ما شفتكم تناقشتوا في موضوع ال Lunch Box لأطفالنا في المدرسة أو الحضانه...مع إنه مهم !

جماااانة يعني عصيرر هاني يعتبر شراب وما منه فايدة رغم ان العصير وخاصة عصير المانجو يكوون غليظ و لذيذ وكنت مفكررة انه مفيد وطبيعي وصدووقي واجد يحبه بس مكتوب عليه شرراب :ss:

يعني مو مفيد؟؟؟؟؟؟ لانة العصير وخاصة المانجوو غليظ يعني استغربت ان مكتوب عليه شرراب مو عصيرر !!!!!

اييييييه انا بعد انصدمت مثلك يا حبيبة جيمي من عصس=ير هااني رغم انه غالي بعد..
جربي عصير اوال ابو 100 فلس ( المربع مو الطويل المستطيل)

وبعد كي دي دي عصير

والربيع ابو 150فلس بعض انواعه نكتار وحلووووووو

جمااانة
اعرف انوااع واجد عصايررة زينة واخذ لصدووقي بس هاني صدووقي يحبه وتدرين غرشة العصيرر حليووة وصدوقي واجد متعلق في هالعصيرر
واني مستانس انه يشرربه على انه عصيرر زين ومثل ما قلتين ان سعره غالي بعد

صدق الحين اني منصدددددددمة

الحمد لله إنا عرفنا معلومات جديدة أيضا...

أنا بطّلت العصير...و خليتني على حليب المراعي إما بالشوكولاته أو الفراوله...

أول كنت أستعمل لهم لاكنور...عصير فواكه...

يوم الخميس جربت لمحمد شيء كثير حباه وبصراحة اقتبست الفكرة من إحدى الأخوات في هذا الموضوع فشكراً لها ... كتبت عن الجبن + البسكوت الأعواد رحت دورته في السوبرماركت ما لقيته فشنو سويت

شريت نوع من البغصم يحبه ولدي بغصم أسمر على زعتر أعواد نحيفة وطويلة ... كسرت كل عود لقطعتين وجبن علبتين بلاستك من علب اكله حطيت في وحدة جبن كيري الجرة وفي الثانية عسل وخليته يغمس وياكل والحمدلله كان فرحان على التغمس وعلى الطعم

ممكن تطبقوا الفكرة للروضة أو المدرسة

تحطوا قطع من البغصم في كيس ساندويتش محكم الغلق ، وعسل أو جبن في علب بلاستك واسعة " النوع اللي عندي حلو صغير وطويل وغزير جداً "

هذا شريته لولدي وعجبه وااايد عبارة عن كورن فلكس بس على شكل اصابع بالشوكولاته ومايحتاج للحليب وسهل للاكل في الحضانة ، شفتة في برنامج اجنبي وشريته

جدا لذيذ انا حبيته وخلصت نصه :D

عن بنتي مثل عيالكم حط الأكل ويرجع مثل ما هو ومرات اشوف العلبة فاضية افرح اسألها فطامي شو اكلتي اسمع الجواب ان اصحابها هم الي اكلوا الأكل الاخت وايد كريمة

لا ولما أسألها ليش ما أكلتي تقولي ماما أنا كريمة هههههههههههههههههه أنقهر على هالكرم الزايد لدرجة صرت أحط الأكل لها ولأصحابها قلت يمكن تغار وتاكل معهم لو كان الأكل زيادة لكن بدوت فايدة الأكل الي أحطه يا بيرجع البيت أو بياكلوه الأصحاب أما هي لا فقط الحليب الي تشربه اما الفطاير او الجز اوي شي ثاني لا والأدهى والأمر ان الصبح ما ترضى تاكل شي بالغصب أعطيها ملعقة عسل صغيره بطلوع الروح حتى الماي الي تاخذه بعد الاخت تكون وايد كريمة فيه توزع الحبيبة على الاصحاب تعبت واحترت هي تحب قطع الدجاج بس بصراحة ما جربت أسوي لها قطع الدجاج خفت انه يخترب وهو بالعلبة بسبب الحر الحين اشوفكم تسوونه فكنت بسأل هل عادي ما بيخترب

امهات انا ذكرت قبل لن بنتي ترجع بالاكل وبوجبة الروضة بعد ماتاكل

اول اسبوع صارت تاكل حبة فاكهة وحدة اما موز او تفاح او كمثرى وحليب فراولة بس

واليوم اكلت بس المعمول بالتمر قطعة وحدة جربت انوع ليها بس دائما ترجع بالاكل يعني حتى اللي تحبه


في البيت ما تاكلة بالروضة احترت مع انها تطلع من 7 الصبح الى 12 وربع الظهر

هي بنتي من النوع اللي تاكل براحتها بطيئة في الاكل هل هذا السبب اللي يخليها ماتاكل

انا افكر ممكن السبب في ان اطفالنا يرجعوا بالوجبة مثل ما كانت ضعف في الشهية بالاضافة الى اللهو مع زملائهم من الاطفال وخصوصا اللي ينام متأخر

عن نفسي أعتقد إنهم يرجعوا بالوجبه لأنهم بالهم في اللعب

أو فسحة الأكل عندهم قصيرة مثلا...

أو الطفل مش لاقي تشجيع...يعني لو المدرسه واقفة تقول لهم اللي يخلص البوكس بعطيه حلاوة مثلا...أكيد بيتسابقوا...

أهم شيء يكون في تعاون بين البيت و المدرسه...يعني شاكه في شيء مكلمي المدرسه علطول...



أختي قلووووووب...إقلي قطع الدجاج من بالليل...و خليها في الثلاجه...و الصبح حطيها في البوكس...على نص النهار بتكون صارت تمام...و ما بتخرب...

السلام عليكم ..

هلا حبيبتي مروم..

بالنسبة لعلاوي احط له عصير برتقال طبيعي غير محلى ..
أو لبن
وسندويج.. مرة خبز عربي، ومرة صامولي ومرة فطيرة .. بس ما يحب البيتزا..

ونوع فاكهة يعني الدوام 5 أيام كل يوم نوع يختلف ..

ونوع زبادي الا على فواكه .. وبعد يرجع بالأكل .. وبعض الاحيان يقول عطيته صديقي..

العيناوية من وين ماخذة هذا الكورن فلكس بجربه لصدوقي يمكن يحبه

ما شاء الله عليكم...

كل يوم فكرة أحلى من اللي قبلها...

العيناوية...ابهرتيني بتجديدك الحلو :)

اليوم حطّيت لمريم نقانق :)

عملتها من بالليل...و حطيتها في الثلاجه...و الصبح حطيتها في شنطتها...إن شاء الله على موعد الإفطار عندهم تكون حرارتها صارت معتدله...:)

مادري شنو قصة المعلمة... عبودي يرجع ومو شارب العصير (مادري شلون مسكين يقدر ياكل سندويشه بدون ماشي ينزله) يقول ماما يخلص الوقت ويشيلون الأكل... يعني مادري معقولة المعلمة تخليهم يقومون قبل ماياكلون كل أكلهم...

والله اني استفدت كثير منكم اخواتي برغم ان ابني لسه عليه للروضة ..

المشكلة ان الكل يريد يعمل اكل لطفله على اساس انه ما يخرب الى وقت الفطور ..
فلهذا الكل يعتمد على المواد الغذائية الجاهزة وغير المعدة في البيت ..

حتى اذا طبخنا شي في البيت ... نخاف يخرب خلال اليوم ويصير طعمة ما هو زين ..

حيرتوني:think: !!!!!

أيوة أم عبد الله تصير

مرة معلمة مريم قالت لي فسحة الأكل كتير قصيرة...هاتي أشياء مفيدة و ياكلوها بسرعه...

حاولي تكلمي معلمته و تستفهمي منها...و شوفي إيش هي تفضل إنكم تجيبوا معهم...

أم وسام...الشتاء داخل خلاص الحمد لله...و الأكل ما بيخرب من برودة الجو

اللي أعمله إني أقلي مثلا من بالليل...أو الأكل اللي بحطه من بالليل أعمله...و أخليه في الثلاجة...

الصبح أحطه في البوكس...على معاد الإفطار يكون برودة الأكل صارت كويسه...

هذه الفكرة لاقيتها في موقع أجنبي و عجبتني...

أم مريم.. الحمدلله إن سندويشه ياكله مايرجعه بس أستغرب كيف ياكله بدون العصير (يعني عن نفسي ماقدر آكل السندويش ار بماء او عصير).. بس هالأيام قام يرجع الفواكة والبسكوت والعصير... يعني بطنه بس على السندويش..

أختي أم وسام.. عادي مايخرب المقلي إذا كان في الثلاجة.. أنا بعد أقلي النجت من الليل وأخليه بالثلاجة والصبح ياخذه معاه المدرسة...

صبحكم الله بالخير بنات :)

فجأه يوم شفتكم تذكرت ايام ما كنت اداوم و اقعد اهذرب معاكم عالنت من الصبح خخخخخ...وكنت بعدني عروس وانتوا بعد..خصوصا مرموم و رانيا....توكم عرايس و عيالكم بيبيات :) والحين سبحان الله شوفوا مواضيعنا عن شو صارت...ربي يديم المحبه و يخليلكم عيالكم


ولدي ماسار المدرسه لانه مريض من اسبوع :(

خذت له الاسبوع اللي فات بيتزا جاهزه بس تنحط في الفرن قلت بجربها له عالاسبوع الياي ان شالله...

بنات فيه شي ما افهمه..احيانا المدرسه تقولي انه ما اكل شي..بس احصل اشيا ناقصه في البوكس..معقوله الاطفال اللي وياه كلوه او المدرسه مب منتبهه؟؟؟؟

متذكرة أم محمد...كنا صغار ( طبعا إحنا لسه صغار )...بس قصدي كانت إهتماماتنا مختلفه...

عاد ما حضرتينا من الأول في ركن الحمل و الولادة...كنت عمله لهم حوسه هناك :)


الله يشفيه محمد...دور و ماشي على الكل...مش سهل عليهم و الله...

أيوة أختي ياكلوا من بعض...و يعزموا على بعض...عارفه الأطفال ما بيهمهم...و ما يفهموا معنى الخصوصيه...يعني هذه أشياء فلان و هذه أشياء فلان...

لذلك توقعي العيال يشاركوه في الأكل...