تجهيزات عرايس مصر الجزء 105 ( يارب تمملنا بخير يارب )

[quote=علي خطي الحبيب;7610438]نوافيكم باخر الاخبار
حبيت اوريكم اخر حاجات اشتريتها

الطقم ده
مبروك عليكي تتهني بيهم حاجتك حلوهممكن يا قمر اعرف الطقم ال في الصوره التانيه بكام ومنين
البنوته ال بتسال عت سهير مسعود اكتبي اسمها في جوجل وهيطلعلك الموقع بتاعها هتلاقي عليه البيانات
البنوته ال بتسال عن التفصيل للعفش طبعا بيكون ارخص انا كل ما اسال الاقي التفصيل ارخص وال انتي عايزاه وكفايه تشوفي الحاجه وتبقى مطمنه هي ايه بالضبط

علي خطي الحبيب;7611732:
ده طقم الاركوبال بتاعي

على خطى الحبيب مبروك على حاجتك يا رب تتهنى بيهم وانا عندى طقم اكروبال شبهة بتاعك

Batta_Fares;7611910:
جماعه هى غاده فين؟؟؟ يا رب تكون بخير

بقولكم ايه بقى.... دلوقتى انا الفستان بتاعى سيمبل عشان الخطوبه فى البيت.... اروح لكوافير و لا ملوش لازمه مع العلم اننا ان شاء الله حنسهر فى فندق فلسطين بعد الخطوبه؟؟؟ ايه رأيكم يا صاحبات الذوق الرفيع

بطوطة انتى لو محجبة يبقى الاحسن لو بتعرفى تمكيجى نفسك انتى الى تتمكيجى لكن لو بشعرك يبقى روحى للكوافير تظبطلك شعرك و كدة و يا رب تكون احلى ليلة لاحلى عروسة

ayaaaaa;7612255:
بصوا يا بنات
انا مامت خطيبي جايه الاسبوع الجاي ودي اول مره هتشوفني من غير حجاب وكده
المفروض اني اقعد بايه ؟؟؟؟
فالمفروض اقعد مثلا بحاجه محترمه ولا البس عادي براحتي يعني مفتوح او قصير وكده
مع العلم ان ده لبسي في البيت اصلا ؟؟؟؟؟؟؟؟
هتبقي بايخه كده من اولها لو قعدت بحاجه مفتوحه وكده
قولولي اعمل ايه
مرتبكه اوووووووووووي

ما تتلخبطيش ولا حاجة انتى البسى لبس خروج و سيبى شعرك كدة و ظبطى نفسك و حطى ميك اب رقيق و ان شاء الله تبقى زى القمر

يابنات فى حد يعرف اتيليه سهير مسعود هى بتاجر ولا بتبيع فساتين سواريه وهل هى اسعارها غاليه ولا ايه نظامهاياريد اللى يعرف يقولى

يتصفح الموضوع حالياً: 25 (20 عضو و 5 ضيف) ‏OLSOLA, ‏barghota, ‏danasam, ‏dandona we bas, ‏dollyferfer, ‏flower20009, ‏hoba555, ‏maro, ‏roia, ‏semsema2007, ‏shereenstar1, ‏talaa, ‏the happy mother, ‏ya_leil, ‏الف وعد, ‏بوسي كوكو, ‏دارين د, ‏على طريق العرس, ‏مرمر23


صباح الفل على كل العرايس

ممكن سؤال هوا فيه حاجة اسمها اشترى نص طقم صينى ولا اركوبال ؟؟؟ سمعت كده وماصدقتش
وليه بيتجاب كده مش كامل يعنى

حبيبة بصي قمر لو انتى هتلبسي الحجاب يبقى لو بتعرفي تعملي الطرحة السبانيش اعمليها انتى و لو على المكاياج روحي للكوافير يمكيجك انما لو بشعرك لازم طبعا تروحي مينفعش دي خطوبتك

هبة017 ماشاء الله حاجتك شكلها حلو من الوصف و اسعارها حلوة كمان

سلسلولة انا كمان شفت العرض اللي عند بدي شوب بس فكرت نفس تفكيريك قبل الفرح بشوية ابقى انزل اجيب يا قمراية

أية يا قمرايا البسي لبس شيك لبس خروج و ظبطي شعرك و ميكب رقيق اوي بلاش تتقلي لبسرقيق بردو و تكون حاجة حلوة و الوانها بناتي يا سكرة و ربنا يتمملك على خير

ناني فيبس الف الف الف مبروك الجواز كلمينا يا قمر الجواز اخباره ايه معاكي

على خطى الحبيب حاجتك جميلة و دلوعة خالص و في نفس الوقت عملية ماشاء الله ربنا يكرمك و يهنيكي بيها

ياريت يا بنات حد يقولنا ايه اسعار سهير مسعود و شغلها ازاي

OLSOLA;7613631:
يتصفح الموضوع حالياً: 25 (20 عضو و 5 ضيف) ‏OLSOLA, ‏barghota, ‏danasam, ‏dandona we bas, ‏dollyferfer, ‏flower20009, ‏hoba555, ‏maro, ‏roia, ‏semsema2007, ‏shereenstar1, ‏talaa, ‏the happy mother, ‏ya_leil, ‏الف وعد, ‏بوسي كوكو, ‏دارين د, ‏على طريق العرس, ‏مرمر23


صباح الفل على كل العرايس

ممكن سؤال هوا فيه حاجة اسمها اشترى نص طقم صينى ولا اركوبال ؟؟؟ سمعت كده وماصدقتش
وليه بيتجاب كده مش كامل يعنى

انا مش عارفة هو بيتباع نص ولا لأ ..
الفكرة ان الطقم الصينى بيبقى من كل حاجة 12 و لكن الاركوبال بيبقى من كل حاجة 6
فممكن نص طقم صينى يبقى زى الاكروبال بس طبعا خامة احلى و شكل اشيك و انا كنت عاوزة اعمل كدة بس البنات قالوا الصينى مش بيستحمل الاستعمال العادى زى الاركوبال
فا يارييت الناس تقول رأيها برضه هل ممكن تجيبى طقم صينى على 1500 مثلا و تقسيميه انتى و اختك و تخليه للاستعمال العادى ؟
كدة حيبقى السعر زى الاركوبال بليييييييييييز يا متجوزيين قولولنا ينفع ولا لأ
و خصوصا ان حماتى ساكنة قريب من يعنى حتبقى اكيد عندنا علطول:confused: فالصينى حيبقى اشيك و لا ايه رأيكوا :rolleyes: و خصوصا ان حماتى ما شاء الله من الناس اللى هما اوى كدة :88774:مش زينا يعنى :21_21:

ازيكم يابنات اخباركم ايه ,, انا ليا بنت عمتي عروسه وانشاءلله فرحها على الشهر الجاي وهي محتااره جدا في فستان زفافها اللي هتأجرو يعني مش عارفه ترسى على واحد كدا ,, فهي صورت الكم فستان اللي عجبهم في الاتليه وهي مصوراهم من فتره بس لسه برضو ماقررتش فقلت اوريكم وقولو رايكم لانه اخواتها ومامتها كل حد فيهم بيقول فستان غير التاني ,, وهي هتعمل فرحا انشاءلله في نادي الشرطه فشوفو ايه الفستان اللي ممكن يناسبها في النادي ,, وكنت عوزه اسأل ايه احسن محل حاليا بيعمل كيكات فرح او مناسبات حلوه ,,

talaa;7613849:
ازيكم يابنات اخباركم ايه ,, انا ليا بنت عمتي عروسه وانشاءلله فرحها على الشهر الجاي وهي محتااره جدا في فستان زفافها اللي هتأجرو يعني مش عارفه ترسى على واحد كدا ,, فهي صورت الكم فستان اللي عجبهم في الاتليه وهي مصوراهم من فتره بس لسه برضو ماقررتش فقلت اوريكم وقولو رايكم لانه اخواتها ومامتها كل حد فيهم بيقول فستان غير التاني ,, وهي هتعمل فرحا انشاءلله في نادي الشرطه فشوفو ايه الفستان اللي ممكن يناسبها في النادي ,, وكنت عوزه اسأل ايه احسن محل حاليا بيعمل كيكات فرح او مناسبات حلوه ,,

اخر واحد رقيق و حلو و الاول واحد مش واضح اوى
ممكن تقوليلنا الاتيليه ده فيين و اسعاره ايه فى الايجار و ينفع يقفلوا الفستان لما نأجره و لا بادى و خلاص ؟

talaa;7613849:
ازيكم يابنات اخباركم ايه ,, انا ليا بنت عمتي عروسه وانشاءلله فرحها على الشهر الجاي وهي محتااره جدا في فستان زفافها اللي هتأجرو يعني مش عارفه ترسى على واحد كدا ,, فهي صورت الكم فستان اللي عجبهم في الاتليه وهي مصوراهم من فتره بس لسه برضو ماقررتش فقلت اوريكم وقولو رايكم لانه اخواتها ومامتها كل حد فيهم بيقول فستان غير التاني ,, وهي هتعمل فرحا انشاءلله في نادي الشرطه فشوفو ايه الفستان اللي ممكن يناسبها في النادي ,, وكنت عوزه اسأل ايه احسن محل حاليا بيعمل كيكات فرح او مناسبات حلوه ,,

ماشاء الله ربنا يتمم لها بالف خير يارب بصى انا من رايى الاول والاخير
وبالذات الاخير ماشاء الله جميل بس ياريت عايزة اعرف الاتيلية ده فين
بالظبط

not me 5aaals;7613798:

انا مش عارفة هو بيتباع نص ولا لأ ..
الفكرة ان الطقم الصينى بيبقى من كل حاجة 12 و لكن الاركوبال بيبقى من كل حاجة 6
فممكن نص طقم صينى يبقى زى الاكروبال بس طبعا خامة احلى و شكل اشيك و انا كنت عاوزة اعمل كدة بس البنات قالوا الصينى مش بيستحمل الاستعمال العادى زى الاركوبال
فا يارييت الناس تقول رأيها برضه هل ممكن تجيبى طقم صينى على 1500 مثلا و تقسيميه انتى و اختك و تخليه للاستعمال العادى ؟
كدة حيبقى السعر زى الاركوبال بليييييييييييز يا متجوزيين قولولنا ينفع ولا لأ
و خصوصا ان حماتى ساكنة قريب من يعنى حتبقى اكيد عندنا علطول:confused: فالصينى حيبقى اشيك و لا ايه رأيكوا :rolleyes: و خصوصا ان حماتى ما شاء الله من الناس اللى هما اوى كدة :88774:مش زينا يعنى :21_21:

بصى يا جميله

مثال ان شاء الله

فى التوحيد والنور بيبيعوا طقم اوركبال بس بالقطعه فممكن يكون دا قصدك

وبتكون اطقم بس انتى بقا بتخدى منها الى تحتاجيه بس

لان طبعا الطقم بيبقا فيه فنجين قهوه وشاى وفى ناس مش بتحتاجهم والله اعلم

talaa;7613849:
ازيكم يابنات اخباركم ايه ,, انا ليا بنت عمتي عروسه وانشاءلله فرحها على الشهر الجاي وهي محتااره جدا في فستان زفافها اللي هتأجرو يعني مش عارفه ترسى على واحد كدا ,, فهي صورت الكم فستان اللي عجبهم في الاتليه وهي مصوراهم من فتره بس لسه برضو ماقررتش فقلت اوريكم وقولو رايكم لانه اخواتها ومامتها كل حد فيهم بيقول فستان غير التاني ,, وهي هتعمل فرحا انشاءلله في نادي الشرطه فشوفو ايه الفستان اللي ممكن يناسبها في النادي ,, وكنت عوزه اسأل ايه احسن محل حاليا بيعمل كيكات فرح او مناسبات حلوه ,,

قم اتنين ظريف بس رقم واحد الريش ده موضه راحت خلاص

انا بردو بقول الفستان رقم اتنين شياكة اوى ماشاء الله ومبارك ليها وعقبال كل بنات المسلمين يارب

معلش هوا البايركس فيه منه الوان ايه عسلى وااسود وازرق وايه تانى ؟

Batta_Fares;7611910:
جماعه هى غاده فين؟؟؟ يا رب تكون بخير

بقولكم ايه بقى.... دلوقتى انا الفستان بتاعى سيمبل عشان الخطوبه فى البيت.... اروح لكوافير و لا ملوش لازمه مع العلم اننا ان شاء الله حنسهر فى فندق فلسطين بعد الخطوبه؟؟؟ ايه رأيكم يا صاحبات الذوق الرفيع

بطوطة يا قمر يا احلى عروسة فى الدنيا ان شاء الله تبقى احلى ليلة يارب بصى انا برضة رائى انك تعملى المكياج فى البيت انا لو رجع بيا الزمن مش هعمل خطوبة اصلا ولا فى مكان ولا غيرة وهعمل كل حاجة لنفسى
اخفوا الخطبة واعلنوا النكاااااااااااااااااااااااااااااااااااااااااااااااااااااااااااااااااح
ميرسى يا قمر على سؤالك بجد فرحتينى مووووووووووووووووووووووووووت انا كويسة الحمد لله

افضل ماركة خلاط وكبة والواحد يجيب حاجات فردية ولا كيتشن ؟؟؟؟؟؟؟؟؟؟؟؟

ممكن اعرف اماكن لبيع شوزات الفرح حلوة وشيك وتكون بيضاء وفيها فصوص رقيقة كده

واماكن كمان لبيع العبايات السوارية والعادية

OLSOLA;7613631:
يتصفح الموضوع حالياً: 25 (20 عضو و 5 ضيف) ‏OLSOLA, ‏barghota, ‏danasam, ‏dandona we bas, ‏dollyferfer, ‏flower20009, ‏hoba555, ‏maro, ‏roia, ‏semsema2007, ‏shereenstar1, ‏talaa, ‏the happy mother, ‏ya_leil, ‏الف وعد, ‏بوسي كوكو, ‏دارين د, ‏على طريق العرس, ‏مرمر23


صباح الفل على كل العرايس

ممكن سؤال هوا فيه حاجة اسمها اشترى نص طقم صينى ولا اركوبال ؟؟؟ سمعت كده وماصدقتش
وليه بيتجاب كده مش كامل يعنى

انا سمعت فعلا عن اطقم كده انتي بتختاري قطعها بنفسك و بيبقى نص طقم يمكن عشان الطقم الكامل بيبقى غالي اوي فعشان كده بيعملوا كده

ازيك يا ‏ghadghoda عامله ايه انا كنت قرايت انك عملتى شبكتك فى السرايا مول ياترى الفاعه ديه حلوه ولا لا وياترى بكام وانتى روختى كواقير ايه انا سمعت انك روختى حكيم بيوتى ياترى الكوافير ده حلو

ghadghoda;7614118:

اخفوا الخطبة واعلنوا النكاااااااااااااااااااااااااااااااااااااااااااااااااااااااااااااااااح

(y)(y)(y)(y) بس ياريت اللى فى بالى كانوا يفهموا كده:(

افضل ماركة خلاط وكبة والواحد يجيب حاجات فردية ولا كيتشن ؟؟؟؟؟؟؟؟؟؟؟؟

انا هاجيب خلاط وكبة منفصلين لأنى سألت بنات كتير ردوا عليا قالولى واللللللله الكيتشن اجزاء كتير مركونة لسة فى كرتونته وتيجى تشهد

مش كله بيستعمل وشوفى انتى واسألى بردو اضمن ووزانى امورك واقتنعى

والف سلامة عليكى

not me 5aaals;7613902:
اخر واحد رقيق و حلو و الاول واحد مش واضح اوى
ممكن تقوليلنا الاتيليه ده فيين و اسعاره ايه فى الايجار و ينفع يقفلوا الفستان لما نأجره و لا بادى و خلاص ؟

انا في رايي اخر واحد برضو ناعم اوي وداخل مزاجي اوي اوي ,, وبصي يا (( not me)) ويا((مريم)) ,,انا لما اجرت فستان فرحي من عندهم كان عريان بس هما عملولي بدي عليه طلع شيك اوي الحمدلله ,, لاني محجبه فحكاية انهم يقفلة الفستان دي بسيطه يعني انتي شوفي وافهمي منهم كل حاجه لاني مااعرفش تفاصيل اوي غير اني اعرف انهم بيعملو بدي للفستان ,, والاتليه ده اتليه الامبراطوره ده احنا خلاص استولينا عليه من اولنا لاخرنا هههه لانه بيناسبنا من ناحية الزوق وكمان اسعاره تعتبر معقوله والمحل هو من ساعة مافتح كان اسمه الامبراطوره لكن لما رحنا النهارده كانو حاطين لوحه كبيره كدا ,كاتبين عليها احدث فساتين الزفاف والخطوبه والسواريهات ,والفساتين اسعارها تقريبا بتبدا من 600 لحد 2000 ودي اسعار الكم فستان اللي شفتهم مع بنت عمتي مااعرفش بأ اذا في اكتر ولا اقل ,, بس اللي عرفاه انه فساتينهم شيك جدا بأمانه يعني ,, وهما دلوقتي في الجيزه في شارع المحطه ,, قدام سوبرماركت اسمه الجابري بالضبط ,,مايتوهش العنوان لكن لو عوزين تفاصيل انا اقلكم حتى على الخاص اللي تحتاجوه ,,

بنات كنت عايزة حد بيفصل ستاير كويس قرب الحسين و التفاصيل يا ريت


و كنت عايزة لو حد يعرف شقة ايجار تبعد عن الدقي بالمواصلات يعني نص ساعة او اكتر شوية و في مكان متوسط و بسعر متوسط ياريت الي عارف يقولي ضروري

وانا كنت عاوزه سئل يابنات عن شقه لان خطيبى لف على شقق كتيير كلها ياما غاليه اوى ياما صغيره هو عندو شقه فى شبرا مصر بس صغيره وفى نفش الوقت مش ينفع يبعاها عشان مثلا يكمل على حقها قياريد اى حد يعرف متلا شقق تكون رخيصه او باقساط او قانون قديم محدش يبخل عليا بالرد