تجهيزات عرايس مصر الجزء ال 98

sosiii 27-09-2008 986 رد 38,697 مشاهدة
ش
هبه من عند الله;7292944:
ميرسي ليكي ياقمر حاجتهم حلوة ؟ أصل حماتي عايزة تجيب من هاي كواليتي وإبنها اللي هو خطيبي مسافر ومسلملها الأمر وأنا بصراحة مش عايزاها تجيب حاجة غالية أوي أوفر يعني أنا حاطة ماكس ٨ تلاف للأنتريه تفتكري الاقي حاجة حلوة بالسعر ده ما أنا عايزة خطيبي يتبقي معاه قرش لبعد الجواز مش عايزة أجيبه علي الحديدة أحسن مامته تفلس إبنها الواد خطيبي وكله يطلع علي دماغي بعد الجواز أدور أنا وهو نشحت


انتى لو خدتى شارع مصطفى النحاس من نكرم عبيد لحد اخرة هتلاقي محلات حلوة
وعندك كمان محل حاجته توحفه اسمه جاد الله في شارع حسن مامون
هتلاقيه لو انتى ماشيه مع المترو هتحودي في حسن مامون كانك رايحه العاشر او مسجد السلام
هتلاقيه على ايدك اليمين
ه
boky2010;7292904:
بصى انا عندى ان شاء الله االلى يرسمممم وواثقة فيه جدا جدا
فبقوووول انهى احلا انتى كدة حيرتينى اكتر بالمؤثرات اللى بتقولى عليها دى يعنى ايه مؤثرات ازاى يعنى


بصي يعني ممكن تكون مخططة فيها نجوم مدية علي شكل قديم شويا أنتيك يعني ده كله بيبقي في الألوان الغامقة وبيبقي الشغل كله بنفس اللون بس بدرجة أغمق أو أفتح سنة بصي روحي فروع محلات الدهانات دي وشوفي شغلهم وبعدين فكري وإختاري إنتي ده بيتك إنتي وإنتي أكتر واحدة عارفة اللي يليق فيه
ص
boky2010;7292957:
مش عارفة روحت ماردينى دةمعجبنيش مفارش السفرة عندة خالص
بس مبصتش الصراحة على مفارش السرير بس لو السفرة كدة مش عاوزة المهم الحاجة تتطلع شيك وشكلها حلو مش مهم الرخص
ويعنى لو جم ولاقونى مش حطاة هيقتلونى
اصلا انا سريرى مودرن والمرتبة طالعة منة كدة ودة بيبقى منفوش فمش هينفع معاه


ممممممممم

مش بكلمك على السعر على فكره انا بتكلم على تقليل التكلفه فهمانى بدل ما اجيلك


بصى ممكن تجيبى مفرش سمبل اوى

او فكره تانيه بس جديده اوى خطرت على بالى

انك تجيبى ملايه بكرانيش من الاطراف وتكون حلوة وتشغليها بترتر فصوص يعنى متباعده

او حتى تجيبى مفرش مستطيل مطرز وتحطيه فى اخر السرير وتطلعى بقيه على طرف خشب السرير الى فى نهايه السرير فهمانى

يعنى كان السرير واخد وسام

واهى افكار جديده تلفت النظر بدل ما يلفت النظر عدم وجود مفرش محدش بيسيب حد فى حاله
b
شهيدة;7292964:
انتى لو خدتى شارع مصطفى النحاس من نكرم عبيد لحد اخرة هتلاقي محلات حلوة
وعندك كمان محل حاجته توحفه اسمه جاد الله في شارع حسن مامون
هتلاقيه لو انتى ماشيه مع المترو هتحودي في حسن مامون كانك رايحه العاشر او مسجد السلام
هتلاقيه على ايدك اليمين

ايووووووووووووووووووة هى المحلات دى اللى بقلها عليها ياربى تمام كدة مكنتش فاكرة اسم الشارع
وروحى ديزايت حلوان ساعات بينزل حاجات حلوة انتى عاوزاةانتىية مكسى ولا باين الخشب منة

صوت العيون;7292978:
ممممممممم

مش بكلمك على السعر على فكره انا بتكلم على تقليل التكلفه فهمانى بدل ما اجيلك


بصى ممكن تجيبى مفرش سمبل اوى

او فكره تانيه بس جديده اوى خطرت على بالى

انك تجيبى ملايه بكرانيش من الاطراف وتكون حلوة وتشغليها بترتر فصوص يعنى متباعده

او حتى تجيبى مفرش مستطيل مطرز وتحطيه فى اخر السرير وتطلعى بقيه على طرف خشب السرير الى فى نهايه السرير فهمانى

يعنى كان السرير واخد وسام

واهى افكار جديده تلفت النظر بدل ما يلفت النظر عدم وجود مفرش محدش بيسيب حد فى حاله

الفكرة دى لذيذة اوى تصدقى عارفة جت فى دماغى نفس الفكرة
انى اجيب مفرش هندى ورامية على السرير كدةواحملة مثلا شكل فيونكة هيبقى احلا
ص
boky2010;7293006:
الفكرة دى لذيذة اوى تصدقى عارفة جت فى دماغى نفس الفكرة
انى اجيب مفرش هندى ورامية على السرير كدةواحملة مثلا شكل فيونكة هيبقى احلا


صح

وياسلام لو جيبتيه لون برقع الستارة فى الاوضه فهمانى

متعرفيش الستاير الستان التقيل بتباع فين
ه
أوك ياجماعة أنا هأحفظ العناوين اهه ماتعرفوش بقي أماكن للستاير تكون حلوة أصلي ماأعرفش أماكن كتير في القاهرة
b
صوت العيون;7293031:
صح

وياسلام لو جيبتيه لون برقع الستارة فى الاوضه فهمانى

متعرفيش الستاير الستان التقيل بتباع فين

ايه دة عجباكى انا برضةعجبتنى بس معجبتش خطيبى
شفت منها كتير فى الازهر

هبه من عند الله;7293037:
أوك ياجماعة أنا هأحفظ العناوين اهه ماتعرفوش بقي أماكن للستاير تكون حلوة أصلي ماأعرفش أماكن كتير في القاهرة

الازهر والوكالة بس الازهر بجد فى تشكيلة اكبر بكتير وارخص بكتير من الوكالة بجد جميل
ص
هبه من عند الله;7293037:
أوك ياجماعة أنا هأحفظ العناوين اهه ماتعرفوش بقي أماكن للستاير تكون حلوة أصلي ماأعرفش أماكن كتير في القاهرة


فى وكاله البلح حاجات جميله ما شاء الله


boky2010;7293040:
ايه دة عجباكى انا برضةعجبتنى بس معجبتش خطيبى
شفت منها كتير فى الازهر




متعرفيش بكام وفين بالظبط
ه
boky2010;7292991:
ايووووووووووووووووووة هى المحلات دى اللى بقلها عليها ياربى تمام كدة مكنتش فاكرة اسم الشارع
وروحى ديزايت حلوان ساعات بينزل حاجات حلوة انتى عاوزاةانتىية مكسى ولا باين الخشب منة


أوك ياجماعة أنا بأكتب العناوين أهه أصل أنا ماأعرفش أماكن كتير في القاهرة وبعدين مش فارقة مكسي أو الخشب باين المهم يكون شيك وحجمه صغير وقصير أحسن الشبابيك عندي فوق الأرض بحوالي متر وواسعة أوي فكرة الأستاذ بعلي فأنا عايزة حاجة ماتسدهاش فاهمنني
b
صوت العيون;7293060:
فى وكاله البلح حاجات جميله ما شاء الله






متعرفيش بكام وفين بالظبط

شفتها فى محل اسمةمحمد انور عندة بجد حاجات حلوة اوى
وفى محلات تانية مش فاكرة اسمها
ع
بنات ممكن مساعده
اللي جابت مفرش سرير حلو وانيق ممكن تحط صورته ضروري جدا جدا جدا
وكمان سعره ومنين ا
انا زلت موضوع منفصل في الاستفسارات بس محدش رد وانا مستعجله قوي
ه
الله يكرمكم كمان أماكن ستاير كويسة
حد فيكم شاف السجادة الأوشن من النساجون أنا من زمان كنت بأشوفها وعجاباني موت لأنها سمبل مافيهاش نقش كتير بس لما عرفت سعرها لقيتها رخيصة أوي ف خايفة أجيبها يقولوا إسترخسوا ماما عايزة تجيب النساجون الفرعوني ألوانه شيك وغالي بس زي ماأنا قلت مش بأحب النقش الكتير الزحمة ده ف فكرت أجيب الريسبشن والليفنج فرعوني وأجيب أوضة النوم والأطفال أوشن ولا أجيبه كله فرعوني أحسن يقولوا إستخسروا علي رأي ماما مع إني والله هأموت علي الأوشن دي
b
عروس حيرانه;7293154:
بنات ممكن مساعده
اللي جابت مفرش سرير حلو وانيق ممكن تحط صورته ضروري جدا جدا جدا
وكمان سعره ومنين ا
انا زلت موضوع منفصل في الاستفسارات بس محدش رد وانا مستعجله قوي

فى محل فى مصطفى النحاس سورى عندة حاجات حلوة اوى
ه
عروس حيرانه;7293154:
بنات ممكن مساعده
اللي جابت مفرش سرير حلو وانيق ممكن تحط صورته ضروري جدا جدا جدا
وكمان سعره ومنين ا
انا زلت موضوع منفصل في الاستفسارات بس محدش رد وانا مستعجله قوي


أنا جايبة مفرش سوري لونه سكري والتطريز دهبي ونحاسي بجد تحفة قبل الفصال كان ب٠٨٤ بعد الفصال ٠٤٤ بس بجد تحفة معلش مش هأقدر أنزلك صورته أصلي داخلة النت من الموبايل والحكاية دي صعبة شوية بس أنا جيباه من المحلة فيها حاجات تحفة
س
boky2010;7292816:
بنات عاوزة اخد رايكوا فى فكرة اعمل حيطةة لوووووووون ولااااااااااااااااااااااااااا
ارسم على الحيطة شجرة غصن الحاجات دى انى اشيك انا عاملة الحيط كلة اوف وايت
او لون سن الفيل زى مابيقولوا البيج يعنى اعمل معاه حيطة لون ولا الرسم احلا


انا شايفة انك تعملى حيطة واحدة بس بلون مختلف
او حيطة واحدة بس بتاثيرات الدهانات يعنىالدهانات الى تعطيكى احساس الرخام او تاثيرات تحسسك ان الحيطة مجزعة كدة
دى بيباع وبيكون احلى مع الاضاءة
لكن الرسم على الحيطة انا شايفة انة موضة مش هاتخد 2 سنة وتبطل غير ان النتيجة مش مضمونة
لكن التاثيرات او الحيطة الواحدة المختلفة دة بقالها اكثر من 8 سنوات ومستمرة شغالة يعنى ودة راى عندى


صوت اية الصور الى تعقد دة انا امبارح دخت على الالحفة والكوفرتات وقلتكم النتيجة اية رايكم فيها ؟؟؟؟؟؟؟
مين هايجى معى سوق غزة ؟؟
واسعار الالحفة والكوفرتات هناك كام ؟
b
هبه من عند الله;7293205:
أنا جايبة مفرش سوري لونه سكري والتطريز دهبي ونحاسي بجد تحفة قبل الفصال كان ب٠٨٤ بعد الفصال ٠٤٤ بس بجد تحفة معلش مش هأقدر أنزلك صورته أصلي داخلة النت من الموبايل والحكاية دي صعبة شوية بس أنا جيباه من المحلة فيها حاجات تحفة

بجد نفسى اروح المحلة اوى فوطومفارش تحفة طبعا لايعلى على المحلة فى الحاجات دى
ع
اشكركم يا بنات بس انا محتاجه صور قوي وكمان ياريت في القاهره
m
mashimaro16;7292409:
وممكن تجيبيها بزوق كده لحماكي وتوقوليله عايزه المفتاح لاني كل شويه بحتاج اجيب حاجه وانقلها الشقه ومش عايزه اتعب حضرتك معايا اصل انا بنسى كتير وكل شويه رايحه جايه وكلام من ده بس بعد ما يخلصوا توضيب خالص علشان ميبقاش فيه حجه ابدا ليهم:wink:[/color][/SIZE]


انا حضرت فرح فى شهر تلاته الى فات يمكن جددوا مش عارفه واه فعلا فى خصم للناس اللى تبع الجامعه :) عموما انا عجبنى علشان الدار الوحيد اللى بيوافق بموضوع لااسلامى ده

بصى موضوع المفتاح : انا معايا اصلا نسخه طبيعى بس الفكره انى مش عايزه حد تانى يبقى معاه نسخ
يعنى حقول لباباه هات النسخه بتاعتك؟
وكده كده خالو خطيبى حيغير الكالون لما العمال يخلصوا ان شاءالله على خير فحقوله هات المفاتيح؟؟ ولا اقول ايه ؟؟
:(

بجد ازمه نفساويه فظيعه

بسكوته : معلش يا جميل كانت الاسعار ايه عند موندين ... مش ده اللى فى الطريق وانتى رايحه لحريه مول؟ ولا واحد تانى؟[/QUOTE]

بصى موضوع المفتاح ده محلول انتى تاجلى الكلام فى الموضوع للاخر خالص وقبل الفرح على طول تغيروا الكالون ومش هيبقى عنده حجه عشان يدى والده المفتاح لان خلاص مش هيبقى فى حاجه ناقصه ممكن يوديها انا عملت كده وربنا معاكى
س
هبه من عند الله;7293172:
الله يكرمكم كمان أماكن ستاير كويسة
حد فيكم شاف السجادة الأوشن من النساجون أنا من زمان كنت بأشوفها وعجاباني موت لأنها سمبل مافيهاش نقش كتير بس لما عرفت سعرها لقيتها رخيصة أوي ف خايفة أجيبها يقولوا إسترخسوا ماما عايزة تجيب النساجون الفرعوني ألوانه شيك وغالي بس زي ماأنا قلت مش بأحب النقش الكتير الزحمة ده ف فكرت أجيب الريسبشن والليفنج فرعوني وأجيب أوضة النوم والأطفال أوشن ولا أجيبه كله فرعوني أحسن يقولوا إستخسروا علي رأي ماما مع إني والله هأموت علي الأوشن دي


اوض النوم الفراغات فيها بتكون ضيقة وصغيرة بيتجاب ليها مشايات مش سجادة كبيرة كاملة
وانتى لازم تجيبى سجادة نقشاتها كثير وغامقة للسفرة و الليفنج غير كدة هاتى الى يعجبك ودل لازم تجيبيهم علشان يتسحملوا ومايبنش فيهم وساخة
شوفى اغلب الناس ما بيشوفوش هما بيدوسوا على اية


ها مين جاى معى بعد العيد باذن اللة ؟
e


ياحلويين هو الكوفر بيد والكوفرتات دى اللى صورها كانت موجودة من صفحتين كدا دى بتتباع فين انا بشوف صروها بس بصراحه ماشفتهاش خاااااااااااالص كل اللى بشوفه الحاجات المشخلعه والملعلعه والستانات وكدا يعنى
اما الحاجات السيمبل دى تحفه موووووووت اللى يقبلها فى طريقه يقول دى منين
X