تجهيزات عرايس مصر الجزء 105 ( يارب تمملنا بخير يارب )

السلام عليكم ورحمة الله وبركاته

ازيكم ياأجمل بنات ومنتدى شفته
بصوا انا محتاجه مساعدتكم فى حجات اللى هي ايه بقى
انا هقولكم على اللى جيبته وعاوزه اعرف رأيكم واجيب ايه تانى ولو فى حد هنا من اليكس يقولي اجيبها منين

بالنسبه للإحتياجات النيش انا عندي طقم كاسات 24 قطعه بس اشكال ومن غير الدورق بتاعه يعني كاسات بس
المفروش بقى اجيب واحد تانى بدورق ولا ايه رأيكم واجيبه لونه ايه اللى عندى ابيض شفاف ومن حروفه فوق ذهبي
وعندي طقمين صينى واحد معدي الـ 100 قطعه والتاني حاجه وسبعين تقريبا
انا قولت بقى اشيل واحد فى النيش واخلي التاني لإستعمالي فى البيت ولا اجيب صينى فرط قولولي رأيكم
طبعا فى حجات ناقصه لسه فى النيش ماجيبتهاش ياريت تقولولي اجيب ايه لأني بجد مش عارفه
وبالنسبه لحاجة المطبخ انا ماجيبتش غير طقم الألمونيوم وطقم ميلامين وطقم بيركس حراري

مستنيه ردكم عليه وآرائكم

:Dسؤال صغير اوىىىىىىىىىى

اجيب كام روب شتوى ؟ وكام روب الصيفى دة ؟

واجيب كام شبشب اللى بتاع البيت ؟ كل كام كام :D

roro30;7587524:
:Dسؤال صغير اوىىىىىىىىىى

اجيب كام روب شتوى ؟ وكام روب الصيفى دة ؟

واجيب كام شبشب اللى بتاع البيت ؟ كل كام كام :D

شباشب البيت هاتى مثلا للحمام واحد ليكى
وللضيوف 2 او 3 مثلا
وللشتا الى هو بفرو دا واحد


والأرواب الشتوى روب او اتنين يا جميله
والصيفى هاتى اتنين ومتنسيش ان فى لانجرى ستان معاه ارواب تنفع لكل حاجه وربنا يتمملك بخير ان شاء الله

محدش يعرف عنوان اتيليه سمية الخشاب

كسندرا انتي منين
لو من اسكندريه هحاول اجيبهولك لأنه تقريبا فى المنشيه بس فين بالضبظ ممكن اسألك

pascotta;7586306:
ازيكوا كلكوا ايه الاخبار؟؟؟انا كنت نزلت انا كمان شغل الكوافير بتاع ايمي في الاجزاء ال فاتت ومعايا العنوان 11 علي بن ابي طالب امام مسرح الزعيم الهرم كل العاملين سيدات العمل من 11 ص حتى 10 م ده كل ال اعرفه انا بصراحه مكلمتهمش البنوته ال بتسال على البرا تحت اللانجيري طبعا لا مش يتلبس وده كلام ال اتجوزا كلهم اه كمان كان فيه بنوته بتسال تفرش المطبخ انا كمان شايفه انه يتفرش بمشايه صغننه على الاد كده ومش سجاده كبيره لو افتكرت حاجه تاني هقلكم لان الاقتباسا راحت كلهاانا بقا نزلت النهارده سيتس ستار وكان فيه بنوته قالت على محل h&m انا رجت وجبت باديهات حلوه اوي ب 9 جنيه وجبت هوت شورت قماش شكله لذيذ اوي ب 24 جنيه بجد يا بنات عنده حاجات اسعارها حلوه اوي 14 و 24و 9 كده ابقوا روحوا وشوفوا ونزلت كمان سبينس عامل عروض حلوه اللحاف الفردي ب 69 جنيه والمزدوج ب 89 جنيه وطقم اطباق زجاج 6ق ب 18.5 جنيه و3 علب حمام كريم بوناويل ب10 جنيه

بصى بقى يا PASCOTTA علشان ما تجننش انتى متاكدة ان المحل دة اسمة H&Mعلشان انا لسة كنت هناك وملقتش الاسعار دى خاااالص:confused::confused:ولو سمحتى اتاكدى من الاسم وردى عليا ولو هو المحل ممكن تقوليلى فين بالظبط فى المحل علشان المحل دة دورين :confused::confused::confused:وانا طلعت فوق ومفيش غير اسعار غريبة بعد اذنك اوصفى لى الحجات دى فين بالظبط علشان نفس اجيب اوى هوت شورت وتى شيرتات من دى

rozarita;7587766:
بصى بقى يا PASCOTTA علشان ما تجننش انتى متاكدة ان المحل دة اسمة H&Mعلشان انا لسة كنت هناك وملقتش الاسعار دى خاااالص:confused::confused:ولو سمحتى اتاكدى من الاسم وردى عليا ولو هو المحل ممكن تقوليلى فين بالظبط فى المحل علشان المحل دة دورين :confused::confused::confused:وانا طلعت فوق ومفيش غير اسعار غريبة بعد اذنك اوصفى لى الحجات دى فين بالظبط علشان نفس اجيب اوى هوت شورت وتى شيرتات من دى

بصى يا جميله انا ثريت وصفها لمحل H & M

قالت فى سيتى ستارو بوابه هوليداى ان ال
قدام مسجد القوات المسلحه
واول ما تدخلى هتلافى فى وشك محل اسمه باتشى

وتطلعى السلم وتمشى على طول وتخشى شمال



دا بقا الى انتى روحتيه اصل مسلمه موحده برده راحت وجابت من الحاجات دى والاسعار دى

ما شاء الله

انا من القاهرة يا مسك بس بروح اليكس عادي هاتي العنوان برده لو تعرفي وظبطي النيش شوية كاسات ملونة وطقم قهوة وكوبايلت شيك كده وحبة تحف صغيرة وطقم شاي وشدي حيلك شوية عشان تخلصي انا حاسة انك وراكي مية حاجة يلا ربنا معاكي

mesk_2005;7587471:
السلام عليكم ورحمة الله وبركاته

ازيكم ياأجمل بنات ومنتدى شفته
بصوا انا محتاجه مساعدتكم فى حجات اللى هي ايه بقى
انا هقولكم على اللى جيبته وعاوزه اعرف رأيكم واجيب ايه تانى ولو فى حد هنا من اليكس يقولي اجيبها منين

بالنسبه للإحتياجات النيش انا عندي طقم كاسات 24 قطعه بس اشكال ومن غير الدورق بتاعه يعني كاسات بس
المفروش بقى اجيب واحد تانى بدورق ولا ايه رأيكم واجيبه لونه ايه اللى عندى ابيض شفاف ومن حروفه فوق ذهبي
وعندي طقمين صينى واحد معدي الـ 100 قطعه والتاني حاجه وسبعين تقريبا
انا قولت بقى اشيل واحد فى النيش واخلي التاني لإستعمالي فى البيت ولا اجيب صينى فرط قولولي رأيكم
طبعا فى حجات ناقصه لسه فى النيش ماجيبتهاش ياريت تقولولي اجيب ايه لأني بجد مش عارفه
وبالنسبه لحاجة المطبخ انا ماجيبتش غير طقم الألمونيوم وطقم ميلامين وطقم بيركس حراري

مستنيه ردكم عليه وآرائكم

بصي ياعثل
هاتي طقم شربات يعني ست كاسات معاهم دورق
وهاتي طقم قهوه
وطقم خشاف وممكن جاتوه كمان لو امكن
وايضا هاتي طقم كبايات شيك سته قصيرين وسته طوال يكون واسع
وطبعا شنطه المعالق
بالنسبه للصيني مش تجيبي تاني للمطبخ خدي الصغير لاستعمالك ولو حبيتي تجيبي طقم اركوبال اوبيركس للنيش كمان حسب مزاجك يعني
واي استشاره كلنا معاكي
حاجت المطبخ هاتي مقاسين تيفال واحده صغيره ووراحده كبيره
وهاتي بردو مثلا تلاته استانلس
وطبعا طقم كنك وبرايرد وكده يعني

هي نقابة المهندسين فين كان في محل اسمه cotton wear بيقولوا جنب النقابه عنوانها اية؟

هي فين rozyyy مدخلتش انهارده وامة الله اخبارها ايه وحشتني اوي اوي ربنا معاها اكيد عبدالله مداواخها

ازيك يا mnne زعلانه ليه بس ربنا يسعدك يا حبي

ايوة واللة يا صوت هو المحل انا عارفه كويس ورحتو كتير بس على العموم ها روح تانى وممكن سوال هو لو روب شتوى ب216 جنية يبقى كويس مع العلم انو تقيل وتحفة

kasndra;7587789:
انا من القاهرة يا مسك بس بروح اليكس عادي هاتي العنوان برده لو تعرفي وظبطي النيش شوية كاسات ملونة وطقم قهوة وكوبايلت شيك كده وحبة تحف صغيرة وطقم شاي وشدي حيلك شوية عشان تخلصي انا حاسة انك وراكي مية حاجة يلا ربنا معاكي

خلاص ان شاء الله هجيبلك العنوان واقولك عليه فى اقرب وقت

وادعيلى انا فعلا ورايه ميت حاجه

mnne;7587802:
بصي ياعثل
هاتي طقم شربات يعني ست كاسات معاهم دورق
وهاتي طقم قهوه
وطقم خشاف وممكن جاتوه كمان لو امكن
وايضا هاتي طقم كبايات شيك سته قصيرين وسته طوال يكون واسع
وطبعا شنطه المعالق
بالنسبه للصيني مش تجيبي تاني للمطبخ خدي الصغير لاستعمالك ولو حبيتي تجيبي طقم اركوبال اوبيركس للنيش كمان حسب مزاجك يعني
واي استشاره كلنا معاكي
حاجت المطبخ هاتي مقاسين تيفال واحده صغيره ووراحده كبيره
وهاتي بردو مثلا تلاته استانلس
وطبعا طقم كنك وبرايرد وكده يعني

شكرا ياموني على ردك ومساعدتك ليه
بس عاوزه اعرف انهى لون بيبقى احلى فى النيش بالنسبه للكاسات يعنى فى ازرق وفى احمر والذهبي والعسلي
وفعلا انا مش عاوزه اجيب تانى صينى فى المطبخ كفايه هوديهم فين

rozarita;7587899:
ايوة واللة يا صوت هو المحل انا عارفه كويس ورحتو كتير بس على العموم ها روح تانى وممكن سوال هو لو روب شتوى ب216 جنية يبقى كويس مع العلم انو تقيل وتحفة

ايوة يا جميله

شفت واحد ب 171 ونص وما شاء الله قطيفه وجميل ورقيق فاظن الاسعار كويسه مش غاليه

رغم ان فى فرق 40 جنيه تقريبا اوصفيه كدا وشوفتيه فين يا جميله


بنات الحمد لله اشتريت طقم بيكينى بهوت شورت كدا مش عارفه الطقم اسمه ايه هوريكم صورته ان شاء الله


شوفوا دا

http://www.3roos.com/forums/t395195.html

crazy_nona;7585329:
هوه ايه البوش اب داهومحدش افادنىبالنسبه للجزامه واسعارها

البوش اب ده للي صدرهم صغير بيرفع الصدر شوية وبيظبط الشكل

بصى يا قمر هو مش قطيفة هو عامل زى الشموا بس بوبرة وناعم اوى وفى منة روز وبنى وتركواز بس بجد جديد اوى وكان فى محل لانجيرى فى الدور الرابع فى سيتى ستارز فى الاكستنشن الجديد على اليمين

rozarita;7588028:
بصى يا قمر هو مش قطيفة هو عامل زى الشموا بس بوبرة وناعم اوى وفى منة روز وبنى وتركواز بس بجد جديد اوى وكان فى محل لانجيرى فى الدور الرابع فى سيتى ستارز فى الاكستنشن الجديد على اليمين

يبقا حلو يا جميله توكلى على الله

وممكن تلفى شويه ولو مش لقيتى احلا هاتيه ومبروك عليكى ان شاء الله وربنا يتمملك بخير ان شاء الله




بنات حد يعرف اسعار قصر عرابى بتاع الأثاث الى فى شارع ترعه الجبل ان شاء الله

مبروك علينا يابنات الجزء الجديد وربنا يتمملنا كلنا بخير انشاء الله
بصوا بقه عايزه اسألكوا هو المفروض اجيب قد ايه من قمصان النوم اللى هيا اللانجيرى دى
بصوا اصل بصراحه ماما احبتطنى وعماله تقولى مالهومش لازمه ومبيبقوش عمليين انتوا ايه رأيكم طبعا انا اكيد هانفض لكلامها بس اجيب قد ايه منهم
بس ياريت انتوا متنفضوليش ومتحبطونيش انتوا كمان:o

berro85;7588173:
مبروك علينا يابنات الجزء الجديد وربنا يتمملنا كلنا بخير انشاء الله
بصوا بقه عايزه اسألكوا هو المفروض اجيب قد ايه من قمصان النوم اللى هيا اللانجيرى دى
بصوا اصل بصراحه ماما احبتطنى وعماله تقولى مالهومش لازمه ومبيبقوش عمليين انتوا ايه رأيكم طبعا انا اكيد هانفض لكلامها بس اجيب قد ايه منهم
بس ياريت انتوا متنفضوليش ومتحبطونيش انتوا كمان:o

بصى يا جميله اولا معجبنيش كلمتك هنفض لكلامها لاحظى انك بتتكلمى عن والدتك اوكى

ربنا يخليهالك يارب

ثانيا كلامها صح جدا

كل البنات الى اتجوزت قالت انهم جايبين كتير ومالبسوش غير 4 او 5 منهم والله اعلم

فانتى مثلا هاتى 15 او 20 بالكتير

والافضل تجيبى القصمان الدلع القطن دول الى تكترى وربنا يتمملك بخير ان شاء الله

بنات صباح الخير ايه اخباركم بجد انا شدنى كلامكم عن سيتى ستار بجد عايزة اروحة اجيب من هناك لانجيرى ممكن تقولولى اسم المحلات اللى هناك بس تكون كويسة بالله علكوا لانى هكون بروحة اول مرة