تجهيزات عرايس مصر الجزء 101 :)

nona_esam;7433647:
[quote=kitty_kity;7426078]نونا عصام..
انا شفت الي هي قمصان قطن دي قصيرة ودلوعه وحاجات كدا
كانت ماركة زيكو تكس
شفتها ف مكانين وواحد ارخص من التاني
الاولاني الي هو اغلى..عارفه ميدان الي ف البورصة الي ف عمارة لونها ازرق كدا؟
من جنبه كدا ف الشارع الديق هتلاقي واحد فاتح هناك..عند السلم بتاع المول من ورا
عنده الكتالوجات وبتختاري منها
ده مثلا هنقول شفت القميص ب 35 جنيه
التاني بقى الرخيص كان جنب سوق ناصر
جنبه مش قصاده...هتلاقي محلات بتبيع الحاجات دي...وبردو كتالوج وبتاع
نفس القميص لقيته هناك ب 30 :)
وطبعا لو خدتي حاجات كتير لازم تخليه يعملك خصم خاص
واي اسئلة اؤمري :)[/qu


شكرا ياكيتى ياقمر بس ياريت لو تعرفى اسماء المحلات بالظبط وسوال كمان انا عاوزه مكان اجيب منه ارواب صيفى وشتوى حاجات صغننه كده زى حاجات بره من ايت وعاوزه اجيب بيجامه بروب لخطيبى وليا انا كمان لانى هاتجوز شهر11 وبيقولولى لازم بيجامه وروب ساتان

والله يانونا مش فاكرة اسم لمحل اوي..والراجل الي بقولك عليه جنب ميدان ده مش محل هو فاتح بالظبط عند بداية السلم من ورا..مالوش اسم
الارواب بقى ياستي..عندك هاله ف اول البورصة
المحل الي قبل لوراج من احمد ماهر
اممم فين تاني
اه ساعات بشوف حاجات حلوة ف هانو وبنزايون والحتت دي بالذات لان دلوقت بقت في شركات بتأجر المحلات دي تعرض فيها حاجات...يعني مثلا دلوقت لو روحتي بنزايون هتلاقي عنده واسعار حلوة اوي..وعنده فوط وملايات وحاجات روعه
واشكالها جديده وكل حاجه مش زي حاجه القطاع العام العتيقه
وربنا يتمم لك بخير:)

اه صحيح ممكن تشوفي بيجامات الرجالي ف محلات اللبس الرجالي عارفه اول المديرية من ميدان الساعه كدا


الف حمدالله على سلامة مامة هبه :) ربنا يطمنها عليها يااااااااااارب

mashimaro16;7434334:
بيبو ميرسى يا قمر
انا فعلا الصالون عندى شبه اللى انتى خطيتى صورته والدرجات اللى بتقوليها جميله ميرسى يا قمر

صوت انا مش متصوره الكنارى ممكن صوره؟؟؟ مش فاهمه انهى درجه من الاصفرارت



بنات اختارولى واحده من دول












ايه رايكم فى الطرابيزه دى ؟ والاحلى انها تبقى من فوق الارصه بتاعتها تبقى زجاج بس ولا زى ماهيا فى الصوره ؟






انا معايا رقم ناس بتعمل التورته دى كان ليهم سيت بس انا اخدت الرقم ومعنديش فكره عن اى تفاصيل
ولا حتى معايا السيت فاللى عايز الرقم ويجرب انا تحت امره ابعتهوله

انا عاجباني الصور الي سبتها
اول واحده حساها شيك وغير تقليديه
والي ف الوسط
والاخيرة لونها هادي ومريح كدا..بس على حسب لون الخشب عندك

بالنسبة للترابيزة الي حطاها...انا عاجباني كدا الحقيقة :)

التورته بقى...ماتعرفيش حتى كانت بحوالي كام؟؟؟
لاني مرة..جربت اسال يعني بس مكانش هنا الحقيقة..وانصدمت صدمة رهيييييييييبه :D

mashimaro16;7433949:
بنااااااااااااااااااااااااات
هبه 07 مامتها الحمدلله الحمدلله الحمدلله قامت بالسلامه والحمدلله كويسه
بتسلم عليكم كتيييييييييير وقالتلى اطمنكم
ادعو لطنط ان شاءالله ربنا يتم شفاها يارب على خير
وهبه تبقى احلى عروسه ان شاءالله

الف حمد الله على سلامة مامة هبه

علشان المخالفات بس
انا قماش الصالون بتاعى لبنى فى فضى والكراسى نفسها بدل المدهب فضى
هوا مش لبنى لبنى بس لون من الدرجات الازرقات يعنى
قولولى الحيطه بقى اعملها الوان ايه؟؟ او مين شاف ورق حيطه تحفه مهما كان سعره بس يكون شيك اوى

mnne;7434122:
:):eek:
حمدالله علي سلامتها الف سلامه(f) وربنا يقومها بالسلامه(f) ان شاء اللهروتفرح بهبه(f) وهيه احلي عروسه(f)(f)(f)
مدام علي ازرقات اعملي الحيط علي اصفر هيخليه ينطق
وياريت يا تعرفوني فين اقرب فتح الله لمحطه الرمل:)

بيتهيالي الاقرب الي في سموحة قبل جرين بلازا

عروسه عريسى;7434326:
[quote=بوسي كوكو;7433300]بصي انا الريسيبشن عندي اصفر كناري و عاملين على الارج اللون ده مقلم مع الزيتي و جميل ما شاء الله


اللون انهو يابوسى الدهبى ولاا النحاسى ماعندكيش صورة ؟اصلى متهيقلى هايبقى قريب من الاصفر ولاا ايه ؟

انا بقولك اني عملاه كله كناري و حيطة واحدة كناري في زيتي

mashimaro16;7434334:
بيبو ميرسى يا قمر
انا فعلا الصالون عندى شبه اللى انتى خطيتى صورته والدرجات اللى بتقوليها جميله ميرسى يا قمر

صوت انا مش متصوره الكنارى ممكن صوره؟؟؟ مش فاهمه انهى درجه من الاصفرارت
[SIZE=3][COLOR=royalblue]

الكناري افتح درجة في الاصفر

m@hy;7435034:
بناااااااااات ازيكم ازيكم
نزلت النهاردة و استقريبت على تلاجة توسيبا 14 من غير حنفية و كانت من توكيل توشيبا ب 2300و اللى بحنفية كانت ب2375

و كمان غسالة ايديال زانوسي اكوا تك باب كبيرة و بيتفتح على الاخر 18 برنامج ب2590

اية رايكم فى الاسعار و الانواع

الف مبروك عليكي يا قمر

عروسه عريسى;7435134:
ربنا يخليكى متشكرة لاهتمامك جدا عاوزة اعرف فى منها مراكز بيع فى اسكندريه لو تعرفى تقوليلى على العنوان فين انا اعرف سكيب بس غير كده للاسف لاء؟

في اماكن بيع ليها بس مش فاكرة فين

يارب أبقى عروسة;7435206:
ازيكو ياقمرات لو سمحتو عايزة منكم استشارة عاجلة لو لون قماش صالون زيتى ايه لون الجدران الى يكون حلو عليه وينطقه ويكون شيك محتاجة ارائكم بجد علشان انا محتارة جدا جدا

بيج في زيتي او كناري في زيتي و بلاش اسبونش

loly1;7435590:
ازيكو يابنات يارب يتملكوا على خير وتتهنوا انا قولت ابص على التجهيزات

مشاركتك مخالفة يا قمر

mnne;7436268:
بصي ياقمر انا مش من القاهره فطبعا مشفتوش في القاهره بس كان ب180تقريبا
ميرسي ياروزا علي الافاده
انا كمان فيه واحده قالتلي في النساجون علي اسامي عجيبه فيه نوع اسمه ناتالي ده واحده صحبتنا حابتهتقريبا اللي بتقولي عليه ب2000ده
انا عايزه اعرف اجيب كام قميص بروب انا عندي تلاته وهجيب الابيض لسه
اجيب تاني بارواب وللا ايه

لا كفاية كده بروب يا جميل

mishmish2010;7435297:
يابنات ممكن مساعده ضرورىىىىىىىى عايزه مكان فى وسط البلد او روكسى اجيب منه الطقم اللى بيتلبس تحت فستان الفرح اللى هو برا بالكورساج والشراب وكده وعايزه اجيب برضه الشبشب الابيض يالفرو بس كعب عالى ارجوكم ردوا عليا بسررررررررررررعه عشان فرحى يوم الجمعه وشكرااااااااا ولوز حد عارف مكان تانى يقولى بالتفاصييييييييييل

الطقم اللى بيتلبس تحت الفستان دا انا جبته من ميس كايرو فى روكسى جنب رسمية اللى قفل دلوقتى وكان ب175 وكان حلو اوى وهو صناعة سورى ويارب اكون قدرت افيدك

بنات هو ينفع ترابيزة تلفزيون مع الصالون اصل فيه مساحة فاضية

ينفع بس مع الانتريه بيبقا احلا يا جميله

maro111;7435135:
معلش يا قمر ممكن توصفيلي فين بالظبط ولو رايحه بالمترو انزل محطه ايه واكمل ازاي احسن انا ننيله اوي في وسط البلد دي ؟؟ ولو سألتي على الاسعار ارنج كام ؟؟

انا مش من كايرو ياجميله وبالتالي مقدرش اوصفلك اوي :)
ندي العيش للي ياكله ههههههههههههههه
بس بالنسبة للاسعار هقولك
البيجامات الشورت كانت بحوالي حاجه وستين
يعني انا عجبتني واحده كحلي ف رصاصي فجبتها لخطيبي..:) كانت ب 64 جنيه تقريبا
بس اتكسفت اديهاله فعنتها ههههههههههه
والبيجامات الطويلة تقريبا الي اشتريناها كانت ب 125 وكان في اقل واكتر بس دي الي عجبت بابا وجت مقاسه
وشكلها عسول البنطلون رصاصي بنقط نبيتي كدا والتي شيرت نبيتي بنقط رصاصي :)
وكان في لحد مثلا ب 175 جنيه للبيجاما وفيه اقل من 100
بس طبعا الخامات تحفه لا يعلى عليها

طيب شوفتي حد عامل كده

فى الصالون لا

فى الانتريه اه

بجد عن تجربه تلاجه ايديال ايليت وكريازى حلوين بس ايديال احلا واشيك

والبوتاجاز عن نفسى الحمد لله جيبه تكنوجاز وما شاء الله حلو

طيب نشغل المساحة الفاضية تفتكري بايه؟

ممكن مكتبه او البتاع الى شبه الكمودينوا دا بس كبير عارفاه

مورو انا اقصد مكتبة فعلا للتليفزيون مش ترابيزة طيب كده هتبقى شيك لو مكتبة مع الصالون و فيها التليفزيون و برده لا

و الي شبه الكومودينو انتي قصدك كونسول؟

اه فعلا مش بتتحمل يا سوسى كلامك صح بس هى احسن من غيرها وكان فى بنت قالت ان بينزل منها الرفوف حديد عارفاها بس صراحه مش شفتها فى السوق


اه بين هو بس مش اقصد الى بمرايه اوكى اقصد الى شبه الكومودينو بيجى مع اوض النوم دلوقتى اعات بيحطوا عليه تليفزيون يا بوسى عرفتيه

اه وتقريبا الفرق 300 او 400 جنيه حاجه كدا والله اعلم

الي هو شبه الشوفنيرة ياصوت؟؟؟

صحيح يابنات الي يعرف حاجه عن أمة الله يبقى يطمننا
جيت ابعتلها برايفت لقيتها مانعه استقبال رسايل برايفت :(

ورينى صور مليش خبره فى الاسماء بس هو بيبقا منقوش كدا وشكله شيك وبيتباع لوحده تقريبا من 1000 ل 3000 والله اعلم