اللي من القاهرة و عايزة تشترك في مشروع من البيت للاشغال اليدوية _تتفضل

حياة رائعه انا بعتلك علي الخاص يا تري وصلتك الرساله

وصلت وبعتلك الرد

اللله يوووفقكم..

Loli2003;7725539:
طيب نتعاون سوا يا اصاله ان شاء الله
و يا ريت لو فيه حد بيشتغل لاسيه

ربنا يجزيكى خير على الفكرة انا كمان بحب التفصيل والاشغال اليدوية جدا ونفسى اعمل حاجة بس مش عارفة ابدا منين وبالنسبة للاسية انا بعرف اشتغل لاسية كويس وكنت بعت شوية بس برضو وفقت لانة بياخد منى وقت الناس اللى كنت بعرضوا عليهم كانت بتستغال تمنوة

ياريت اللى بيعرف يفصل من القاهرة يقولى ضرورى

سما ليله يا تري انت منين و لو حابه التعاون معانا بنرحب بيكي ابعتيلي علي الخاص

انا عايزة اشارك معاكي انا باعمل لوحات يدوية وحاجات تاني قوليلي ممكن اشارك معاكي بايه واكلمك ازاي

السلام عليكم يا بنات
انا اتمنى اشارك طبعا معاكم
انا من القاهرة وخريجة تربية فنية
ممكن اساهم فى اختيار التصاميم المطلوبة كمان باعشق التطريز
لو ممكن اشارك معكم يالولى باذن الله اجمع لكم افكار حلوة

اهلا بيكى اختى العزيزة. انا بقى مليش فى الفروشات انا ليا فى الاشغال اليدوية يعنى لما اتجوزت زوءت انا كاسات فرحى وعملت بوكيها ورد صغيرة لكل من حضر كتب الكتاب الكل ساعتها استغرب ان نا اللى عاملاها وكمان زوءت سبت من الخوص بورد ساتان اما اللى عملتة وجمعت فية ماكياج زيادة كان عندى ولفيتة بسوليفان شفاف لانى شوفتة بيتباع جاهز وسعرة غالى جدا ومبالغ فية فقولت لية معملهوش انا وفعلا طلع حلو اوى يعنى دى الحاجات اللى بحب اعمله انا حبيت اشاركك الموضوع لان عجبتنى فكرة تجمع بنات مصرفى موضوع

حلو اوى المشروع ياريت تعلمينى

انا بحب الكروشيه جدااا و الاشغال اليدويه و الخياطه بس انا لسه مبتدئه

السلام عليكم يابنات مصر كل عام وأنتم بخير شوفى الكلم اللى قولهلكو هو الخلاصه طبعآ صاحبة الفكره ربنا يجزيه كل خير أنا معاكو أن شاء الله بس هقوللك شوية حاجات أن من 3سنين رحت أتيليه لتعليم التفصيل أخذت كورس لتفصيل العبايات بس قبل أنتهاء الكورس بأيام ولدت ومكملتوس بس كملت كورس التطريز أعرف أطرز خرز وسيرما بكل أنواعها وشوية برودريه بس وأنا عند المدام كنت بشوف ناس عاملين ملايات ولحافات فايبر وفوط عليها شغل رائع سألت طبعآ ايه الحاجات التحفه دى المدام صاحبة الأتيليه قالتلى دا كورس المفروشات عرفت التفاصيل مدة شهور مدة التعليم أقصد وب 750 جنيه طبعآ غالى أتفقت مع 3 بنات أننا نقسم السعر علينا وواحده بس تروح تتعلم وتجمع لينا كام حصه ونجتمع وتشرحهلنا وبالفعل بدأنا وبعد كام أسبوع وقف الموضوع لأن اللى كانت بتروح الكورس أتجوزت ولأن محدش يعرف يروح غيرها لظروف بيتنا وأولادنا أنتهى الموضوع أنا عندى ماكينة سنجر الأصليه المهم أحنا ممكن نعمل كده ولو فى واحده شطره وتعرف تتطلع ملايه ـوطقم من غير عيوب يبقى تعلم الأخرين بس موضوع الكورس مهنى وبيساعد على جوده عاليه للمنتج أيه رأيكم وأيه رأى صاحبة الموضوع ياريت المره دى نعمل حاجه فعلآ أى سؤال على الخاص وشكرآ ويارب نوفق جميعآ على فكره المدام صاحبة الأتيليه ممكن تسوق لينا مفروشتنا والله يا بنات لولا أنى عندى أطفال ما كنت سبت الكورس ده يضيع منى أبدآ ومازلت أبحث عن كام واحده علشان نعمله اللى يعبها الموضوع تيجى نشترك ونتوكل على الله وياريت الجميله صاحبة الموضوع ترد عليه

انا معاكي وانا ممكن اخرج اتعلم الكورس انا عندي وقت الصبح ممكن اخرج فيه

dinamita شكرا ليكي علي مشاركتك بس بصراحة انا دلوقتي لسه بحاول انظم الموضوع بالنسبه للمفروشات بس انا اللي بتمناه اني يبقي نشاط متكامل لكل ما يخص المنزل
بس عايزاها خطوات يعني علشان الموضوع يكون صح باذن الله
بس عايزة منك تقوليلي نشاطاتك و ايه اللي بتعمليه و حتي ممكن علي الخاص و انا هكلمك

farah شكرا اختي و ان شاء الله اكلمك(t)


زينه نورتنيني حبيبتي و عقبال ما تعملي لاولادك يا رب :1_3:

rommanticgirl;7923751:
حلو اوى المشروع ياريت تعلمينى

بصي حبيبتي حاولي في التعلم تركزي علي حاجه واحدة علشان تتعلمها اسرع و بشكل متقن و النت مليان حاجات و محتاجات تعلمك بشكل جيد و علي ايد ناس خبيرات
و لو محتاجة اي حاجة انا موجودة

دهبيه انا رديت علي الخاص يا قمر

بس انا عندى القدره انى اتعلم اكتر من حاجه فى وقت واحد و لو انتى شايفه انى اتعلم حاجه حاجه مش فى مشكله بس المهم انى الاقى حد يشجعنى

السلام عليكم حبيباتي
انا حابة اتعلم واعمل شي بس ماعرفت لحد الان شو هو المشروع تبعكم
انا في القاهرة
ياريت تفهموني اكثر واذا اعمال يدوية يعني انا ماعندي ماكينة خياطة ؟
وكيف هيكون الشغل؟
ومين الي هيستلم مسؤلية التسويق ؟
ياريت الاقي رد لان متحمسة للعمل بمشاريع من البيت
وتسلمولي يا وردات

ازيكم يا جماعه وحشتوني قوي و يا رب تكونوا قضيتوا اجازة العيد كويس .
و كل سنه و انتم طيببن

romanticgirl طبعا الواحد ممكن يتعلم اكتر من حاجة بس انا قصدي انك تتمكني فيها و تتفني فيها و تعرفي كل صغيرو كبيرة لو عايزها تكون متقنه .

ام البنات انا فكرتني اني اكون مجموعه تكون ليها انتاج متميز بدايه في نشاط المفروشات ان شاء الله
يعني اللي شايفه نفسها تقدر تطلع شغل متقن و كويس في حاجة تقول علي نوع شغلها و نتعاون مع بعض ان شاء الله .

و اللي تحب تدخل معانا بالتسويق بردة بنرحب بيها .
و ربنا معانا ان شاء الله

ها
ايه الاخبار يالولى وصلتى لايه
ربنا معاكم ويوفقكم

كريستاله اخبارك ايه انت

انا يعني الحمد لله الملامح بدات تتحدد ان شاء الله
بس للاسف نفسي يكون في جديه اكتر من كدة للناس اللي عايزة تشترك
لان الموضوع بالنسبه ليا جد جد جد مش هزار و لا هوايه لوقت الفراغ