اللي من القاهرة و عايزة تشترك في مشروع من البيت للاشغال اليدوية _تتفضل

السلام عليكم انا عندي مكان ينفع مصنع مفروشات بس معنديش خبره لو ينفع نشتغل مع بعض الرجاء الاتصال علي الايميل

السلام عليكم
انا ابدا معاكى من دلوقتى حتى لو انا و انتى بس:salam: ............اية رايك؟؟؟:yes:

انا بعرف اشتغل على الماكنة و عندى واحدة و عملت ملايات قبل كدة و اعرف اعمل كروشية و اعمال فنية .
بس مش بعرف فى التسويق خالص يعنى بصراحة مقدرش اروح لمحل و اعرض انتاجى اتكسسسسسسسسسف جدا":21_209::21_209: :8884::8884:
المهم لو عايزة تبدئى معايا ممكن نتكلم فى التلفون او على الماسنجر ...........ابعتيلى على الخاص و نبدأ فورا" ان شاء الله:21_104: و ربنا يوفقنا باذن الله
السلام عليكم
:Zd_bye_3:

ريحانه فكرتك تحفه و انا كنت بفكر فيها بس مش عارفه اخاف اعملها في الوقت الحالي.

بس اقولك لو انتي ناويه ممكن تتولي انك تشوفي الاجراءات و ايه اللي هيتعمل و انا برضه هسأل و نبلغ بعض بالتفاصيل:yes:


سويتي جوجو معاك يا باشا طبعا انا عايزة ابدا و جاري الرد علي الخاص:up:

sweet jojo انا حاولت ابعتلك علي الخاص بس صندوق الرسايل بتاعك مليان
فضيه شويه يا بنتي

لولى ........... انا فضيتة خلاص معلش اصل الطلب عليا كتير:shy:

ياريت ياخت لولى
دة فكرة جامدة جدا وانا كنت بفكر فيها برضوا بس منعديش خبرة فى الموضوع دة
وانا معاكى ان شاء الله فى الموضوع دة بس ادينى التفاصيل على الخاص
وابدأ معاكى ان شاء الله
بس هو انتى عندك ناس عشان تسوقلك ولا اية النظام
وشكرا ليكى كتير ويارب موقة ان شاء الله

wildcaty طبعا ارحب بيكي بس انتي ممكن تشتريكي معايا بايه يعني ايه اللي تعرفي تشتغليه كويس

السلام عليكم

برافو عليكى والله فكرة ممتازة وطبعا اكيد الواحد بيكون خايف فى الاول لان راس المال جبان

انا بشجعك وبشجع المشروع وعن نفسى انا بعرف اشتغل كورشيه وتطريز خرز واحجار وكمان ليا خبرة كبيرة فى التسويق وكمان الادارة
ربنا يوفقك ويكمل مشروعك على خير

طيب نتعاون سوا يا اصاله ان شاء الله
و يا ريت لو فيه حد بيشتغل لاسيه

اصاله انا رضيت عليكي و مستيه الرد

اسفة جدا يا حبيبتى مكنتش اقصد التجاهل

انا مستنية معاكم تكتمل الفكرة واعرف دورى لانى بشتغل حاجات كتير فى البيت بس برضو بحب ادخل فى اى حاجة جديدة
انا بجدد التعاون معاكم وتحت امركم فى اى حاجة

ربنا يوفقكم وتبأو أد الدنيا .:clap:

اصاله انااسفه انتي فهمتني غلط انا مش قصدي انك اتجاهلتي الرد لاني لسه رد انهاردة عليكي حبيبتي

انا بس حبيت اقولك اني رديت و بعتلك علي الخاص معلش انا يمكن معرفتش اعبر صح

اسفه ليكي قوي اعذريني:21_207::21_207::21_207:

والدة الشيخ ربنا يخليكي و دعواتك معانا ربنا يكمل اللي احنا ماشيين فيه في رضا الله
:87457:

هااااااااااااااااا بدأتو المشروع ولا لسة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حيا ازيك وحشتنيني عامله ايه و فينك يا قمر مختفيه :Y_hi_3:

احنا لسه الشكل النهائي متحددش بس الحمد لله فيه خطوات جادة


عقبالك :21_195::21_195:

على بركة الله يا لولى
يارب مشروعك يتنفذ فى اقرب وقت
وتشجعينا احنا كمان عشان ناخد خطوات ايجابية

يا بنات انا نفسي الاقي معايا

:88774:حد بيشتغل لاسيه كويس او تطريز و يا ريت تطريز شرايط الستان.

السلام عليكم ورحمه الله
بجد فكره هايله التعاون ده هيفتح اسواق كويسه وكتيره عموما انا عندى مكنه وبعمل ملايات وكفر للسراير ومفروشات وستاير لو لسه محتاجين حد ياريت ابقى معاكم

مشامي شكرا ليكي و ان شاء الله يكون فيه تعاون بس الوقت الحالي للاشغال اليدويه زي التطريز و الكروشيه و كدة .

يلا بقىىىىىىىىىى ورونا الهمة يا بنااااااااااات
يارتنى كنت من القاهرة
والله كنت اشتغلت معاكم
عارفة يا لولى
امبارح كنت فى مول سان ستيفانو
وهناك فى كذا محل مفروشات
شوفت طقم هيبل ستان للعرايس
كفر اللحاف ستان والملاية ستان والجناب بتاعة الملاية بيليسيه مكشكش
واربع خدديات وسالت عليهم البياع قالى ان الطقم ب 850 ههههههه
بس بصراحة يهبل
وكمان طقم ملايات عبارة عن اتنين ملاية واتنين كيس مخدة واتنين كيس خددية الطقم مطرز بالستان وعليه قطع اورجانزا من الجناب وفى اطراف الكيس بتاع المخدة وفى نص الخددية تخيلى الطقم ده سعره 400 جنيه
يلا بقى عايزة اشوف المنتج بتاعك زيهم كده
هو صناعة مصرية بس الفينش روعة والخامات تحفةةةةةةةةةةة
يلا بقى اتشجعى عشان اكلملك المحلات اللى هنا واعرض عليهم البضاعة بتاعتك
ويارب اقدر اساهم معاكم باى حاجة