not me 5aaals;7703206:
يا بنات هل الحلل الصاج ينفع تدخل الميكروويف ؟
و هل ممكن اجيب تيفال و صاج و بلاش استلس ؟
و لا فى اكل لازم يتطبخ فى الاستلس افضل ؟
لو سمحتوا جاوبونى عشان انا ان شاء الله دلوقت بكتب الليست النهائئية اللى حنزل اشتريها ان شاء الله
و حاوريهالكم و لازم توافقوا عليها طبعا الاول :yes:
مسلمة موحدة;7695743:
بصي يا دينا كله حسب الاتفاق ممكن يخلي النص بالنص لو ده يناسبكم
وممكن تخلي الخشب كله عليه بما فيه المطبخ + النجف
وانتي الأجهزة كلها والسجاد والستاير والتنجيد وطبعا حاجات المطبخ والمفروشات
أسعار الأوض على حسب اللي هتجبيه عددهم يعني
القايمة بيتكتب فيها كل حاجه سواء انتي جبتيها أو هو بإذن الله
الدهب في ناس بتكتبه وناس لأ على حسب الاتفاق بينكم
الموخر اعتقد المتوسط بيبقا في حدود 10000 وبرضه على حسب الاتفاق ممكن يزيد أو يقل
بصي اللي قولتلك عليه ده كله المتوسط وممكن يقل أو يزيد على واحد على حسب امكانياته
واي واحد كويس يا حبيبتي لو معاه بيجيب لأن في الآخر الحاجات دي لبيته وبيتك
الفرح بقا معلشي مش هقدر افيدك بأسعار لأني مش هعمل بإذن الله بس في ناس بتعمله النص بالنص أو العريس بيشيله كله
وربنا يباركلك ويقدملك اللي فيه الخير ليكِ، اللهم آمين
لو انتي معندكيش مشكله خلاص هاتي بإذن الله، بس اعتقد انك كده هتكوني جايبة اكتر
بصي في حل تاني انكم تجيبوا الأجهزة بالنص برضه
يعني تشوفي تمن الأجهزة كلها وتنقيها وانتي تدفعي النص وهو النص
DodyCat;7703216:
أشمعنى :D ؟؟؟
غسالة الأطباق الوايت ويل كانت ب 1400 من 4 شهور دلوقتى ب 1700
شيماء سعيد;7703281:
قولولي رايكو في شبكتي يا بنات..ده طقم لازوردي
ده الكوليه
الانسيال والخاتم والحلق
وده المحبس وخاتمين تانيين
الدهب بقى بكام النهارده؟؟؟لسه هاجيب باقي الشبكة....
.وكمان عايزه ازياء رجالي حلوة يا بنات مش بفهم في الرجالي خالص.. يارب ماكونش مخالفة..
أجمل ايام العمر;7703247:
الحلل بجميع انواعها مش بتدخل الميكرويف ماعادا الفيزون .... و الاستنلس مش ضرورى و لا الصاج كمان ... اهم حاجة التيفال و الالمونيوم
roro8484;7698195:
بنات ياريت الى كتبت كتابها تفدنى كاتبه ةمؤخر كام وكتبت الشبكه ولا لا وادعولى برنا يفك كربى محتاجه لدعاكم قوىىىىىىىىىىىىىىىىىىى
shahy_m;7699467:عاوزة اسالكم سوال يا بنات بس ساعدوني حد يعرف ماركة فانيلات قطن داخلية رجالي نص كم بس ماركة قطنها حلو مع الغلي او مكان بيبع ماركة كويسة
pussy22;7703461:
امال اية الحجات اللى بتدخل الميكرويف انا جبت علب ثلاجة بلاستيك مكتوب عليها انها ممكن تدخل فية بس خايفة اجربها ..و اللى بتسال على الالماظ سعر القيراط بيختلف لو الفص مقفول و جى متبرشم ده بيبقى تمام و مفيهوش اى غلطات و لو الفص مفتوح ده لازم تخدى حد من اخواتك او قرايبك يكون بيفهم فى الالماظ عشان متتخميش و ده بيكون سعره اقل من المقفول شوية و الاسعار على حسب حجم الفصوص و الفصوص الكسر بتبقى ارخص بس الصراحة مبحبهاش و الفص المربع بيكون ارخص من المدور مع انى بحس ان المربع اشيك لكن اللى بيعلى السعر حجم الفص الرئيسى فى الخاتم اللى بيبقى فى النص...و من احسن الناس اللى بتبيع الماظ محل توفيق حسين اللى فى وسط البلد.
Botee;7700115:
HELLLLLLLLLLLLLP
بنات بليز انصحونى
انا محتاره فالحلل الاستليس فى طقم اسمه فيونكه نوعه صينى عباره عن 5حلل وطاسه 18/10ب670 جنيه
مش عارفه اجيبه ولا اجيب حلل ستاليس زهران فردانى
؟؟؟؟؟؟؟؟؟؟؟؟؟
الطقم اللى بقولكم عليه ده شفته فى عمرو افندى وفى زيه بالظبط بره بس ارخص لكن بيقولولى ان اللى بره اخف
بس اصحابى قالولى ان عمرو افندى حاجته انضف حتى لو اغلى ولا ايه رأيكم؟؟
شكراً
rozyyy;7703567:
لا ياجميلة عمر افندي حاجاته هي هي الي برة بس هو اغلي من برة - وبصراحة انا جبت استنلس زهران تحفة ونضيف اوي لكن بصراحة مش باطمن للحاجات الصيني في الحاجات الأساسية دي - الأحسن هاتي زهرن فرداني ممكن تجيبي 4 احجام مختلفة
lighte111;7700231:انا ناويه اشترى قماش لتنجيد المراتب قولولى احسن نوع ايه وفى حدود كام لانى محتاره اوى
وربنا يكملنا كلنا يا رب على خير
:8875::8875:
rozyyy;7703596:
بصي اقمر انا هانصحك نصيحة لله وبراحتك - انتي الأحسن هاتي جاهز مش تنجدي لأن المرتبة لما بتتنجد بتكون منفوشة وعالية ساعتها وبعدين بتهبط وبتكون مش حلوة - لكن الجاهز بيكون حلو اوي انا اخويا عنده المرتبة الجاهزة ومتجوز من 3 سنين ولسة زي ما هيا ومريييحة جدا جدا - فاولي تريحي دماغك وتجيبي جاهز
سارة المزعورة;7700634:
سارة مقاسات الوايت ويل الصغيرة هي العرض 55 والعمق 40 والارتفاع50 ويارب اكون افدتك
R@A;7703620:
انا ناوية اجيب المرتبة يانسن جاهزة بس عايزة اعرف المخدات اجيبهم جاهزين و اريح نفسي و لا القطن احسن يا ريت تساعدوني
