تجهيزات عرايس مصر الجزء 99

مرمر23;7334676:
السلام عليكم ورحمة الله . ازيكم يا عرايس بصوا بأه انا عايزة بنات اسكندرية يقولولى مكان كويس واسعاره كويسه اشترى منه الكاسات ويكون فيه فصال لانى عايزة اشترى كام طقم كده مش غاليين لان جبت تلاته غليين ومش حابة اجيب الباقى غالى بس بسرعه بالله عليكم

dandona we bas;7334640:
انا فعلا انا كمان بفكر اعمل عملية الليزك دي و فعلا كذا حد اعرفه نجحت ماشاء الله و بقوا تمام و6 على 6 كمان و الله بلا مبالغة

و في ناس لبست بردو نظارة بعد العملية بس خفيفة اوى مش زي الاول كانوا بيلبسوها كان ازازها تخين اوى فأنا مش عارفة اعمل ايه لاني جربت العدسات و بوزتلي عنيا على الآخر

بصى انا بفكر اعملهمن سنين طويله لكن كنت خايفه جداااااااااااا وخصوصا ان نظرى كان ضعيف قوى عندى اسجماتيك عالى يعنى محتاجه عنايه خاصه ولما قلت للدكتور قالى انا لو مش متابع حالتك من زمان كنت ترددت فى العمليه بس الحمد لله العمليه كانت تمام وكنت بتابع مع الدكتور اه نسيت اقولك انا قبل العمليه لما كنت بلبس لينسز ملونه مكنتش بشوف حاجه دلوقتى بستخدم لينسز ملونه وعادى جدااااا

لو اللينسز بوظتلك عينك اكيد مش مناسبه ليكى انا بعملها عند الدكتور وهو اللى بيجبهالى مش بشتريها من اى مكان تانى

توكلى على الله واعملى العمليه هتفرق معاكى قوى بعد الجواز

اسيره حنانه بصي كده الصور دي ... انا عارفه انها مش واضحه اوي والنيش مش شبه النيش عندك بس اهو يمكن تديكي افكر شويا




اللي تحت دي مش عاجبني خالص شكل الطباق فوق بعض في الرف التالت








في اللي جايه دي عجبتني فكره الزرع الصناعي اللي في النيش










بنات في اخبار عن امه الله؟ ربنا يقومها بالسلامه
محدش بيشوف لقاء يابنات؟

salad;7334946:
يفرم. يقطع.يبشر. يخلط.يهرس
فيه سرعات تختاري درجه السرعه اللي عاوزاها
وهي من 1 الى 15
4 قطع لادوات البشر 2 وحده تبشر رفيع جدا والثانيه تبشر عريض
اداه الهرس تهرسين اي حاجه عاوزاها ولو فى الحله او طبق
تحت الخلاط فيه غطاء بلاستيك يمنع حركه الجهاز على اثناء الفرم
وميزه الغطاء انك لما تخلصين ممكن تقفلى بيه على اللى فرمتيه يعني غطاء

وده اللى صوره فوق 600 وات كان تقريبا ب650 جنيه بس ده من اكنر من سنتين مش عارفه دلوقتى هيكون بكام
وفى منه مينى برايمر 400 وات كنت شارياه ب500 كان معاه علبتين بايركس بيحفظوا الطعام للمده اللى انتى عاوزاها وفيه مؤشر لاختيار المده

بتعمل عصير عادي زي الخلاط ؟؟؟

صوت العيون;7335037:
بعد الدش



تسلمى



فكره حلوة

والميك اب بالكتير اوى شهر او 3 اسابيع لو فاضيه ومش وراكى حاجه يبقا اسبوعين وتحاولى تعرفى صلحيته

ميرسي يا قمر اصل احيان بشوف عروض حلوة في اورفيليم فعنيا بتزغلل (a) ما ينفعش قبلها بشهوووووور :o

انستاسيا;7334962:
منين يا قمر و بكام ؟؟ و شيكي علي الخاص :(

منين مش عارفة لأن مامتى و بابايا كانوا بينزلوا يلفوا مع نفسهم و يجيبولى حاجات
ايام ماكنت انا مسافرة
لكن كل حاجة متسجلة عندى بسعرها و لقيتها ب 15 جنيه

بس هتلاقيها مثلا عند العمرية اللى فى المنشية اكيد يعنى
هابعتلك رقم التليفون بتاعهم بالمرة تتصلى تسأليهم قبل ماترزعى المشوار :wink:

و تم السيطرة على الموقف ورديت على الرسالة يا جميل و كله فى السليييم (y)

بتعمل عصير عادي زي الخلاط ؟؟؟

ايوا يا قمر بيعمل عصير

انا كنت شاريا حافظه الخبز اللى انتوا منزلين صورهم من شيفلد لكن مش فاكره السعر كام

dandona we bas;7333013:
شوفي كده يا توكا أود النوم اللي أنا نزلتهالك دي و يا جماعة يا قمرات لو حد عايز اي صور لأي حاجة محتاجها يوقلي بس و انا اجيبلو تشكيلة تمام التمام مستنية رأيكو على صور أود النوم المودرن دي يا قمرات المنتدى

ميرسي يا قمر بس انا كنت عايزة كمان اوض اطفال وعايزة افكار لديكورات حلوة علشان اعملها فيها وبردوا كنت عايزة صور لانتريه صغير من اللي هو كنبتين علشان احطوا في اوضة الاطفال لانها كبيرة وياريت يا قمر لو عندك صور لاوض سفرة يكون البوفيه من غير مرايا كبيرة لاني معنديش مكان لها

انستاسيا

البرفانات طبعا ملهاش مده مش بتبوظ

الكريمات ممكن تكون 3 شهور مش عارفه بالظبط بس هى بتبوظ بسرعه

باقى الميكب بقى ممكن يقعد من سنه ل3 سنين

بس الافضل نغير الميك اب كل 6 شهور لاننا مش عارفين هو اصلا بقاله اد ايه فى المحلات خصوصا ان مش كل انواع الميك اب بيتكتب عليها الصلاحيه والله اعلم


شوفوا دا


http://www.3roos.com/forums/t385652.html

not me 5aaals;7331704:
يا بنات انا لسة راجعة حالا من حفلة خطوبتى :BOUNCE8:

هى مبسوطة دى كلمة مش معبرة برضة :21_86: بجد مش عارفة .. انا اول مرة احس كدة:21_207:

ربنا يسعد كل البنات و يفرحنا دايما يا رب

ودى مش مشاركة مخالفة ..انا باعتة عشان اقولوكوا انه و الله اهم حاجة اننا نكون فرحانين ب الشخص اللى حنرتبط بيه و لا اى حاجة تانى مهما كانت مهمة حتفرق .. و حاحكيلو اللى حصلى ..:poster_vt:
انوا لو تتخيلو كمية اللخبطة اللى حصلت انهاردة .. و مع ذلك اليوم كان تحفة و بجد عمرى ما فرحت و لا حسيت كدة
تخيلو ان الخياطة بوظيتلى فستانى و لغاية امبارح كانت عمالة تتحجج و مش عاوزة تورينى تطريزه و لا شكله النهائى عشان عارفة انى مش حيعجبنى و عاوزة تحطنى امام الامر الواقع
و فعلا كان شكلة مقرف و تطريزة و حش جدا مع ان ده اتيلية شيك اسمة اسبانيول في شارع جنينة مول :ss::ss:
ففعلا مش خدت الفستان .. و خدت الفستان السوارية اللى كنا شرينه عشان اختى تلبسة .. و امبارح بس نزلت اشتريتلة الطرح بتاعتة و طفم تانى لأختى عشان تلبسه و الشوزات .. و انا و اختى بس اللى كنا بنلف و بنشترى :poster_oops::yes:

و كان الفستان اللى بفصله المفروض ليه طرحة مطرزة و كبيرة ومش كنت حروح كوافير يلفلى الطرحه كنت انا اللى حلفها .. و لكن بعد اللى حصل ده الطرح السواية اللى اشتريتها كان لازم تتلف .. وانا يادوب عارفة انى ححط شوية بودر وكونسيلر و ماكرا و خلاص .. فمش كنت حاجزة عند كوافير .. ف انهاردة بس دورت على كوافير كدة جنبنا و لفتلى الطرحة و في 10 دقايق بس :2_106::sm240::BOUNCE8:

بس و دلوقت انا مش مصدقة انى لبسة دبلة :21_218::21_209::sa23:

ألف ألف مبروك يا حبيبتى ، ربنا يفرح كل البنااااااات كلها يارب
لو معندكيش مانع تصورى الفستان و توريهولنا ،ياررريت ؟؟و من خلال خبرتك عشان لفتى و كده ، إيه أحسن محل بيبيع فساتين سهرة أو خطوبة حلوة و أسعاره معقولة ؟؟؟
وكمان الميكاب و لف الطرحة عند الكوافيرة اللى عملتى عندها ، أخدت كام ؟؟
---------
ياجماعة لو حد يعرف كوافيرة كويسة بتقص شعر كويس فى روكسى ،ياريت تقولى :)

Warde;7335793:
ألف ألف مبروك يا حبيبتى ، ربنا يفرح كل البنااااااات كلها يارب
لو معندكيش مانع تصورى الفستان و توريهولنا ،ياررريت ؟؟و من خلال خبرتك عشان لفتى و كده ، إيه أحسن محل بيبيع فساتين سهرة أو خطوبة حلوة و أسعاره معقولة ؟؟؟
وكمان الميكاب و لف الطرحة عند الكوافيرة اللى عملتى عندها ، أخدت كام ؟؟
---------
ياجماعة لو حد يعرف كوافيرة كويسة بتقص شعر كويس فى روكسى ،ياريت تقولى :)

غدغوده شكرت فى كوافير حكيم بس دا فى مصر والسودان

hoba555;7334967:
انا اعرف واحد في كايرو مول بيبيع حاجه اريفليم وايفون في الدور الارضي وفي بنوته كمان بتعامل معاها بتوصل الحاجه للبيت بعد يومين

هو المحل اللى بتقولى عليه ده بيبيع بنفس أسعر أوريفليم و لا أغلى ؟ وهل عنده كل حاجة ؟
و إسمه إيه بالضبط ؟ :)

صوت العيون;7335813:
غدغوده شكرت فى كوافير حكيم بس دا فى مصر والسودان

طيب يا صوت :) تعرفى محل حكيم ده جنب محل إيه مشهور هناك ؟ و تعرفى بتقص الشعر بكام ؟

Warde;7335873:
طيب يا صوت :) تعرفى محل حكيم ده جنب محل إيه مشهور هناك ؟ و تعرفى بتقص الشعر بكام ؟

هو اسمه بيوتى حكيم تقريبا وقريب من هيلتون بتاع التصوير ودا تقريبا فى نص شارع مصر والسودان وتصوير هيلتون دا مشهور هناك

وتقريبا قصه شعرها ب 25 جنيه على ما اتذكر والله اعلم

Warde;7335844:
هو المحل اللى بتقولى عليه ده بيبيع بنفس أسعر أوريفليم و لا أغلى ؟ وهل عنده كل حاجة ؟
و إسمه إيه بالضبط ؟ :)

بتوع المحلات بيبيعوا بسعرالكتالوج ولو روحتى ولقيتى سعر مخفض بيبقى بتاع شهر فات من العروض اللى فاتت برضه

والله اعلم

اللى جرب هيفيدك اكتر

pascotta;7332745:
دي شويه صور انتريهات مودرن لو احتجتي الموقع ابعتيلي

بليييييييييييز انا محتاجه الموقع وياريت لو عناوين محلات مودرن فى القاهره:o:o:o

بنات كل سنه وانتوا طيبين

انا قبل العيد ركبت نوعين برفان اكوا دى جى والتانى اسمه برتنى سبيرز والتانى ده بصراحه تحفه وهااااااااادى يدوب كده من روعته


السؤال بقى عاوزه اعرف طريقه التعتيق بالتفصيل الممل

not me 5aaals
الف مبروووك وربنا يتمملك على خير

dandona we bas;7333013:
شوفي كده يا توكا أود النوم اللي أنا نزلتهالك دي و يا جماعة يا قمرات لو حد عايز اي صور لأي حاجة محتاجها يوقلي بس و انا اجيبلو تشكيلة تمام التمام مستنية رأيكو على صور أود النوم المودرن دي يا قمرات المنتدى

تحفهههههه الصور تسلم ايدك
ممكن لو عندك صور صالونات تحطيها
وصور سفره الترا مودرن مش استيل ولا مودرن
وكمان لو عندك اوض نوم بيضه الترا مودرن برده
:D:o(f)(f)(f)(f)

دندونة وبس ياريت لو عندك صور لستاير ببراقع بسيطة خالص تحطيهالى

وميرسى لكل البنات اللى ردوا عليا
صوت وانستاسيا وهوبا ودايناميك (f)

aseel 22;7336065:
بنات كل سنه وانتوا طيبين

انا قبل العيد ركبت نوعين برفان اكوا دى جى والتانى اسمه برتنى سبيرز والتانى ده بصراحه تحفه وهااااااااادى يدوب كده من روعته


السؤال بقى عاوزه اعرف طريقه التعتيق بالتفصيل الممل

خدى ازايز البرفيوم وحيها فى كيس اسود
ودخليها الفريزر وسيبيها لحد ما تتجوزى لو مش عايزه تستعمليها
ومتخفيش مش بيجرلها حاجه