تجهيزات عرايس مصر الجزء 105 ( يارب تمملنا بخير يارب )

قمر من لبنان;7616283:

بصي انتى بتفصلي ايه بالضبط ؟؟

انا اللى فهمته من ملفك الشخصى مكتوب تحت اسمك 6 اكتوبر
يعني استحملى المشوار بقى طالما عايزة حد كويس ولعلمك انا مش من القاهرة بس بنزل كل فترة لنا شقة هناك .
في الجزء الاول بالضبط من التجهيزات وده كان سنة 2004
كان في عضوة اسمها مصراويـــة بنت جدعه جدا جدا جدا

كانت بتقول على خياطة ممتازة جدا في الزمالك اسمها مدام جليلة ,,
وهى في عمارة ( المحامى المشهور ) فريد الديب ..
بتقوللك بتفصل التايير ايامها يعني بــ 80 جنيه لو مش متبطن ..
ولو ببطانه بـ 90 جنيه تقريبا وبتقوللك مكنش حد يصدق ان بدلها متفصله ابدا وبتقوللك اشيك كمان من بدل مى عز الدين في مسلسل ياورد مين يشتريك ..
بصى انا عاملة كوبي لبعض معلومات الاجزاء السابقة في ملف وورد هحاول اجيبه الوقتى .. وللعلم بتفصل قمصان نوم وكل حاجة ..

اهو لقيتلك مشاركتها اللى كنت عاملاه كوبي
..

هي بتخيط بدل وفساتين سهرة
اسمها جليلة في شارع 26 يوليو بالزمالك

وتليفونها 7270998

او في الاخر 889

لو طلعت الخياطة دى لسة عايشة ابقى اكتبي هنا او ابعتيلي خاص اللى يريحك يا سكر ..

وربنا يتمملكو بخير يا بنات يارب ..

والله يا قمر انتى رفعتى من روحى المعنويه دة انا كل اللى بعملو جيبه افازيه مفيهاش اى حاجة طلعهالى كدة جيبه عمله زىديل السمكه بكرانيش بس بس مش عايزة افتكر

عموما شكرا ليكى يا قمر وان شاء الله هاكلمها ويارب تعيش لغايه
ماتطلعلى جيبه

حد يقولى المعالق الالمانى حلوة ؟؟؟؟

نانى فيبس
حمدالله على سلامتك يا جميل (f):)

Batta_Fares;7611910:
جماعه هى غاده فين؟؟؟ يا رب تكون بخير

بقولكم ايه بقى.... دلوقتى انا الفستان بتاعى سيمبل عشان الخطوبه فى البيت.... اروح لكوافير و لا ملوش لازمه مع العلم اننا ان شاء الله حنسهر فى فندق فلسطين بعد الخطوبه؟؟؟ ايه رأيكم يا صاحبات الذوق الرفيع

بصى انا كنت عاملة خطوبتى برضه فى البيت والفستان ماكنش منفوش. وجبت الكوافيرة تعملى ميكب وطرحة فى البيت. رحتلها الصبح عملتلى وشى وعملت باديكير ومانيكير وماسكات وبعد كده جاتلى هى البيت عملت الميكب والطرحة.

talaa;7613849:
ازيكم يابنات اخباركم ايه ,, انا ليا بنت عمتي عروسه وانشاءلله فرحها على الشهر الجاي وهي محتااره جدا في فستان زفافها اللي هتأجرو يعني مش عارفه ترسى على واحد كدا ,, فهي صورت الكم فستان اللي عجبهم في الاتليه وهي مصوراهم من فتره بس لسه برضو ماقررتش فقلت اوريكم وقولو رايكم لانه اخواتها ومامتها كل حد فيهم بيقول فستان غير التاني ,, وهي هتعمل فرحا انشاءلله في نادي الشرطه فشوفو ايه الفستان اللي ممكن يناسبها في النادي ,, وكنت عوزه اسأل ايه احسن محل حاليا بيعمل كيكات فرح او مناسبات حلوه ,,

الصور صغيرة قووووى انا مش شايفة أى حاجة :D

مرمر23;7599568:
يعنى شغل الفرنشات بيكون زى كده بس هو بيكون غالى شوية عن البراقع التقليديه عشان ,متر الفرنشة غالىبصوا كده شكله وفى كمان الشكل ده بس هو فى احدث مهمينى الفرنشات دى بتكون كريستال

الفرنشة العريضة دى اسمها عِقادة.. والمتر منها بيبدأ تقريبا من 80 جنيه. موجودة فى الوكالة كتير أشكال منها حلوة قوى. واللى بيخليها غالية انها شغل يدوى.

باقة مشاعر;7599852:
شكرا ياصوت ياجميله


خلاص قررت ان الغساله تكون فى المطبخ والبراد بارة ان شاء الله

تسلمولى ياقمرات

هو ايه براد المياه ده؟؟؟؟؟

مسلمة موحدة;7600064:


في فرع كمان في سيتي ستارز جوا Premium Store
وعنده حاجات جميلة ،وفي فرع تاني في هيلتون رمسيس في الدور الأرضي تقريبا

الفرع دع هو كلوب ألدو الأصلى الأمريكانى.. الشوز فيه بـ300 و400 جنيه ..

صور الشباشب اللى شهيدة حطتها وبتتكلموا عنها مش ظاهرة عندى خالص :(

بيبو براد المياه ده زي اللي بيكون محطوط عند مدخل المساجد عرفتيه

انا عجبنى ده



وده

ميرسى يا دندونة
بس هو فى حد يحط حاجة زى دى فى البيت :ss: شكلها مش ظريف بصراحة. امال التلاجة والكولمان لزمتهم إيه.

andalusian;7601264:
آه و الله يا بيبو..المايكروويف وحش جداً ياجماعة....أصل انا علوم فيزيا فده تخصصى...و السبب للى عايز يعرف إن التسخين العادى بيدى شوية حرارة للجزيئات المكونة للأكل فقط...و الجزئ بيفضل محتفظ بتركيبه...لكن فى المايكرووييف...التسخين بيحصل بالRADIATION أو الإشعاع..إزاى؟ يعنى التسخين بيحصلى عن طريق جزيئات لها طاقة عالية تخبط جزيئات الأكل اللى بيتسخن و ترجع تانى..وتفضل تتصادم مع جزيئات الأكل لحد ما يسخن و هكذا...و عملية التسخين دى طبعاً بتكون أسرع من العادى...بس النتيجة ان جزيئات الأكل تركيبها بيتغير..و ده بيجيب أمراض وحشة جداً ربنا يحفظنا..

طب والفرن الكهربا فيه مشاكل كده برضه؟
وبينفع للتسخين برضه ولاايه؟

rozyyy;7601579:
تقدرو تعرفو يابناتين الشقة لو 130 متر كده النقاش ياخد فيها وقت اد ايه تقريبا؟

مالهاش قاعدة
احنا كان عندنا شقة نفس المساحة وكنا واخدينها على المحارة وخلصنا تشطيبهاكله وسكنا فيها بعد شهر واحد بس. حسب الصنايعية يعنى.
بس اعتقد انه مش اقل من اسبوع او 10 أيام ابدا.

roro8484;7602242:
بنات الموبيليا بتاعتى هتيجى الاسبوع ده وشقتى فى بيت اهل خطيبى وعايزوه تتنظف ينع اخد واحده تنظفها معايا ولا ميصحش اصلى محرجه ققولهم هم ينظفوها طبعا مكينفعش ينفع اروح ولالا

يابنتى انتى اللى لازم تنظفى شقتك بنفسك. ماحك جلدك مثل ظفرك. وهم مش ملزومين بكده اصلا. البيت بيت الست. صدقينى انا اول ما بدأت أروح أنظف الشقة أهل خطيبى بقوا بيتكسفوا ويتعاملوا على انهم ضيوف :ss:أ

فراشة الإيمان;7606221:
ازيكوا يابنات وحشتونى مووووووووووووووووت

كنت عايزة أسألكم على حاجه

انا امبارح روحت أجرت فستان الفرح وقبل ما اروح جبت بوش اب علشان يظبط المسائل

لقيت المسائل دخلت جواه واختفت هههههههههههههههههههههه


يعنى غطست مش اترفعت وبقى شكل الدنيا عندى وحش قوى بقت ببوز كده وشكلها واضح ان ده براه

اعمل ايه بقى

يبقى انتى جايبة مقاس مش مظبوط
حبيبتى انتى مفروض تقيسى فى المحل الأول وتجربى كذاا حاجة لحد ماتجيبى أكتر واحدة تظبط المسائل معاكى.

علي خطي الحبيب;7607502:


خلييييييكي في تاكي احسن
بس خلي بالك في الصيف بيبقوا نار مش هتناموا علي السرير في الصيف

مين قال الكلام ده؟
لا بيحرروا ولا حاجة.. انتى كده كده كمان بتحطى ملايات مش هتنامى على السفنج :D
عندنا يا قمر بقالهم اكتر من 10 سنين ما شاء الله ولا بيحروا ولا حاجة.


اللبانة طبعا يا تيفال يا ألومنيوم.

pippo;7616965:



يابنتى انتى اللى لازم تنظفى شقتك بنفسك. ماحك جلدك مثل ظفرك. وهم مش ملزومين بكده اصلا. البيت بيت الست. صدقينى انا اول ما بدأت أروح أنظف الشقة أهل خطيبى بقوا بيتكسفوا ويتعاملوا على انهم ضيوف :ss:

انا روحت امبارح نظفتها واخدت واحده معايا والله محستش بتعب ولا اى حاجه كنت فرحانه وبعملها باهتمام بس كنت حاسه انى اول مره انظف واشتغل فى حياتى وكنت حاسه انى ملبوخه بس الحمد لله بقت زى الفل وبتبرق وحماتى طلعت طلت عليه وجبتلى ادوات النظافه واما خلصت نزلت اتغديت معاها وخطيبى طلع سعدنى شويه طبعا بهدل الدنيا ههههه بس قولتله كتر خير اكتر مساعده انك تعملها ليه انك تنزل فورا وببجد كان يوم جميل ادعولى احتمال الموبيليا بتاعتى اجبها انهارده

ayaaaaa;7612255:
بصوا يا بنات
انا مامت خطيبي جايه الاسبوع الجاي ودي اول مره هتشوفني من غير حجاب وكده
المفروض اني اقعد بايه ؟؟؟؟
فالمفروض اقعد مثلا بحاجه محترمه ولا البس عادي براحتي يعني مفتوح او قصير وكده
مع العلم ان ده لبسي في البيت اصلا ؟؟؟؟؟؟؟؟
هتبقي بايخه كده من اولها لو قعدت بحاجه مفتوحه وكده
قولولي اعمل ايه
مرتبكه اوووووووووووي

بصى يا قمرة انتى ممكن تلبسى حاجة شيك ومش شرط تكون مفتوحة قوى ولا مقفلة اختارى حاجة وسط ممكن لو مفيش رجالة معاها تلبسى بودى وبنطلون او جيب وتكون حاجة رقيق وبسيطة وان شاء الله تكونى قمرة وخلى بالك والله كل ماكانت البنت رقيقة فى كل حاجة وطبيعية كل مابتكون قمر وجذابة

ياريت يابنات اللى تعرف مكان عبايات شيك خروج تقول ومش لازم اسعار لو مش عارفين

رددوا يا قمرات سبحان الله وبحمده سبحان الله العظيم

بيبو على فكرة في اشكال بتبقى حلوة من براد المياه و مخصص للبيوت و بيكون شيك و عملي جدا و حلو

بيبو ازاى اقدر اخلي محدش يدخل في حاجة بيني و بين جوزي و في نفس الوقت بردو في اختيار حاجتى ان شاء الله عشان انا خايفة من النقطة دي اوي

عارفاهم يا دندونة بس بجد ماينفعش حاجة زى كده تتحط فى البيت. البراد ده للشغل مثلا لكن البيت نووووووووووووو شكلها مش هيبقى ظريف :S

انا عن نفسى كنت بعمل اللى انا عايزاه وكنت باخد رأيه دايما .. وذوقيا كنت بسأل مامته وأخته عن رأيهم عشان دايما كانوا بينزلوا معانا.. وفى الآخر بشوف انا حابة ايه اكتر واعمله.

انا مش عارفه انتم قصدكم على براد ايه؟؟؟ بس لو قصدكم على براد المياه... فأحنا جايبيين بتاع كده بيتركب فيه حاجه كبيرة كده بيبقى فيها مياه معدنيه و بينزل ميه سخنه و ميه ساقعه كمان ... و شكله حلو و فيه منه الوان و حاطينه فى الصاله الصغيرة الى قدام المطبخ.... و البتاع الكبيرة دى بتكون حوالى 21 لتر و لما بتخلص بتتبدل و هكذا.... دى الى قصدكم عليها؟؟؟

meroo012;7616083:
انا داخله النهاردة عشان الطم واصوت معاكووووو عشان يبقى ع

الحلو والمر

جبت قماش وروحت لترزى والراجل ربنا يسامحوو بوظلى القماش عملى جيب جديدة خالص غير صالحه للاستخدام الادمى
ف ياريت حد يلحقنى بترزى او خياطه كويسه نوعا ما الحق بقيه القماش ؟؟؟؟

بصى ياقمر لاتلطمى ولاتصوتى ياحبيبتى اعوذ بالله بصى ياقمراية فى اتيليه اسمه سلمى بيعمل حاجات كويسة هو سعره غالى شوية بس شغله كويس وهو فى شارع متفرع من مصر والسودان من حدايق القبة وانا ساكنة فى الشقة اللى قصاده فلو حابة ابعت لك عنوانه وتليفونه على الخاص ياقمرة

دينا حمدى;7617473:


بصى ياقمر لاتلطمى ولاتصوتى ياحبيبتى اعوذ بالله بصى ياقمراية فى اتيليه اسمه سلمى بيعمل حاجات كويسة هو سعره غالى شوية بس شغله كويس وهو فى شارع متفرع من مصر والسودان من حدايق القبة وانا ساكنة فى الشقة اللى قصاده فلو حابة ابعت لك عنوانه وتليفونه على الخاص ياقمرة

ميرسى يا دينا ربنا يكرمك بس المشكله ان حدايق القبه بعيدة موووووت عليا انا اقرب حاجة ليا المهندسين لو حد يعرف ياريت يفدنى ؟؟؟؟

ayaaaaa;7612255:
بصوا يا بنات
انا مامت خطيبي جايه الاسبوع الجاي ودي اول مره هتشوفني من غير حجاب وكده
المفروض اني اقعد بايه ؟؟؟؟
فالمفروض اقعد مثلا بحاجه محترمه ولا البس عادي براحتي يعني مفتوح او قصير وكده
مع العلم ان ده لبسي في البيت اصلا ؟؟؟؟؟؟؟؟
هتبقي بايخه كده من اولها لو قعدت بحاجه مفتوحه وكده
قولولي اعمل ايه
مرتبكه اوووووووووووي

تلبسى حاجة امورة كدة ومش مفتوحة بدى نص على بنطلون جينز بس
وميكب رقيق اوى وبس وباذن الله خير ربنا معاكى
بس متكتريش علشان متعلقش

ghadghoda;7614118:

بطوطة يا قمر يا احلى عروسة فى الدنيا ان شاء الله تبقى احلى ليلة يارب بصى انا برضة رائى انك تعملى المكياج فى البيت انا لو رجع بيا الزمن مش هعمل خطوبة اصلا ولا فى مكان ولا غيرة وهعمل كل حاجة لنفسى
اخفوا الخطبة واعلنوا النكاااااااااااااااااااااااااااااااااااااااااااااااااااااااااااااااااح
ميرسى يا قمر على سؤالك بجد فرحتينى مووووووووووووووووووووووووووت انا كويسة الحمد لله

افضل ماركة خلاط وكبة والواحد يجيب حاجات فردية ولا كيتشن ؟؟؟؟؟؟؟؟؟؟؟؟

غدغودة حبيبى انا بوافقك على رايك نخفى الخطوبة
ونعلن النكاح
واحسن تجيبى كل جهاز لوحدة عشان التحميل كلة ميبقاش على ماتور واحد

الف وعد;7614318:
وانا كنت عاوزه سئل يابنات عن شقه لان خطيبى لف على شقق كتيير كلها ياما غاليه اوى ياما صغيره هو عندو شقه فى شبرا مصر بس صغيره وفى نفش الوقت مش ينفع يبعاها عشان مثلا يكمل على حقها قياريد اى حد يعرف متلا شقق تكون رخيصه او باقساط او قانون قديم محدش يبخل عليا بالرد

صحبتى لسه جايبة فى المعادى فى حتة اسمها فايدةكامل
ايجار قديم
وفى حتة فى جسر السويس ايجار قديم بتدفعى حوالى 30000 مقدم

noogy;7614403:
بنات قولولى انا لو سافرت بورسعيد الاقى لبس خروج غير اللى بيتباع هنا فى القاهرة ده ؟
ولو فى اروح فين هناك ؟؟؟؟؟
بليييز ردوا عليا
الف وعد [COLOR=sienna]لو لقيتوا شقة بالقسط قوليلي ممكن ؟![/COLOR]

لااااااااااا لا اللبس هنا احسن
بورسعيد مش زى الاول
وهناك اغلى كمان
ومش اوى

maro;7614418:

شكرا يا بوكى على ردك عليا بس معنى كده انها بره مصر ارخص لانها ب270

اة برة ارخص وياريت لو حد شفها بااقل من كدة يقولنا لانى ان شاء الله
هشترى واحدة
وتااااااااااااااااالا الفستان التانى والاخير حلوين اوى

meroo012;7616479:
والله يا قمر انتى رفعتى من روحى المعنويه دة انا كل اللى بعملو جيبه افازيه مفيهاش اى حاجة طلعهالى كدة جيبه عمله زىديل السمكه بكرانيش بس بس مش عايزة افتكر

عموما شكرا ليكى يا قمر وان شاء الله هاكلمها ويارب تعيش لغايه
ماتطلعلى جيبه

حد يقولى المعالق الالمانى حلوة ؟؟؟؟

طبعا انضف نوع فى المعالق الالمانى توكلى على الله وهاتيها

meroo012;7616083:
انا داخله النهاردة عشان الطم واصوت معاكووووو عشان يبقى ع

الحلو والمر

جبت قماش وروحت لترزى والراجل ربنا يسامحوو بوظلى القماش عملى جيب جديدة خالص غير صالحه للاستخدام الادمى
ف ياريت حد يلحقنى بترزى او خياطه كويسه نوعا ما الحق بقيه القماش ؟؟؟؟

ههههههههههههههههههههه والله انتى سكر انا عارفة خياطة بس فى مصر الجديدة يناسبك
اله الا انت سبحانك اني كنت من الظالمين ... سبحان الله وبحمده سبحان الله العظيم

ممكن يابوكى تقوليلىا الشقة الايجار القديم فى المعادى ايجارها كام

ومساحتها اد ايه وفين بالضبط فى المعادى والمقدك كااااااااام

زهراء مكة;7617684:
ممكن يابوكى تقوليلىا الشقة الايجار القديم فى المعادى ايجارها كام

ومساحتها اد ايه وفين بالضبط فى المعادى والمقدك كااااااااام

والله يابنتى مااعرف صحبتى بتحكيلى مقدم 3000 جنية
بتدفى منهم 500 فى الشهر منهم 250 رايحين
معرف يعنى ايه والشقة ميت متر فى برج واتنين اسانسير فى منطقة اسمها فايدة كامل

:9_33:
بنات أسكندريه متعرفوش مين اللى بيبيع أطقم البطاطين بالمفارش بتاعتهم والملايات والحركات
كمان محدش بعتلى صور لديكرات السقف :(

kasndra;7587887:
هي نقابة المهندسين فين كان في محل اسمه cotton wear بيقولوا جنب النقابه عنوانها اية؟

هي فين rozyyy مدخلتش انهارده وامة الله اخبارها ايه وحشتني اوي اوي ربنا معاها اكيد عبدالله مداواخها

ازيك يا mnne زعلانه ليه بس ربنا يسعدك يا حبي

دي نقابه المهندسين الي ف طنطا ياكاسندرا :)
لو عايزة حاجه منه قولي :D

ازيكم يابنات كلكم وحشتوووووني اوي
حد جاب عروض اللحاف من كارفور الي نازلة الجمعه الي فاتت؟

OLSOLA;7611975:
ماشاء الله ممكن تفاصيل ياشيماء
عند مين النجار عنوانه تليفوناته

ممكن على الخاص
ومبارك عليكى مقدما

و انا كمان بليز

الف وعد;7613112:
حبيتى ممكن اعرف انتى جبتى فستان الخطوبه منين عشان انا خطوبتى فى 20/11 ولسه مجبتش الفستان وانا طبعا من راى انك تروحى لكوافير

روحى مالبى اللى فى روكسى عنده حاجات رقيقة و مش غالية

dandona we bas;7616423:
سما الحب بصي يا قمراية دي اشكال قوالب الكيك السيليكون








ومن مميزاتها :

انها ضد الحراره

وممكن وضعها بالميكروويف

ويمكن وضعها في غسالة الأطباق
و الكيك مش بيلزق فيها
و يطلع منها الكيك بسهولة

وتدخل بالفريزر او بالثلاجه

أجيبها منين من فضلك؟

المشاركة الأصلية بواسطة فراشة الإيمان
ازيكوا يابنات وحشتونى مووووووووووووووووت

كنت عايزة أسألكم على حاجه

انا امبارح روحت أجرت فستان الفرح وقبل ما اروح جبت بوش اب علشان يظبط المسائل

لقيت المسائل دخلت جواه واختفت هههههههههههههههههههههه


يعنى غطست مش اترفعت وبقى شكل الدنيا عندى وحش قوى بقت ببوز كده وشكلها واضح ان ده براه

اعمل ايه بقى

انتى كده جايبة مقاس اكبر من مقاسك بنمرتين هاتى اصغر و المسائل هترجع :DDon't worry

roro8484;7617022:
انا روحت امبارح نظفتها واخدت واحده معايا والله محستش بتعب ولا اى حاجه كنت فرحانه وبعملها باهتمام بس كنت حاسه انى اول مره انظف واشتغل فى حياتى وكنت حاسه انى ملبوخه بس الحمد لله بقت زى الفل وبتبرق وحماتى طلعت طلت عليه وجبتلى ادوات النظافه واما خلصت نزلت اتغديت معاها وخطيبى طلع سعدنى شويه طبعا بهدل الدنيا ههههه بس قولتله كتر خير اكتر مساعده انك تعملها ليه انك تنزل فورا وببجد كان يوم جميل ادعولى احتمال الموبيليا بتاعتى اجبها انهارده

ربنا يا جميل يتمم لك على خير و تتجوزى و تنظفى كل يوم :tongue:

tikatika;7617810:
:9_33:
بنات أسكندريه متعرفوش مين اللى بيبيع أطقم البطاطين بالمفارش بتاعتهم والملايات والحركات
كمان محدش بعتلى صور لديكرات السقف :(

لو فى فرع للبدراوى هاتى منه عندهم حاجات تحفة

امبارح يا بنات رحت مصطفى النحاس زى ما قلت لكم علشان اشوف محلات الموبيليا

- رحنا محل Too Modern و لقينا عنده شوية انتريهات تحفةةةةةةةةةة بس ممنوع التصوير و سعرها هايل 6000 و 7500 و 8000 و 8500 و مفيش ازيد من كده بس من غير ترابيزات الترابيزات بقى بتاعة الانتريه غالية تبدأ من 2000 لغاية 3000
- رحنا محل جنبه اسمه كاريزما Carezma عنده انتريهات تانية بس الاولانى احلى و ارخص بس ده بقى عنده شوية سفرات مودرن امورة اوى اسعارها 16500 بوفيه و سفرة 6 كراسى و بوفيه و دولاب فضية و عنده اود نوم بس فى البروشور بتاعهموقال انه ممكن ينفذلى واحدة جديدة علشان دى اتباعت
- رحنا فرع Too Modern التانى فى السنهورى بردو عنده انتريهات حلوة اوى و تابلوهات مودرن جميلة اسعارها حوالى 950 جنيه و اودة نوم حلوة بردو مودرن بس الراحة مش فاكرة اسعار اود النوم بس حوالى 18000-20000
هروح ديار ان شاء الله بكرة و اجيبلكم اخبار بس المهم ان فى محلات تانية كتير فى مصطفى النحاس بس مش كان عندنا وقت نلف بقى
اللى عايز تليفونات أو عناوين يبعت لى على الخاص