صوت ميرسى على طريقتك يا جميل هجربها ان شاء الله
انستاسيا;7334440:
النيش حاولي بقدر الأمكان تبعدي عن الأطباق لأنها موش ظريفة
التسريحة بقي حطي برفاناتك علي الجنب اليمين مثلا و برفاناته علي الشمال و في النص تحفة صغننة بلون القوضة او برواز ليكم او علي كل جنب تحفة رقيقة و بس و لو عندك علبة ميكب شكلها لذيذ حطيها و لو مجبتيش علب و موش بتحبيهم زيي يبقي خلاص كدا عشان بعد البرفانات بحس التسريحة تمام كدا باقي الحاجات ميكب و كريم و خلافه عن نفسي بفضل الأدراج عشان يبقي شكل التسريحة رقيق و جميل موش مكركب
مفرش السفرة حطيه و حطي ايدك في النص و لفي لفة و حطي الحاجة اللي جيباها للسفرة حيدي شكل جميل و الف مبروك يا قمر ربنا يتمم لك علي الف خير
(y)(y)
ايوة يا بنات بلاش منظر الميكب اللى فوق التسريحة ده مش ظريف خالص. كأنه متحف. كفاية البرفانات بس.
انستاسيا;7334440:
بيبو يا قمر نورتي وحشتينا طيب يونيفرسال البنات هنا قالو الفرن بيفصل كل 10 دقايق و عشان كدا بيبوظ الكيك سألتي في الموضوع ده ؟؟ عشان بقارن بينه و بين تكنوجاز ايه رأيك بصراحة ؟
بصى ناس كتير شكروا فى يونيفرسال وقالوا ان احسن 3 انواع هم الكريازى واليونيفرسال والتكنوجاز. وانا ماسمعتش خاااالص عن موضوع العشر دقايق ده غير بعد ماجبته فخلاص بقى هعمل ايه ربنا يستر وتبقى إشاعات :D انا حتى بقول لماما بصتلى من فوق لتحت واستغربت وقالتلى ازاى بوتاجاز يعمل كده :D:D
انستاسيا;7334440:
الجزء اللي فات نزلت صور ستاير بعضها كان براقع رقيقة شوفيهم و لو عاوزة تاني حدور معاكي
السجاد بقي يا سيتي خلي بالك من الوقتتتت لأن عندنا في اليكس طالبة مشاية جوبلان مقاس معين يعملهولي من شهر 2 الكلام ده و قالولي في شهر 4 اخدها عشان معرفش المصنع فيه ايه و لحد الأن كل ما اسأل كل مرة حجة مرة المصنع وقف انتاج الجوبلان حاليا و اخر مرة سألت قبل رمضان وعدوني انها خلالاص جاية :ss: فخلي بالك بردوا يمكن انا فعلا الجوبلان في حاجة الله اعلم
ميرسى يا جميل
وياريت لو عندك صور تانى تحطيها :o
بس بجد بيهزوا. ايه التأخير ده كله :ss: مفيش وقت للمفاجآت:ss:
بنات معلش على التكرار بس هجمع أسألتى تانى
لو سمحتوا تردوا عليا:
1- هو فى عطور او حاجات مخصوصة لتعطير الاماكن الحساسة غير المسك؟
بصراحة تولة المسك دى غالية قوى . ومش بحب ريحة مياه الورد فمش هينفع اجيب الاحجار وابشرها واحطها فيه. لو حد عنده فكرة تانية ياريت يقولى.
2- لو عايزة اعمل سجادة شاجى عمولة عند النساجون عشان اللون اللى عايزاه هم مش بينزلوه اصلا. حد يعرف الحوار ده ممكن يتنفذ فعلا ولا لأ وهيكلفنى قد ايه؟ بتبقى نفس تكلفة الجاهزة ولا أغلى؟؟؟
انستاسيا الله يكرمها حذرتنى من المواعيد بس لو حد عارف التكلفة وموضوع اللون ده يبقى كتر خيره
3-فى محلات بتبيع منتجات أوريفلام بأسعار كويسة؟؟؟ عشان مش هقعد استنى الحاجة تنزل فى العروض مفيش وقت
حد يعرف مكان كمان غير اللى فى الزيتون اللى قالت عليه صوت؟؟
4- بنات لو سمحتوا انا عايزة صور ستاير ببراقع بسيطة قوووووى. مش عايزة مهرجانات ربنا يخليكوا
5- حد يا بنات يعرف جيم كويس فى حلمية الزيتون أو النعام لو سمحتوا؟
عايزة الأجهزة مش التمارين بليز ..
6- حد عارف رضوى رشوان سافرت ولا ايه اخبارها الايام دى؟
وشكرا يا بنات(f) ربنا يتمملكوا كلكوا بخير(f)
