ما شفتكم تناقشتوا في موضوع ال Lunch Box لأطفالنا في المدرسة أو الحضانه...مع إنه مهم !

ما شاء اللة موضوعك جمييل مرموم
ان لسة بنوتة صغيرة
والحمد للة استفدت منكم

الحمد لله ارتحنا في التمهيدي < الروضه> معلمتهم تقدم لهم الوجبه مع الحليب او عصير تكون من الروضه علشان تكون وجبتهم موحده يكونو مثل بعض ويتحمسو ياكلو

والمدرسه عندهم مقصف ومحدد البيع فيه سندويشات وفطاير وعصائر وحليب وشيبس والحلويات عندهم ممنوعه

يعني بتطمن على اكلهم بعد في المدرسه يوم مافيه الحلويات

بخصوص البيض معقولة يفسد يعني أحنا نسويه أول الصبح والأكل يكون على الساعة تسع الوقت يكون قصير...

البيتزا بعد فكرتها زينة بس آنه مادري ليش ولدي ماحب البيتزا بالمرة من يوم كان صغير...في طريقة آخليه يحبها.. لأني أحس اللي بالجبنة وصلصة الطماط مفيدة وماشاء الله آشوف كل عيال الناس ياكلونها....


ملاك مشكورة على التنبيهات الحلوة.. أكيد مدرسة ومنك نستفيد....

موضوع حلو مرموم..

انا ولدي دخلته حضانه بس يومين بالاسبوع...وبقولكم شو احط له...(بصراحه استانست يوم قريت اللي مرموم كاتبتنه عن الاكل الصحي اللي المفروض ينحط لهم لاني من غير ما اعرف هالاشيا اللي فعلا احطها له)
سندويش جبن
جزر مقطع اصابع
خيار مقطع اصابع
فاكهه (موز او تفاح مقطع )
علبه لبن او عصير
روب

وطبعا ترجع الشنطه مليانه ..بس ياكل الخيار و الجزر او احيانا الموز او احيانا السندوش ما احصله ...مادري هو اللي ياكلهم ولا اليهال خخخ

طبعا من قوانين الحضانه ممنوع الاكل المب صحي مثل الكاكاو و الشبس و ربعه..فالحمدلله ما بيحصل هالاشيا من الاطفال الثانيين لاني ما اخليه ياكل هالاشيا في البيت فكنت خايفه يتعلم ياكلها من ربعه

هالاسبوع يمكن احط له بسكوت tuc المالح ( اخذ له الصغاااار يحبهم)

يوم الاربعا ان شاء الله يوم بوديه ( اذا خف عنه الزكام :( ) بصور لكم شنطته

طبعا هو يخلص عال 12 و نص بس انا اييبه عال 12 يكسر خاطري....فيتغدى في البيت...في حضانته قالولي اذا بتطرشين اكل يتسخن ترا نحن نسخنه له ...بس انا اغديه في البيت


بتابع وياكم موضوعكم الحلو :)

اخ يا مرموم ..

ولدي مثل عيالكم ياكل اشيا معينه طبعا مستحيل ياكل فواكهه فقط ياكل اليح الاحمر

شوفي ياستي شو احطله فالانج بوكس

نقتس دجاج او نقانق لحم مع كيتشب

عصير فواكهه او برتقال او مانجو واحيانا حليب فراولة واحيانا لبن

بيض اومليت او مفور

خيار مقطع دوائر

كيك رول فراوله او جوكليت او بسكويت الاطفال

روب فواكهه او كريم كراميل او جيلي او زبادي

كورن فليكس ياكله مثل الشيبس

بطاطه اصابع مقليه

سندويش جبن

طبعا لازم في شي يرجع بس الاشيا المضلله لازم يوميا يخلصها.. احس ان ياكل اكثر يوم يكون عندهم من يدخل البيت ما ياكل الا بضرابة

موضوع مهم بس لاحظتوا خواتي انكم تحطون أشياء واجد
في الانش بوكس والاطفال بسرعه يملون ومعدتهم صغيرة
<<<يمكن ما جربت بس اسمع من اللي حواليني يقولون
نفس كلامكم..
حطوا لهم بس 3 اكلات او ثنتين مع العصير او الحليب وبسسس
بتشوفونهم خلصواا الوجبه وما بيرجعوا شي!!!
يعني الاطفال يموتون باللعب والمرح وما يجيبون طاري الاكل
نوروني اذا كنت غلطانه لاني استفيد منكم الحين..

وااااااااااااااااااااو ...


موضوعج راااااااااائع يا اختي...



وانا متأكده انه راح يفيد امهااات واااااااايد....



وانشاء الله اذا لموووشتي راحت الروضه باحط لكم صورها....

مرحبا، كالعادة موضوعج حلو ام مريم

اني احب انوع في وجبنة نور يعني كل يوم شي غير مثلا:

يوم سندوتش جبن ونوع من الفاكهة وعصير

خيار بالروب وعصير ونوع من الفاكهة

جيكن نكتس وكاتشب وعصير وفاكهة

كورن فليكس وحليب وبيضة مسلوقة وعصر وفاهة

بيض مع جبن مخلوط يعني منفور ونفس الشي عصير وبعد فاكهة

همبرجر مع العصير والفاكهة

وخلي لها مع هلاثلاثة اشياء الاساسية شي من اختيارها مثلا دانيت او كعكة و شيبس او بسكويت اودونت.

الفواكه اللي اخليها محددة لانها ما تكل كل الانواع وهي:

تفاح- خيار مقطع - بروكلي- مانجا مقطع- رمان افته واخليه في حافظة طبعا- جزر- عنب

والعصائر بعد الانواع اللي تحبها محددة وهي: برتقال- تفاح- توت- حليب فراولة او حليب موز او لبن وعلبة حليب.

انا مشكلتي مع ولدي ان الاشياء اللي ياكلها جدا قليلة وفوق هذا مو كل شي يحب ياكله في الروضة :(


اللعام جربت له اشياء كثيرة واخر شي استقريت على عصير ( بس نوع واحد وعلى برتقال ما يحب اي نوع غيره ) وسندويتش جبن ( كان ممنوع احط له اي نوع من اللحوم مثل البرجر والنجتس والنقانق ووو .... الخ ) بس كنت انوع له في الاجبان يعني يوم كاسات ويوم كيري ويوم لافاشكري وكنت ناااادرا اسوي له سندويتش بيض مقلي بالجبن لانه يحبه بعد ..
وكنت احط له بعد حبة جزر بعد ما اقشرها واغسلها ( وكانت النوع الوحيد من الفواكه والخضروات اللي يرغب ياكله هناك ) ونوعين شيبس لكنه غالبا ياكل بس واحد ويرجع بالثاني ..

والسنة نفس الشي لكن صار تغير للأسوأ وهو انه رفض الجزر وصار ما ياكله وفي البداية تميت اسبوع تقريبا يوميا احط له جزرة ويرجعها حتى يأست وقمت ما احط له .. والحين صرت بس احط عصير وسندويتشة ونوعين شيبس ..

اللعام اتذكر عطيته لبن ورجع الا ثيابه كلها لبن ومن يومها هو بنفسه رفض ان يودي معاه لبن وحاولت اغير له العصير لكنه كان يرفضه والفواكه بعد نفس الشي يعني حتى لو كان ياكل نوع معين في البيت يقوم يرفضه للروضة ويرجعه مثل ما هو والبسكويتات بعد والكيك والزبادي كلهم ما يبيهم ، لدرجة اني صرت اوديه السوبر ماركت واقوله اختار اكل حق الروضة ويختار فعلا لكن في البيت لما اسأله احط لك هذا علشان تاكله في الروضة يقول يقولي لا ما ابيه وحتى لو عاندته وحطيته يرجعه مثل ما هو (w)

موضوع واجد حليو

اني عندي ولدي في الروضة واول ما راح كنت احط اليه اكل واجد وصار يرجعه نصه ومنها صرت احط له كمية معقولة


والحين وجبته تحتوي على عصير وبستوق وقطعة فواكه وسندويج واحيانا بدل السندويج احط له كيك واحس هالشي كفاية لانة الجهال ما ياكلون واجد وخاصة ولدي عدوووووووه الاكل

يعني كل يوم يحمل نوع بستوق يوم بستوق محشي بشكولاتة يوم بستوق تمر او بستوق نخالة وبستوق مالح كل يوم نووع
وعن العصير احط له عصير برتقال او تفاح او مانجو او فواكه مشكلة وساعات حليب فراولة او حليب موز
وعن السندويج اسويه اليه على جبن او لبنة او عسل وهالاشياء بس الي ياكلهاا وانتظر الجو يبرد اشوي واسوي اليه سندويج بيض مقلي وية جبن
ومرة وحدة بس سويت اليه بيض مفيوح وقعدت احاتي ان يختررب او شي ومنها قلت بأجل موضوع البيض لين يبرد الجوو احسن واضمن انه ما يخترب
واما بالنسبة لهمرجى والسجق وهالسوالف احسها ما تصلح من الصبح لوجبة الريوق كلشش من جدي ما اسوي اليه هالاشياء واما عن الزبادي بالفواكه ما يحبه صدوقي

واحيانا بدل السندويج احط له كيك او دونت واحيانا فطاير لبنة من المخبز جاهزة طبعا

واحط اليه قطعة فواكه كل مرة نوع والاشياء الي ياكلها تفاحة او موزة او خيار او برتقالة او مانجو او كمثرى او عنب

وساعات احط له زيتون او زبيب او احط اليه جيس صغير للفول السوادني او المكسرات المشكلة بسس

احس وجبة ولدي متنوعة وكميتها معقولة اليه

والحين بنونة عطتني فكرة الكريم كرميل ان شاء الله هالمرة بحط له وية اكله

وعن الكورن فلكس صدوقي يحب ياكله جددي كانه جبس وياكله وية حليب بعد بس اني ساعات افكر ان اعطيه كورن فلكس ياكله مثل الجبس عشان ما يعفس الصف بالحليب بس مترددة ويش رايكم انتون ؟؟ اعطيه كورن فلكس ياكله جددي او لاا؟؟

وبالنسبة للاجباس والمينو والحلاوة والكاكو والعلكة كلها ممنوعة عندهم في الروضة

ريحانتي

احنا كاتبين كل هذيل بس مو معناته نحط كل شي كل يوم نحط 3 اشيا او 4

رانيا هلا الغالية

والله انا بعد شاكه بسالفة ان البيض يفسد بس ما تعرفي هم اخبر يمكن صارت عندهم حالات تضرر الطالب من البيض

تعرفي عندنا نشوف البلاوي لما يفتح الطفل علبة الاكل نفسي اشيلها وارميها يلا الله تشوفي العجائب ولا شي مفيد كله كاكاو وشيبس ومصاصات

شلون الولد بيستوعب وهو ياكل بها البلاوي وصدقيني بالمدراس ما تشوفين شي عدل ينباع ما ادري يمكن النظام بباقي المقاصف غير لكن عندنا ما اشوف شي مفيد ينباع غير يمكن حليب بالفروالة وبعد تشوفين الطلبة ما ياخذونه ليش لانه فيه وايد اشياء تعجبهم شيبس كاكاو حلويات يعني مستحيل الطفل يقرب منها

يلا الواحد شو يقول اذا انتي تاكلينه بيدج وتراكضين عليه وما ياكل شو عاد الي بتخليله الاكل بعلبة وين بياكل

اه الواحد شو يقول

بس بصراحة اشوف فيه فيه عيال ما شاء الله يجيبون كب كيك مصنوع بالبيت ومكرونه احيانا وبطاطا بجبن وتشوفينهم ما شاء الله يحبوها ممكن حتى بما انهم يحبو الهوت دوج والنجتس تضيف للسندويش اشياء مفيده خيار طماط خس ومقطع بطريقه صغييييييره ما تبين بياكل وهو مستانس وبيستفيد ان شاء الله ولو الطفل يتقبل ياكل الصبح قبل لا يروح تحاول بعد على تفاح مقطع وعصير برتقال يكون كثير حلو

مررررررررررحبا...


ليش ما ناقشنا هالموضوع هني؟
الا ناقشناه ومرات بعد..

يجوز بعد في رابطة امهات 2004 تكلمنا بشكل مستفيض عن هالموضوع .. وكانت افكار البنات رووووعة لأن مواليد هالعمر من العام اللي راح ف الروضة..

المهم انا السنة فقط ومن شهر ونصف اختبرت هالسالفة..

وكنت مثل بقية الامهات مزهوووووقة عليه احط له اشياء وايد.. بس يرجع نصفها،
ومنها صرت اسأله واحط له بالضبط قد اللي يقوله، واذا رجع بشيء منهم اقعد اعاتبه ، واطلب منه دام طلب هالاكلات انه ياكلها،
ومثل ما قلتوا بعد في الروضة يتشجعون ياكلون اكثر واكثر..
حبيبي ما عنده مشكلة مع الفواكه بكل اصنافها.. كل يوم اوديله نوع ، وهناك معلمته تقصص لهم كل الفواكه بصينية وياكلون كلهم منها، والشي اللطيف انها تقول لهم ما تاكلون الاكل اللي بشناطكم الا لما تكملون الفواكه اول..

المهم الشيء الاساسي عندي في الوجبة بعد الفواكه هو السندويتش والعصير.. واستقر رأي حسين بس شندوتش الجبن فقط .. واحيانا اضيف له خيار يحبه بعد..
والعصير احرص انه يكون عصير او نكتار مش شراب..

والشيء الرابع يكون هو المتغير طول الاسبوع
مرة جبس
مرة بسكوت
مرة معمول تمر
مرة زبادي بالفواكه او كرامل...

وكله حسب ما ذكرت حسب طلبه..

اتذكر مرة جاني يطلب اكله مثل الي عند زميله ن وعجزت منه ابي اعرف شنو هالاكلة ماعرف يوصفها ..بس انه قعد يصيح هههههههههه يبي مثلها.. حتى فكرت اتصل في معلمته اسألها.. بعدين هونت.. :)

خخخ جمانه على طاري الاكله...ولد اختي فديته اكبر من حمودي ب 6 شهور...يا البيت يقول حق امه ابا فراوله...شكله كان جايف بنت عندهم يايبه فراوله..وتم طول اليوم يزن يبي فراوله لين خذت له ...والحين يودي الفراوله يوميا للمدرسه خخخخ

وهذه بعض المواضيع السابقة بالركن


http://www.3roos.com/forums/t375257.html?highlight=%C7%DF%E1+%D1%E6%D6%C9

http://www.3roos.com/forums/t275701.html?highlight=%C7%DF%E1+%D1%E6%D6%C9

يعطيك العافيه

ما شاء الله

يا ربي ايمتا بنتي تكبر و تروح الروضه

الله يحفظ كل الصغار يارب و يقدرنا نربيهم احسن تربيه يا رب

ام مريم

انتي تحايلي على الأكل اللي تحبه

يعني مثلا

شو رأيك تحطي شوي بطاطس مشويه و على شويه ملح في البوكس ؟؟

مثل هذي مثلا




كمان إذا كانت تحب اي نوع فاكهه قطعيه و حطيه في بوكس صغير


و عصير او حليب

و على فكره


إذا كلتهم خير و بركه بلاش تكثري و ينرمى في الزباله حرام

و بعدين تبقى تتعشى بالبيت تحت اشرافك

bj3a;7421269:
ريحانتي

احنا كاتبين كل هذيل بس مو معناته نحط كل شي كل يوم نحط 3 اشيا او 4

يسلمووو حبيبتي..كنت متخيله هالاكل كله بالصندوق ههههههههه..

وايد حلو موضوعج مرموم

شوقتوني تكبر نجودة وتروح الروضة

على فكرة شكلي بوديها الحضانة من وقت لان ذبحتها اليهال اذا اروح معاها الحديقة اللي جنب بيتنا الا تصيح تبي اليهال اللي يلعبون

انا من ناحيتي كنت اعطي ولدي في الروضة ساندويتش جبن كاسات مع شرائح خيار وطماطم بس لما يصير الجو حار اكتفي بالجبن واحيانا ساندويتش بيض مخلوط مع الجبن مع شرائح خيار وطماطم ونفس الشي مع حرارة الجو بالاضافة الى الخيار والجزر المقشور وتفاحة واحيانا فراولة او موز وعلى حسب رغبة طفلي وكانوا الاطفال يشاركوه في الفراولة والفواكه والخضار واعطيه احيانا معمول بالاضافة الى الحليب بالفراولة او الفانيليا او الموز وذلك على حسب الرغبة والعصير تقدمه له الروضة بالاضافة الى انواع من الفطائر والدونات وطبعا انا اقدم له الدونات وفطائر باللبنة او اي نوع اخر يرغب له وطبعا كان يطلب مني ورق عنب واعمله اليه واضعه في حافظة وطبعا اغلب الاطفال يشاركوه الوجبة ودائما يحسب حساب اصدقائه وزملائه ولكن اطلب منه ياكل خيار او ساندويتش حتى لو القليل وبعدين يبدأ في الورق العنب وبالنسبة للحلويات والشيبسات ممنوعة منعا باتا في الروضة وكنت اعطيه احيانا كيك او قطع بسكويت :tongue::tongue: