تجهيزات عرايس مصر الجزء 101 :)

بوسي كوكو;7412507:
بنات انا مطبخي السيراميك لونه بني غامق الارضية يعني اعمل الخشب لونه ايه؟ بس مش عايزة لونين في بعض لون واحد و ياريت بالصور

طلاما الارض غامقه يبقا خشب المطبخ فاتح

شوفى الصور


لما بتكون الارض فاتحه المطبخ بيتعمل غامق زى دا





لكن لو العكس يبقا كدا

maro;7412529:
الاسعار فى حدود كام واسماء المحلات ايه وهل زى جنينه مول كده مولعين

مش عارفه اسامى المحلات

فى كابللو كابللو مثلا

وبتكون الاسعار عاليه لانها عبايات مستورده يعنى 300 و 400 وطالع

الف مبروك لبسبس و نايس و ناني فيبس

بصوا صور الهوت شورت للي كانوا عايزين صور

حلوين اوى بيتباعوا فين دول بس جينس زيهم كدا

بوسي كوكو;7412700:
الف مبروك لبسبس و نايس و ناني فيبس

بصوا صور الهوت شورت للي كانوا عايزين صور

حلوين اوى يا بوسي مشوفتيش منهم هنا ؟

koka;7412721:
حلوين اوى يا بوسي مشوفتيش منهم هنا ؟

انا كنت جايبة شبه التالت شوية و كان ب 35 من خالد بن الوليد

للبنات اللي مش لقية الهوت شورتات دي

تجيب اي بنطلون جينز قديم عندها وتقصه ع الطول اللي يعجبها وتوديه لاي حد يتنيه

وكمان الحزام الملون اللي فيه تجيبوا اي طرحة وتقصوها اتنين بالطول وتودوها تتني

وبكده هتلاقوا عندكو هوت شورت بحزام اخر شايكةةةةةة

بردو ماحدش رد على اسالتي في الجزء اللي فات غير مورو وانستاسيا..ماعلينا..سؤال تاني..انا هتجوز في شقة ايجار...لسة مش اخترنا الشقة بس في شقة كده ممكن ناخدها عشان هي جديدة ماحدش خدها قبل كده..خطيبي قاللي ان لون الجدران سيمون او مشمشي انا ماشوفتهاش..بس هي تقريبا كده..وانا عفشي على بنيات..ايه رايكو في الالوان دي..وايه اللي ممكن يمشي معاها في الستاير؟؟؟ردو عليا ماتزعلونيش اكتر من كده

صوت العيون;7412708:
حلوين اوى بيتباعوا فين دول بس جينس زيهم كدا

اه يا حبيبتي في زيهم هنا في مصر وشكلهم تحفة
هتلاقيهم عن benetton اللي في سيتي ستارز حتى في سليبرز هناك قريبين من اللي محطوطين معاهم بس مش أطقم هما قريبين ليهم بس
تقريبا الواحد (الهوت شورت) في حدود 200 أو أكتر مش فاكرة السعر بالظبط

الف مبروك يا قمرات على الجزء الجديد انا كنت فى القاهره من يومين وروحت سبنس وجيبت كريمات وشمبوهات جميله اوى وكريمات العنايه بالبشره وكنت امبارح فى دمياط عجبنى غرفه نوم وصالون وغرفه ضيوف الى بيتقال عليها اطفال وهنزل الاسبوع الجاى اشتريهم واتفرج على السفرة بالمره انا السيرامك عندى فى المطبخ لونه بيج وعامله المطبخ بيج فى احمر بس البيج اكتر لانى خفت يضيق المطبخ لنه صغير بس بابا شاف المطبخ النهارده عند المهندس الى بيعمله وجه قال انه مش عجبه لونه زعلنى اوى والله بس انا لسه مشفتهوش مع العلم ان بابا مبيعجبوش العجب

اقتباس المشاركة الأصلية بواسطة ROBY52008 ازيكم يا بنات عاملين ايه




بصي يا قمر في بنات قالت ان الاستنلس بتاع المصانع احسن لكن انا ليه رأي تاني انه مش حلو ولا حتي استيل لاني كنت شغاله في المصانع الحربيه وكنت بشوفه وهو في المعارض بس موديلاته مش بتتجدد

كنت عايزه اسألكم كام سؤال يا بنات :
1- انا لما بعمل فتله في وشي بيحبب لانه حساس جدا لما كشفت الدكتورة قالتلي اعمليه مرة بالفتله ومرة تشقريه بس حتي المرة اللي بالفتله بتلتهب لانه حساس فياريت لو حد يعرف حاجة اعمله بعد الفته عشان يهدي يقولي
2- عايزة اشتري برنس قصير عند الركبه ياتري منين وبكام ؟
3- ياتري السراميك احسن في الشقة يعني الصاله والغرف النوم وله البركيه
4- انا هتجوز والفرح في الاسكندرية بس انا قاهريه كنت عايزة اروح لبيوتي سنتر لتجهيز العروسه من كله لاني هروح علي الكوافير هناك علي طول فطبعا لازم اتجهز هنا فعيزه مكان كويس واسعاره ايه ياتري؟ واروح قبل معاد الفرح بأد ايه
5- حد يعرف يابنات واحده نوبيه بتعمل حنه صحبتي حنتها وعيزة تعمل ليلة حنه يحكوا عنها وياتري بكام لو تعرفوا
اسفة موووووووت بجد اني طولت عليكم مرسي اوووووووووووووووووووووي


ايه يا جماعة محدش رد عليه ليه انتوا زعلانين مني ولا معندكوش رد ياريت حد يفدني ضروري
ياريت يا بنات يارب تتجوزا بسرعة حد يرد عاليا

بنات المنصوره او المحله ياريت تساعدونى اللى اشترت مكواه سيراميك من المنصوره او من المحله تقولى منين
ممكن كمان تردى عليا فى الموضوع دا
http://www.3roos.com/forums/t388426.html

ولو ممكن كمان طنطا

شيماء سعيد;7412868:
بردو ماحدش رد على اسالتي في الجزء اللي فات غير مورو وانستاسيا..ماعلينا..سؤال تاني..انا هتجوز في شقة ايجار...لسة مش اخترنا الشقة بس في شقة كده ممكن ناخدها عشان هي جديدة ماحدش خدها قبل كده..خطيبي قاللي ان لون الجدران سيمون او مشمشي انا ماشوفتهاش..بس هي تقريبا كده..وانا عفشي على بنيات..ايه رايكو في الالوان دي..وايه اللي ممكن يمشي معاها في الستاير؟؟؟ردو عليا ماتزعلونيش اكتر من كده

يا قمر السيمون بيليق عليه اى درجه من الالوان والستاير بتختارها حسب لون قماش الصالون او الانتريه

بوسي كوكو;7412764:
انا كنت جايبة شبه التالت شوية و كان ب 35 من خالد بن الوليد

حلو اووووووي بس فين خالد ابن الوليد ده يارت توصيف الواحد يروحه الزاي لو في القاهرة يعني
وتسلم أيدك ياقمر

إزيكو يا بنات عاملين ايه مبروك عليكم الجزء الاول بعد ال مائه :D

ربنا معانا يارب ونتجهز ع خير يارب

الهوت شورتات دى شفتها عند نيويورك وشفتها عند المحل الى قصادو

وساعتها صحبتي جابتو ب 25

بس ملقتش مقاسي من نفس النوع لان صحبتي دي صغيره جدا طول ورفع

لقيت حجات تانيه بس مكنتش شيك

ولقيت عند واحد فالعرب اسمو بواقي تصدير كان ب 40 جنيه

ادعولى يابنات خطيبي ياخد اعفا او تأجيل من الجيش لحسن دى العقبة الكبرى قدامنا حاليا لو خطيناها يبقي ان شاء الله خير


ثانيا يا بنات المفرش الشتوى الى بيكون قطيفة او خامة البطاطين ده حلو جدا وعملى جدا جدا

وبيدفي جدااااااااااااااااااا

ده الحاجه الوحيده الى بتتفرش وبتستخدميها المفرش الصيفي للعرض فقط واللحاف الفيبر الشبح بيستخدم كإنو مفرش بردو بس مبيستفادش منو بحاجه

المفرش ده عملى جدا اختى بتستخدمو كل شتا وفالايام الى بتكون برد اوى بتحطو بحس انى متدفيه جامد

ايييييييه تانى

اه الجى والتى بقي سيم بينا دلوأت

بشوفهم كتير فالوكاله بس انا بصراحة اتكسف البسهم ان شالله تحت الهدوم ايه الناس الى لابسه موش هدوم دى

فالنقطة دى انا عامله زى البنوتة الى كانت بتقول انها مش عاوزة تجيب هوت شورت عشان هى عريضة من تحت وبتبقي مش مرتاحه نفسيا وبتبقي متعصبة

انا بقي زيها فالحجات دي ومكدبش عليكو فالقمصان بردو

الى بتشدلو اوى القطنيات ولبس الدلع :(

اييييه تاني

اه في يا جماعه واحد صحبتي الى اتجوزت ودتنى ليه دايما بتجيب من عندو حجات

فيه ممر مليان ناس بتوع قطنيات وخصوصا الى بتنزلولهم بسلالم

في واحد تحت اسمو الكفيل ده الى بيدي لكل الى واقفين ببديهات وقطنيات

المحل ده بواقي تصدير للقطنيات بس حجاتو حلوة اوى وشيك جدا

وجنبو محل فساتين عرايس كنت شفت بنوته بتقيس فستان ابيض وكنار الفستان من تحت معمول باللون الوردى والطرحه بتاعتو الكنار بتاعها داير ميدور باللون الوردى بس كان تحفة عليها بسم الله ماشاء الله وكان شكلو جديد

يعني الكونر ده فيه حجات حلوة واسعارها حلوة جدا

مبروك الجزء الجدييييييييييد يا بناتيت و لو انى زعلانة انه كده فاتنى 2 جزء :(

روباز;7411867:
مبروك لأسيره الف مبروككككككككككككككك

خبر بأه طاززززه
نانى فيبس اتكتب كتابها امبارح و فرحها يوم 20/10 ان شاء الله و هيا ملخومه خالص والله و بتعتذر لكو انها مش لاحقه تيجى تبلغكو بنفسها لأن كلو جه فجأه
دى حتى كانت بتلف امبارح يوم كتب الكتاب عشان تعمل الشهاده الصحيه طلبوها منها فى المشيخه و قالولها اعمليها فى مستشفى الحسين الجامعى ده ارخص حاجه و بتقولكو كلفتها 50 جنيه ليهم هما الأتنين و اضطرو يدفعو 50 كمان عشان يخلصو الحاجه من تخت الترابيزه :(
و هتعمل الفرح فى فندق الماسه قاعة الزمرده 150 فرد يكلف 25000
و اجرت الفستان من واحد جنب اتيليه باربى( معرفش مكانه) اسمه نانسى
و المكياج عند برستيج فى المنيل راحت لقت وفاء عامر عنده و بتقول المكان شيك اوى
بتقولكو كمان ضيفوهاااااااااااا على الليسته فى التو و اللحظه
كان معكم متشيييييحه حاتشششممممممم.........قصدىىىى روباااااااازززززززززز.... القاااااااهره

ألف مبروك و عقبال كل البنااااااااااااااااااااااااات

roro8484;7412909:
يا قمر السيمون بيليق عليه اى درجه من الالوان والستاير بتختارها حسب لون قماش الصالون او الانتريه

لا السيمون مش حيادى أوى كده بس ممكن يمشى معاه غوامق اكتر لانه فاتح

ROBY52008;7412895:
اقتباس المشاركة الأصلية بواسطة ROBY52008 ازيكم يا بنات عاملين ايه




بصي يا قمر في بنات قالت ان الاستنلس بتاع المصانع احسن لكن انا ليه رأي تاني انه مش حلو ولا حتي استيل لاني كنت شغاله في المصانع الحربيه وكنت بشوفه وهو في المعارض بس موديلاته مش بتتجدد

كنت عايزه اسألكم كام سؤال يا بنات :
1- انا لما بعمل فتله في وشي بيحبب لانه حساس جدا لما كشفت الدكتورة قالتلي اعمليه مرة بالفتله ومرة تشقريه بس حتي المرة اللي بالفتله بتلتهب لانه حساس فياريت لو حد يعرف حاجة اعمله بعد الفته عشان يهدي يقولي
2- عايزة اشتري برنس قصير عند الركبه ياتري منين وبكام ؟
3- ياتري السراميك احسن في الشقة يعني الصاله والغرف النوم وله البركيه
4- انا هتجوز والفرح في الاسكندرية بس انا قاهريه كنت عايزة اروح لبيوتي سنتر لتجهيز العروسه من كله لاني هروح علي الكوافير هناك علي طول فطبعا لازم اتجهز هنا فعيزه مكان كويس واسعاره ايه ياتري؟ واروح قبل معاد الفرح بأد ايه
5- حد يعرف يابنات واحده نوبيه بتعمل حنه صحبتي حنتها وعيزة تعمل ليلة حنه يحكوا عنها وياتري بكام لو تعرفوا
اسفة موووووووت بجد اني طولت عليكم مرسي اوووووووووووووووووووووي


ايه يا جماعة محدش رد عليه ليه انتوا زعلانين مني ولا معندكوش رد ياريت حد يفدني ضروري
ياريت يا بنات يارب تتجوزا بسرعة حد يرد عاليا

بصى يا قمر بالنسبة لوشك ممن تحطى علية ماسك من بودرة التلك وماية الورد بس تكزن ساقعة علشان يهدى اما بقى البرنس انا سمعت ان فى فى عمر افندى برنس قطن وحلو اوى ب 70 جنية وانا متهيىء لى ان السيراميك احى وعملى وممكن تحطى بورسلين بيلمع ومنور علشان الباركية غالى وتنضيفة رخم اما البيوتى سنتر انا سمعت عن بيوتى سنتر حلو فى اخر دور فى جنينة مول ويارب اكون افدتك باى حاجة

البنوتة اللى كانت جايبة الجوب القصيرة من الابراهيمية
ياريت تقولى المحل اسمو اية و العسر؟:)

ريهام انا جيتلك ياقمر عشان ارد عليكى
بصى يا جميل احسن كوافيرت فى الاسكندرية
طارق الصغير جامد جدا بس لازم حجز قبلها لانه عالطول عنده عرايس كتير ده اسعاره فى الشتاء اقل طبعا من الصيف هو بيعمل كل حاجة عنده بنات معه شاطرين جدا ..هو مكانه فى شارع ابوقير فى منطقة مصطفى كامل بعد سيدى جابر

عندك كمان وليد جى جى هو موجود فى الوطنية مول فى منطقة لوران ده شاطر اوى بس الاستف بتاعه مش لذيذ شوية هما شاطرين اوى فى شغلهم

كمان فيه الملكة ده خاص بالمحجبات موجود فى لوران عند محطة الترام صاحبته اسمها مدام اكرام

فيه كوافيرات ممكن تجيبلك البيت

لو تحبى اجيبلك ارقام تليفونات اجيبهوملك وعامة حاقولك على كوافيرات تانية بس افتكر كدا وحاقولك عالطول

بالسنية الاتيليه انتى عايزة تشترى جاهز ؟؟ ولا تفصلى ولا ايجار اول مرة .....؟؟؟؟؟؟؟