//خليكي عروس جديدة بعد النفاس// هلمووا ياكرووشات

1) فترة النفاس ..

النفاس وما ادراك مالنفاس كآبة وطفش وشكل رايح فيها وريحة حلبة تعطعط والجسم مرطرط..
ولكن انا قلت لكم بهذا الموضوع ان شاء الله راح ننسا الكابة ونرفع معنويات بعض ونصير كلنا كووول زي كذا:D

بما اني ما اقدر اصلي قررت اني يوميا اسمع قران واخلي بنتي تسمع معاي
وانا الحمدالله تعودت كل يوم مرتين اقرا المعوذات علي وعلى بنتي وعلى زوجي الغائب
وهذا الشي يحسسني احساس حلو وبامان والا بذكر الله تطمئن القلوب

/
بالنسبة للاكل والعلاج
انا اتبع نظام (امي) بصراحة معرف عنه شي غير انها تجيب لي تقول كولي اقول سمي

تقول اشربي اقول طيب بالغصب اصلا مافيه تفاهم واشياء غريبة اشربها وروايح رايحة وروايح جاية

شي يدر الحليب، شي يلئم خيوط الولادة، شي غسوول للمنطقة ، شي ينشرب على الريق وشي مرتين باليوم <---طيب حنا ماستفدنا شي

/

الصباح اول ماقوم .. اخذ 7 حبات من حبة البركة (حبة سوداء) وفوقها ملعقة عسل طبيعي

بعدين اخذ قهوة النفاس الي تجيكم مركزة وفيها مسمار (قرنفل) مع تمر معبوط وفيه طعم اشياء معرف وشي

بعد ساعتين او ثلاث اخذ خبز بر (قرص مسوينه خصيصا لي) ومدهون بعسل طبيعي من جوا مع كوب حليب بالهيل

الغداء ، اتحط لي اميمتي حميسة لحم والا دجاج (مرق) وعليه تحط خلطة فيها حلب وفيها اشياء للنفاس واكلها بخبر بر او بالملقعة مع شوية رز او شوربة ماش او اي نوع شربة

العشاء ، تقريبا نفس الغداء او اني اكل من اكلهم بشرط احط عليه حلبة مطحونه

/

مع الشاهي المغربية احط على الفنجال دارسين مطحون (قرفة)

قبل ما انام اسوي لي كوب كمون + دارسين لتنظيف الرحم من الرواسب

بين فترة وفترة امي تسوي لي حلب اشربه فيه نعنع مجفف مرة طعمه لذيذ مع اني ماحب الحلب

اكثر موية وسوائل عشان مايجيني امساك وعشان يدر الحليب باذن الله..

/

للامساك : اخذ ملين من الدكتورة + عصير سن توب برتقال بعد كل وجبة

/

للخيوط : استخدم غسول الملح الخشن والمرة من اول يوم لين مدة 10 ايام بعدين بديت استخدم الارطا المنقوعة كغسول (ويقال انها تفيد للتضويق ايضا)
طبعا استخدم كريم فوسيدريم للالتهابات مرتين باليوم واحطه على الخيوط بعد تجفيف المنطقة تماما.

ايضا استخدم مرة+ زيت الزيتون وادهنها على الفوطة (اولويز) والبسها تبرد على المنطقة مرة وباذن الله مفيدة للخيوط

/

هذي الاشياء الي سويتها للان وانا توني لي 16 يوم في النفاس.. راح اكتب لكم بالرد الجاي الاشياء الي ناوية اسويها بالفترة القادمة باذن الله..



يتبع,,,

الاشياء الي ناوية اجربها من اليوم ان شاء الله مايلي /

- طريقة لعودة الرحم لوضعه الطبيعي :

بعد الولادة ولمدة سبع ايام..
يمرخ البطن بزيت السمسم او اللوز (الساخن) ويكون اتجاه المرخ من اسفل البطن الى اعلى وليس العكس
وتمرخ الاوراك ، من اعلى الى اسفل وليس العكس وذلك في الصباح يوميا ولمدة عشر دقائق .


- لتنظيف الرحم :
يشرب بين الوجبات قشر قهوة بالدارسين

- للتضويق :

راح اداوم على الغسول بالارطا ، واستخدم الخوا جوا كبخور للمنطقة ولكن بعد ان اكمل ال25 يوم باذن الله ولبقية ايام النفاس

شرب منقوع قشر الرمان

- لشد البطن :

استخدم المشد الاندونسي يوميا ولكن بعد ان اكمل 20 يوم في النفاس لاني حاليا استخدم مشد طبي
استخدم بقايا القهوة المطبوخة كمقشر طبيعي لكافة الجسم مع التركيز على الكرش والارداف يوميا قبل وضع المشد ومع كل استحمام

بقية الامور غالبا جمالية .. وراح ارجع اكتبها ان شاء الله ولكن خلوني اخذ نفس..


للموضوع تتمة,,,

وريف بقولج شي بعد .. يقولون لا تاكلين الخبز و لا العيش (الرز) ولا الحلويات و لا النشويآت و لا المشروبات البارده و لا المعجنات
كل هالاشياء بالنفاس تسبب الكروووش !!


غير هذا .، في الحريم اللي ايون البيت و يدهنون و يربطون البطن .. خلي وحده اتييلج عشان تصير المواعيد مضبووطة و لا تنسين ..


كل هالاشياء بسويها بـ نفاسي ان شالله :)







باي ذا وي .. موضوعج روعه :D

الله يعطيك العافيه والله معلومات حلو

والدحده منا تسافيد منها انا حفظت
طريقتك عشان اذا الله سهله على
اطبقها مشكوره والحمدالله على سلامتك

مووووضووووع قمة في الرووووعه ... يعطيك العااافيه ورووووفه

وان شاءالله بتبع التعليمااات حقتك ...

بوسي لي رنووودة الحلووووة ..

الموضوووع رووووووعـه

وان شاء الله راح نستفيد منكم قريب


سـؤال

شنـو الارطـاا ,,, ؟!



يعطيج العـافيه وريــــــــــف والله يخليييييج رنوووده الحلوه

وريف
موضوعك هائل
اعجبني و استحق ختم التميز
بارك الله فيك

PrinCess SariTa;7548939:






وريف بقولج شي بعد .. يقولون لا تاكلين الخبز و لا العيش (الرز) ولا الحلويات و لا النشويآت و لا المشروبات البارده و لا المعجنات
كل هالاشياء بالنفاس تسبب الكروووش !!


غير هذا .، في الحريم اللي ايون البيت و يدهنون و يربطون البطن .. خلي وحده اتييلج عشان تصير المواعيد مضبووطة و لا تنسين ..


كل هالاشياء بسويها بـ نفاسي ان شالله :)







باي ذا وي .. موضوعج روعه :D

هلا بك ياقمر .. كلك ذووق..

بالنسبة للخبز والرز اكذب عليك اذا قلت ما اكلهم .. مايشبع الا هم لكن بكميات قليلة
ومع دواء النفاس

اما اني اجيب حرمة بالبيت صعبة شوي انا بسوي لروحي وان شاء الله اتضبط:)


شكرا لمرورك (f)

فراشه بين الزهور;7548961:
الله يعطيك العافيه والله معلومات حلو

والدحده منا تسافيد منها انا حفظت
طريقتك عشان اذا الله سهله على
اطبقها مشكوره والحمدالله على سلامتك

حياك الله يالغالية اتمنى تكوني استفدتي ولسا للموضوع بقية ..

(f)

joojoo.sweet;7549536:
مووووضووووع قمة في الرووووعه ... يعطيك العااافيه ورووووفه

وان شاءالله بتبع التعليمااات حقتك ...

بوسي لي رنووودة الحلووووة ..

كلك ذوووق وربي

وابشري ببوسها لك دلوعتي
(f)

وليف;7550123:

(y)

راااائــــ ع

(y)

متـــــااا بــ ع ــه .. وبأنتظـــااار البقيه :D

بس سؤال هالأشيــــاااء كلها تقدر تسويهــا اللي تولد عمليه والا بس للطبيعي ؟

ولكــ جزيل الشكـــــر والعـــرفان مقدمــاً (f)

حياك ربي

بالنسبة للقيصيرية عادي تتبع كل شي ماعدا المشد والرياضة تسال فيهم الدكتورة او اي احد مجرب الولادة القيصيرية

وتركز اهتمامها على جرحها انه مايجيه شمم وتعقمه بمرررة وتشرب مرة على الريق خصوصا في اول ولادتها

والله اعلم

(f)

يــ غ ــار الـحـلــى QTR;7550274:
الموضوووع رووووووعـه

وان شاء الله راح نستفيد منكم قريب


سـؤال

شنـو الارطـاا ,,, ؟!



يعطيج العـافيه وريــــــــــف والله يخليييييج رنوووده الحلوه

هلا بك يالغالية

الارطا هذي عشبة شكلها زي العيدان لونها بني اتوقع تغلين موية وتنقعينها لين الصبح وبعدين تنتظرينها تبرد وتستخدميها غسول للخيوط والمنطقة بشكل عام

تلقينها عند العطارين

بجيب لك صورتها لو لقيتها

(f)

فوانيس;7550299:
وريف
موضوعك هائل
اعجبني و استحق ختم التميز
بارك الله فيك

الف شكر فوانيس على تممييز الموضوع ويعلم الله هدفي منه الفائدة ورفع معنويات الرطاريط الي زيي

شكرا لذوقك واتمنى اكون قد وفقت (f)

نكمل ،


نصايح مهمة اثناء النفاس للام وللطفل/

طبعا النصايح الي اتبعها من امي وجاراتها كل يومين تجينا وحدة تزوور وكل وحدة لها تجربتها ونصايحها مرات اتضايق من كثر الملاحظات من الحريم بس اخذ منهم الي يناسبني وارتاح له وارمي الباقي بالبحر خخخخ

/

- لا تمشين حافية القدمين على البلاط ، البسي شراب على طول او سليبرز

- لا تخلين مروحة الحمام (الشفاط) مفتوح وقت ماتكوني في الحمام

- لا تجلسي على الموية والملح الخشن والمرة اتقنعي به احسن كغسوول عشان مايسبب لكم حساسية في المنطقة

- رضعي طبيعي عشان جسمك يرجع زي قبل وعشان الطفلة تكبر ويصير عندها مناعة

- البسي بنطلون ولمي جسمك من تحت عشان مايدخلك هواء ، ولاتتعرضي للمكيف مباشرة ولا تطلعي بالحوش (ساحة البيت)

- المكيف لا ترفعينه مرة لان الجو الان يوهق لا هو برد ولا صيف فيضرك ويضر الطفلة

- ابطحي بنتك على بطنها اذا طاح سرها خصوصا لما تكون نايمة في النهار وانتي عندها عشان ترتاح وتحس انها ملمومة

- لاترضعي صناعي لانك اذا رضعتيها صناعي مراح تمسك صدرك<--عندي تحفظ على هذي النصيحة لان صدري مايدر حليب كثير فاخاف بنتي ماتشبع فاسوي لها رضعة صناعية بين وقت ووقت

- اشربي عصيرات وسوايل كثير وكولي طحينة يقولون انها تدر الحليب وتكثره

- لا تعطين بنتك المصاصة (اللهاية) عشان ماتتعود عليها <--برضو هنا عندي تحفظ لاني الاحظ كل الاطفال الي مايستخدمون لهايات وهما صغار يتعذبو امهاتهم في عادة مص الاصبع

- استخدمي ماء غريب للطفل اذا صار معاه مغص يسهل البطن ويخفف المغص باذن الله لكن انا استخدمه بكميات قليلة جدا لان بنوتي صغيرة توها

- عطيها مريسة كل يوم عشان تكبر ويشب عظمها (المريسة= تمرة منقوعة بالموية لمدة معينة وبعدين ناخذ الموية ونحطها بالرضاعة ونشربها البيبي)

- اعداء النفاس حاجتين : 1- الجوع 2- البرد

لا تجوعي نفسك ابد وكثري من الاكل المفيد عشان يتقوى جسمك ويعوض الدم الي فقده والحديد وعشان الخيوط تبرا بسرعة وعشان الرحم يرجع لوضعه الطبيعي باذن الله

لا تلبسي خفيف واتدفي خاصة باليلل مع المكيف لانه خطر البرد والهواء على النفاس

- الهمي رشاد عشان ينظف رواسب الرحم.

- لاتجلسي متربعة على الارض عشان التضووييق

هذا الي اتذكره الان ..واذا جد جديد راح اكتبه

وان شاء الله ردي الجاي راح يكون عن التجميل والخلطات الي ناوية اسويها مع اني بديت من اليوم

يسلمو ع الموضوع الروعه
تستاهلي التميز يالغاليه وكملي ومنكم نستفيد

اعجبتني النصااايح ..

يعطيج العافيـة وريف .. و ننتظـر كل يديد منج ^^,

ضفت الموضوع لـ Favourites عشان استفيد منه للنفاس :D

(y)

الله يعطيك العافيه

وتم الحفظ

موضوع قمه كلنا محتاجينه

مشكوره ياغلاهم

-

كذاا وريف ولاا فلااا

خليكـ قووويه

الحمدلله تغلبتي على الكآآبه ومن صبر ظفر

بصراحه اهنيييك على الموووضوووع

ويالتيني لاحقه عليه قبل شهررين لاني خلصت نفااس

فيه نقاط رووعه بموضووعك فااتتني وماسوويتااها

زي شرب مغلي الرمان

واهم شي بالمووضووع وريف

لاتشربيين موويه بارده اطلاقا موو ززي ووحده اعرفهاا مالت عليهاا <<<< ههههههههههههه


-

انا اشرب شي امي تسوي لي ياه اسمه " طبيخة" وهو شيئ عشبي مكون من اعشاب زهورات
يمشي البطن، ويخلي النفاس ينزل.. وارتاح وااايد لما اشربه

عن البطن لافته بحزام طبي
واشوفه عن ثاني يوم للعملية اخف بواايد .. لانه صارت لي غازات مو طبيعية
ولف لحزام يفيد في هالشغلة

وكمان امي تسوي لي شيئ اسمه " رشوفة " هي شوي حاره بس يقولون ترم العظم
وكمان " المضروبة " ترم عظم الوالدة

وسمعت عن شيئ اسمه " العصيدة " بس للحين ما جربتها
بس لاحظت في المستشفى في وجباتهم اخر الايام

يكثرون لي من قطع اللحم والدجاج والخضرة المسلوقة
وطبق خضرة طازج
ومهلبية
عصير برتقال- اناناس
خبز لبناني
ارز ابيض
شوربة دجاج

يعني كل هالشغلات احيانا ينوعون لي فيها


اما عن امورالعناية بالشعر والبشرة بصراحه ما بلشت شيئ للحين
يا دوب ادخل اخذ لي شور محترم واطلع اريح لي شوي ههههههه احس اني مسوية مجهود كبير


ان شاء الله نستفيد منكم

وانا من متابعينك
وتسلمين على كل النصايح الحلوة
ربي ينولك الي في بالك قريب ان شاء الله
وترجعين قمر وسمبتيك
وطبعا انا معاش بعد هههه

السلام عليكم

^_^

مع أني ما حملت إلى الآن بس إستفدت من الموضوع بخزن المعلومات حق بعدين ^_^

يزاج الله خير وروووووفه وفي ميزان حسناتج إن شاء الله عزيزتي

شوفوا بما انه صار لي 17 يوم من ولدت راح اقولكم طريقتي


انا ياحبيباتي عايشه على ماك وهارديز والكولا الشيء الوحيد اللي مااستغني عنه ابداً

والجلسه مااقدر اجلس الا جلسات العرباجه اللي فاتحه رجولي ( مدري ليش متأكده ان خياطي مفكوك بس ماتـجرأت اناظر اخاف انصدم ) الا كيف اعرف اذا انفك ؟؟؟

وكل ماتسوي لي ماما دواء اكبه بالحمام واقول شربته ,,,

وحالتي صعبه بطني صايره سودا ( مشوينها على فحم )

وبما انه بدت الدراسه وبدا المشي من قاعه لقاعه ارجع للبيت ظهري مكسور

الشي الوحيد اللي سويته
انه باليوم السابع من الولاده جبت اندونسيه حقت مساج وسوت لي مساج تقول ارجع الرحم لو ضعه الطبيعي واول مالمستني قالت رحمك نازل :( وبعدها قالت كويس واحسها تخرط :) الزبده جلست معي اسبوع وربطت بطني بالمشد الاندونيسي وتركته يومين وفكيته لاانه قاسي وتجيني حكه بظهري ...
والتكييف مااقفله ابد احس الجو حار ..

والحين خايفه مره وتعبانه نفسيتي دايم يجيني وسواس اني بخرب من تحت وانهار والله حرام حتى بزواجي ماتهنيت حملت على طول :( وجسمي راح علي ويخوفي اروح بااشياء ثانيه مره خايفه
انصحوني بليززززززززز ؟؟