الضرب في المدرسه

الى يقهر الأخصائيه الأجتماعيه فعلا 0000لما انقول لها ليش تضربه المدرسه وهو عاقل اتقول لا اذا ضربنا واحد الثاني يزعل فلازم نضرب الصف كله000يعني العاقل بينضرب علشان الشيطان مايزعل هاذي مجنونه رسمي

لو إنه ولدي ويتعرض للضرب كذا بشكل مستمر لاوصلها لاكبر راس بالوزاره,هي تاخذ راتب ولا لا؟!وحتى لو إفترضنا إن ولدك حركي بزياده مالها حق تضربه المعلمه ذي مريضه وتعاني من عقد عافانا الله وياكم

انا ولدي ضربتو المعلمة على راسوا وجاني يبكي لكني لم اسكت والله العظيم انا رحت عندها في المدرسة وحدرتها من انها تضربوا مرة ثانية مهما فعل قلت لها لا تضربيه خبريني انا وانا راح اعرف كيف اتعامل معاه لو عمل حاجة سيءة او اي شيء لكن انا ما بسمح لاي مخلوق يضرب اولادي وهي اعتدرت لانها خافت علىوظيفتها تروح منها لازم يا اختي توقفيها عند حدها

معقولة الأخصائية ردت عليج هالرد ؟! 3اصدق
سامحينيه أختيه بس أنا كنت مدرسة والحمدلله تركت التدريس ... بس اللي أعرفه أن الضرب ممنوع نهائي ف مدارس الدولة ... ثاني شي مستحيل يكون رد الأخصائية عليج بهالطريقة لأنها أكيد ماتبا تخسر وظيفتها لأن لو رحتي بس المنطقة التعليمية واشتكيتي بتقوم الدنيا عليها ...
روحي المدرسة وشوفي شو مشكلة ولدج مع المعلمة وليش هي ع قولتج حاطة دوبها من دوبه ؟!!!
بعدين شو يشبه زوجها ؟!
... جيه ترمسين عن المعلمة جدام ولدج؟! ياختي احترام الناس لنا نابع من احترامنا لذاتنا .. سبحان الله ترا الدنيا كما تدين تدان مثل مانتي تتمصخرين عليها وتقرضين فيها ... أكيد هي اتقول عنج نفس الشي ..
اشدراج يمكن ولدج المؤدب ف البيت مايكون مؤدب ف المدرسة ..

والله لوني في ثوبج ماسكت لها ماحملت فيه وسهرت الليالي علشان غيري يجي يضرب ولدي روحي للوزاره المدارس وشتكي عند الموجه قولي انا يوم دخلت ولدي ماوقعولي لى ورقه انتي راضيه نضرب ولدج قولي انا ماني راضيه ولا راح ارضى وصدقيني وولدج مارح ينسى هالموقف طول عمره

اتذكر يومني صغيره مره ضربتني المدرسه على وجهي وضربت لطوفه الي جنبي هههههه
طلعت لي صعروره في راسي ههه
وقعدت ابكي من يوم شفت ابوي ولا يومني في المدرسه مانزلت مني دمعه من القهر ويروح ابوي يشتكي عند الشرطه والوزاره والمديره بنفس اليوم وراح لزوجها قال شف لو ادري ان مرتك مده يدها على بنتي مره ثانيه جيت وكسرت وجهك انت وعيالك

هاذا كله وانا معه في السياه تدرين وشلون استانست طبعا الرجال جا لبوي وعتذر وطلب منه تسكير المحظر وسكره ابوي وخلاص الكل صار يهابني معد احد يضربني والا يومج ذا الحين عمري 24 سنه وبوي الحين شيبه اذكره بالسالفه ويضحك يقول مانسيتيها وانا كنت بصف 3 لا تستهترين لان ولدج راح يكره المدرسه اذا شافهم كذا كل يوم ينطق

والشي الثاني القصد من الوزاره انهم جطو مدرسات مب مدرسين علشان الحرمه تحن على الطفل اكثر مب علشان تخرعه من المدرسه

انا طولت عليج بس والله اني انقهرت منج اتمنى بس انج تقربين لي كان رحت للمدرسه ذي وكسرت خشمها هههههههههههه

السلام عليكم
الصراحه هذا مب تصرف من ابله كل ماعصبت ع واحد راحت ضربت الكل واصلا الضرب ممنوع
من سنتين منعوا الضرب من الوزاره ابسط شي اتصلي الوزاره وعطيهم اسم الابله
مايحقلها تضرب لو الولد غلطان والله لو منج لراويت الابله عدل بالزين واذا ما اعتدلت بالشين
والله حاله اطرش عيالنا المدارس عشان يدرسون وياالله يالله يحبون المدرسه وهل ابلوات يضربون
عيالنا وايد زين حبيبتي اتصرفي وياهم باجر ولدج بيكره المدرسه بسبت الابله حرام والله غمضني فديتها
لا تسكتين عنهم حرام
بس عن نفسي ما احب اسلوب الابلوات ع اخير من بين العشر تطلع وحده زينا
السموحه طولت عليج

والله لو كنت بدالج ما بسكت
يضربون ولدي وانا اطالع!!!!!!!!!!!
يعل ايدهم الكسر ان شاء الله

حلم السعادة;7524216:

السلام عليكم

اشلون تضربه ؟ عندكم الضرب في المدرسه مسموح ؟ :rolleyes:
احنا عندنا في البحرين ممنوع هذاك قبل كانو يضربونه
على ايام قبل الحين محد كفو يمد يده حتى لو الطالب قليل ادب ما يقدرون
يضربونه ليش تسكتين يا اختي عن السالفه بعدين السالفه تكبر وجذي ولدج راح
يكره الدراسه وماراح يحب روحه المدرسه لازم توصلين الى الوزاره
اسمها وزاره التربيه والتعليم مب وزاره الطق والاهانات هذي المشكله راح تسبب له عقده
من فتره مدرس طق ولد بنت خالتي على راسه وكل مره يطقه على راسه لين الياهل
صار مريض ووده الاردن يعالجونه طبعا بنت خالتي ما سكتت وصلت القضيه الى المحاكم
والاستاذا تعاقب ولازم كل واحد مثله يتعاقب لا تسكتين عن الموضوع ترى كلمالها راح تتمادى

اكثر واكثر والياهل راح يكره الدراسه

نفس الكلام اللي كنت بقوله لج بالضبط.....وهاذي لازم تاخذ جزاها ولا راح تمصخها....

وبعدين ليش خايفة مدرسة ابوها تحط الولد في راسها وتنطر عليه الزلة

والله لو انا مكانج شرشحتها هي والاخصائية فوقها...

طمنينا ايش عملتي

والله لو مكانك كان طلعت حرتي فيها

ترضا هيا ولدها ينضرب عشان غيرو مشاغبين ؟؟

أنا كنت مدرسه في الكويت و عارفة أنه الضرب ممنوع حتي ابني في المدرسة هنا المدرسه قالتلي انه عالضرب ممنوع لازم يكزن ليكي وقفه و روحي المدرسع

حبيبتي لاتهملين السالفة بكرة ولدك بيتعقد وبيكرة الدراسة


انقلية من المدرسة هو هذ الحل الصح وتكون المدرسة سمعتها ومعلماتها طيبين

استغفر الله العظيم ... خواتيه ... مايلفظ من قول إلا لديه رقيب عتيد ...
اتقن الله ... ليش تدعةن ع الحرمة ؟ واللي تدعي ع المعلمات واللي تشل وتحط ...
الحمدلله اني مب معلمة ...
أنين الجراح ذنب هالمعلمة ف رقبتج ... كل وحدة الله معطنها ذخيرة من الأدعية وطايحة دعاوي ع الحرمة وهي غافلة ماتدري عن شي ..

السلام عليكم ورحمة الله وبركاتة
اول شي انتي كيف ساكتة لين الحين عندنا الدولة مانعة الضرب يعني الحق كلة معاج
اولا الولد صغير وهادي مب مشاغب ومب هو اللي سوه المشكلة فليش يتعاقب
ثانيا هي باي حق تمد ايديها على طفل مب من اطفالها
ثالثا هي جايه ادرس مب تضرب وتعاقب صح لها حق تعاقب اذا غلط باي شي انها تعطيه ينسخ الدرس تعطية واجب اظافي غير الطلبة الثانيين بس مب تمد ايديها او توقفة طول الحصة على ريل وحدة نحن وين عايشين لالالالالالالالالالالالالالالا تسكتين هدي عليهم مره وبيحترمونج مية مره
واذا كررتها قوليلها بينا الوزارة وشوفي ذيج الساعة اذا حد مد ايديه
والله غاضني الموضوع لاني اكره الضرب وخاصة الاطفال لو ولدي بروح المدرسة وبنفس العصا بضرب المدرسة وبقول لها عشان الشيطان والملائكة ما يزعلون والله مقهورة :mad::mad:

كل وحده دافعت عن المعلمه اكيد ماعندها اطفال وماجربت ايش يعني طفل ينضرب والا مارضت على ولدها الضرب امس قريت في جريدة الخليج معلم في مصر يضرب تلميذ يبلغ من العمر 11 سنه حتي الموت لأنه لم يحل الواجب !!!!!!! فوقوا عاد الأخت اثمد اتقول ذنب المعلمه في ارقبتي لو كان واحد من عيالج منضرب ماقلتي هذا الكلام ابدا بعدين ايش صار في المعلمه تاكل وتشرب وتضحك
انا كلمت المديره وهي وعدتني ان ضرب بعد اليوم في المدرسه ماراح ايصير ابدا وحذرنا الأبله 0000000

هذا حدث عندنا فى مصر ولكن ادى الضرب اللى موت الطفل

وانا مش مستعده اخسر ولدي بصراحه00000000000000

هذا الرابط بتاع الطفل اسلام
http://www.3roos.com/forums/t394872.html

انقليه من المدرسه
او اعملى شكوى فى المدرس
هو الضرب عندكو ممنوع ولا عادى

ممنوع بس في مدرسات يستخدمونه والله اعلم