الضرب في المدرسه

انقليه من المدرسه اختي والله راح تصير فيه عقده

هولاء مايستحقو يكونو مدرسين خليهم يجو بريطانيا

ويشوفون كيف المدرسين يعاملون الطلبه

الضرب ممنوع..ومب من حق اي حد يمد يده على عيالج...اذا الاخصائيه ما يابت نتيجه كلمي المديره..حرام الولد يتعقد وهو هادي و خجول...وعكلام الاخصائيه الكل يتعاقب عشان الشيطان مايزعل!!! شو هالمبدأ؟؟؟ اللي يغلط يتعاقب عشان يتأدب و يحس بغلطه...والعقاب ما يكون ابدا بالضرب.. نحن عيالنا نحاول ما نضربهم..كيف يضربون عيال الناس...صح يمكن احيانا فيه اولاد شطانتهم لا تطاق..بس بعد اللي اختارت مهنه التدريس لازم تتعلم ضبط النفس..وتكون تعرف اساليب معامله الاطفال...

ربنا ياخد كل المعلمين ياللي هيك شكل من الخلق
بصراحة الكلمة زلت من لساني لكن هالمعلمة (....) وين فاكرة حالها؟
انا ياما شفت ايام الدراسة حسبي االله ونعم الوكيل
ماتسكتيش ابدا" لأنو بعدين رح تتعبي انتي وابنك
المدرسة مكان لتعليم وليست مكان للأهانة
انا لو بأيدي كان تركت ولادي بدون مدارس والله لكن بعرف قدر العلم وقد اية بيفيد البني ادم والأنسان يصبر والعلم كفاح شو بدنا نساوي يعني

الله معك حبوبة وخلي بالك على ابنك ربنا يحفظة ليكي

والله من جد أنا مره اتخاصمت مع استاذه بس تضرب اختي الصغيره كانت سنه اولى ابتدائي وابويا كان لسه ميت والبنت يتيمه يعني لازم تنسى الحزن في المدرسه وهاذي نازله ضرب عليها وقسما بالله اني رحت ومسحت بكرامتها الأرض واتحداها بعد كده تمد يدها المشكله اني كنت اكلمها بهداوه قامت تقل ادبها علي وانا ماتحملتها مادري على ايش شايفين نفسهم لا والموضه الجديده صاروا يقلوا ادبهم عالأمهات..الله المستعان

انا معلمه اختى ولكن من السعودية ممنوع منع بات ضرب اي طفل
وانسانيا على المعلمه ان تعاملهم افضل حتى من الام فحسبي الله ونعم الوكيل والله قهرتيني لان الطفل و راح يكره المدرسه مالك الا تروحي وللاداره وقولى انا ارفض رافض تام ان طفلي ينضرب حتى لو كان غلطان دقوا على وانا اتفاهم مع ولدي

اختيه لاتفهمينيه غلط ... انا ماقلت لج ولدج يستاهل الضرب ؟ ولاقلت المعلمة معهل حق بالعكس انا ضد مبدأ الضرب وكوني كنت معلمة انا متأكدة مليون ف المية أن الضرب ممنوع منعا باتا ف مدارس الدولة ... انا انتقدت موقفج وكيف انج ساكتة لأنج بس لو اتصلتي المنطقة التعليمية وخبرتيهم كانوا بينبهون المعلمة .. وانتقدت يوم انج تتمصخرين ع المعلمة واتقولين يشبه ريلها ... واستغربت من رد الأخصائية عليج؟
انا مرة وأنا ف صف رابع ضربتني معلمة الرياضيات ع ويهي طراااااااق والله ماأنساه لليوم ... اتخيلي وأنا كنت الأولى ع المدرسة كلها ... طبعا لاشعور رديت عليها وأنا أصيح ياويلج بتشوفين شو بيصير فيج؟ وطلعت أصيح عن باب الصف شافتني وحدة من المعلمات وودتني غرفة الاخصائية قامت الدنيا وقعدت ولما يا أبويه ياخذني أخر الدوام شافني أصيح وخبرته السالفة والله ان المعلمة تأسفت وحبتني ع راسيه...
فتخيلي اليوم كيف الوضع ؟ صح ان التربية والتعليم متروسة عيوب ومشاكل بس مشاعر الطالب ونفسيته يحسبون لها ألف حساب ... والمعلمات أكيد مايبون المشاكل حق نفسهم بس طبعا لكل قاعدة شواذ
ولما قلت لج ذنب المعلمة ف رقبتج !!! ماقصدت اللي انتي فهمتيه أدري انها تاكل وتشرب وتضحك ... بس انا كنت أتكلم عن الغيبة والنميمة ... بدل ماتحطين حرتج منها هنيه سيري لها المدرسة وبردي خاطرج فيها
وعنديه ياهل عسى الله يحفظه ويخليه ويباركلي فيه ومشاغب وفوضوي وصدقيني لو حد بس فكر يمد ايده عليه بكسرها له.. تقبلي تحياتي

ابنك مثلي عند ما كنت صغيرة وصارت عندي حالة نفسية وحتى الان تلازمني وما تركتني
روحي ليها وخبريها بمشكلتي عسى ان ضميرها يأنبها حاولي تكلميها باسلوب حلو وخبريها عني وارجو منها تفتهم لان انا صارت عندي عقدة من مدرسة وكنت جدا ذكية بس تركت دراسة من خوف المعلمات والمدرسات وهسه اتمنى لو ارجع للمدرسة وبهذه الكبر حتى انتقم منهن او على الاقل لاادع الماضي يتكرر

متسكوتيش على ضرب ابنك بعدين الولد يتعقد
ولوملقتيش فايدة انقلية من المدرسة دى احسن

والله انا ولدي العام كان كذا ونقلته لمدرسه ثانيه وارتحت يارب لك الحمد

انقلي بنتك ماكثر الله غير من المدارس:thumbs_up:

يوووووووه الله يعين ..والله شان ازفهااااااااااا زف
تضربهم كلهم عشان الطفل المشاغب لا يزعل.. !!! تخلف

بل شنو من قلب هذي
نقليه من مدرسته لو شنو يصير
الله يعينه لا يتعقد ويكره الدراسه وتتغربلين عقب

ممنوووع ضرب الطالب لوو شنوو يصير شهالمدرسة الي تخلي مدرساتها تضرب الطلاب و تحط حرتها فيهم كامل الشيطان و المؤدب ولدج بيتعقد من الدراسة و بيكرهها تلاحقي ع ولدج يا تنقلينه مدرسه ثانيه او تشوفينلج حل مع ادارة هالمدرسة التعبانه !!!!!

أحسن حل أنك تنقلين ولدك مدرسه ثانيه

نقليه ليش ناطره الله ايعينج بس انه توني اعرف انه لالحين ايطقون في المدارس والله حاله

لا حول ولا قوة الا بالله ..

حبيبتي الضرب المدارس ~ ممنوووووع ~ صار لهم سنين منزلين القرار هذا .. !!

بعدين .. خلصت اساليب العقاب يوم انها الى الآن تضرب بـ " عصا " ؟.!

الله يهديها .. حاولي انك تروحين للمدرسة بنفسك وتتفاهمين معاهم .. او اشتكي عليهم عند الوزارة وهم ان شاءالله قادرين يوقفونهم عند حدهم ..

والأغرب .. رد الاخصائية .. ما دري ليش ما اشتكيتي عليها ؟.!

مادام هذا ردها .. أجل ليش ماسكه هالمنصب ؟.!

الله يعين بس .. والله ان المدارس هالسنين كل مالها للأسوأ للأسف .. !!!

( :'( )

ْ

~

طيب روحي بنفسك المدرسة و قابلي المدرسة و شوفيها هي من اي نوع

يعني هي عصبية ولا طبيبعة ؟؟

و لو هي مطولة في تدريسه لنفس الفصل

اعرضي عليها انها تدي لها دروس خصوصية او تتعاون معاه في المدرسة و فهميها طبعه


و ان شاء الله بالتفاهم تمشي امووركم

و لو كبر المووضوع اشتكيها او انقلي الولد