تجهيزات عرايس مصر الجزء 101 :)

ساره .. انتى كمان وحشانى اوى
يا بنات فعلا الثلاجه لازم يكون لها مصدر تهويه يعنى تكون قريبه من شباك المطبخ عشان سلامة الموتور والفريون ..


مهندس الديكور عملى فى الريسبشن مكتبه جوه الحيطه زى اللى فى الصوره بالظبط
ايه رأيكم فيها ؟

شهيدة;7430810:
المشكله ان مهما جبتلك من الوان
هتلاقي في الاخر الالوان عند الراجل درجات كتيييييييييييييييير جدا والفرق بينهم مش بيبان في الكارت اللي عنده بيبان عالحيطة
وانتى لما تيجي تدهنى ممكن تجيبي تيست مش فاكرة بيسموه ايه بس هما بيدهنولك اللون اللي انتى عايزاه على نص متر عالحيطة علشان تشوفي اللون مناسب ولا لا

اه بجد يا بنات اي واحده عايزه تعمل اللوان كمبيوتر تجرب الاول....... بتشتري نص لتر تجرب بيه علي الحيطه لان اللون بيبقي مختلف

وده عن تجربه لان الالوان علي الحيطه طلعت حاجه تانيه خاااااالص:ss:

roro cat;7430812:
ازيكم يا بنات معلش انا اول مره ادخل وعازه طلب اللي عندها منكم صور لكرانيش للسقف تكون حلوه وجديده او موقع ديكورات فيه كرانيش سقف ياريت تقولي او تبعتهولي ويكون سعرها مناسب لا علي اوي ولا تحت يعني عايزه حاجه انم اكيد فاهمين شكرا

انا رأي تنزلي تتفرجي علي محلات الكرانيش احسن لان انتي كده كده ماتزمه بالاستامبه اللي بيعملها اللي هيجي يعملك الكرانيش او المحل اللي هتشتري الكرانيش منه

mnne;7431513:
بالنسبه للصالون ياكاسندرا انا عندي الصالون هتكون الكنبه وراها حيطه فيها شباك كبير شويه
وطبعا دي اللي هيكون فيها الستاره مش عارفه بئه اعمل الحيطه دي غامقه وللا اعمل حيطه تانيه اللي جنبها مع العلم ان الصالون عندي مفتوح عالريسبشن يعني مفهوش غير تلات حيطان بس قوليلي ايه رايك:o

انا عندي نفس النظام الصالون تحت الشباك والجزء اللي بره السفره وعامله الحيطه اللي جنب الستاره و الحيطه ديه مكمله مع السفره ومحطوط عليها البوفيه و شكلها حلو الحمد لله
لان الستاره هتداري اللون بتاع الحيطه

راندا;7431786:
ممكن طلب منكم اللى عندها صور لاسبونشات الالوان الاتية تنزلهالى ازرق لان الصالون عندى كحلى والاسبونش النبيتى او الطوبى والروز واى صور تانية بليز ولو حد عندة افكار لعماويد جبس لونها ابيض يقولى عليها عاوزة اغيرها اعملها مثلا فيبر او كسر جرانيت

اللون الازرق في الاسبونش بيبقي سخيف او يمكن اللي انا شوفته هو اللي وحش خالي النقاش يوريكي عينه

http://www.3roos.com/uploder/uploded20080901/223257/51224061295.jpg

http://www.3roos.com/uploder/uploded20080901/223257/41224061295.jpg

سارة المزعورة;7437667:
عندهم كل حاجة
وكل حاجة انتى الى بتحددى مستواها وبتختارى شكلها
مستوى الفاعات فلة احسنهم القاعة الكبيرة دى بتاخد من 200 وانتى طالعة وقاعة عايد ودى بتاخد من 100 الى 150 وتحفة الالثنين تحت
سيبك من القاعات الى فوق هما حلوين لكن الى تحت احلى
ديكورات القاعات عالية والصيانة دايما شغالة فيها
عندهم تشكيلة زفات وتشكيلة كسوات وتشكيلة سنتر بيس وكل حاجة
وعندهم بوفيهات من الاول الهاى تى لحد البوفية المفتوح بالخروف كلة موجود وتحت امرك

اقارب الدرجة الاولى فقط من المهندسين التخفيض بيكون فى الاكل مش اكثر يعنى لا زفة ولا كسوة ولا اى حاجة
التخفيض بيكون فى الاكل ليس الا بيفرق تقريبا 800 جنية بس دة مالوش دعوة بالخروف لو هاتجيبى لان دة سعرة كدة لوحدة

الحجز مش اعرف دى بيتوقف على التوقيت موسم الاجازات والامتحانات وكدة
ممكن البنات يفيدوكى فى الحجز انا عن نفسى كانت قبل رمضان بيوم واحد فالدنيا كانت طبيعى فاضية

طيب يا ساره هيا كانت كام فرد ؟؟ و اتكلفت كام؟؟
و يا ريت كمان لو معاكي البرشور بتاعها تنقليهولنا بلييز

mishmish2010;7435297:
يابنات ممكن مساعده ضرورىىىىىىىى عايزه مكان فى وسط البلد او روكسى اجيب منه الطقم اللى بيتلبس تحت فستان الفرح اللى هو برا بالكورساج والشراب وكده وعايزه اجيب برضه الشبشب الابيض يالفرو بس كعب عالى ارجوكم ردوا عليا بسررررررررررررعه عشان فرحى يوم الجمعه وشكرااااااااا ولوز حد عارف مكان تانى يقولى بالتفاصييييييييييل

عندك محل عدس فى وسط البلد. بس مش فاكرة عنوانه بالظبط
وطبعا رسمية فى ميدان سفير فى مصر الجديدة

شهيدة;7435926:
بنات لقيت سايت تانى للي تحب تشوف ازاى تلون الشقه بتاعتها وتغير في الالوان وحتى العفش وتختار الصورة اللي هيا عايزاها تكتب بس colorplanner ده اسم السايت

سؤالى بقا حد يعرف الاستنلس بتاع مصانع 6 اكتوبر نظامه ايه؟ واسعاره؟

ماعرفش نظام الاستانلس بتاعهم ايه بس الالومنيوم بتاعهم جميل
واسعار الاستانلس من اول 400 لحد 800. انا مش بفهم فى الاستانلس فمش هقدر افيدك قوى.

sosiii;7436046:
ازيكم يا بناااات وحشتوني اوي اوي
بقينا في الجزء 101 مرة واحدة :D ماشاء الله
انا غايبة عنكوا بقالي حوالي اكتر من اسبوع اهو كنت بفرش الشقة وطلعت جميلة الحمد لله عقبالكوا كلكوا ياااارب
ادعولي بالله عليكوا

ما شاء الله مبروك يا جميل
عقبال ماتقعدى فيها وتتهنى بيها ان شاء الله

صوت العيون;7436076:
هقلك المطخ حرف ال اوكى

وبعدين بقا التلاجه احطها فين فيه مش عاوزاها فى اخره ولا فى اوله لان اوله البوتاجاز وبعجه بشويه الغساله ان شاء الله يبقا ادى حرف الالف خلص الحمد لله باقى حرف الال بقا عاوزة احط التلاجه فى نصه ان شاء الله بس عاوزة صورة للكلام دا فهمتينى كدا يا جميله

على فكرة انتى كده بتقطعى الرخامة والدواليب ومش هيبقى عندك مساحة كبيرة على بعضها. خلى التلاجة فى الطرف أفضل.

بصو بقى حد يرد عليا لان نفسيتى زى الزفت انا اليومين دول اجى اعمل ايدى ورجلى ب براون يطلع مكانها حبوب مخليه شكل ايدى ورجلى يقرف بجد قى حل ولا اروح لاى دكتورة النهاردة لوسمحتى حد يرد عليا

dyana;7438198:
ساره .. انتى كمان وحشانى اوى
يا بنات فعلا الثلاجه لازم يكون لها مصدر تهويه يعنى تكون قريبه من شباك المطبخ عشان سلامة الموتور والفريون ..


مهندس الديكور عملى فى الريسبشن مكتبه جوه الحيطه زى اللى فى الصوره بالظبط
ايه رأيكم فيها ؟

حلو شاطر الراجل دة
تعرفى احسن وانظف حاجة هى الدولايب الى فى الحيطة
باين علية عندة مخ ربنا يتمللك على خير يا جميلة
بس هوة انتى عاملها برضة لاكية سن الفيل ولا اية

تعرفى انا لو كنت اعرف حد ياخد الشقة من بابها كدة كنت خلصت من بدرى مش 10 اشهر فى شقة قد الحق (ولادة متعثرة والعيل فتس )

ولو فيها غلاسة ممكن تليفون وعنوان المهندس دة انا محتاجة بجد حد يخلص ممكن المساعدة

rozarita;7436133:
بصى يا ا mnne انا النهاردة كنت فى النساجون اللى فى مساكن الشيراتون وشفت سجاجيد حلوة موت فى نوع نازل جديد اسمة شانج رويال وشانج كلير هى الاف صناعية بس تحفة عارفى الجاجيد اللى طالعة موضة دى اللى ليها وبرة طويلى فى منها هناك الوان تحفى

اسمه شاجى مش شانجى... رويال شاجى.. ولو تلاحظى هتلاقى فى فروق فى فتلة السجاد والخامة من واحدة لتانية. واحدة مدية اكتر على حرير واحدة على قطن وهكذا.
الرويال شاجى:
السجادة ال،1.6 * 2.35 عاملة 1100 جنيه.

ونفس الاسعار تقريبا فى كاربت سيتى. وجودة السجاد يا جماعة فى كاربت سيتى حلوة قوى. انا رحت وشفت السجاد هناك جميل فعلا.

rozarita;7436303:
بنات اية رايكو فى ان الواحد يشترى لا نجيرى من على النت تفتكروا دى فكرة كويسة ولا اية انا خايفة اشترى وبعدين تطلع الحاجة غير الصورة او فيها اى مشكلة يا ريت لو حد جرب يقولى

بلاش. ماتضمنيش الخامة ودرجات الالوان.
كل حاجة موجودة هنا.

mnne;7436363:


ميرسي ياصوت علي النصيحه متحرمش منك:wink:

حد يقولي اشتري لبسي الشتوي الخروج دلوقتي وللا استني التخفيضات
خايفه استني ميكونش فاضل حاجه حلوه
وكمان لبس البيت بردو
افيدوني افادكم الله

الشتوى الخروج دلوقتى كله بواقى السنة اللى فاتت. استنى شوية احسن

بوسي كوكو;7436653:
بنات هو ينفع ترابيزة تلفزيون مع الصالون اصل فيه مساحة فاضية

لا مش هتبقى حلوة خالص
لو عندك مكان فاضى حطى فيه دولاب فضية بيبقى شيك جدا

soses;7436700:

والله انتوا جننتونى معاكم شوية تقولوا تلاجة كريازى وحشة وشوية حلوة وشوية وايت ويل طب انا اعمل ايه دلوقتى حيرتونى معاكم اوىىىىىىىىىى والبوتجاز شوية يونيفرسل حلو وشوية وحش وتكنو جاز وحش وشوية حلو بالله عليكممممممممممممم تقوليلى اجيب انهى تلاجة و بوتجاز انهى احسن

ده طبيعى يا قمر وده اللى قلناه اكتر من مرة
الحاجات دى بتبقى حظوظ فعلا
تلاجة ايديال اللى البنات عمالين يقولوا عنها حلوة عند ابن خالتى بقالها اقل من سنتين وصلحها 3 مرات ومش عاجباه خالص
البوتاجازات يونيفرسال وتكنوجاز وكريازى كلهم حلوين. بس انتى وحظك. ممكن يجى فى حظك واحد خارج من المصنع مش مظبوط. ده طبيعى. بس بوتاجاز كريازى مثلا ماعجبنيش لأن رف الفرن بتاعه خفيف جدااااا.
التلاجات برضه الكريازى والتوشيبا والوايت ويل والكلفينيتور حلوين. وانتى ومقدرتك. بس انا مثلا ماعجبتنيش التوشيبا حسيتها ضيقة وارففها مش ماسكة نفسها لا هى ولا ارفف الباب وكمان الفريزر.

عاشقة الرحمن دينا;7438238:
طيب يا ساره هيا كانت كام فرد ؟؟ و اتكلفت كام؟؟
و يا ريت كمان لو معاكي البرشور بتاعها تنقليهولنا بلييز

صباح الياسمين والانوار والفل ازيك يا جميلة اية اخبارك
مش رديتى عليا فى موضوع مرواح الازهر
يا رب تكونى بخير


كانت 150 واتكلفة 25000
مش عندى اكيد برشور
بس بالصراحة انا كنت مختارة اعلى حاجة فى حاجات كثير افترى هوة وجة فى الاخر على راسى
منى ليكم ماتعملوش الى اناعملتة وندمت علية

فين اتيلة البيت الابيض دة يا ليتل كات من فضلك ؟؟؟؟؟؟؟؟

meroo012;7438286:
بصو بقى حد يرد عليا لان نفسيتى زى الزفت انا اليومين دول اجى اعمل ايدى ورجلى ب براون يطلع مكانها حبوب مخليه شكل ايدى ورجلى يقرف بجد قى حل ولا اروح لاى دكتورة النهاردة لوسمحتى حد يرد عليا

مررى عليها ثلجة
وحطى مرهم فيوسدين مضاد حيوى

بالله عليكم يا جماعه مش تطنشوني في موضوع كرانيش السقف ده مهم جدا ساعدوني بليز اكيد كلكم عملتوم كرانيش في السقف

بصى يا ساره

المهندس دا يبقى صاحب اخو خطيبى وانا والله معرفش حاجة عنه خالص لان اخو خطيبى بيعملنا الشقه كادو منه ولما حاجة بتخلص بيخلينا نشوفها
بس ان شاء الله ححاول اجيبلك رقم تليفونه وابعتهولك يا قمر
اما بقى عن الالوان لسه النقاشه مش ابتدوا فيها خاااااااالص هو بس عمل الارفف وورانى الصوره النهائيه حتبقى ازاى:wink:

السجاد اللى هو بوبره عاليه زى الفرو بس بيبقى عالى نغطس فيه دا بيبقى سعره كااام واجيبه منيين ؟؟

اللي تعرف سايت ياريت تبعتلي اللينك

صوت العيون;7436775:

اه بين هو بس مش اقصد الى بمرايه اوكى اقصد الى شبه الكومودينو بيجى مع اوض النوم دلوقتى اعات بيحطوا عليه تليفزيون يا بوسى عرفتيه

اللى عامل زى الكومود وعالى اسمه عسكرى.

Kolkola;7436862:
-
[glow="FF0066"]
يا وردات

عاوزة حد يقولي علي نوع زجاج كويس يكون ابيض بس مش بيبين الشقة
عشان اعمله للشبابيك والبلكونة
[/glow]

بلاش اللون الاصفر ده عنينا وجعتنا

مرمر23;7436973:
كتاركت اسمة كتاركت اغلى نوع فيهم 1400 او 1600 فى بنوتة لسة سالة علية
كلمى الدليل وانتى هاتوصلى ليهم

طيب يا بنــــــــات انا لو عايزة اجيب مراتب هانسن دى المفروض اجيب كام واحده لو انا عندى اوضة اطفال كمان وعايزة اعرف هى الافضل ولا المراتب القطن ؟؟؟؟؟؟؟؟؟؟؟ ردوووووووووووووا عليا بأأأأأأأأه[/quote]

هتجيبى مرتبة واحدة لكل سرير.
وعلى فكرة انا سألت فى محل يانسن قبل كده وقالولى مش لازم ملة معينة. انتى بس بتحطى ملة خشب وتقربى الملل كلها من بعض.

DodyCat;7438090:
ب 32 جنيه مرتين فى اليوم مرة الصبح ومرة باليل


جنب التوحيد والنور منين يا جميل؟؟

جنب التوحيد والنور اللى فى شارع عين شمس لازم فيه. الوصف باين يا قمر.

roro cat;7438178:
يا بنات انا ساءلت قبل كده عن كرانيش السقف اللي عندها صور لكرانيش حلوه ياريت تبعتلي او تبعتلي سايت ديكور او كرانيش كويسه صور يعني وتكون تكلفتها معقوله مش هاي اوي ولا تحت ياريت تساعدوني

شهيدة حطتلك صور كتير جدااااااااااا
راجعى اللى فاتك

dyana;7438198:
ساره .. انتى كمان وحشانى اوى
يا بنات فعلا الثلاجه لازم يكون لها مصدر تهويه يعنى تكون قريبه من شباك المطبخ عشان سلامة الموتور والفريون ..


مهندس الديكور عملى فى الريسبشن مكتبه جوه الحيطه زى اللى فى الصوره بالظبط
ايه رأيكم فيها ؟

جميلة قوى ما شاء الله مبروك عليكى

nemonamanemo;7438213:
اه بجد يا بنات اي واحده عايزه تعمل اللوان كمبيوتر تجرب الاول....... بتشتري نص لتر تجرب بيه علي الحيطه لان اللون بيبقي مختلف

وده عن تجربه لان الالوان علي الحيطه طلعت حاجه تانيه خاااااالص:ss:

ايوة يا بنات الالوان بتختلف تماماااااااااااااااااااااااااااااااا
انا كنت مختارة لون اخضر فاتح موووووووووووت طلع فى الاخر بستاج :ss: هو الحمد لله طلع حلو بس مش اللى كنت متوقعاه خالص. ماكنتش اعرف موضوع التست ده.

meroo012;7438286:
بصو بقى حد يرد عليا لان نفسيتى زى الزفت انا اليومين دول اجى اعمل ايدى ورجلى ب براون يطلع مكانها حبوب مخليه شكل ايدى ورجلى يقرف بجد قى حل ولا اروح لاى دكتورة النهاردة لوسمحتى حد يرد عليا

بصى يا لؤلؤه
عارفه الحجر الخفافى بتاع الرجل ؟؟
ادهنى رجلك وايديك شاور جل واغسيلها باللوفه كويس وبعدين ادهنى ايدك ورجلك بلسم شعر او حمام كريم للشعر وادعكى رجلك وايدك بالحجر بالراحه وعلى خفيف وبعدين اشطفيهم ونشفيهم وادهنى بقى كريم جليسوليد + فازلين طبى حتبقى زى الفل

سارة المزعورة;7438382:
مررى عليها ثلجة
وحطى مرهم فيوسدين مضاد حيوى

ميرسى يا سارة على الرد بس دى حبوب جواها الشعرة نفسها يعنى لازم تتفتح يعنى عشان الشعرة تخرج منها ولا اعمل ايه بس

السلام عليكم ورحمه الله

ازيكم ياحلى بنات واحلى عرايس بجد مواضيعكم جميله جدااا ومفيده

ان شاء الله انا فرحى 3_11 _2008 وانا من طنطا وعايزه اعرف محلات تاجير فساتين زفاف حلوه ولو غى حد يعرف واحده تكون بترسم حنه على الايد

اما عن تجهيزاتى انا عملت مطبخ خشب بس حلو ماشاء الله وكبير

اما عن ادوات المطبخ بقى ***جبت طقم صينى_وطقم اركوبال _وطقم بيركس_وطقم ميلامين

وجبت 6 اطقم كاسات فيهم ايطالى وفرنساوى وبهيمى وتركى

وشوبات عصير وكوبيات شاى

والحلل جبت طقم حلل المونيوم وطقم تيفال وطقم صاج تشيكى
وشنطه ملاعق وعلاقه ملاعق و3 طقم توزيه منهم الخشب

غير الاجهزه طبعا التلاجه والبوتجاز والغساله والمكنسه وكل الاجهزه

اه صحيح انا جبت حله ضغط اللى هى من من تيفال زهران بس غاليه المهم اهى جت وخلاص

انا حبيت اقولكم على تجهيزاتى ومتنسوش اللى يعرف محلات الفاستين يقولى مافيش وقت الله يخليكم

ولا تنسونى من دعواتكم الحلوه

meroo012;7438444:
ميرسى يا سارة على الرد بس دى حبوب جواها الشعرة نفسها يعنى لازم تتفتح يعنى عشان الشعرة تخرج منها ولا اعمل ايه بس

بصى انا كمان بيبقى عندى نفس المشكله بس انتى ممكن تعملى اى مقشر اسكرب يعنى كام مره لحد ماتفتحى الجلد والشعر يطلع دى نمره 1 بعد كده تعملى سويت وبعد ماتخلصى تغسلى ايدك كويس اوى مكان السويت وبعدين تمررى تلجايه موضوع التلج ده موثوق فيه لانى رحت لدكتور وهو قالى كده

[quote=pippo;7438409]اللى عامل زى الكومود وعالى اسمه عسكرى.


غرفة النوم تتكون من سرير ودولاب وتسريحة و2 كوموند والثالث دة اسمها شوفينيرة
موضوع الشوفينيرة دة من زماااااااان من ايام الثمانينيات مش جديد الموضوع دة
اسمة شوفينيرة

صوت العيون;7436810:
ورينى صور مليش خبره فى الاسماء بس هو بيبقا منقوش كدا وشكله شيك وبيتباع لوحده تقريبا من 1000 ل 3000 والله اعلم

أسمه بايوه

meshmesh_romio;7438495:
بصى انا كمان بيبقى عندى نفس المشكله بس انتى ممكن تعملى اى مقشر اسكرب يعنى كام مره لحد ماتفتحى الجلد والشعر يطلع دى نمره 1 بعد كده تعملى سويت وبعد ماتخلصى تغسلى ايدك كويس اوى مكان السويت وبعدين تمررى تلجايه موضوع التلج ده موثوق فيه لانى رحت لدكتور وهو قالى كده

شكرا ليكى يا جميل بس ممكن اعرف ازاى اعمل مقشر لرجلى ايه المكونات؟ ولا دى مقشر جاهز ؟

سارة المزعورة;7438513:
[quote=pippo;7438409]اللى عامل زى الكومود وعالى اسمه عسكرى.


غرفة النوم تتكون من سرير ودولاب وتسريحة و2 كوموند والثالث دة اسمها شوفينيرة
موضوع الشوفينيرة دة من زماااااااان من ايام الثمانينيات مش جديد الموضوع دة
اسمة شوفينيرة

الشوفينيرة بتبقى عريضة
انما اللى بنتكلم عنها دى بتبقى فى نفس عرض الكومود بالظبط بس عالية. وأعلى من الشوفينيرة كمان. ودى الناس اللى شغالين فى مجال الموبيليا بيقولوا عليها عسكرى. انا سألتهم على اسمها لأن شكلها غريب :D