Ba7reneyah;8005005:
انا مارحت للعسكري ، لكن قلت اذا ما صار حمل هذا الشهر بعد بروح عندهم ، لكن ابي اعرف دكتورة زينه ، انا حملت وطرحت مرتين في بداية 2008 ، الحمل في المرتين يسقط في الشهر الثاني
الله يكتب لج الحمل يا رب بحق هالايام
اني جربت الدكتورة موزة و جدااااااااا روعة بصراحة و كانت تتابع معاي من قبل الحمل الى ما صار الحمل و عطتني حبوب التثبيت لان يمكن انتي تسقطين يا من تعب او ارهاق و يبغي لج راحة و حبوب التثبيت والابر
ولو كان حمل طبيعي فهذا جدااااااا دلالة خير وتقدرين تتابعين حملج من البداية مع اي دكتورة ، جربي الدكتورة موزة او سمعت يمدحون فرح ، او عندج زينب الجفيري او منى الشرقي
اني اتذكر يوم اروح للدكتور سلام عطاني حبوب تثبيت من بعد 14 يوم من الدورة جنه و استمريت عليهم الى يوم موعد الفحص بس للاسف ما طلعت حامل
مراوي22;8005410:
هلا كروشات
شكراً لكل وحده ردت علي ماقصرتوا حبيباتي فيكم الخير
كروشات قولوا لي رايكم في خطتي
آنه قلت برتب تجهيزاتي يعني كل شهر بخلي له شي وبيكون الترتيب كالآتي
شهر ديسمبر
بشتري جميع الأجهزه إلي أحتاجها مثل جهاز تعقيم المرضاعات والجهاز إلي يصخن المرضاعه وجهاز شفط الحليب
شهر يناير
بيكون لشناط البيبي والمفارش وسريره ولباس النفاس لي وفراشي
شهر فبراير
بخليه حق ثياب البيبي ومستلزماته وشنطة المستشفى ويمكن أروح السعوديه عشان ثيابهم أحلى
شهر مارس
بيكون خاص فيني مشي في مشي عشان أولد بسرعه مابي أكمل الشهر إلا آنه والده بإذن الله
إيش رايكم بخطتي ؟؟؟؟؟؟؟؟
وايد حلوة خطتج بس اني اعتقد ما بتقدرين تقاومين ثياب البيبي للنهاية :D
بشهر 12 احس بيسوون تخفيضات للكريسمس او السنة الجديدة ، استغليها واشتري الاشياء المخفضة و يمكن حتى على يناير ايام معرض الخريف اغلب الاوقات يسوون تخفيضات ، يعني بالمختصر استغلي وقت التخفيضات بقدر الامكان
اني احس افضل شي تبدئين فيه قبل 3 شهور من ولادتج هو المفرش و القماطات والخ لان مرات يقولون لج بعد شهر و شي يجهزون لج ، اما الثياب فتقدرين بأي وقت تاخذينهم حتى المراضع والمعقم للمراضع و تبع التسبوح والخ
اني بصراحة بقول لج ويش سويت
اخذت ثياب بوقت التخفيضات وكملتها بعد التخفيضات باللي يلزمني زيادة و تحسرت اني ما استغليت وقت التخفيضات بجيكو و رحت اخذت بعدها
وبديت بعدها بالفراشات والشنط والخ واللي الى الان ما جهزوا ليي لان اخذت واحد و الباقي تفصيل و الى الان ما رحت اخذت الجلابيات
و مخلية الاشياء الثانية لبعدين ومرتبة نفسي بعد العيد اروح اخذها تبع الرضاعة من مراضع ومعقمات والخ و بعدها مباشرة السرير لان احس ياخذ حيز لو اخذته من البداية
و روحة السعودية خليها لشهرج الثامن مثل ما كتبتي علشان يمكن يعجبج ثياب للبيبي زيادة ولا تكثرين للمرة الاولى مثل ما غلطت و سويت ، الحين اني بروح السعودية للجلابيات و التوزيعات واكيد المراضع لان جيكو بالبحرين مخلصين
و يا ريت لو تقدرين تمشين على اللي كتبتيه بس اكيد ما بتقدرين تقاومين ثياب البيبي ودايما ابدئي بالاشياء المهمة وبعدين الفرعيات