حوامل بحريننا ، لنستفيد معا !!

*فاتي*;8102727:
سلااااام شخباركم بنات وحشتوني صار لي فترة ما شاركت

الشر عنكم بعيد ان شاء الله جايني اسهال شديد من امس لليوم البارحة رحت المركز وركبوا لي مغذي
(سيلان) واحس ان جسمي متكسر وهزيل ادعولي يخففف لاني عن جد تعبت منه

وانتوا خواتي شخباركم؟؟ شخبار الصحة؟؟

..حنين الروح..;8110751:
سلام عليكم

شخباركم؟؟ وحشني هالموضوع..

اله يعرف رقم عيادة الدكتورة زينب الجفيري ياريت يعطيني اياه..

لأني ناوية أحجز عندها عشان اتطمن على فحوصاتي كلها قبل لا أفكر اني احمل مرة ثانية من بعد الاجهاض بحملي الاول

:)

nsmshm;8123475:
سلام عليكم

عضوة جديدة حبيت أشارك معكم

عندي طلب اذا ممكن اتساعدوني فيه

أني طرحت مرتين مرة بتاريخ 30/7 والثانية توني بتاريخ 4/12
فإذا ممكن بغيت أسماء دكاترة في التسقيط
لأن السلمانية مستحيل أروح اليهم لأنه ما عندهم اهتمام ويذلون الواحد ذل حتى المراكز

مشكوررين مقدما والله يعطيكم العافية

جمال الزهره;8114483:

الله يعوض عليج حبيبتـــي بالحمل التام السليم
وزين تسوين ,, جيكي كامل وتطمني
والله يرزقج الذرية الصالحه

nsmshm;8123475:
سلام عليكم

عضوة جديدة حبيت أشارك معكم

عندي طلب اذا ممكن اتساعدوني فيه

أني طرحت مرتين مرة بتاريخ 30/7 والثانية توني بتاريخ 4/12
فإذا ممكن بغيت أسماء دكاترة في التسقيط
لأن السلمانية مستحيل أروح اليهم لأنه ما عندهم اهتمام ويذلون الواحد ذل حتى المراكز

مشكوررين مقدما والله يعطيكم العافية

! أنــثــى !;8123782:
الله يعوض عليك اختي ..

ان شاء الله المجربات راح يفيدونك !

..حنين الروح..;8124926:
الله يعوضش حبيبتي..

بسالش عقب كم شهر حملتين من بعد طرحش الاول؟

وشنو كان السبب؟؟


وبقول لش مرت حميي اسقطت مرتين أو ثلاث

وكانت تمهل علما تحمل آخر شي راحت تعالجت عند دكتورة زينب الجفيري وبفضل الله ثم بفضلها حملت وجابت بنوتة عقب 12 سنة من زواجهم الله رزقهم..

Ba7reneyah;8125765:
صديقتي سقطت مرتين و بعدين راحت لدكتورة زينب الجفيري و بعد المتابعه معاها حملت

nsmshm;8126898:
سمعت عنها في ناس يقولون إنها زينة بس البعض يقولون العكس
فما أدري منه الأحسن

..حنين الروح..;8133045:
اني واجد اسمع يمدحونها بس مايندرى بعد

عن نفسي يوم اروح ليها آخر مرة عشان أتأكد ان الجنين مافيه نبض ارتحت ليها ولتعاملها

وأخلاقها وقررت اني راح اتابع معاها ليما احمل انشاء الله

وربي يسوي اله فيه الخير ويعوض علينا خير

:)

nsmshm;8140476:
بتوكل على الله وبروح اليها بس عندش رقم تلفونها عشان أحجز موعد

ورحمة الله والديك أختي حنين الروح مقدما على المساعدة

وإن شاء الله بتحملين والله بيعوض عليش وعلينا خير

..حنين الروح..;8143583:
رحم الله والدينا ووالديش اختي ..
:)

كان عندي رقم موبايل ام تي سي بس انمسح من عندي

وفي من البنات اهني ماقصرت وعطتني رقم ثاني 17261627

لا تتصلين الصبح لأن العيادة تكون مسكرة

تفتح بس الاحد والاثنين والثلاثاء من العصر الى المغرب

وانشاء الله ربي ييسر لش امورش

(f)

*فاتي*;8154950:
سلام عليكم..

شخباركم حوامل ديرتي ربي ييسر لكم اموركم خواتي جميعاً..
ليش اشصاير في الموضوع جامد مثل الطقس يوم بارد ويوم معتدل ويوم حار ههه ماكو احد يحركه!!
اني عندي هالاسبوع كله امتحانات منتصف ادعوولي وما ادخل واجد وانتون شنو ظروفكم ربي يسهل علينا وعليكم..

ღام عبودღ;8156107:

الله يفوقش خيو فاتي في الامتحانات

حنين الروح و nsmshm الله يعوضكم حبايبي

بنات بسألكم

اكل الاسكريم في الحمل زين لو لا
زوجي قاري بالنت المفروض نقلل ومن يصير خاطري في اسكريم ما يرضى يجيب يقول لي مهو زين حقش؟؟
والحل؟؟