ROBY52008;7412895:
اقتباس
المشاركة الأصلية بواسطة ROBY52008 
ازيكم يا بنات عاملين ايه
بصي يا قمر في بنات قالت ان الاستنلس بتاع المصانع احسن لكن انا ليه رأي تاني انه مش حلو ولا حتي استيل لاني كنت شغاله في المصانع الحربيه وكنت بشوفه وهو في المعارض بس موديلاته مش بتتجدد
كنت عايزه اسألكم كام سؤال يا بنات :
1- انا لما بعمل فتله في وشي بيحبب لانه حساس جدا لما كشفت الدكتورة قالتلي اعمليه مرة بالفتله ومرة تشقريه بس حتي المرة اللي بالفتله بتلتهب لانه حساس فياريت لو حد يعرف حاجة اعمله بعد الفته عشان يهدي يقولي
ابقي مشي على وشك بعدها قطنه مغموسه في مايه ورد او خطى على اماكن نزع الشعر كريم فيسدودين مضاد حيوي مرتين في اليوم لمده تلات ايام
2- عايزة اشتري برنس قصير عند الركبه ياتري منين وبكام ؟
الله اعلم مش عاوزة افتي بس شوفي في عمر افندى او ميدان الجامع او محلات وسط البلد بتوع القطنيات والملايات والفوط
3- ياتري السراميك احسن في الشقة يعني الصاله والغرف النوم وله البركيه
على حسب انت عاوزة بيتك يكون ايه
انت تميلي لايهم اكتر
**الباركيه بيدفي في الشتا بس عيبه انك لازم تعتنى بيه على طول ومش تلبسي على كعب وتمشي عليه ممكن يتنقر ومتجريش عليه اى عفش عشان بيتخربش ويتجرح بس بيدى شكل وقيمه فخمة للبيت
** السيراميك بيسقع صيف شتا وممكن تتزحلقي عليه لو عليه شويه مايبه صغيرين وسهل التلنيع وممكن تلبسي عليه كعب عادى جداا وتجري عليه عفش زى ماتحبي مايجرالوش حاجه
ها انت عاوزة انهى فيهم بقى ؟؟؟
4- انا هتجوز والفرح في الاسكندرية بس انا قاهريه كنت عايزة اروح لبيوتي سنتر لتجهيز العروسه من كله لاني هروح علي الكوافير هناك علي طول فطبعا لازم اتجهز هنا فعيزه مكان كويس واسعاره ايه ياتري؟ واروح قبل معاد الفرح بأد ايه
انا بقالى كتير عايشه في القاهره ومش خبره اوى في موضوع كوافيرات اسكندريه ده بقيت اسكندرانيه اسما فقط خلاص
حد غيري يفيدك
5- حد يعرف يابنات واحده نوبيه بتعمل حنه صحبتي حنتها وعيزة تعمل ليلة حنه يحكوا عنها وياتري بكام لو تعرفوا
اسفة موووووووت بجد اني طولت عليكم مرسي اوووووووووووووووووووووي
اه انا اعرف واحده بتاخد على رسم حنه للعروسه والشو العادى بتاع صينيه الحنه والحاجات دى 150 جنيه
ولو اى حد من اصحاب العروسه عاوز يرسم يبقى على حساب نفسه
وممكن تجيب دي جي ب 200
وتصوير عادى ب 100
ولبس العروسه اى بدله نوبيه ورقاصه وغازيه وهنديه ومش فكره الخامسه
البدله ب 50
اسمها مدام لطيفه وبتجي معاها واحده بتساعدها
ولو عازه تجيب معاها واحده تغنيلك بتبقى البنت ب 70
هابعتلك نمرتها على الخاص بجد زى الفل وجربتها في حنتى وهى ست زى العسل كمان
والحمد لله الكل كان بيحلف بليلتى
ايه يا جماعة محدش رد عليه ليه انتوا زعلانين مني ولا معندكوش رد ياريت حد يفدني ضروري 
ياريت يا بنات يارب تتجوزا بسرعة حد يرد عاليا
Princess_miro;7412987:
انا فاتنى جزء علشان كده لازم لازم لاااااااااااازم تقولى حالا ايه الجى و التى ده؟
حاجة تانية يا بنات رحت امبارح السراج و لقيت محل فيه اسعار لبس للبيت تحفة بدء من 25 جنيه و انت طالعة و حاجات بجد لذيذة اوىىىىىىىىىى من الباب الرئيسى لمول 3 اول ما تدخلى هتلاقيه على ايدك اليمين
الجي والتي سترينج g-t string روحى الجزء اللى فات في الصفحات مابين 82 -85 تقريبا هتلاقي الاشكال انا عارضها مع العلم ان الجزء الرفيع بيكون من الخلف
emooo_khaled;7413119:
السلام عليكن
سؤاااال محيرنى
فرحى فى شهر 12 ان شاء الله اخره يعنى فى عز الشتا فى التلج يعنى
يعنى لازم مكان الفرح يكون مش بعيد اوى عشان الناس يجوا بقة وكدا
وانا بفكر فى فكرة عجيبه حبتين انى ااجر فيلا واعمل فيها فرحى بس دى بعيدة موووت فى الشروق ومشكلتهم فى البيت عندى فى الفكرة انها بعيدة والناس مش هتيجى لان اللى هيروح بالباصات اللى انا هطلعها هيضطروا انهم يستنوا لاخر الفرح عشان يمشوا معايا
ايه رأيك فى الحوار دا
فكره وحشه مش تزعلى منى
بس معملتيش حساب ان الدنيا ممكن تمطر
ساعتها الفرح هيبوظ ولا هتجري تستخبي جوا الفيللا وكل اللى انت مجهزاه في اجنينه يروح هدر !!!!!
جو الشتا مش مضمون
انا يوم فرحى كنت في يناير واليوم من اوله كان شمس وجميل وجه على ساعه الفرح قلب مطر وزعابيب :ss:
تووووكي;7413345:
الجى والتى روحي للضصفحة تقريبا من 82 ل 88 هتلاقي يوميزو كاتبه يعني ايه منعا للاحراج :D
الممر ده عارفين يا بنات مش في بيقولو مول الجزم هو مش مول ولا حاجه بس مبني كده في بتوع جزم كتير اوى
هو عالشمال تفضلو ماشيين عالشمال كده لحد ما يوصل اخر الصف الى هو فيه طبعا ناصية
هتلاقو سلالم بتنزل لتحت اسألو ع الكفيل
لو انت بتتكلمى على شارع رمسيس اللى فيه نيويورك يبقى السنتر بتاع الجزم ده هو سنتر الاستاذ معروف اوى هناك بس الكفيل ده بتاع ايه ؟؟
بوسي كوكو;7413492:
يا بنات حاسة ان البيج تقليدي جدا جدا و طبعا الابيض هيتبهدل اوي مفيش افكار تانية
انت بتتكلمى على لون ايه ياقمر وانا اظبطك
