تجهيزات عرايس مصر الجزء 106

ده حوار اتعمل فى احدى المجلات مع مصممة الازياء سهير مسعود عجبنى جدا قولت اجيبه للعرايس عشان يستفيدوا





كل البنات بتسأل تختار الموديل الروش والموضة اللي تعجبها ولا تختار اللي يناسب جسمها وحجمها؟!
أحلى موضة إن البنت تلبس اللي يناسبها وتاخذ من الموضة اللي يناسبها ونصيحتي لأي عروسة لازم تعمل ريجيم قبل الفرح علشان يسهل عليها اختيار أي موديل وتشترك مع مصمم الأزياء في اختيار الفستان المناسب لها.


هل الكورسيه بيساعد على اخفاء عيوب الجسم و إزاي أعرف الماركة الكويسة والمقاس المظبوط لأي جسم؟!
فيه ماركة معروفة جدا اسمها "تريمف" الأصلي وكل البنات لازم تحفظ الماركة دي كويس وتركز إذا كان الكورسيه "شورت" أو "براه" وهي ماركة متوفرة في "الكاش كورسيه" اللي هو عبارة عن "براه" ملتصق "بالشورت" مع بعض.
وأنا أفضل "الكاش كورسيه" لأنه يتناسب جدا مع البنات الممتلئة من منطقة المعدة والأرداف لأن البنات لو اشترت "كورسيه شورت" هتلاحظ إن الكورسيه ضغط على منطقة الأرداف والمعدة ورفع الامتلاء من منطقة الأرداف إلى منطقة الوسط وتحت الصدر عشان كده بانصح "بالكاش كورسيه" عشان نضغط المنطقة كاملة من أول الصدر حتى تحت الأرداف.


ولو مفيش "كاش كورسيه" نعمل إيه؟!
نجيب "كب" لوحده "براه" وبعد كده نجيب شورت معدة، بعد كده نجيب دبابيس مشبك ونثبت الشورت بالبراه.


هل الماركة دي غالية؟!
أنا رأيي إن البنت لازم توازن يعني تشتري حاجة بــــ150جنيه وتعيش معاها مدى الحياة لأن الحمالات الأصلية لا تذوب ولا نشتري حاجة بـ 70جنيه وتعيش مدة قصيرة.

لكن بالنسبة للبنت الرفيعة وخاصة اللي صدرها صغير جدا تعمل إيه؟!





أنا عندي مقاسات مختلفة من "البراه" وأركّب "البراه" في الفستان مع الدعامات المعدن اللي بتكون في الكورسيهات وبتضم الجسم كويس وأجهز كل حاجة داخل الفستان علشان يكون جاهز للبس على طول.


بالنسبة لنوعية قماش الفستان هل اختيار نوع القماش بيتوقف على حجم الجسم؟!
طبعا شكل القماش ورسمته له دور كبير في تقليل حجم الجسم يعني مثلا...
• لو عاوزة أصغّر أي منطقة أصمم خطوط رفيعة طولية وأعمل مكس بين الورود والخطوط.
• ولو منطقة الوسط مليانة أعمل خطوط طولية.
• ولو الصدر صغير أعمل ورود على منطقة الصدر.
• ولو الصدر كبير أعكس الموضوع وتبقى منطقة الصدر خطوط طولية والوسط أصمم ورود.


لو بنت بتعاني من ضخامة شديدة في الصدر تعمل إيه؟!
مصمم الأزياء بتاعها يراعي إنه مايعملش تطريز على الصدر يعني تلت وتلتين بمعنى عند تلتين الصدر أقطع التطريز وأعمل ريهات بالجنب والتلت الآخر ريهات بالطول وده يساعد على إخفاء معالم الضخامة وما أقدرش أحدد حجم الصدر.




لو بنت مليانة قوي ومش محجبة وعندها منطقة الصدر بالرقبة ضخمة جدا تعمل إيه؟!
تعمل حاجة اسمها (كتف ساقط) علشان يقلل مساحة العرض من فوق ولو كانت محجبة نصيحتي لها إنها لا تبطن الكم ستان وممكن تبطن الكم تول إستريتش أو تبطن طبقتين شيفون وحتى كمان منطقة الصدر تبطنها شيفون أو تول إستيرتش.
فيه بنت صدرها صغير ووسطها صغير لكن تعاني من ضخامة الأرداف تعمل إيه؟!
تصمم الفستان زي ما هي عاوزة وتعمل وسع للفستان بعد 10 سم من الوسط وتعطي الوسع اللي هي عايزاه وكده يكون المنظر في النهاية إن الفستان شكله واسع.


إيه الأقمشة الموضة في فساتين الزفاف؟!
الشغل الهندي مع التول واللون الموجود في الخامات زي "السيلفر" و"الأوف وايت" والقماش "البروكار" المطبوع منه وفيه "التول المنقط" و"الأورجنزا".


لكن البنت عجبها تصميم ورسمة معينين بس مش موجود لها قماش في السوق تعمل إيه؟!
ده شغل مصمم الأزياء إنه يطرز ويصمم على القماش.




إيه أكثر لون موضة: "الأبيض" ولا "الأوف وايت"؟!
الاتنين موضة والأبيض ممكن تشتغل عليه بالسيلفر أو "الدهبي" والأوف وايت ممكن يكون كله أوف وايت أو نعمل مكس بين الأوف وايت والسيلفر.


إزاي بتصممي إكسسوار فستان الفرح؟!
أنا أحب آخد لون وحدة معينة من الفستان وأعمل إكسسوار وممكن أستبدل الإكسسوار بالورد يعني مثلا في الصورة كوليه من الورد الطاير بالإضافة إلى إني باعتبر "الشوز" من أهم إكسسوارات الفرح وبأصمم "دوبل سومل" وهو بيعطي علو للشوز فمثلا..
• لو الكعب 15 سم أصمم "دوبل سومل" 7 سم.
• ولو الكعب 10سم أصمم "دوبل سومل" 5 سم.
وده بيساعد على سهولة حركة العروسة أثناء الفرح بدرجة كبيرة.




وهل الطرحة لها موضة منفصلة عن الفستان؟!
هي الطرحة موضة لوحدها يعني السنة الماضية كانت الطرحة الإسبانيش اللي فيها كينار عريض موضة جدا وتنزل على الوجه من غير بيشة وأنا من الناس اللي عاشقة التراث ولازم أصمم طرحة بالبيشة علشان العريس يرفع الطرحة للعروسة وده من أهم طقوس الفرح وفيه شكل آخر من الطرح المنفوشة والعالية عن الرأس...
وفي شكل آخر من الطرحة وهي الطرحة الملمومة البسيطة وتكون تحت الشنيوه أو فوق الشنيوه والموضة تختلف في الأطوال يعني السنة دي الطرحة القصيرة موضة وطرحة المحجبة لازم تكون طويلة ومصممة من الفستان والفستان المصمم على شكل ديل لازم يكون معاه طرحة طويلة.


لكن هل طول الطرحة يعتمد على طول وقصر العروسة؟!
أنا كمصممة أزياء أراعي تماما الأطوال يعني في الأول أسأل العروسة لو عريسها طويل أعمل كل التصميمات من أول الكعب لحد الشنيوه إنها تكون طويلة، ولو كان العريس قصير أقلّل في كل التصميمات ولو العروسة قصيرة لا يتناسب معها طرحة طويلة والعكس.

dandona we bas;7703890:
noha mahdy يا قمر متقوليش كده احنا اخوات و لو كده على كلام الراجل ليكي يبقى توكلي على الله و لو لقيتي حاجة احسن ربنا يهنيكي يارب اللهم آمين

بناااااااااااااااات انا برده جوزي بيقولي على سهل حشيش دي عايزنا نروحها في شهر العسل تتكلف كام لو هيا و الغردقة في الصيف في شهر 7 تتوقعوا بليييييز ساعدوني يا قمرات و المدة مثلا تكون 10 ايام بالكتير

اعملي سيرش في جوجل على توماس كوك مصر هتلاقي رحلات للهني موون منها سهل حشيش....هو غالي وقتها لقيت اليوم هيتكلف حوالي 1000 ( لكن توماس كوك اصلا غالي)

ففيه حل تانيإنك تجيبي نمرتهم من الدليل وتتصلي بيهموتسأليهم وتبقي بكدا جبتي المعلومة من مصدرها

السلام عليكم
انا اخت فلور فى سؤال بس عاوزه اعمل ابواب خشب للاوض كلهم مقاس واحد 2.10 طول و1.85 عرض حد عنده فكره هيكلف كام او فى تصميمات للابواب ده لان خطيبى انا خلاص منه

Batta_Fares;7704955:
هاى يا جماعه . وحشتونى
ادعولى خلاص بدأ العد التنازلى و قلقانه جدا جدا....
انا حجزت فى ستوديو غزال و الكوافير ميس وان :) انا مش واثقه فيهم بس انا قلت اجربه و اشوف عشان انا جربت كذا كوافير و مكانش حلو
و حستلم الفستان بكرة ان شاء الله
قولولى بقى ... اعمل فكرة مفتكسه عشان اقدم الشبكه؟؟؟؟ و لا اخليها عاديه فى علبتها و خلاص... مش عايزة اكون اوفر على اساس ان الخطوبه فى البيت
و هو انا المفروض البس دهب و كده و لما اجى البس الشبكه اقلعه و لا اخلى ايدى فاضيه احسن؟؟؟؟
ادعولى يا جماعه عشان نفسيتى فى الارض خالص.... و ادعوا لماما بالرحمه عشان كان نفسى تكون معايا دلوقتى ربنا يخليلكم امهاتكم كلكم

flower20009;7706869:
السلام عليكم
انا اخت فلور فى سؤال بس عاوزه اعمل ابواب خشب للاوض كلهم مقاس واحد 2.10 طول و1.85 عرض حد عنده فكره هيكلف كام او فى تصميمات للابواب ده لان خطيبى انا خلاص منه

احنا كنا جبنا النجارة من الأول خالص (أ]ام ما كن فيه فلوس (الحمد لله)....) الأسترجي دلوقتي بيقولنا إن دهان ال 5 بيبان استر و5 شبابيك بالشيش هيكلف حوالي 1100 , إنما سعر الخشب نفسه ما عنديش فكره.

على فكرة دايما في الآخر ووسط الضغط الواحد بيحس إنه تعبان أوي سواء العريس أو العروسة أو أهل كل واحد فيهم...ودايما في الآخر الفلوس بتخلص...وحاجات غريبة بتطلع....مش قصدي بكدا إني أشتكي ( لأ نعمة ربنا وفضله كبير أوي الحمد لله) لكن أنا بقول كدا علشان نخلي بالنا إن دي حالة عامة في الجوازات وبلاش نعمل منها مشكلة كبيرة على أد ما نقدر

rola_86;7707008:


سؤال كمان ياعسلات يارب اللي ترد عليا ربنا يحققلها كل اللي في بالها انا معايا 1250 جنيه اليومين دول ايه رايكو انزل المعرض السوري اجيب بطانيه ولحاف ومفرش سرير ولا كده قليل ولا كتير ولا انزل معرض تاني انا محتاره اوي لاني اول بنت تتجوز في العيله دي:confused: وماليش غير اخواتي حبايبي يردو عليا مع العلم ان ماما جابتلي من السعوديه بطانيه ولحاف ومفرش سرير
عاوزه اكملهم بقي ادوني ارائكم المبلغ ده قليل ولا مناسب[/CENTER]

اه يا جميله هيكفى ان شاء الله وهتجيبى حاجات كمان حلوه ان شاء الله وربنا يتمملك بخير ان شاء الله

بس طلاما عندك هاتى بقا حاجات من الى نقصاكى يعنى بطانيه كمان وكوفرتات وملايات وكدا يعنى لو مش جبتيهم ان شاء الله

حدوتة مصرية;7707037:
احنا كنا جبنا النجارة من الأول خالص (أ]ام ما كن فيه فلوس (الحمد لله)....) الأسترجي دلوقتي بيقولنا إن دهان ال 5 بيبان استر و5 شبابيك بالشيش هيكلف حوالي 1100 , إنما سعر الخشب نفسه ما عنديش فكره.

على فكرة دايما في الآخر ووسط الضغط الواحد بيحس إنه تعبان أوي سواء العريس أو العروسة أو أهل كل واحد فيهم...ودايما في الآخر الفلوس بتخلص...وحاجات غريبة بتطلع....مش قصدي بكدا إني أشتكي ( لأ نعمة ربنا وفضله كبير أوي الحمد لله) لكن أنا بقول كدا علشان نخلي بالنا إن دي حالة عامة في الجوازات وبلاش نعمل منها مشكلة كبيرة على أد ما نقدر

ممكن تقوليلى يا جميله النقاش خد فى متر دهان الحيطه كام ان شاء الله

حدوتة مصرية;7707037:
احنا كنا جبنا النجارة من الأول خالص (أ]ام ما كن فيه فلوس (الحمد لله)....) الأسترجي دلوقتي بيقولنا إن دهان ال 5 بيبان استر و5 شبابيك بالشيش هيكلف حوالي 1100 , إنما سعر الخشب نفسه ما عنديش فكره.

على فكرة دايما في الآخر ووسط الضغط الواحد بيحس إنه تعبان أوي سواء العريس أو العروسة أو أهل كل واحد فيهم...ودايما في الآخر الفلوس بتخلص...وحاجات غريبة بتطلع....مش قصدي بكدا إني أشتكي ( لأ نعمة ربنا وفضله كبير أوي الحمد لله) لكن أنا بقول كدا علشان نخلي بالنا إن دي حالة عامة في الجوازات وبلاش نعمل منها مشكلة كبيرة على أد ما نقدر

والله انا شايله معاه معوهوش بكمل انا بس النقطه لسه شويه على الجواز ناقص الاجهزه والعفش والنجاره والزجاج مبحبش يسال على حاجه بيتكسف عشان كده بسأل
النجار بيقوله انزل معاك ونشوف لو لاقينا جاهز السؤال هو ينزل معاه ليه اصلا

ya_leil;7695382:



هو الصيني التركي حلو ولا وحش ؟ وايه الفرق بين الصيني و البورسلين
؟

اخر كلام سمعته فى الموضوع ده من يومين ان الاتنين واحد بس البورسلين بيتحط على البوتاجاز . والاتنين بيتكتب عليهم بورسلين.

شهيدة;7697040:
دى صور للسنتر بيس وتجهيزات الفرح

حد شاف الدباديب دى بتتباع جاهزة؟ فين وبكام؟

nana200000;7697331:

ميرسى حبيبى على الرد قلب موجوع و pussy
بس حببتى فين سهل الحشيش ده مكانه وأسعاره؟؟؟؟
ميرسى ليكى شهيده تعرفى رأيك نفس رأى خطيبى قالى انتى مش تعجبك المناظر اللى هناك

الاتنين شرم وغردقة فيهم مناظر وحشة موووووووووووووت :ss:

m@hy;7697572:


الف سلاااااامة على دندونة و برنيسسسيس
و كمان بيبو من البرد:)(f)

الله يسلمك يا قمر ويطمنا دايما عليكى (f)

flower20009;7707103:
والله انا شايله معاه معوهوش بكمل انا بس النقطه لسه شويه على الجواز ناقص الاجهزه والعفش والنجاره والزجاج مبحبش يسال على حاجه بيتكسف عشان كده بسأل
النجار بيقوله انزل معاك ونشوف لو لاقينا جاهز السؤال هو ينزل معاه ليه اصلا

النجار يا جميله بيبقا عارف الحاجه النظيفه وبينصحه بيها ان شاء الله

ياجماعه ارجوكم ساعدوني اجيب منين مفروشات ولحفة فايبر وبطاطين حلوة واسعارها كويسه من القاهرة ياريت حد يقولي عن تجربه

asmaa2003;7697981:
يابنات انا مخنوقة جدا دلوقتى يوم الاتفاق على الجهاز ابو خطيبى اللى كان موجود وهو لا على اساس اننا قلاايب وفى بيتها وكده يعنى وكان باباه قال العفش عليا مع المطبخ وطبعا احنا باقى كل حاجة بس اللى فهمه بابا وماما ساعتها ان الاجهزة زى التليفزيون والمروحة هو اللى هيجيبهم عندنا فى الاسماعيلية كده بس يظهر القاهرة لا وكمان عندنا يابنات ممكن العريس كمان يجيب النجف والتلاجة دلوقتى بابا بصراحة مش قادر اكتر من كده وواقفة على التليفزيون والمروحة والمهم ان بابا بيحسب ان خطيبى اساسا هيجيبهم ومن كام يوم قولت لخطيبى على التليفزيون ان بابا صعب يجيبه وحسيت انه اتقبل شوية الموقف انهارده جت سيرة المروحة وقالى انتى حيبتى المروحة قولتله لا وعرفت ان بابا مش هيجيبها وقفل وهو متنشن جدا بس انا اللى كان عليا ساكتة برد على اد السؤال عشان ميتعصبش اكتر مش عارفة والله اعمل ايه الجهاز والجواز حاجة صعبة اوى وبصراحة يابنات انا عاذرة كمان بابا حاسة انه خلاص مش عارة خطيبى قفل وهو زعلان واحنا مشمتعودين على كده ننام واحنازعلانين من بعض ومش عارفة اخد موقف ولا ايه ..................... ادعولى بالله عليكم


يابنات هى البودرة المائية حلوة للبشرة ولا مضرة وعايزة اعرف انواع البرفانات التركيب الحلوة ووممكن يحطهالى فى ازازيز شيك ولا لأ

معلش يعنى مع كامل احترامى ليكى مروحة ايه دى اللى بتتخانقوا عليها؟ مروحة هليكوبتر ولا ايه؟ ولا ده من قلة الحاجات اللى بتتخانقوا عليها؟
يابنتى روقى انتى وهو واعقلوا يا ماما ده جواز والجواز مش بيبوظ على مروحة لكن بيبوظ لما الطرفين بيشدوا وماحدش بيقدر التانى.
المروحة والحاجات العبيطة دى بتيجى فى الاخر وهتلاقى فى الاخر الناس عمالة تقولك ه يا عروسة ايه اللى ناقصك عايزين نهاديكى

البودرة المائية دى بتزود التجاعيد. خليكى فى كريمات الاساس الخفيفة شكلها احسن والبودرة السايبة.

DodyCat;7701490:
ربنا يتمملك بخير يا دودو بنات أدعولى كتير انا من كتر المشاكل خلاص هطفش
أجيب مراتب يانسن منين
ولو روحت أحمد سعيد هيبقى أرخص ولا اى فرع
وأققرب فرع لعين شمس فين ؟؟

فى فرع ليانسن فى جسر السويس بين التجنيد وكاربت سيتى.
واعتقد ان الاسعار واحد فى كل الفروع

DodyCat;7701519:
فعلا انا الحاجه اللى مش هقدر أجيبها بطلبها من أخواتى هدايا
أخر حاجه دبست أخويا فى الفرن الكهربه D:
وأختى فى مكواه السيراميك والميكب وكريمات العنايه شكلها هتكرهنى قريب

بس مكسوفه أطلب من أصحابى
أحسن نوع مكواه ايه بسرعة أخر كلام؟؟

ماتطلبيش حاجة لا من اصحابك ولا من قرايبك. انتى فى اخر شهر هتلاقى قرايبك واصحابك بيقولوك ها يا عروسة عايزين نجيبلك هدية ايه اللى ناقصك واحنا نجيبهولك؟

DodyCat;7701560:
أزيك مش نشوفك كتير ليه
دى بخار بس ولا ممكن تشتغل من غير بخار
ومنين يا جميلة وسعرها كام ؟؟؟

والله انا قولت قبل كده كذا مرة هنا فى الموضوع ده ان باناسونيك اليابانى بتشتغل بخار وبتشتغل عادى وبـ250 جنيه :D بس انا بكتب بالحبر السري باين :D

عاشقة الرحمن دينا;7701799

يا بنات عاوزة اعرف حاجه انا دلوقت لو الموضوع مشي في السليم مش هعمل اي حاجه خالص غير لما الباشا يخلص جيش ( 9/2009 ) بمعني هنقرأ فاتحه و نلبس دبل بس من غير شبكه
فهوا عاوز يجيب هديه مع الدبله عشان المنظر العام
تفتكروا الانسيال او الاسوره الحلوه تبقي في حدود كام بس مش الغالي قوي يعني
او تفتكروا ممكن نجيب ايه[/quote:


هاتى دبلة ومحبس وخاتم يتلبس فى الايد التانية.

[quote=asmaa2003;7701982]جزاكم الله خيرا على ردك ياقمر وبرضه انا قولتله كده انا هنتجوز فى الشتا فبلاش نعقد الامور قاللى انا برضه اللى بعقدها وقفل معايا واول مرة يروح من الشغل قبل ميقولى تصبحى على خير وانا كمان قافلة الموبايل دلوقتى مش عارفة اعند انا كمان ولا ايه مع انى والله ده مش اسلوبى معاه خالص

طب مادام هتتجوزوا فى الشتا يبقى اتخانقوا على الدفاية بقى. مش كده ولا ايه :confused:

حبيبة محمود;7707347:
ياجماعه ارجوكم ساعدوني اجيب منين مفروشات ولحفة فايبر وبطاطين حلوة واسعارها كويسه من القاهرة ياريت حد يقولي عن تجربه

بصي ياقمر انا جبت لحاف وبطانيه ومفرش سرير من السعوديه وان شاء الله هانزل المعرض السوري اللي هايفتح من يوم 19 الشهر ده في ارض المعارض صاله المانيا ناس كتير شكرولي فيه اوي يابنات وعندك الازهر برضه سمعت انه حلو اوي يارب اكون افدتك

Batta_Fares;7704955:
هاى يا جماعه . وحشتونى
ادعولى خلاص بدأ العد التنازلى و قلقانه جدا جدا....
انا حجزت فى ستوديو غزال و الكوافير ميس وان :) انا مش واثقه فيهم بس انا قلت اجربه و اشوف عشان انا جربت كذا كوافير و مكانش حلو
و حستلم الفستان بكرة ان شاء الله
قولولى بقى ... اعمل فكرة مفتكسه عشان اقدم الشبكه؟؟؟؟ و لا اخليها عاديه فى علبتها و خلاص... مش عايزة اكون اوفر على اساس ان الخطوبه فى البيت
و هو انا المفروض البس دهب و كده و لما اجى البس الشبكه اقلعه و لا اخلى ايدى فاضيه احسن؟؟؟؟
ادعولى يا جماعه عشان نفسيتى فى الارض خالص.... و ادعوا لماما بالرحمه عشان كان نفسى تكون معايا دلوقتى ربنا يخليلكم امهاتكم كلكم

ألف مبروك ياقمر وان شاء الله تكونى أحلى عروسة باذن الله وربنا يرحم مامتك يارب ويغسلها بالماء والثلج والبرد وهى ياحبيبتى حاسة بيكى وفرحانة بيكى ان شاء الله

بنات هو المعرض السورى قاعد لغاية امتى وبيدخله منين من أنهى بوابة يعنى ربنا يفرحكو كلكم يارب

not me 5aaals;7703206:
يا بنات هل الحلل الصاج ينفع تدخل الميكروويف ؟
و هل ممكن اجيب تيفال و صاج و بلاش استلس ؟
و لا فى اكل لازم يتطبخ فى الاستلس افضل ؟

لو سمحتوا جاوبونى عشان انا ان شاء الله دلوقت بكتب الليست النهائئية اللى حنزل اشتريها ان شاء الله

و حاوريهالكم و لازم توافقوا عليها طبعا الاول :yes:

بصى الصاج ده مش مهم لان ماينفعش يتعمل فيه الا حاجات مسلوقة يعنى تسلقى فيه مكرونة او فراخ او لحمة بسسسسسسس
التيفال طبعا مهم هاتى حلتين او 3 بس مش تجيبى طقم كامل.
وهاتى طقم استانلس او الومنيوم للطبيخ العادى.

فى حد بيسأل عن المخدات القطن ولا الفايبر. الفايبر طبعا احسن بكتير. المخدة بتتباع بالوزن. فى يانسن اتقل حاجة بتبقى 1 كيلو ودى حلوة جداااا وسعرها 40 جنيه. دى المخدات الصغيرة. لكن المخدات الكبيرة بـ80 جنيه.

rozyyy;7704946:
يابنات انا احترت في موضوع المراتب دي اخويا جايب نوع اسمه ماستر بيد وحلوة اوي وانتو بتقولول ع يانسن - حد يعرف اي احسن فيهم ولو تقدرو تقولولي يانسن دي بتتباع فين وسعرها ايه

انا عايزة اعرف ماستر بيد ده كويس ولا لأ واسعاره ايه لو سمحتى؟

Batta_Fares;7704955:
هاى يا جماعه . وحشتونى
ادعولى خلاص بدأ العد التنازلى و قلقانه جدا جدا....
انا حجزت فى ستوديو غزال و الكوافير ميس وان :) انا مش واثقه فيهم بس انا قلت اجربه و اشوف عشان انا جربت كذا كوافير و مكانش حلو
و حستلم الفستان بكرة ان شاء الله
قولولى بقى ... اعمل فكرة مفتكسه عشان اقدم الشبكه؟؟؟؟ و لا اخليها عاديه فى علبتها و خلاص... مش عايزة اكون اوفر على اساس ان الخطوبه فى البيت
و هو انا المفروض البس دهب و كده و لما اجى البس الشبكه اقلعه و لا اخلى ايدى فاضيه احسن؟؟؟؟
ادعولى يا جماعه عشان نفسيتى فى الارض خالص.... و ادعوا لماما بالرحمه عشان كان نفسى تكون معايا دلوقتى ربنا يخليلكم امهاتكم كلكم

ازيك يا حبيبة؟ ربنا يجعلها احلى ايامك يا رب وربنا يرحم ماما ويصبرك يا جميل.
بصى انا قلت قبل كده ان فى خطوبتى فى البيت كنا عاملين سفنج وعاملينه cover ساتان على صينية ومغطيينه بمفرش اورجانزا ابيض وعليه ورد بسيط رقيق خالص ابيض اورجانزا وساتان وثبتنا الشبكة عليه فى السفنج بدبابيس وشكلها ما شاء الله كانت حلوة ورقيقة ومناسبة للبيت ماكنتش أوفر ولا حاجة.
وماتلبسيش دهب وخلى ايدك فاضية. خطيبك هيبقى متوتر من غير حاجة وتلبيس الدهب مش سهل بالنسبالهم فبلاش نعقدها عليهم اكتر :)
وربنا يتمملك بخير ان شاء الله.

الف وعد;7705832:
انا يابنات روحت اسال عند كوافير شريف فهمى اللى فى البراج اغاخان فى شبرا عشان اروح فى بوم خطوبتى عنده قاهعمل وش وحواجب وبادكير ومانيكير وتسريحه وميكب بى 650 جنيه كنت عاوزه اسال كده كتير ولا ايه

لا كده كويس مش غالى

أسيرة حنانه;7697694:
السلام عليكم ورحمه الله وبركاته

ازيكم يا احلى بناتيت

وحشتونى ووحشنى التجهيز والله

عاملين ايه كلكم؟؟ يارب تكونو بخير

مبروك لكل البنات الحلوات اللى اتجوزو الشهر اللى فات ويارب يكرمهم
ويارب تكونوا انتوا احلى عرايس فى الدنيا يارب

انا معنديش حاجه اقولهالكم بس حبيت اسلم عليكم

وعندى معلومه صغنونه

فى اول الجواز طبعا هتكون كل الفوط الكبيره والبشاكير جديده فا ياريت تغسلوها مره قبل الاستخدام ولو فى مايه كدا بس عشان تنشف كويس لان دى مأساه حياتى


خدوا بالكوا منها دى عارفاها معلومه هبله بس كل ما بفتكر حاجه بقولهالكم والله

اه معلومه كمان

فى الفرح طبعا تحت الطرحه بتعملى شعرك عشان جوزك فا ياريت متعمليهوش سيشوار ومكواه


يكفى اوى سيشوار بس عشان لما يتغسل بعدها علطول الشعر هيتعب

ومتنسوش تجيبوا سيلك ابيل

انا بالنسبالى افشل مشرؤوع فى التاريخ بس هى بردو تنقذ الواحد اول الجواز

ايه تانى يارب؟؟


اه متكركبوش البيت بحاجات ملهاش لزمه

وسلام

بسبس حبيبببببببببببببببببببببببببببببببببببببببببببببببى وحشانى والمنتدى مضلم من غيرك وحياة ربنا ومشاركاتك والله
قوليلى القمصان والكلام ده انهى احسن وقد ايه وكدة ؟؟؟؟؟؟؟؟؟؟؟ظ

أجمل ايام العمر;7702422:
بصوا يا بنات .... انا جوزى فى الاول كان اهله رافضينى جدا و قعدوا اربع سنين على ما اقتعوا .. ده لانهم مكنوش يعرفونى كويس ... و المفروض انه لما كانوا يتقدموا تانى كان ابويا يطلب بقى مهر و شبكة و مؤخر عشان خايف على بنته من ناس اصلا مكنوش عايزنها ... بس اللى حصل انى ابويا لما جيه حمايا يتفق مع ابويا حمايا سال على المهر ابويا قالله اللى هتدفعه هدفع زيه و ازود عليه لو اقدر لانه كله فى بيت بنتى و عشانها ..ز سال حمايا الشبكة كام قالله الشبكة دى هدية العريس للعروسة .. و اللى تجيبه لا انا و لا بنتى هنفتح بقنا .. بنتى شم ناقصة دهب و لا الماظ ... طب المؤخر .. قاله تتقى ربنا فى بنتى يعنى لو عاشرتها تعاشرها بما يرضى الله ولو كرهتها ترجعهالى سليمة من غير ما تجرحها و لا تهينها و تحطها فى عينك .... طبعا حمايا كان مجوز 3 قبل جوزى قال له انا مدخلتش بيت محترم و ناس عينها مليانة زى بيتكم ... و جاتلى شبكة اغلى من اغلى بنت جالها فىا لعيلة و فوق ما انا كنت بحلم و جالى جهاز احلى حاجة ما شاء الله و كل اللى نفسى فيه عملهولى و الحمد لله .... و جوزى الحمد للله جويس و اهله جدا معايا ... اللى عايزة اقوله ان لو كتبتى مليون جنيه مؤخر و كرهتى العيسة بعد الشر مع جوزك ممكن سطفشك و يزهقك لحد ما تتنازلى عن كل حاجة ... و انا وجهة نظرى انا بحب جوزى جدا الحمد لله ... لوو لا قدر الله سيبنا بعض و انفصلنا .. هبقى خسرت اغلى حاجة فى حياتى ساعتها هدور بقى على شوية عفش و انا خسؤت الانسان نفسه و حياتى معاه .... اتقوا الله فى الشباب عشان الرسول عليه الصلاة و السلام قال " من استطاع منكم الباءة فليتزوج " صدق رسول الله ... ولما سالت ابويا ماهى الباءة ..؟؟؟ رد عليا و قاللى توفير قوت اليوم الواحد ... و احنا بندور على مروحة و مؤخر .... انا مش مثالية .. انا عن تجربة ... الراجل الصح تشتريه و تبيعى الدنيا ... كفاية انك تكونى فى حصن راجل حاسة معاه انك فى امان و مستغنية عن الدنيا كلها و انتى معاه .. و ربنا يهدى كل بنات وشباب المسلمين للصح يااااااااارب و يتمملكم كلكم بخير ياااااااااارب

الله اكببببببببببببببببببببببببببببببببببببببببببر عليكى بجد انا معاكى جداااااااااااااااااااااااااااااااااااااا وربنا يسعدك يارب اميييييييييييييييييييييييييييييييييين

محدش رد عليا فى موضوع الاعداد الطبيعية لكل حاجة فيها اعداد اللبس الفوط_ ملايات كدة

انا كنت عاوزه اسال هو لو انا مقرى فاتحتى بقالى سنه والشبكه الشهر ده انشاء الله بس انا عندى مشكله ان انا بتكسف اكلم خطيبى قدام بابا حتى مش بخليه يتصل على تليفون البيت عشان بابا بقوله ابقى كلمتى على الموبيل ولو انا كلمتو على الموبيل وشوفت بابا بقفل السكه فى وشه طيب هو احنا لما نشبك ينفع نخرج مع بعض ولا مينفعش وبعدين انا الشبكه عملها فى نادى فلازم نخش انتو عارفين بقا ان العريس والعروسه لازم ينجكو بعض انا حاسه انى هبقا مكسوفه وهحس مش ينفع لان انا قاعده مع بابا واخويا وانا بنت بس لو حدى فى البيت معلش بقا انا والله حايه انكو اخواتى وعاوزه احد رايكم

مساء الخير عليكو انا هبه عضوة جديدة معاكو لو سمحتو كنت عايزة اعرف رأيكو فى مراتب هبيتات ويانسن؟