تجهيزات عرايس مصر الجزء 105 ( يارب تمملنا بخير يارب )

قلب موجوع;7587106:

انا اشتريت دي امبارح من التوحيدوالنور
وهي حلوة اوي لفرم اللحمة والبصل والخضار
كان تمنها 169جنية ومعليهاش اي خصم

دى عندى زيها ولهلوووووووووبه ل بتعملى فيها كل حاجه وجميه ماشاء الله مبروك عليمى يا قلب

رحوتى للخياطه ولالا ياريت لما تبقى تدخلى تفتحى الايميل لانى عاوزه اعرف عملتى معاها ايه واتفق معاكى نروحلها

berro85;7588173:
مبروك علينا يابنات الجزء الجديد وربنا يتمملنا كلنا بخير انشاء الله
بصوا بقه عايزه اسألكوا هو المفروض اجيب قد ايه من قمصان النوم اللى هيا اللانجيرى دى
بصوا اصل بصراحه ماما احبتطنى وعماله تقولى مالهومش لازمه ومبيبقوش عمليين انتوا ايه رأيكم طبعا انا اكيد هانفض لكلامها بس اجيب قد ايه منهم
بس ياريت انتوا متنفضوليش ومتحبطونيش انتوا كمان:o

بصى الانجرى قفليهم بالكتير قوى 15 وماتكتريش لسبب انتى لسه مش تعرفى مزاج جوزك لان فى رجاله بتحب لبس الدلع اكتر ورجاله بتحب قمصان النوم ورجاله عشقها بيكون فى اطقم النوم اللى فيها حركات دى (مكونه من اندر وبرا بس )

فانتى اعتدلى لحد ماتعرفى ميوله وابقى اشترى بعد الجواز تانى لو احتاجتى

بسم الله الرحمن الرحيم



طقم بيكينى الحمد لله

صوت العيون;7588375:
بسم الله الرحمن الرحيم



طقم بيكينى الحمد لله

بجد شكلة جميل يا صوت ماشاء الله جيباة منين وبكام

مريم المسلمة;7588429:
بجد شكلة جميل يا صوت ماشاء الله جيباة منين وبكام

تسلمى يا جميله

من عيد لبيب ب 31 ونص الحمد لله

اسيل كنت عايزة اسالك عن الكبة دى حلوة بجد وبتشيل قد ايه و بتقطع البصل حلو لانى مش بحب المطبخ بسبب تقطيع البصل ده وهى بكام وممكن الاقيها فى حمام التلات

مريم المسلمة;7588473:
اسيل كنت عايزة اسالك عن الكبة دى حلوة بجد وبتشيل قد ايه و بتقطع البصل حلو لانى مش بحب المطبخ بسبب تقطيع البصل ده وهى بكام وممكن الاقيها فى حمام التلات

هى اصلا بتاعه تقطيع البصل وزمان كان ليها شكل تانى واسمها قطاعه بصل دلوقت غيرو شكلها بس خالى بالك مش تطولى وقت فرم البصل لانك لو زودتى البصل حيدوب ويبقى سايل زى الطماطم وكانك عاملاه فى الخلاط يعنى يادوب ضربتين وخلاص

بكام بقى قلب بتقول انها لسه جايباها ب 195 من التوحيد والنور

كمان انت ممكن تفرمى فيها التوم واللحمه وتضربى فيها الطماطم وممكن تعملى العصير كمان وبصراحه عمليه جدااااااااا

وبتشيل حوالى نص لتر او لتر مش فاكره

بسم الله الرحمن الرحيم


بنات حد شاف نجفه نفس الشكل دا ان شاء الله

kitty_kity;7584487:

أكيد عايزة العنوان :)
ونظام اسعارها ايه؟؟ وهي اساسا صيفي ولا شتوي؟؟

بصى ياكيتى اكيد عارفه بتاع الشرايط وcd اللى فى شارع البورصه هو قبله على طول مش فاكره اسمه بس بيبيع لبس خروج وحاجات للبيت زى فوط وملايات من باب تانى هو عنده كاتالوجات لمنتجات k .bرحت من كام يوم وقالى هانزل بعد اسبوع لو رحتى ولقيتيه نزل عرفينى علشان الحق اجيب حاجات لانى هاتجوز الشهر الجاى

شكرا ليكى يالولااا ياسكر على الرد وربنا يباركلك ويتم عليكى بالخير يارب
الف مبروك على الجزء الجديد وعقبال الجزء المليون
اليقاء لله فى والد ماهى ربنا يصبرها يارب ويلهمها الصبر والسلوان
انا عايزة اسال هو توكيل kbفين بالظبط فى مصر الجديدة يعنى قدام ايه جنب ايه كده ويا ترى رنجات أيعاره ايه وربنا يكرمكو ويبارك فيكم يارب

عندي استفسار يا بنات
لو فيه حد هنا من المنصورة يعرف طباخ شاطر يقدر يجهز أكل لحفلة زفاف يقول لي و كمان عايزة أعرف الاسعار لأن القاعة اللي حجزتها أرضية بس و احنا اللي هنجيب الاكل و الجاتوهات و التورتة

الف وعد;7586052:
انا يابنات خطوبتى فى نص 11 وكنت عاوزه اشترى فستان سواريه بس مش يكون من المنفوشين ونزلت ادور بس كل الى موجودين قماشتهم ستان ومش حلوين خالص ياريد لو تعرفو محلات بتبع فساتين حلوه تقولولى وهل بيكون فى خصومات ولا لا

بصى اجمل محل بيبيع فساتين سيمبل ومش منفوشه نظام امريكان هوا ماى ليدى ف ميدان لبنان روحى خدى فكرة اما بالنسبه للخصومات ف بصراحه معرفش

aseel 22;7588497:
هى اصلا بتاعه تقطيع البصل وزمان كان ليها شكل تانى واسمها قطاعه بصل دلوقت غيرو شكلها بس خالى بالك مش تطولى وقت فرم البصل لانك لو زودتى البصل حيدوب ويبقى سايل زى الطماطم وكانك عاملاه فى الخلاط يعنى يادوب ضربتين وخلاص

بكام بقى قلب بتقول انها لسه جايباها ب 195 من التوحيد والنور

كمان انت ممكن تفرمى فيها التوم واللحمه وتضربى فيها الطماطم وممكن تعملى العصير كمان وبصراحه عمليه جدااااااااا

وبتشيل حوالى نص لتر او لتر مش فاكره

لا يا قمر انا جايبها ب169 مش 195 من التوحيد والنور فرع شهاب بس متهيالي ممكن تلاقيها في اي فرع للتوحيد والنور
في كمان ارنشا اللي هي ب40 تقريبا برضه حلوة جدا احنا عندنا في البيت وماشاء الله تحفة بتفرم كل حاجة والبصل والقوطة والمكسرات والخلطات وبعمل فيها توميه حلوة اوي هو الفرق بس ان مولينكس ماركة

صباح الخيرات على عيون القمرات
ازيكوا يا حلوين
سجاد اية يا فراشة الى فى المطبخ / المطبخ اخرة مشاية صغيرة
فى نوع مشايات كدة لا هوة جلد ولا بلاستيك كدة وعلية رسومات او بدون
روحى ميدان الجامع حتلاقية


حجزتى ارضية فقط
حجزتى القاعة بس والاكل والشرب عليكم انتى عاملتى فى نفسك عاملة وحشة قوى صعبة بجد
لعلمك انتى لو حسبتى الاكل الى هاتجيبة فرقة عن اكل القاعة هتلاقى الفرق كلام فارغ + دوشة وانتوا شالين الهم علشان الناس تخرج مبسوطة
منى ليكى سيبك من القاعة دة وروحى اعملى فى اى مكان بالاكل وايان كان مستوى الاكل اعملية واخلصى
مايساويش وجع الراس الى هايجيلكوا من الحكاية دة

الالحفة الى فى سبينس حلوة ولا اية ؟؟؟؟؟؟؟؟؟؟؟؟؟

صباح الخير على احلى عرايس فى الدنيا انا جايبه مفرمة البصل دى بس كيينود زى بتاعة براون بالظبط عشان ماما عندها وهى تحفه ما شاء الله المهم سؤالى هى ممكن تستخدم كبة لحمه يعنى تفرم اللحمه المفرومه عشان الكوبيبه مثلا ولا لأ واى استفسار انا فى الخدمه
كمان كان فى بنوته منزله صورة قميص نوم وبتسال فين وبكام هو فى بنوته بتبيعه فى المنتدى معانا ب75ج والى عاوزة اللايميل بتاعها عالخاص هو كان لونه اسود كله ترتر وعريان خالصمن ناحيه اليمين

kasndra;7586652:
هو ميدان الجزائر ده في في المعادي ولا فين؟

عايزة عنوان الشركة اللي بتعمل صور العرسان على الشيكولاته هي في المعادي بس فين بالضبط اسمها chocolgraphy

فين ميدان سفير اللي فيه رسمية في انهي منطقة وشكرااااااااااا

ميدان سفير ده يا قطة في مصر الجديدة

بنات خالي بالكوا من المعلومه ديه

ممنوع نهائياً
ويمنع البقدونس نهائياً عن مرضى قرحة المعدة والأمعاء والقولون وعن المرضعات والأطفال دون عمر سنتين والحوامل فى الأشهر الأولى من الحمل، حيث إن تناوله بكميات كبيرة قد يؤدى إلى الإجهاض.

OLSOLA;7585367:
السلام عليكم

ماشاء الله يابنات ايه الهمة دى كلها لحقتوا تخلصوا الجزء اللى فات دا انا سيبتكوا فيه وانت فى الكام وعشرين ماشاء الله ابقى اتسلى واحدة واحدة بأة فى اللى فاتنى

انا عاوزة اقولكوا على حاجة وماتضحكوش عليا :21_195:
انتوا عارفين طبعا المقشرة بتاعة البطاطس والمقوار بتاع المحشى صح بردو
الحاجات دى كل مااشوفها فى مكان او اسأل عليها الاقى اتجاه السن او السلاح بتاعها يمين وانا عسراء :sad:
حد يعرف ممكن الاقيها منين الاتجاه بتاعها دا الاقيه شمال فين ؟؟
انا عارفة انكوا هاتضحكوا عليا وتقولولى دى حاجات مش مهمة طيب سيبكوا من المقشرة بتاعة البطاطس ادينى فى بيت اهلى بستخدم السكينة وبتصرف امرى لله بس المحشى بأة لو البيه جه فى يوم طلب منى اقور محشى واعملهوله وماحدش يقولى دلوقتى الحاجات دى بتتجاب جاهزة والخضار بيجى متنضف جاهز عشان ماما ماعودتناش على كده ومش حابة حاجة زى كده
اخلى ماما تقورهولى وتجيبهولى لحد البيت احشيه ولا بالمرة تحشيه وتسوهولى واكل انا على الجاهز :dd:
لأ بجد يابنات حد ممكن يقولى لو شاف مرة كده يعنى المقوار والمقشرة شمال معلش يقولى
تحياتى

بصي انا مامتي كده بردوا و بتستخدم المقوار عادي... امال انتي كنتي بتعملي ايه في بيت مامتك

المهم في مقاوير بتبقي من غير شرشره بتبقي ساده من الناحيتين و ديه بتبقي موجوده في كل حته و شوفتها في التوحيد و النور ديه هتنفعك و مش هتضايقك
بالنسبه للمقشره في مقاشر بتبقي مشرشره من ناحيتين بحيث تستخدميها علي عدله ايديك و هتلاقيها بردوا في التوحيد و النور

Princess_miro;7586033:
اقتباس:
المشاركة الأصلية بواسطة ghadasoliman
يابنات كنت عايزه اخد رايكوا في حاجه انا جايبه تابلوه هندي قماش وده شكله

[/
[URL="http://go.3roos.com/yj5fgiMTJL7"]
وده جايباه للصالون الاحسن اديه لحد يعمله اطار خشب مدهب زي بتاع التابلوهات ولا اسيبه كده وخلاص وايه رايكو فيه


ده يا جميلةمن غير بروااااااااااااااااز اعمليه تبسترى زى ده

بالظبط كده ده تبستري من غير برواز ده بيتعلق و بيبقي تحفه

pippo;7586055:
البنوتة اللى جايبة اللوحة الهندى.. دى يا قمرة من غي برواز زى ما برينسيس قالتلك.. بتتعلق على ماسورة ستارة.. يا إما بتدارى وراها الماسورة يا إما بتبينيها...

انا مالحقتش اقرا اللى فاتنى وحاسة انكوا بتعملوا سباق عشان تخلصوا بسرعة

والد ماهى مين يا جماعة اللى اتوفى؟
لا إله إلا الله
البقاء لله وحده... ربنا يصبرهم ويرحمه ويجمعهم فى جنة الخلد ان شاء الله.

ماهي يا بيبو بتاعه اسكندريه و مشتركه معانا في موضوعك بتاع قسم الرجيم

alex girl;7586200:
انا برضو عندى البرواز الهندى دة تفتكرو ينفع يتحط فى الصالون ولا اشيك انى اجيب تابلوة كدة شيك و قيم و اخلى البرواز الهندى دة فى غرفة النوم فوق السرير؟

بيبقي حلو في الريسبشن و في الغلب بيتحط فوق بايو كده عشان تملي حيطه صغيره مش مستغله

انا ان شاء الله هحطه اسد بيه شباك صغير طالع زي الخازوق في نص الريسبشن و علي كتف يعني لو اتعمل ستاره هيبقي شكله سيء جداا .. ولقيت ان انسب فكره هي التبستري و تحته ان شاء الله هحط بايو صغير جدا علي قد الكتف كده

kasanova;7586406:
محدش ليه ادانى رايه وقالى الكرانيش ايلى بتتعمل تحت النجفه المدوره دى بلدى ولا ايه نظامها عاوزه اعرف انتو عاملينها فى بيتكم كلكم ولا ايه بيسموها صرة جبس كده

هي حلوه بس انتي نقي شكل رقيق........انزلي اتفرجي عند المحلات اللي بتعمل شغل جبس هتلاقي حاجات حلوه
وممكن تدخلي فيها دهانات بتبقي رائعه

pussy22;7586641:
يا بنات انا كده اتلخبطت:sm215:طب هاسال سؤال اكتر تحديدا بالنسبة لقميص اول يوم يتلبس تخته برا وللا لا معلش اصلى فهمى بطىء شوية:) ...و عايزة اسال لو حماتى و اخوات جوزى البنات جم فى بيتى خصوصا انها ساكنة قريب منى البس ايه و محدش يقوللى جلبيات ولا ترينجات ولا عبايات اصل مش معقولة الست كل ماتيجى تزور مرات ابنها تلاقيها لابسة عباية وللا ترنج زى اخواتة الصبيان:21_8:وللا رايكم ايه انا خايفة تقول على انى معقده وللا حاجه ...معلش الاسئلة عبيطة بس بجد مش عارفة اجابتها.....kasandra شارع القصر العينى جنب القصر العينى.... يا ريت البنوتة اللى مصورة التابلوه الهندى تقوللى جايباه منين و بكام.

ديه مامه جوزك يعني من الاخر لو مجتش لقيتك لابسه و مدلعه و اخر هنا ... هتقول عليكي انك مش واخده بالك من نفسك

انا خالتي حماتها قلتلها انا كل ماجب الاقيكي لابسه عبايه متدلعي كده لجوزك و تاخدي بالك منه:ss:

kasndra;7587887:
هي نقابة المهندسين فين كان في محل اسمه cotton wear بيقولوا جنب النقابه عنوانها اية؟

هي فين rozyyy مدخلتش انهارده وامة الله اخبارها ايه وحشتني اوي اوي ربنا معاها اكيد عبدالله مداواخها

ازيك يا mnne زعلانه ليه بس ربنا يسعدك يا حبي

النقابه بتاعه المهندسين في رمسيس و مفيش جنبها محلات

kasndra;7586652:
هو ميدان الجزائر ده في في المعادي ولا فين؟

عايزة عنوان الشركة اللي بتعمل صور العرسان على الشيكولاته هي في المعادي بس فين بالضبط اسمها chocolgraphy

فين ميدان سفير اللي فيه رسمية في انهي منطقة وشكرااااااااااا

الراجل بتاع الشيكولاته فى المعادى يا قمر
انا عندى تليفونه لمل اروح هبعتهولك بس يا ريت تبعتيلر رساله خاصه عشان منساش لحسن انا فى التوهان ونا هرد عليكى علطول
هى سعر القطعه 2.5 جنيه لو اقل من 100 وحده ولو لكتر تبقى 2.25 و كل مالعدد يزيد هينزلك فى السعر

قلب موجوع;7589479:
لا يا قمر انا جايبها ب169 مش 195 من التوحيد والنور فرع شهاب بس متهيالي ممكن تلاقيها في اي فرع للتوحيد والنور
في كمان ارنشا اللي هي ب40 تقريبا برضه حلوة جدا احنا عندنا في البيت وماشاء الله تحفة بتفرم كل حاجة والبصل والقوطة والمكسرات والخلطات وبعمل فيها توميه حلوة اوي هو الفرق بس ان مولينكس ماركة

ممكن تقولي لي بتعملي التومية ازاي اوعي تنسي يا ريت الرد:o

OLSOLA;7585367:
السلام عليكم

ماشاء الله يابنات ايه الهمة دى كلها لحقتوا تخلصوا الجزء اللى فات دا انا سيبتكوا فيه وانت فى الكام وعشرين ماشاء الله ابقى اتسلى واحدة واحدة بأة فى اللى فاتنى

انا عاوزة اقولكوا على حاجة وماتضحكوش عليا :21_195:
انتوا عارفين طبعا المقشرة بتاعة البطاطس والمقوار بتاع المحشى صح بردو
الحاجات دى كل مااشوفها فى مكان او اسأل عليها الاقى اتجاه السن او السلاح بتاعها يمين وانا عسراء :sad:
حد يعرف ممكن الاقيها منين الاتجاه بتاعها دا الاقيه شمال فين ؟؟
انا عارفة انكوا هاتضحكوا عليا وتقولولى دى حاجات مش مهمة طيب سيبكوا من المقشرة بتاعة البطاطس ادينى فى بيت اهلى بستخدم السكينة وبتصرف امرى لله بس المحشى بأة لو البيه جه فى يوم طلب منى اقور محشى واعملهوله وماحدش يقولى دلوقتى الحاجات دى بتتجاب جاهزة والخضار بيجى متنضف جاهز عشان ماما ماعودتناش على كده ومش حابة حاجة زى كده
اخلى ماما تقورهولى وتجيبهولى لحد البيت احشيه ولا بالمرة تحشيه وتسوهولى واكل انا على الجاهز :dd:
لأ بجد يابنات حد ممكن يقولى لو شاف مرة كده يعنى المقوار والمقشرة شمال معلش يقولى
تحياتى

محشى بيتخن سيبك منة

اسمعى يا حلوة انتى قبل ماتبتدى فية تضعطى على كل واحدة بالقوى من كل الجناب
بالشكل دة انتى تفصلى القلب عن الجلد
بعدين بايد معلقة صغيرة معلقة شاى تشيلى الباقى بمعن اوضح تنظفى كدة
هوة اصلا مش هايكون فى كثير علشان يتشال مجرد نظافة حركة الضغط دة بتنجز جداااااااا
متجربة على فكرة :wink:

وبعدين محشى اية هوة عاد فية وقت انا يوم ما بعمل محشى بيبقى يوم عيد
والى عايز ياكل يروح ياكل ان الوالدة ربنا يخليها

اجيب تيبسرى منين ؟؟؟؟؟؟؟؟؟؟؟؟؟؟؟؟؟؟؟
وفراشة سالتى خطيبك ؟
منال وسماح وديانا ازيكم ؟
اية اخبار امة ؟
وبيبو فين مش باينة ؟

بصوا القمصان دي انا عندي بعضهم

ده عندي





ده عندي





ودول بتيلبسوا تحت القمصان بيظبطوا المسائل بس مش عارفة فين الاقيهم





وده ناعم قوووووي





وده برده بس بتاعي كت