اليوم او مذكرة لي هوون
يمكن راح اكون ارقى شوي >بس بالبدايه
بس ........... محتارة شلون ابتدي
اكيد راح اتكلم بعفويه
وبدون تكلف
كنت .. ولا زلت
بنت بسيطه.. مرحه لأقصى درجه
احب الضحك ..لا احب النكد
مادري شعندي قلبت بالفصحى
نرجع بالعامي
كنت فرفوشه اموت بالوناسه كله احب الطلعات والروحات
كانت مدرسه من مدرساتي حامل .. وسألتها ابله اذا جبتي بنت شنو راح يكون اسمها
على طوول قالت ..بيكون على اسمج..
طبعا شنو تتوقعون .. فرحت .. وحسيت بفخر بنفسي خخخخ
خصوصا انها تتكلم قدام ربعي واصدقائي
مادري ليش قلت هالقصه .. يمكن لأن الكئابه جايه بالطريق
فديتها والله .. كانت هالمدرسه { اسمها شيخه المهندي}
الله يوفقها وين ماكانت كنت كله ازهقها .. ابله سمعتي اخر نكته هههههههه
وكل يوم اعيد لها نفس النكته.. سألتني مرة ليش تعيدين هالنكته
قلت لها لأنها اخر نكته الى الان مانزل عقبها شي جديد
يالله مانسيت هالموقف صج كنت فرحانه
حبيت اوصف لكم شلون انا كنت عايشه بمرح
الحمدلله انا عايشه بأحسن حال
لكن .. تزوجت حالي حال البنات
ولهيت مع زوجي..وصار لي مشاكل وهموم لا حول ولا قوة الا بالله
للاسف انشغالنا بالدنيا كل مرة يزيد
طبعا لما انخطبت الكل يقول لي لازم تسوين ريجيم.. عشان الفستان مايصلح لوحدة دبدوبه
حاولت وحاولت.. وباءت كل المحاولات بالفشل
طبعا ماانسى اعذاري الي كل واحد اكبر من الثاني
اول واحد .. انا طالبه ادرس ونص يومي بالمدرسه انا محتاجه طاقه خخخ >>حشى بترول
ثاني واحد .. انا طالبه بالصف الاول ثانوي .. شعرفني بالريجيم وهالسوالف
انا [mark="990000"]حياتي[/mark] الكاكاو والبيبسي والعلك
هذي كانت اول بدايه لي بالريجيم.. وكانت فاشله للاسف فشلاً ذريعاً
بس خلاص.. انا فضفضت مافي جعبتي..
وابي اصلي الفجر.. وانام
تصبحون على خير حبايبي
فضايحي عشان استحي على دمي
