوادم دام اني اشتاق له شوي ...


بس دايم تجي في بالي جملة ..

" انا بحبه لأنه زوجي ...مو هو زوجي لأني احبه "

واحس بعدها بتحطيييييييييييييييييم ليه اقول كذا ليه تجي ببالي هالجمله




احس بغصه الحين وودي ابكي ..

خلكم معاي لاتخلوني

يمكن صحيح كثير من اللي حوالي ومنهم صديقاتي يعتقدون اني عايشه بعز ونعمه

وطلباتي مجابه اول بأول ومافي شي يعكر حياتي وماانكر هالشي ..

لكن لا فلوس ابوي ولا سفراتنا ولا الماركات ولا الحفلات حسستني ان حياتي كامله

بالعكس كنت احس اني عايشه بفضاوه اكثر واكثر

ابوي ماهمه الا اشغاله ومانشوفه الا بالمناسبات وكل ماقلت يبه ابغاك انت ...يعطيني فلوس

وش اسوي فيها ؟

انا ولله الحمد اتصدق ومشتركه بجمعيات خيريه

بس انا ابغى ابو

ابغى ام


مااحس ان عندي ام ...

امي كله بسهراتها وطلعاتها وعزايمها وصديقاتها

وحتى لما سافرت معي اغير جو بالشهرين ... لا لا قصدي خذتني معاها لانها اصلا هي كانت

كذا والا كذا بتسافر تجدد شبابها على قولتها ...

خوات ؟

ماعندي الا اخت بمتوسط مقدر افضفض لها شي

اخوان ؟

اثنين يدرسون برا وواحد صغير ببتدائي هذا هو جنبي زي الضايع ...






انتو بس خواتي ..

لا تخلوني بروحي ...


احنا كلنا معاكي يا حبيبتي بإذن الله
وربنا يحببك في زوجك يا رب ويسعدك في الدارين
h
كــــــــل شي قسمة ونصيب ..... ادري صعب بس تقربي الى الله .... تقربي منه خطوة وسوف يتقرب لك ذراع ... ادعي ربج انه يقويج ويوضع محبة زوجج في قلبج ... الموضوع مب سهل يالغاليه وبياخذ وقت بس لا تيأسي ... بعدكم في اول المشوار .. ما مضى قد مضى واللي ينكسر ما يتصلح ... ابني لنفسج حياة جديده كلها امل وتفاؤل وتذكري دائما انه الموضوع مب سهل وبياخذ وقت بس لا تيأسي يا قلبي ... والله انعم علينا بنعم كثيرررررررررررر وأهمااا النـــــــــسيــــــــــــان ... وسيأتي يوم وتنسين فيه وتبتدي حياة جديدة مع زوجج كلها حب وموده ان شاء الله ...

تقبلي تحياتي
غ
حبيبتي صارلي نفس مشكلتك وعشرة 7 سنوات وخسرت الكثير بس اللي صار عكسك هو اللي تزوج وما مستحمل زوج
ته ولسا بيحبني بس انا اتخدت قرار لا رجعة فيه كل خلص انا حاسة فيكي وبالمرارة اللي انت فيها وكرهك للرجال بس أنتي ما راح تقدري تغيري شي
أنتي هلا متزوجة حبيتي وربي اكرمك بزوج يحبك فلما لا تحاولي مبادلته نفس الشعور وتنتقمي من الاول باعطاء حبك كله لزوجك اللي راح يكون ابو عيالك والشب اللي حبيتيه خلاااااصامحيه من راسك عندو حياتو الخاصة وأنتي لك حياتك ...
والله لو كاااااان نصيبك والله ما كان رح يتزوج غيرك لكن ربي ما كتبه لك ... خلاص ما فيش نصيب مجرد تجربة وفاتت حبيبتي أدعي ربك يألف بين قلبك وقلب زوجك وحاوليمبادلة زوجك الحب وارضي بنصيبك واللي ما رضت عنك امو وانت بنت راح ترضى عنك وانت مطلقة ابدا بقول لك حاولي.. مش سهل لكن مش مستحيل
وأنا متأكدة لو دعيتي ربك من قلبك ربي حيوفقك...
لأأن هذه حياة وعشرة عمر مو يوم أو يومين ..
الله يوفقك ويهدي بالك وييسر أمورك يا غالية
وقل لن يصيبنا إلا ما كتب الله لنا

&
وربي اني دخلت معك بجد جو الفراااااااااااااااااااااااااااااااااااااااااااااااقوربي صعب مرررررررررررره

حبيبتي انتي ياقلبي مافييييييييييك شي اللي فيييييييييييك هو الحب الاول لسع في قلبك ومنتي قادره تنسيه وهذا شي طبيعي 7 سنوووووووات مو قليله اكيد ماراح تنسينه بيوم وليليه اكيد بتتعبين
بس ياقلبي لازم تضغطي على قلبك وحاول انك ماتفكري فييه دايم وابدئي عيشي حياتك مع زوجك ونصيـــــــــــــــــحه من اخت تحبك صلي صلاه الليل وادعي ربك واكيد ربي ماراح يخليييييييك

والله يفرج همك ويسعدك ويثبتك على نسياااااااااااااااااااااااااانه

آآآآآآآآآآآآآآآآآآآآآآآآآآآآآآآآآآآآآه بجد مااصعب الفراق

بحفظ الله ورعايته ياقلبي
m
الله يكون في عونج ان شاء الله
&
شوفي بقولك شي واحد

خلي ببالك عبارتين بسسسسسسسسسسسس

لو كان فيه خير لي ربي كان بيجمعني فيه بس أكيد ربي ما اختاره لي لاني استاهل الافضل

ثاني شي حطي ببالك شي واحد ولازم تقنعي نفسك فيه لو فعلا كان جاااااااااد بيقنع امه وكل العالم انتي تستاهلين زوجك وعشان كذا ربي جمعك فيه

لا تحاولين تضغطي على روحج ويا ريلج عشان ما يكون حبك له اجباري

وبالعكس خذي الموضوع بإيجابية اذا شفتيه يتابعك قولي هو الي خسرني والدليل يراكض وراي بس انا خذت الافضل منه النبيل الي خذاني ووهو واهله مقتنعين فيني مو واحد امه استنكرت مني وهو ما قدر يقنعها

لو جاد حارب الدنيا وأقنع قبيلة عشانك مو بس امه

فكري بها الطريقة وان شاء الله بتنسينه وبيصير بالنسبة لك مجرد واحد من الناس

والحمد لله ان الله عوضج بإنسان رائع ويحبج مو واحد يهينج وما يحبج

ولو انتي انسانه مو زينة ما كان خذتي زوجك الحالي والله بيرزقك على نياتك
م
أختي الكريمه...

بس بضيف كلمه على كلام أخواتي السابق ( ما قصروا جزاهم الله خير )

اللي يحب واحدة و يتقدم لها...و بعدين ما يقدر يقنع والدته...و الحين و إنتي متزوجه و هو عارف...قاعد يلف و يدور و ينتظرك عند أول الشارع و آخر الشارع هذا مش رجل !

ما ينفع أصلا يكون زوج...

أنا ما بفتح معاكي موضوع إنه علاقتك فيه بالأول كانت غلط في غلط...و ياما حذرنا من هذه النوعيه من العلاقات....لأنه أغلبها يفشل بعد الإصطدام بالواقع...

لكن إنتي باين من كلامك إنك عاقله...يعني إحسبيها صح...

هل لو لا قدّر الله تطلقتي من زوجك هذا هو الحل ؟

صدقيني راح ييجي وقت بعدها تقولي إيش اللي عملته في نفسي...

أختي لو لا قدّر الله بعد الشر جالك خبر إنه زوجك عمل حادث أو شيء...شو راح تعملي ؟

صدقيني بتنتفضي من مكانك و تروحي ركض عليه...و ما تستحملي...

طيب لو جاء لك خبر إنه يحب واحده في البلد اللي فيها مقر شغله...برضه الغيرة راح تاكل قلبك عليه...

إنتي تحبيه و ترتاحي له أختي...و العشرة بينكم كفيله إنها تخليه كل حياتك و دنيتك...لأنه هو يعاملك كويس...و ما قصّر معاكي بشيء...

لكن الثاني بتصرفاته الصبيانيه قاعد يخرّب عليكي...يعني 7 سنين ما عرف يقنع أهله و لا عرف يقوم بأي خطوه إيجابيه...يوم ما ربّي يستر عليكي و يقر عينك براجل يستاهل وزنه ذهب...ييجي يعمل حركات مالها داعي...

لو إنسان محترم يتركك في حالك...و يقول أتمنى لها السعاده...

أختي إنتي لسه الحين في أول المرحله...صدقيني كمان كام شهر إن شاء الله راح تنسيه نهائي...و بكره ييجي لك عيال و تعرفي قيمة زوجك أكتر...

و تذكري دايما ( أمر المؤمن كله له خير )
م
و أدعوكي إنك تشوفي مشكلة هذه الأخت و تحاولي تفهمي من وراء الكلام كيف هي تعاني

http://www.3roos.com/forums/t397363.html
{
انصحج تشيلين هالافكار السلبية تجاه زوجك,احمدي ربك ان ولد حلال وطيب معاج ويحبك .
لازم تنسين علاقتك السابقة اول شي علاقتك بالولد اللي حبيتي كانت علاقة محرمة وانتي عارفة الحين بعد ما انتهت مفروض تطلبين من ربك العفو و اتوبين وتشوفين حياتك مع زوجك ولا تطلقين وتهدمين حياتج و في النهاية لا تتوقعين حبيبك السابق بيرجعلك ! اللي احتمال يصير بعد ماتطلقين اتمين مطلقة بدون زوج طول حياتك لانك بتكبرين وبتمر الايام وانتي على امل رجوع حبك الاول
وحبيبك الاول بيكون له اسرى وحياة جديدة! اعيدي التفكير و اكثري من الاستغفار والرقية الشرعية
&
الله يكون بعووووونج
j
الله يكون في عونك انا مثلك قصتي لكن بالاخير بفضل ربي تزوجتة عليك بالاستغفار ولاتخسرين زوجك
ا

تذكري ان زوجك نعمه من الله انتي منتي شايفتها لان الماضي يعمي عيونك حبيبتي هذا حاضرك وواقعك عيشيه وافرحي فيه واسعدي نفسك وشوفي نعم الله عليكي والنسيان مع الوقت اكيييييييد لا محاله ودايما شغلى سوره البقره للتبارك وبعد العين بس ما اعتقد في جن ولا شي الموضوع كله نفسي والله حبيبتي والله يسعدك مع زوجك الرجل الحق نصيبك الي الله كتبه لك بالتوفيق حبيبتي
ا
السلام عليكم أختي العزيزة


اتصدقين أنا حسيت فيج عدل و عشت معاناتج أكثر من أي مشكلة قريتها في هل قسم


أولا باقولج شي عن زوجج الحالي

باين عليه مب امقصر وياج كلش و انه من خيرة الرجال... و الحين نادرا ما اتحصلين زوج هلون يعني بيني و بينج هل تضمنين انج لو تزوجتي حبيبج القبلي انه يكون لطيف معاج و انج تسعدين معاه تره واااايد سمعنا قصص ان اللي يحبون بعض عقب الزواج كلشي يتغير ... انتي عندج زوج الحمدلله زين الله يخليه لج حافظي عليه في ناس يبون بس نص اللي عندج فكري في حالهم

العشرة بتخليج اتحبينه صدقيني انتي توج في أول الطريق ... بس لازم في شي اتسوينه انج تبتعدين عن التفكير في القبلي نهائيا ... بتقولين لي اشلون باقولج الجأي لله انه ينسيج اياه و عليج بالإذكار و الإقبال على الله و ملئ قلبج بحبه .. صدقيني اذا مليتي قلبج بحب الله ما بيكون عندج وقت اتفكرين في سراب و في حب باطل
حفظي قرآن اقري قرآن املأي يومج بالإستغفار و الذكر و حاولي اتحبين زوجج و لا تقولين ماقدر بتقدرين مثل ما قدر غيرج

أنا مادري عن سوالف الجن و عشق الجن عن الإنس بس انتي من سألتي يا ترى شيخ أي كلام و لا سألتي شيخ مشهود له .. بس حبيت ادلج على الشيخ سلمان العودة و عرضي عليه مشكلتج أنا أثق فيه ثقه لعل و عسى ينور دربج

الله يوفقج ان شاء الله مع هذا الرجل الذهب
m
أختى انا بخبرج شي انا بعد سالفتي واااااايد شبيه لسالفتج بس الفرق اني ماعرست لين احينة بس على ذكرى الريال الى حبيته وخطبيني واليوم قاعد هو يرتب حق زواجه طبعا انا مب حابة ابين اني زعلانه بس انا في ذاخلي قلبي يحرقني
بس يالله نصيب وانشالله ربي يعوضني باحسن عنه ادعولي يابنااااااااااااا ت ترى السالفة مب سهلة والله
n
ماعرف شاقول ما حبيت ادخل و ما اعلق ..الله يوفقج حبيبتي وصديقيني مشكلتج وايد بنات عانوا منها وانا وحدة منهم بس صج من توكل على الله ما ظلمه الحمدلله ماخذت اللي حبيته لانه ماعرف قيمتي واللي عرفني اهو الانسان اللي حبني من قلبه على رغم معوقات زواجنا ولكن العكس من كلمت امي عنه وتقدم لي وكل شي متيسر لنا بكل سهولة الحمدلله مليون مرة اني ابتعدت عنه والحين انا في سعاده مع زوجي الله يخلينا لبعض واحاول اذا صار وتذكرته اقارن بين الاثنين شنو كانوا يسوون لي مع انه مافي مقارنة وتوكلي على الله واسعدي ريلج علشان الله يسعدج والله يوفقكم وبصراحه انه ينتظرج كل يوم تمرين هاذي ماعجبتني اتمنى تقولين حق احد غير زوجج انه يوقفه عن حده بالطيب مثلا اخو صديقتج او زوجها .
X