تجهيزات عرايس مصر الجزء ال 98

sosiii 27-09-2008 986 رد 38,697 مشاهدة
S
سارة المزعورة;7293326:
الابيض سنتر في شارع السودان المهندسين
العروسه في شارع السودان المهندسين
وسط البلد محل فانتازيا و محل الكوثر

عايزة اعرف فين بالضبط فى شارع السودان ممكن حد يدلنى بالتفاصيل
التفاصيل يا مانا فلة


بصي ياسارة
انتي تركبي اي حاجة رايحة ش السودان وتقوليلة نزلني سلم ناهيا
اول ماتنزلي بالضبط عند السلم هتلاقي في وشك موقف عربيات ميكروباص
ادي وشك للموقف هتلاقي سنتر الابيض علي يمنيك بالضبط جنب الموقف لو مشيتي شمال الموقف بعمارتين هتلاقي العروسه
بنهم وبين بعض بالضبط مفيش 3 دقايق
ولو عديتي بقي سلم ناهيا هتلاقي فرع كبير جدا لعيد لبيب 5 ادوار بس تحفة هتلاقي فيه كل حاجة
وفيه شارع جوا بولاق بقي اسمه همفرس بس ايه يابنتي
قابليني لو عرفتي تمشي فيه كله محلات
ملابس- احذيه-شنط-مفروشات-ادوات منزليه
كل حاجة
اصل دي منطقتي لو عايزة اي خدمة تحت امرك
ممكن اشتغللك مرشد سياحي الساعة ب10 جنيه بمناسبة الاعياد
p
boky2010;7292898:
والله كان نفسى اجيب الكوفرتة الصينى دى بس انا جبت اتنين خلاص عندى
من زماااااااااااااااااااااااااان فستحرمت اجيب تانى بعد الجواز بقى ابقى اجيبها ان شاء الله
بنات انا قررت انى مجبش مفرش سرير لانى مالوش اى لازمة فى الحياة ممكن اجيب دى واحطها
بدالة ولا انتوا ايه رايكوا بصراحة ومتسيبنيش كدة اكلم نفسى

انا كنت عايزه اعمل كده وشفت الكوفرته الصيني من جمالها تحسي انها مفرش سرير بس ماما قالتلي لا طبعا ما ينفعش الناس تاكل وشك شر بقا ولا بد منه المفرش ده ان شاء الله هجيب الالاتنين
شهيدة;7292964:
انتى لو خدتى شارع مصطفى النحاس من نكرم عبيد لحد اخرة هتلاقي محلات حلوة
وعندك كمان محل حاجته توحفه اسمه جاد الله في شارع حسن مامون
هتلاقيه لو انتى ماشيه مع المترو هتحودي في حسن مامون كانك رايحه العاشر او مسجد السلام
هتلاقيه على ايدك اليمين

فيه كمان محل تووو مودرن في مصطفى النحاس حاجته روعه جدا
هبه من عند الله;7293172:
الله يكرمكم كمان أماكن ستاير كويسة
حد فيكم شاف السجادة الأوشن من النساجون أنا من زمان كنت بأشوفها وعجاباني موت لأنها سمبل مافيهاش نقش كتير بس لما عرفت سعرها لقيتها رخيصة أوي ف خايفة أجيبها يقولوا إسترخسوا ماما عايزة تجيب النساجون الفرعوني ألوانه شيك وغالي بس زي ماأنا قلت مش بأحب النقش الكتير الزحمة ده ف فكرت أجيب الريسبشن والليفنج فرعوني وأجيب أوضة النوم والأطفال أوشن ولا أجيبه كله فرعوني أحسن يقولوا إستخسروا علي رأي ماما مع إني والله هأموت علي الأوشن دي

اعملي ال يريحك وجبيه مش مهم ال عايز يقول حاجه يقلها انتي حره في حاجتك انا قررت في شقتي ال يريحني انا وهو وبس
emooo_khaled;7293227:


السلام عليكم ياقمرات
انا اختكم الجديدة ايمان ياريت تقبلونى معاكوا

انا عاوزة ادعى وانتوا امنوا على دعائى بقة::
اللهم اجمعنى مع زوجى عاجلا غير اجل وارزقنا عيش السعداء الشكورين الصالحين
المصلحين
اللهم اجعل حبنا خاااااااالصا لوجهك واجمع بيننا بالخير
اللهم سخر لنا الفتوحات والارزاق وسخر لنا كل خير ويسر لنا كل صعب
اللهم اجعل زوجى يحبنى كحب سيدنا محمد (صلى الله عليه وسلم )لامى خديجه واجعله فى عينى كجمال يوسف وقوة عمر وحنان ابى بكر
اللهم اجعله ابا لى فى الحنان واخا لى فى الطاعه وحبيبا لى فى الفراش واجعلنى اما له فى الحنان واختا فى الطاعه وحبيبة فى الفراش
اللهم اجعلنا من الذين اذا احسنوا استبشروا واذا اساءوا استغفروا
اللهم اجعله قرة عين لى ولأهلى واجعلنى قرة عين له ولأهله
اللهم اجعل زوجى خيلا مايكون عبدا لربه وابنا لامه وواخا لاخوته ومسلم للمسلمين وخير زوج لزوجته وخير اب لابنائه
اللهم ارزقه صحة فى ايمان وايمان فى حسن خلق ونجااح يتبعه فلاح
اللهم ارزقنا الهدى والتقى والعفاف والرضى



اللهم امين

اللهم اميييين يارب
ماشاء الله الدعاء جميل جدا
قلب موجوع;7293650:
حد يعرف اخر اسعار قماش الشانليا ايه
وياريت اللي يقولي يقول من الازهر ولا الوكاله


الاتنين فيهم تشكيلات كويسه بس فاصلي كويس اويي والبنات يفيدوكي اكتر
ه
صوت العيون;7293696:
رأيكم تربيزا المطبخ تتفصل ولا تتجاب جاهزة انهى افضل

وهل فى جاهزة برخامه


علي حسب إنتي عايزاها في إية يعني لو هاتأكلوا عليها يبقي الإزاز حلو وشيك موت هاتيها جاهزه إزاز تقيل اللي مابيتكسرش لو عايزاها لتحضير الأكل يبقي رخام مش عارفة بقي فيه جاهز ولا لأ ولو إن ف تجهيز ألأكل رخامة المطبخ أحسن وبتنجز عن نفسي باأفضلها
h
هبه من عند الله;7293740:
علي حسب إنتي عايزاها في إية يعني لو هاتأكلوا عليها يبقي الإزاز حلو وشيك موت هاتيها جاهزه إزاز تقيل اللي مابيتكسرش لو عايزاها لتحضير الأكل يبقي رخام مش عارفة بقي فيه جاهز ولا لأ ولو إن ف تجهيز ألأكل رخامة المطبخ أحسن وبتنجز عن نفسي باأفضلها


بصى انا شوفت فكرة ترابيزة مطبخ فى شاليه كنا اجرنا فيه فى الساحل الصيف ده
الترابيزة ثابته فى الجدار بس بتترفع تقوم مفتوحه وتنزل تقوم مقفوله ومكنتش واخده مساحه ومكنش ليها ازاز او رخام وكان شكلها جميييل وانا قررت انفذها فى المطبخ بتاع شقتى ان شا الله
بس المساحه تكفى يارب
s
هبه من عند الله;7293257:
ياجماعة ليه ماحدش قال رأيه في السجاد طيب أحسن أنواع إيه هه عايزة أراء

ممكن ياهبه تقوليلي سعر السجاده الاوشن والفرعوني انا الاوشن عجباني جدااااااااااااااااااااا بس مكنتش سالت علي سعرها فممكن تقوليلي علي السعر عشان اشوف كده هاتعمل مشكله وحماتي هاتقول استرخصت ولا لا وياريت معاكي الفرعوني بالمره

ممكن تقولولي المعرض السوري ده بيفتح فين وفي الفتره ومواعيده ورويال هاوس فين والاقي فيه ايه معلش يابنات لاني مخطوبه جديد ومكنتش مجهزه قشايه واحده في الجهاز
ومحدش رد عليا ايه هي البانتيهات :confused:
ديناميك ممكن الاسعار:)
يارب اللي ترد عليا ربنا يكرمها ياااااااااااااااااااااااااااااااااااااااااااااااااااارب وتتجوز وربنا يغفرلها في الايام المفترجه دي
ص
هبه من عند الله;7293740:
علي حسب إنتي عايزاها في إية يعني لو هاتأكلوا عليها يبقي الإزاز حلو وشيك موت هاتيها جاهزه إزاز تقيل اللي مابيتكسرش لو عايزاها لتحضير الأكل يبقي رخام مش عارفة بقي فيه جاهز ولا لأ ولو إن ف تجهيز ألأكل رخامة المطبخ أحسن وبتنجز عن نفسي باأفضلها


فكره حلوة بتبقا زجاج كمبيوتر يا هبه
الازاز التقيل دا



heba 017;7293759:
بصى انا شوفت فكرة ترابيزة مطبخ فى شاليه كنا اجرنا فيه فى الساحل الصيف ده
الترابيزة ثابته فى الجدار بس بتترفع تقوم مفتوحه وتنزل تقوم مقفوله ومكنتش واخده مساحه ومكنش ليها ازاز او رخام وكان شكلها جميييل وانا قررت انفذها فى المطبخ بتاع شقتى ان شا الله
بس المساحه تكفى يارب




فى كمان بيحطوا سيراميك على سطح التربيزا

او ابلاكاش منقوش

بس روحت التوحيد والنور والى هناك وحشه وب 350

والزجاج بتبقا فروجيه تقريبا وضعيفه
p
rola_86;7293768:
ممكن ياهبه تقوليلي سعر السجاده الاوشن والفرعوني انا الاوشن عجباني جدااااااااااااااااااااا بس مكنتش سالت علي سعرها فممكن تقوليلي علي السعر عشان اشوف كده هاتعمل مشكله وحماتي هاتقول استرخصت ولا لا وياريت معاكي الفرعوني بالمره

ممكن تقولولي المعرض السوري ده بيفتح فين وفي الفتره ومواعيده ورويال هاوس فين والاقي فيه ايه معلش يابنات لاني مخطوبه جديد ومكنتش مجهزه قشايه واحده في الجهاز
ومحدش رد عليا ايه هي البانتيهات :confused:
ديناميك ممكن الاسعار:)
يارب اللي ترد عليا ربنا يكرمها ياااااااااااااااااااااااااااااااااااااااااااااااااااارب وتتجوز وربنا يغفرلها في الايام المفترجه دي


البانتيهات دي ال هي الاندرويرز وكده يعني اما رويال هاوس ده يا ستي اخر سور حديقه الميريلاند عند معرض كيلوباترا كده في روكسي يا قمر
ه
rola_86;7293768:
ممكن ياهبه تقوليلي سعر السجاده الاوشن والفرعوني انا الاوشن عجباني جدااااااااااااااااااااا بس مكنتش سالت علي سعرها فممكن تقوليلي علي السعر عشان اشوف كده هاتعمل مشكله وحماتي هاتقول استرخصت ولا لا وياريت معاكي الفرعوني بالمره

ممكن تقولولي المعرض السوري ده بيفتح فين وفي الفتره ومواعيده ورويال هاوس فين والاقي فيه ايه معلش يابنات لاني مخطوبه جديد ومكنتش مجهزه قشايه واحده في الجهاز
ومحدش رد عليا ايه هي البانتيهات :confused:
ديناميك ممكن الاسعار:)
يارب اللي ترد عليا ربنا يكرمها ياااااااااااااااااااااااااااااااااااااااااااااااااااارب وتتجوز وربنا يغفرلها في الايام المفترجه دي


يارب ياحبيبتي يارب بصي ياقمر الأوشن كانت ب٠٠٢ وشويا ونزل عليها خصم بقت ب ٣١١ تخيلي بس أما الفرعوني من ٠٠٣ لحد ٠٠٦وإنتي طالعة وخامته حلوة أوي صوف علي حرير بس والله مش مسألة فلوس بس الأوشن شيك أوي بس رخيص وممكن فعلا يقولوا إسترخصوا
أمابقيت الحاجات ياريت حد من البنات يفيدك
p
rola_86;7293768:
ممكن ياهبه تقوليلي سعر السجاده الاوشن والفرعوني انا الاوشن عجباني جدااااااااااااااااااااا بس مكنتش سالت علي سعرها فممكن تقوليلي علي السعر عشان اشوف كده هاتعمل مشكله وحماتي هاتقول استرخصت ولا لا وياريت معاكي الفرعوني بالمره

ممكن تقولولي المعرض السوري ده بيفتح فين وفي الفتره ومواعيده ورويال هاوس فين والاقي فيه ايه معلش يابنات لاني مخطوبه جديد ومكنتش مجهزه قشايه واحده في الجهاز
ومحدش رد عليا ايه هي البانتيهات :confused:
ديناميك ممكن الاسعار:)
يارب اللي ترد عليا ربنا يكرمها ياااااااااااااااااااااااااااااااااااااااااااااااااااارب وتتجوز وربنا يغفرلها في الايام المفترجه دي


هبه من عند الله;7293809:
يارب ياحبيبتي يارب بصي ياقمر الأوشن كانت ب٠٠٢ وشويا ونزل عليها خصم بقت ب ٣١١ تخيلي بس أما الفرعوني من ٠٠٣ لحد ٠٠٦وإنتي طالعة وخامته حلوة أوي صوف علي حرير بس والله مش مسألة فلوس بس الأوشن شيك أوي بس رخيص وممكن فعلا يقولوا إسترخصوا
أمابقيت الحاجات ياريت حد من البنات يفيدك


ممكن اعرف ايه هي السجاده الاوشن دي ؟ شكلها ايه لو فيه صور؟؟؟
h
هبه من عند الله;7293809:
يارب ياحبيبتي يارب بصي ياقمر الأوشن كانت ب٠٠٢ وشويا ونزل عليها خصم بقت ب ٣١١ تخيلي بس أما الفرعوني من ٠٠٣ لحد ٠٠٦وإنتي طالعة وخامته حلوة أوي صوف علي حرير بس والله مش مسألة فلوس بس الأوشن شيك أوي بس رخيص وممكن فعلا يقولوا إسترخصوا
أمابقيت الحاجات ياريت حد من البنات يفيدك


بصى يا قمر انا عن نفسى دى حياتى وده بيتى ومفيهاش استرخسوا او حاجه وبعدين خدى خطيبك معاكى وانتى راحه تجيبى السجاد ده بيته برضه وهو اكيد هيختار الاحل والاشيك وساعتها الواحد مش بيفكر بالفلوس خااالص والله اتكلى على الله وربنا هينورلك طريقك
h
بنات اقابلكم بليل انا هقوم اطبخ عشان ماما مش هتقدر وادعولى عشان محدش يروح المستشفى بليل بسبب طبيخى وزبالنسبه للاوشن اناا شايفه انه حلو بس مش لكل الشقه يعنى تيوليب مشاء الله سجاده الصالون بتاعتها عاجبانى مووووت فا ممكن تجيبى الاوشن للاوض وزى مقلت نقى الحلو ومتفكريش فى الفلوس
d
rola_86;7293768:
ممكن ياهبه تقوليلي سعر السجاده الاوشن والفرعوني انا الاوشن عجباني جدااااااااااااااااااااا بس مكنتش سالت علي سعرها فممكن تقوليلي علي السعر عشان اشوف كده هاتعمل مشكله وحماتي هاتقول استرخصت ولا لا وياريت معاكي الفرعوني بالمره

ممكن تقولولي المعرض السوري ده بيفتح فين وفي الفتره ومواعيده ورويال هاوس فين والاقي فيه ايه معلش يابنات لاني مخطوبه جديد ومكنتش مجهزه قشايه واحده في الجهاز
ومحدش رد عليا ايه هي البانتيهات :confused:
ديناميك ممكن الاسعار:)
يارب اللي ترد عليا ربنا يكرمها ياااااااااااااااااااااااااااااااااااااااااااااااااااارب وتتجوز وربنا يغفرلها في الايام المفترجه دي





بصي ياقمر انا معنديش فكرة عن مسالة السجاد اتمنى حد تاني يرد عليكي ....اما البانتيهات فهي جمع كلمة بانتي Pantie وهو "الكلوت" وطقم "البرا والبانتي" يعني الطقم الداخلي الستيان والكلوت.... ودي اطقم لذيذة اوي وفي منها انواع كتير وتلاقيها في محلات اللانجيري ومنها الدانتيل والسبورت .... وكمان منها ماركات عالمية تحفة وفي منها اسعار متفاوتة .......... يارب اكون افدتك ...... ربنا يسعدك ويفرح كل البنات ........ واجمعني انا ومن احب ياااااااااااااااااااااااااارب:shy::shy::shy::shy:
s
pascotta;7293794:
البانتيهات دي ال هي الاندرويرز وكده يعني اما رويال هاوس ده يا ستي اخر سور حديقه الميريلاند عند معرض كيلوباترا كده في روكسي يا قمر

ميرسي يابسكوته خالص ربنا يكرمك يارب ويهديلك الحال بس هو في اندرويرز بالفانيليل:ss:؟


هبه من عند الله;7293809:
يارب ياحبيبتي يارب بصي ياقمر الأوشن كانت ب٠٠٢ وشويا ونزل عليها خصم بقت ب ٣١١ تخيلي بس أما الفرعوني من ٠٠٣ لحد ٠٠٦وإنتي طالعة وخامته حلوة أوي صوف علي حرير بس والله مش مسألة فلوس بس الأوشن شيك أوي بس رخيص وممكن فعلا يقولوا إسترخصوا
أمابقيت الحاجات ياريت حد من البنات يفيدك

ميرسي ياهبه خالص علي ردك بس انا الارقام مش مظبوطه خالص عندي هي الفرعوني من 300 ل600 ولا من 3000 ل6000 والاوشن ممكن تكتبي سعره حروف بالعربي معلش ياهبه تعباكي معايا اختك بقي

heba 017;7293824:
بصى يا قمر انا عن نفسى دى حياتى وده بيتى ومفيهاش استرخسوا او حاجه وبعدين خدى خطيبك معاكى وانتى راحه تجيبى السجاد ده بيته برضه وهو اكيد هيختار الاحل والاشيك وساعتها الواحد مش بيفكر بالفلوس خااالص والله اتكلى على الله وربنا هينورلك طريقك


معاكي حق والله ياهبه بس هانعمل ايه مش عاوزين نزعلها احسن هي اديتني ابنها وهي حاساه اني لازم افرشله بيته حرير ياللا زيي والدتي برضه لازم نراضيها

ممكن تقولولي المعرض السوري ده فين ومواعيده ربنا يكرمكو يابنات يااااااااااااااااااااااااااااااااااارب ونتجوز ونتهنا بحق الايام المفترجه دي
k
بنات ازيكم عاملين ايه
اغيب يومييييين الاقي جزء خلص والتاني قرب ؟؟
المهم بقولكم بقى جرنال اهرام امبارح كان في حاجتين لفتو نظري
اول حاجه رحلة سياحية كانت خمس ايام وشاملة تذكرة الطيران والضرايب كانت لتركيا وبحوالي الفين وشوية
تابعه لشركة اوفر سيز للسياحة

تاني اعلان كان عن قاعات الافراح ف دريم لاند كان في قاعه لعدد 100 فرد اوبن بوفيه الفرح عامل 4900 تقريبا

الارقام هجيبها ان شاء الله لما بابا يجي لاني نسيت شنطة اللاب معاه ف العربيه :)

الي عايزها يقولي وهبعتهاله اول ماجيبها ان شاء الله
S
بصو يا قمرات الملف اللي انا هاحطة دلوقتي انا شاركت بيه قبل كده في الجزء 69
شوفتو انا هنا بقالي كتير ازاي
خلاااااااااااااااااااااص خللت
ادعولي بقي
يارب تستفادو بيه يارب
الملف دا عبارة عن كل حاجة المفروض تشتريها من اول ما تتخطبي لحد ماتواجهي مصيرك المحتوم وتتجوزي
انا الملف دا بديه هديه لكل صحباتي لما يتخطبو مش عايزة اقولكم الحمد لله بستفادو منه اد ايه
بس في ملاحظة صغيرة
مش كل الحاجات المكتوبة لازم تشتريها انا كاتبة كل الانواع علشان اللي عندك تلاقيه موجود
وكمان انتو ممكن تضيفو عليه حاجات انا ناسيها
ارجوكم ارجوكم اللييعجبها الملف او ليها اي ملاحظة عليه تقولي
انتي ممكن تطبعيه او تخليه علي الكمبيوتر وتعدلي فيه براحتك
امنتكم الدعاء ان ربنا يفك كربي
دا رابط الصفحة اللي كانت فيه المشاركة
http://www.3roos.com/forums/t328268_post5685072.html#post5685072
مستنيه رايكم
ه
rola_86;7293857:
ميرسي يابسكوته خالص ربنا يكرمك يارب ويهديلك الحال بس هو في اندرويرز بالفانيليل:ss:؟



ميرسي ياهبه خالص علي ردك بس انا الارقام مش مظبوطه خالص عندي هي الفرعوني من 300 ل600 ولا من 3000 ل6000 والاوشن ممكن تكتبي سعره حروف بالعربي معلش ياهبه تعباكي معايا اختك بقي



معاكي حق والله ياهبه بس هانعمل ايه مش عاوزين نزعلها احسن هي اديتني ابنها وهي حاساه اني لازم افرشله بيته حرير ياللا زيي والدتي برضه لازم نراضيها

ممكن تقولولي المعرض السوري ده فين ومواعيده ربنا يكرمكو يابنات يااااااااااااااااااااااااااااااااااارب ونتجوز ونتهنا بحق الايام المفترجه دي


بصي ياقمر السجاده الأوشن كانت بمتين وشويا ونزل عليها تخفيض بقت بمية وتلتاشر جنيه بس أه والله تصوري بس أحجامها صغيرة متر وستين في متران وشويا والسجادة الفرعوني بقي من تلتمية لحد ستمية خامته حلوة وكل حاجة بس فوق الستمية وإنتي طالعة أحلي حاجات وأحلي شغل ومقاسات هايلة بالنسبه بقي للمعرض السوري ليه ماتنزليش المحلة فيها السوري وغيره طول السنة ومحلات كتير تعرفي تنقي براحتك
ع
بنات هو المعرض السوري فينم وفاتح دلوقتي ولا لا بليززززززززز
لاتهملوا سؤالي
e
[
QUOTE=عروس حيرانه;7294009]بنات هو المعرض السوري فينم وفاتح دلوقتي ولا لا بليززززززززز
لاتهملوا سؤالي


لا يا قمر مش فاتح دلوقتي بصي هو بيفتح كل شهرين كده في ارض المعارض الي في مدينة نصر ... كان اخر مرة فاتح فيها في شهر 8
d
قلب موجوع;7293943:
بصو يا قمرات الملف اللي انا هاحطة دلوقتي انا شاركت بيه قبل كده في الجزء 69
شوفتو انا هنا بقالي كتير ازاي
خلاااااااااااااااااااااص خللت
ادعولي بقي
يارب تستفادو بيه يارب
الملف دا عبارة عن كل حاجة المفروض تشتريها من اول ما تتخطبي لحد ماتواجهي مصيرك المحتوم وتتجوزي
انا الملف دا بديه هديه لكل صحباتي لما يتخطبو مش عايزة اقولكم الحمد لله بستفادو منه اد ايه
بس في ملاحظة صغيرة
مش كل الحاجات المكتوبة لازم تشتريها انا كاتبة كل الانواع علشان اللي عندك تلاقيه موجود
وكمان انتو ممكن تضيفو عليه حاجات انا ناسيها
ارجوكم ارجوكم اللييعجبها الملف او ليها اي ملاحظة عليه تقولي
انتي ممكن تطبعيه او تخليه علي الكمبيوتر وتعدلي فيه براحتك
امنتكم الدعاء ان ربنا يفك كربي
دا رابط الصفحة اللي كانت فيه المشاركة
http://www.3roos.com/forums/t328268_post5685072.html#post5685072
مستنيه رايكم





بصي ياجميل بجد مشكورة جدا على المجهود ده انتى عسولة خالص وهتوفري على ناس كتير مجهود كتابة ليستة متطلبات ............ربنا يفرحك ويديلك كل ماتتمنى........ انا بس كنت عاوزة اعرف يعني ايه طقم عشا اللى انت كاتباه في مستلزمات المطبخ....... كمان في حاجة كتير البنات كانوا بيقولوها ومش فاهماها يعني ايه فوط صحية للاستخدام اليومي ومنين بنجيبها؟؟؟؟ ويعني ايه برنس حمام مزدوج ومفرد مش فاهمة معلش اعذريني...... ومفرش القطيفة ده بتاع ايه.... كمان الجيست بوك ده بنلاقيه فين ؟؟؟؟؟؟؟؟؟؟ بصي انا عارفة ان اسالتي كتير بس معلش استحمليني ........... انا اصلي جاهلة اوي في مسالة التجهيزات دي ..... ربنا يكرمك ويفرح كل البنات وياريت تدعيلي ربنا يجمعني انا ومن احب على خير وقريب قريب قريب :shy::shy::shy::shy:ابقى عروسة بقااااااااا:shy:
a
يابنات لو سمحتو انا عايزه اعرف احسن مكنسه وسعرها كام ارجووووووووووووووووكم رودو عليا
X